Ke Aloha Aina, Volume I, Number 1, 25 May 1895 — Hookuhauia o Iapana. [ARTICLE]

Hookuhauia o Iapana.

Ua koiia e hoihoi aku i ka Anemoku holookoa o Liao Tung ia Kina. Ua loaa keia mau hookuemi ana i ke kuikahi mawaena o Kina a me Iapana mamuli o ko Rusia, Farani a me Geremania koi ana ia Iapana, e waiho i na aina o Kina, me ka hoolilo ole ia no Iapana. O ke kumu ano nui pohihihi a ka Emepera o Rusia e hoao nei e okipu i keia hana kuikahi o Iapana me Kina, oia no ka ma~ nao hooko i ka Palapala Kauoha a Petero Ka Nui, ka Moi kupua o Rusia. Ua uhiia na aupuni e ae i keia hana a Rusia e hana nei, aka, aole loa na hooilina o ke Karaunu o Rusia i hiamoe iki, a ke kaakaa mai nei ko lakou mau maka e hooko i kela kauoha a ko lakou kupunakane.