Ka Hoku o Hawaii, Volume XXXIV, Number 18, 30 August 1939 — He Mau Hoohalahala [ARTICLE]

He Mau Hoohalahala

Me he me& la i kela ame keia pule e komo mai ana i 0 makou nei na hoohalahala ana no ka loaa ole ?iku o ka nupepa a kekahi mau makamaka lawe nupepa. Ika j wa e nana ia āi ma na wa-hi mamua o ka owili ia ana, e kau . ana no ka inoa oua mau mea la. Ua manao iho la makou aia ka pilikia ma kekahi aoao, me he mea la ya lawe hewa ka poe aole i hoomoe pepa a heluhelu, a aole he hoihoi hou ae i ka mea nana ka pepa. I na oia iho la ke kumu o ka hauleule o ka pepa a kekahi poe a i na aia kekahi poe e hana nei pela, mai maka'u 1 ka waiho mai i ke kauoha pepa ia makou, a ua hiki ia makou ke hoolako aku ia lakou ika nupepa. He emi loa ka auhau makāhiki, i na ma ke kuike he $2.00, a he $3.00 ke waiho a piha ka makahiki. E waiho mai i kau kauoha pepa ano, mai lawe i ka ha'i pepa.