Ke Aloha Aina, Volume I, Number 6, 29 June 1895 — NA MEA HOOPOINO. [ARTICLE]

NA MEA HOOPOINO.

He nui wale na mea hoopoino i laweia mai a hookomoia ma keia aiana nani a oluolu. E like me ka Ranatana (Managolia), ka manu ai raiki a me ka Mangoose hoi. He mea e hoopoino ai ka aina, ka oihana mahiai a me na holoholona laka hoi keia mau mea i laweia mai nei i Hawaii nei. I keia wa, ke ae ia nei na hookomo ana mai ia mau mea hoopoino i ka wa awakea loa, a imua ponoi hoi o ka maka o ke aupuni. Eia hou no, ua hookomoia mai nei mai Iapana mai a mai Kaleponi mai kekahi mau holoholona i mea ai eleao paha, a i keaha la? Aka, aia a mahope aku, ike kakou he mau hana hoopoino hou no ka keia ano holoholona. Ua oleloia na Parisa o Kona i lawe mai i ka Ranatana (Managolia) he pua nani ia a aala

hoi, aka, ke luhi nei a pau ke aho o ko Kona poe i ka hooikaika e pau kela mea ino, aka, ua palahalaha loa ua paa na aina, a lele aku ma kela a me keia mokupuni, a nui ka poino. Na Kauka Hilebarani hoi i lawe mai i ka manu ai raiki i mea ai peelua a me ke poko aka, ua ai no oia i ka raiki i ka mea ono, a haalele i na peelua a me na poko. Nui ka luhi o na pake i ka hoopuehu i na manu ai raiki he mau miliona. Na Joe Mardsen hoi i lawe mai i ka Mangoos i mea ai ai ka iole o na mahinaai ko, aka, hoi oia i kahi e noho ai kanaka a ai i na moa a me na hua a lakou a pau loa. Aia he mau miliona o keia mau holoholona ino e uhi paapu ana ma na aina he nui o Hawaii nei. Pela auanei ka hopena o keia mau holoholona hou e laweia aku nei i Olaa ma Puni Ha waii?