Ka Hoku o Hawaii, Volume XXXIII, Number 29, 16 November 1938 — Pokole ka hana a ka mokulele [ARTICLE]

Pokole ka hana a ka mokulele

Ma ka Poaha o kela pule aku nei i haalele iho ai o J. Ballad Atherton, ka enekinia poo o ka Mahiko o Ewa mauna o ka Mokulele ka Philippine Clipper, a lele aku la no Amerika ma ke ano he holo hoomaha. I kona wa i hoea aku ai ma Alameda ma ke kakahiaka Poalima mai au kau aku ia oia maluna o kekahi Mokulele o ka Hui United Air Liner a lele aku a hoea i Burbank. Mai Burbank aku e kau ana oia mahina o kekahi mokulele i halia a e lele aku ana via a hoea i Wilmington a hoea aku ia nahoi i ka wa mamua iho o ka haalele ana aku o ka mokuahi Lurline, a haalele iho ia ia ahiahi oia hoi ma ke ahiahi o ka Poalima mai. Ua hoolala mua o Atherton opio no kona lele aku a hui aku me kona mau makua me Mr. ame Mrs. Frank Atherton, oiai laua e huli hoi mai ana no ka aina nei maluna o ka mokuahi Lurline Pokole no paha ka hana i ka mokulele, haalele no ia Honolulu i keia la a ku no i Kaleponi i ka la apopo a kau aku no ma ka mokuahi a huli hoi mai no Hawaii nei? a hoea hou i ka aina nei ma kekahi Poakolu aku. Ua like ia me oluku? wale no ia.