Ke Aloha Aina, Volume I, Number 1, 25 May 1895 — NUHOU O NA AINA E. [ARTICLE]

NUHOU O NA AINA E.

Ma na na mea i lauahea wale ia mai; ua pau i ka hooponopono ia kela mau ooloku mawaena o Beretania Nui a me kela wahi aupuni o Nigaragua ma Amerika Waena; a ua hooko ia hoi ke koi a Enelani no ka hookaa aina mai i ka huina o $75,000 no na poho i hana ia aku maluna o ka Kanikela Hatch o Beritania. Ua hooko ia keia mamuli o ke kauoha ia Adimarala Stepenson o ka moana Pakipika; ke Alii Moku Kiekie maluna o ka mokukaua Royal Arthur; ua hoolele ia na pualikoa o na mokukaua ekolu ma ka aoao komohana aku nei o Nigaragua, a ua lilo pio ka Hale Dute a me na wahi oihana aupuni e ae ma Korinto i na Beretania, a hiki i ka hooko ia ana o ke koipoho. KE KUIKAHI. O ke kuahaua ia ana o ke Kuikahi, ua hoike ia ae la ma Cheefoo ma ka hora 11 me 30 minute P.M. ma ka la 8 o Mei. O Li ke keiki hookama a ka Viceroy, oia hoi ka Luna Aupuni ma ko Kina aoao, a o Miogi Ito kai ko Iapana. He eha mau awa kumoku hou o Kina e pili ana ma ka muliwai Yangtsze i wehe ia no ka pono o Iapana e hookomo mai @ ano Mikini iloko o Kina, a e kukulu i mau halehana a puni ka @. He mea maoli keia no ka poe maikai o Enelani, Geremania a me Farani, aka, ua kue nae o Geremania i ka hoopalahalaha ia ana aku o ia mau pono kaokoa, a ma ia mea ua waiho aku na Kuhina o Geremania, Rusia, a me Farani i ka lakou kue ia lapana. O ke kumu o ia kue ana, oia no keia: AKAHI:—He mea hoopoino ai i ka maluhia o ka Hikina. ALUA:-He mea hoopoino ia Pekina, a e hoopau ia ai kona Kapikala ana mamuli o keia hana. Ma ka la 1 o Mei, ua hoike aku o lapana ia Geremania me Farani, a ma ka la 2 ae ua hoike aku ia Rusia: e paa wale ana no oia ia Port Arthur, Talienwan a me Kin show a e hoihoi aku oia i ka Anemoku o Liao Tung ia Kina, he panai no ke koipoho, a e hoakaka ana hoi ma ia mea, e ae o Kina e hooko i ke Kuikahi Kumu. Ma ka la 4 ae, ua hoole mai la na mana ekolu i keia kukai ana; a ua lilo ia i mea noonoo nui na ka Aha Kuhina o lapana ia po a hiki i ka wanaao o ka la 5 ae o Mei, e hookuu aku i ko lakou ku- @, a e ae aku i ke koi a na mana ekolu, a e hoihoi aku i ke aupuni o Kina i ka apana anemoku holookoa o Liao Tung. Ua olelo ia, aole he koipoho hou aku e loaa ana ia lapana. I ka wa i hookomo mai ai ke aupuni o Rusia i ke awa o Chefoo, ua makaukau loa lakou no ka ulele kaua ana. Nolaila, ua hoopau o Iapana i ka lele kaua ana aku me ka moakaka loa. Nolaila, o ka mokupuni wale no o Fomosa kai lilo aku i Panalaau a i wahi hooulu ko no Iapana. E kukulu ia ana na awa a me na uapo malaila, a pela na alanui a me na ala kaa hao.

Me na limahana makepono e hoolaupai ia ana o Fomosa me na Iapana. Ua ane like ka nui o keia moku me ko Irelani, a ua like ka oluolu o ka noho ana me ko Hawaii nei.