Ka Hoku o Hawaii, Volume XXXIII, Number 41, 8 February 1939 — He Hoalohaloha No Pilipo Ahau Vikoli [ARTICLE]

He Hoalohaloha No Pilipo Ahau Vikoli

Mamuli o ka haalele ana mai o Hoalianau Pilipo Ahau Vikoli i keia ola ana, nolaila, ua ili iho maluna o makou koiia mau hoahanau o ka Ahahui Mamalahoa No. 2, o Kamehameha na manao iuuluu nona.—He lala kahiko _a ku maikai oia, ua hele aku me ka manaolana e hul ana oia me kona Haku. Nolaila, e hooholo ia ke komo pu aku nei makou me kana wahine no ke kumakena pu ana —ame ka ohana pu, o ko makou hoahanau i haalele mai, Ke noi nei i ka Makua Lani e hoomama mai i ko oukou mau luuluu. E hooholo ia e hoouna i hookahi kope o keia ! loalohaloha i ka wahine kane make, hookahi i na pokii a hookahi kope e hoopili pu ia me ka moolelo o ko makou ahnhui. Me ka Haahaa, Hanaia ma Hilo, I lawaii, Ahahui Mamalahoa No. 2 ma keia la 6 0 Pepeluali, 1939