Ke Aloha Aina, Volume I, Number 1, 25 May 1895 — HE ANAINA IKE. [ARTICLE]

HE ANAINA IKE.

Ua ike iho makou i na olelo kono a ke Kuhina Beritania Hawes ma na nupepa, no ka hanohano o ka hoomanao kulaia ana i ka la hanau o ka Moiwahine Victoria o Beritania Nui me Irelani, a Emepera hoi no lnia. He makamaka Alii punahele o Victoria na na Moi a me ka Lahui Hawaii ponoi iloko o na makahiki loihi he nui i hala aku nei. O ka inoa "Albert" i kahea ia maluna o KA HAKU-o-HAWAII; ka Pua hoi i hala aku, na Liholiho a me Emma, oia no ka inoa o ka Hooilina Moi o Beritania e ola nei, ke Keikikane mua loa a Victoria. O Victoria, oia ka Makuahine Bapatema o ka Hako o Hawaii, ma o kona Kuhina la ma Hawaii nei i la ka i bapatemaia ai. He mea hauoli, a he mea ano e keia mai ai ko ka Lahui Hawaii hoomanao ana aku no ka Moiwahine Victoria ma o ko kakou kipa ana aku i kona Kuhina noho ana ma Hawaii nei. Aole anei pela maolino? O ko kakou ike ana aku ma o kona Kuhina maanei, oia no ke aka kino wailua o ka ike ana aku ia Kuini Victoria ma Beritania. He mea manao nui ia keia la hanau, oiai, ua palupalu oia, a ke mau nei keia ola ana ao 76 makahiki. Ke liuliu nei na kupa Beritania no na hoohiwahiwa ana ma ka Inidependant Park ma keia Poalima nei. E OLA LOIHI O VICTORIA!!