Home Rula Repubalika, Volume I, Number 15, 25 February 1902 — KA LONO MAI KA ELELE WILIKOKI MAI. [ARTICLE]

KA LONO MAI KA ELELE WILIKOKI MAI.

E Mama ame Keoua ame Kapu,— Aloha oukou:—Ua ola a maikai loa au, aka aole ae ke kauka ia'u e hele koke iwaho, nolaila, e mahalo i ka Haku i kona haawi ana mai i ke ola kino maikai ia'u, i hiki ia'u ke hana i pono nou ame au mau keiki ame ka Lahui "Hawaii, ka rftea nana i haawi mai ia'u i keia kulana kiekie loa. Ke hana nei no au i ka'u mau bila, a ke hooponopouo nei no maua hie Kalau. TJa nui ko'u olioli i ka ike ana i ka piha akamai o Kalau i keia wa. Aia a ola loa au, alaila, e hookuu ana au ia Kal'au e hele mau i ke kula Loio i ka po, oiai ua ake loa au iaia e imi i ka naauao. Eia no o Kalau ame Kealoha ke malama nei ia'u i na wa a pau. Nui ko laua ahonui ia'u i ka po a me ke ao. Nolaila, mai pihoihoi mai oe, eia no ka Haku me kakou. E alakai ika Lahui me ke akahele. E hele mau oukou i ka Hui i na po Poaha apau a e hana i na mea e holomua ai ka Hui. E a'o pono oukou i ka Lahui, aia no au a hoi aku, alaila, hana i na hana ano nui. Mai hoolohe i na mea ano ole. E hoomanawanui oe—e hana 110 ka Laliui, oiai ua nui Jfo kaua aie ia lakou. Ua nui lea mahalo o na hoa o ka Hale Kaukanawai no ka'u mau bila. Ua nui no hoi ka'u mau aikane nana au e kokua mai. He maikai no ke ola kino o ko kakou Moiwahine , Liliuokalani ame Kaipo ame Aimoku ame Myra. Nui ka maikai o na poe a pau ia'u. I ka ike ana o ka Peresidena ia Kalau i ka la hookipa o ka Peresidena, ua ninau koke mai la ka Peresidena iaia, Pehea ka Elele, a u a olelo aku o Kalau, ua ola loa au; a ua hai mai iaia i ko'na olioli ame kona aloha pu mai. Nolaila, e makaala mau oe i ka Hui a r alakai pololei i ka Lahui. E honi ia Keoua ame Kapu, a nou no hoi kc aloha pau ole. Aloha ia mama a me Iva. E haawi ike aloha i ka Lahui. "i<ā%"na kau kane, ROBERT W. WILCOX.