Ke Aloha Aina, Volume V, Number 11, 18 March 1899 — HE HOOMAIKAI I KA AHAHUI POOLA. [ARTICLE]

HE HOOMAIKAI I KA AHAHUI POOLA.

Oiai, ua haawiia mai ia'u na hoomaikai ana, a me na mahalo ana mai ka Ohana Alii, a me ke Aupuni mai, no na hoohiwahiwa i lawelaweia e na Keiki Aloha Aina o ka Ahahui Poola no ke komo pu ana ma ka huki ana i ke kaa kupapau ma ka huakai hoolewa o ke Kama'liiwahine Victoria Kaiulani. A oia ka'u e pahola aku nei ia mau hoomaikai ana a pau maluna o na Luna a me na Lala a pau o ka Ahahui Poola. A ke haawi pu aku nei au i ka'u mau hoomaikai ana he nui i na Luna a me na Lala a pau, ma ko'u ano he Alakai no ia hana. JAS. K. KAULIA, Peresidena Nui o na Ahahui Aloha Aina o ko Hawaii Paeaina.