Ke Aloha Aina, Volume I, Number 3, 8 June 1895 — Ka Haawina Kula Evanelio -NO KA- Lala Ekalesia o ka Ekalesia o Iesu Karisto no na Poe Hoano o na La Hope Nei i Hoonohonoho Hou ia. LA O KA HAKU JUNE 17, 1895. Haawina Kula-Oihana 21: 1-17. [ARTICLE]

Ka Haawina Kula Euanelio -NO KALala Ekalesia o ka Ekalesia o Iesu Karisto no na Poe Hoano o na La Hope Nei i Hoonohonoho Hou ia.

LA O KA HAKU IUNE 17, 1895.

HAAWINA KULA - OIHANA 21: 1-17.

KUMUMANAO--Hoi hou i Ierusalema. NA MANAO NUI--1. Ka huakai hele mai Mileto a Kaisarela; 2. Ka noho ana ma ka home o Pilipo; 3. Ka olelo wanana a Agabo; 4. Ka huakai hele i lerusalema. MANAWA —Ka wa i apono nui ia, oia ka A. D. 58. Ma ka Baibala Hawaii (me na kuhikuhi) A. D. 60. NA WAHI—Patara, Turo, Petolemai, Kaisareia, lerusalema. NA 'LII—Like me ko ka Haawina i hala. PAUKU GULA--Oihana 21:14 PAUKU PAANAAU--Oihana 21:13. WEHEWEHE ANO. Pauku 1. I ko makou kaawale ana aku; Mahope iho o ko Paulo ma haalele ana aku i na Lunakahiko i hele mai ai mai Epeso mai e halawai pu me Paulo ma Mileto. Holo pololei i Ko Coos, he wahi mokupuni uuku keia ma ke Komohana-hema aku o Mileto, aneane 40 mile mai ia wahl aku. He mokupuni momona loa keia. I Rode: He mokupuni nui ae keia mamua o Ko. I ka holo ana mai Ko a i Rode, ua holo kukulu hema ia. Ma keia mokupuni kekahi kulanakauhale ma ia inoa no, ua kaulana loa ia no kekahi kii keleawe nui i kukuluia rna ka nuku o ke awa kumoku. Hookahi wawae o keia kii ma kela a me keia aoao o ka nuku o ke awa, a ua komo na moku malalo aku ona. He 150 kapuai ke kiekie o keia kii, a he Kolosa i kona inoa. O kekahi keia o na mea kamahao ehiku o ke ao nei. He 56 ka nui o na makahiki o kona ku ana, a hoohioloia e ke ola'i. He aneane 900 makahiki mahope mai, ua kuana ua kii nei i kekahi kanaka Iudaio, a ua kaumaha na kamelo he 900 i kona mau apana keleawe. No ka nui o na pua Rose ma keia mokupuni i loaa mai ai kela

