Home Rula Repubalika, Volume I, Number 2, 6 November 1901 — He Hanau Lehulehu. [ARTICLE]

He Hanau Lehulehu.

Ma ka la 6 iho nei o Okatoba i hanau mai ai kekahi wahine, o Mrs. Joseph K. Ormsby, no Kikako, i na keiki eha—ekolu keikikane me hookahi kaikamahine—a e ola maikai ana lakou a pau ma ka la 20 iho nei. Ahe manao ko ka poe a pau i hele e ike i keia kauna pepe e puka pono ana keia poe keiki—koe aku hoi na ulia ike mua ole ia. Ua kapa iho na makua ika inoa o ke keikikane kaumaha loa o Theodore Roosevelt, ka inoa oka Peresidena. He mau haneri poe i hele aku e ike i keia makuahine me kana poe keiki hanai3 hou, a ua lulu kekahi poe o lakou no ke kokua ana i ka malamaia ana o keiki, a he hele nana wale aku no hoi ka kekahi. Ano ka nni loa oka poe hele aku, ua lilo ia i mea hoouluhua i keia "makuahine, a nolaila, ua hoonohoia i komite kiai no keia ohana, a mai ia komite aku e loaa ai ka ae e ike aku ai i keia puulu pepe. He 30 wale no makahiki o keia wahine, a ehiku -ae nei no makahiki o kona noho male ana. 'He makuahine nae oia no 10 keiki mamua ae oka hanau ana mai nei o keia-puulu. Ekolu ana keiki i hanau pakahi ai, i na makahiki mua ekolu; elua hanau mahoe ana, hookahi hanau pakolu, a o keia mai la hoi he eha. Mailoko ae o keia 14 he ehiku i make. O keia makuahine, oia no kekahi o na keiki i hanau pakolu ia mai e ko lakou makuahine. I na nt> hoi pela na wahine Hawaii, he ulu mai hoi kau oka lahui.