Ke Aloha Aina, Volume VI, Number 9, 3 March 1900 — UA HAALELE MAI LA I KEIA OLA ANA. [ARTICLE]

UA HAALELE MAI LA I KEIA OLA ANA.

Me ke kaumaha a me ka minamina makou e hoike aku nei no ka haalele ana mai la o John Kalua Kahookano i keia ola ana mahope o kona kaa mai ana no kekahi mau la pokole, ma kona home mawaho o Waikiki, ma ka hora 10:30 o ke kakahiaka La Pule nei. O Habati kona kauka nana i lapaau, a ua hoike ae oia he fiva malaria kona kumu i make ai, aka, mahope koke iho nae o kona make ana ua hoea aku la o Kauka Hoffman i kahi o ka mea poino, a hooholo iho la e laweia mai oia e nana ia ma ka hale kaha kanaka o ke aupuni, ma ka nana ana a ua kauka la ua ikeia iho la he fiva @@ kona ma'i i make ai a hoihoi ia mai la oia no kona home e ike hope iho ai ka ohana i kona helehelena a nalohia aku no ka wa mau loa. O Kohala i ka makani Apaapaa kona one hanau, a e kaumaha ana kona @ makuakane D. S. Kahookano he lohe aku. Malaila oia i noho ai a hiki i kona nui ana, ua hoonaauaoia o Mr. Kalua Kahooka-

no ma ke kula a Bona, oia wahi no, mahope mai noho i ke Kula Hanai o Hilo, a mailaila mai noho ma ke kula o Punahou ma Honolulu nei, a mahope mai oia wa i lawelawe ai oia i ka oihana loio ma ke keena loio P. Numana. He 36 ka nui o kona mau makahiki, a ua haalele iho oia he wahine he mau keiki me kana wahine mua i hala e, a mahope mai ua mare hou ia oia me Lizzie Kini i kamaaina i ko Honolulu nei, a me ka ohana. Ke komo pu nei KE ALOHA AINA iloko o ke kaumaha me ka ohana o ka mea i hala @ana. Ma na Lani e hoomama mai i ka luuluu o kona ohana. Aloha wale oia.