inoa Rode. 1 Patara; He kulanakauhale ma ka hikina aku o Rode, ma ke kapakai o ka okana aina o Lukia. 2. Loaa kekahi moku: He poe ohua wale no o Paulo ame kona mau hoahele. He moku hou keia a lakou i ee aku ai e holo ana i Poinike. I Poinike, He wahi aina olowi hoi keia ma ke kapakai, komohana aku o Suria Hema a me Pelesetina Akau. 3. lke * * ia Kupero: Aole i ku ka moku malaila, ua ike wale ia aku no ia mokupuni. O keia ka mokupum a Paulo me Barenaba i kaahele like ai ma ka huakai mua loa, i hele ai o Paulo me Barenaba. Pae makou ma Turo: He kulanakauhale keia ma Poinike, he wahi e ku ai ka moku. He kulanakauhale kalepa keia iloko o ia mau la. 4. Loaa * * kekahi mau haumana: Manao kekahi poe, ua ike no o Paulo he poe hoahanau no kekahi ma Turo, a oia ke kumu o ko lakou, ku ana malaila. No na hoahanau io paha malaila ke kumu i ku ai ka moku ma ia wahi, aole nae maopopo ia mea; aka, o ka mea maopopo loa, oia no ka pahu hopu e ku ai ka moku. Olelo mai la lakou ia Paulo: Hai mai na haumana Karistiano e noho ana ma Turo ia Paulo, aole pono oia ke hele aku i lerusalema. Na ka Uhane: Ua ike keia poe haipule, mamuli o ka uluhiaia ana e ka Uhane, e loohia no o Paulo i na popilikia ke hele aku oia i lerusalema. Mamuli o na olelo i hoikeia ia Paulo, ike kakou, ua kauoha maoli ia mai o Paulo, aole e hele i Ierusalema, eia nae, ua akaka nohoi, aole o Paulo i hoomaopapo he kauoha ia mai ka Uhane mai, oiai, ua hoomau aku no oia ma kana huakai hele, e like me kana i manao mua ai, oiai no nae, ua ike no oia i ka popilikia ana e komo aku ai. (Oihana 20:22-24). 5. Hele aku la: Penei ma ka olelo Beritania, "we departed and went our way," oia paha, ''haalele iho la makou a hele aku la ma ko makou alahele;" ma ka olelo Helene nae, penei: "Eporeuometha," oia hoi, "hele aku la makou ma ko makou alahele." E hele ana i Ierusalema. 7. Hiki makou i Petolemai: He kulanakauhale ma ke kapakai o ke Kaiwaenahonua, mawaena o Turo a me Kaisareia. He kulanakauhela kahiko loa aku keia mamua o Turo Kaisareia. He poe haipule no ma keia wahi, ame lakou, o Paulo ma i ka'ulua iki ai i hookahi la. 8. Makou: O Luka pu me Paulo ma. Pilipo: E nana mok 6:5. O keia no ka mea i hele i Samaria. I keia wa noho oia ma Kaisareia. 9. Kaikamahine puupaa i wanana: He poe kaula wahine no kekahi i ikeia ma ke Kauoha Kahiko. O Miriama ke kaikuahine o Mose, he kaula wahine oia. Pukaana 15:20. Pela nohoi o Hureda. 2. Na 'Lii 22:14. Mai ka pauku 5 a hoea i ka pauku 20 o keia mokuna, na olelo wanana a ua kaula wahine la. Noadia, he kaula-wahine no ia. Nehemia 6:14. Ma ke Kauoha Hou hoi, o Ana kekahi. Luka 2:36. Ma loela 1:28, "A e wanana na keiki kane a oukou, ame na kaikamahine a oukou." 11. Nakinaki iho la i kona mau lima ame na wawae ona iho: I mea hoike keia ia Paulo, pela iho la oia e hanaia mai ai e na Iudaio ma lerusalema. Ua hooko io ia no keia wanana ana. E nana pauku 33. Ma na mokuna mahope aku nei, e ike ai kakou i ko Paulo hoopaahaoia ana ma lerusalema, ma Kaisareia, a ma Roma. I na lima o ko na aina e: Oia hoi, iloko o na lima o ka poe Genetile. Ua hoopii ia o Paulo e na ludaio, a hookolokoloia oia e ka poe Roma, ka poe ia lakou ka mana ma ludea. £13 Heaha ka oukou e hana ai? Me ka oluolu o Paulo i ahewa aku ai i na hoahanau i koi mai iaia, aole oia e hele aku i Ierusalema, o poino auanei oia. Hai aku oia ia lakou, makemake no oia e make ma lerusalema no Iesu Karisto. 14. Oki ae la makou: O na hoahele pu paha kekahi o Paulo i komo pu ma ke kaohi ana iaia, aole e hele aku i Ierusalema. 15. Hoomakaukau: Ma ka olelo Beritania, "Carriages," O ke ano, oia na mea e halihaliia aku ana, e like me na ukana. Pii aku la i Ierusalema: He 35 mile mai Kaisareia aku. Ua noho o Paulo ma, ma ka hale o Menasona ma Ierusalema. NA NINAU. I ko Paulo ma haalele ana ia Milete, ma ke kukulu hea lakou i holo aku ai? Heaha ka mea i kaulana loa ai ka mokupuni o Rode? Heaha ka hopena i ikeia no kela kii kanaka keleawe o Rode? I hea o Paulo ma i kau ai he moku hou? I hea lakou i holo aku ai? Mahea lakou i pae aku ai? Heaha ke kumu? (Ua kapaeia kekahi mau ninau no ka piha e o ka pepa - Limahana.)