Ke Aloha Aina, Volume I, Number 4, 15 June 1895 — UA HALA AKU. [ARTICLE]

UA HALA AKU.

Ma ka hora 8 A. M. o ka Poalua nei Iune 11, ua oluolu i ke Akua Mana Loa, ka lawe ana aku i ke ola o ko kakou makamaka, a hoaloha hoi o na la i hala aku, Kapena James Kaai o ka Makani Apaapaa o Kohala. Ua loihi no na hoomaka ana a ka mai maluna ona. Ua hala aku la ma kela aoao o keia ola ana. Ua waiho iho oia he wahine me ka ohana e u aku iaia. O James Keau, e noho mai la ma ka Paemoku mao aku o Samoa, he kaikaina no ka mea i hala aku. Ke komo pu aku nei makou me ka ohana iloko o na hoomanao walohia ana nona. E hoolewa ia aku ana kona kino wailua ma ka hora 4 P. M. o keia la, a kanu ia ma ka Pa Ilina ma Koula.