Ka Hoku o Hawaii, Volume XXXIII, Number 41, 8 February 1939 — LOAA KA HANA I NA MAKAAINANA [ARTICLE]

LOAA KA HANA I NA MAKAAINANA

He mau pule lehulehu keia i ku wale ai na moku o ka Hui Moku o Matson ma Hilo me ka hiki ole ana ke hoolele aleu i ka ukana mamuli o ka olohani ana o na poola mamuli o kekahi ninau pili ukana i hoole ia ka hoolele ana mai iluna o ka uwapo. Mamuli o ka hoole ana o kekahi aoao aole e hue i ka ukana i hoounaia mai no no kekahi halekuai o Hilo nei, ua manao ia e hoalo ia ke awa o Hilo mai ke ku ana mai oia mau moku i Hilo nei. Mamuli o ka like ole o na manao o na aoao a i elua ua hiki ole maila na moku i Hilo nei a ua hoolele īa ka ukana o Hilo nei ma Honolulu a kau maila maluna o na moku oka Hui Moku Holo Pili-Aina. Ūa ike ia ka nui 0 ka lilo o na Hui Kalepa o Hilo nei, Ua hoao ia nohoi e loaa ke kuikahi mawaena o na aoao a i elua, a ua maikai na mea i hooKoloia ai ma kekahi aoao a ō kekahi aole, pela wale iho la no keia mau aoao 1 ku ai a hiki i ke komo ana aku o na Hui Kalepa o na Kepani ame ka Hui Kalepa o Hilo nei a kukakuka me n<v aoao a i elua, a o ka hope ua ae maila ka aoao o na Poo-| la, no ka pono o ka lehulehu, ua makaukau lakou e hoo-i hana ia na moku ma oka hu*e ana ika ukana. Ona hiohiona iho la nohoi ia oka pau ana o ka olohani, a ua knu aku ka manao o ka lehulehu i na u pau io kela olohani. Ma ke o ke Sabati iho nei ua ku maila ka Moku Kepani ka "Heiyo Maru" me ka ukana no Hiīo nei, a ua hooko aku na Poola o ka hui uniona e like me ka lakou i hoolaha ae ai ma ke akea, a ua hu*e ia ka ukana. Heaha hoi ka hopena i hekau iho maluna o ka lehulehu? Ēia no ua hoohauoli ia aku lakou a maHao ae pau ka pilikia, no ka mea e komo hou mai ana na moku me ka ukana no keia awa a loaa ana hoi na mea i makemake ia. Ke hoomaikai nei makou i na Hui Kalepa ma o ke komo ana aku a uwalo imua o keia mau hui no ka hoopau ana ae i na manao kue like ole iwaena o laua. ;