Ke Aloha Aina, Volume I, Number 1, 25 May 1895 — E Hele ana Makou Imua. [ARTICLE]

E Hele ana Makou Imua.

O makou e hapai nei i ka hana Hoolaha Nupepa mawaena o ko makou lahui ponoi, aole loa makou e nana aku i na olelo hoouluulu a hoomauhala, @ kumu hoopaapaa ano ole, o kekahi poe hoolaha nupepa. He hoopau manawa, he hoopiha nupepa wale no ia, aole he mea e pomaikai ai o ka poe e lawe ana i ka nupepa, nana e @ mai i ke ola o "KE ALOHA AINA." Ua kukuluia ka nupepa no ka pono o ka poe lawe i ka pepa, aole no na hoopaapaa @ inaina lili pilikino o kekahi poe a ohana paha. Ia makou @ nana i ka makou nupepa, @ kuleana o ka poe e ae. Nolaila, ke wehe nei na pea o "KE ALOHA AINA" a ke holo nei makou imua no ka pono o ko makou poe lawe pepa a me ko makou lahui.