Ke Alaula, Volume I, Number 2, 1 May 1866 — No "Ke Alaula." MINAMINA I NA KEIKI HAWAII. [ARTICLE]

No "Ke Alaula."

MINAMINA I NA KEIKI HAWAII.

I kekahi o na la mua iho nei o keia malama, ua aihue kekahi mau keiki liilii elua i kekahi dala mauka o Waikahalulu, a o ka nui o na dala maloko oia eke, he akahi haneri kanahikukumamakolu. Ua pomaikai no nae ka mea nona ka eke dala i ka loaa koko ana o na keiki kolohe. O ka nui paha o na makahiki o kekahi, he umi, a o kekahi hoi, he umi paha a keu. Ua minamina, a ehaeha ko makou manao i ka aihue ana o na kamalii. A ua ninau makou iloko o makou iho, i ka hikiwawe o ka limalima ana o na keiki Hawaii i ka wa uuku loa, a ua hoike mai ko makou lunaikehala, no ka malama pono ole ia no e na makua.