Hawaii Holomua, Volume III, Number 230, 26 May 1893 — HE KUIKAHI HOU KA! [ARTICLE]

HE KUIKAHI HOU KA!

Ua hoomaopopo ia mai ia makou ua hoomakaukau iho nei ke Aupuni Kuikawa he Kuikahi Hoohui Aina hou, a ua manao ia e hoouna ia aku ana ma ka lima o ke Kakauolelo hou o ka Olhana Kuhina Noho o Hawaii nei ina Wasinetona no ka waiho ana aku imua oke Kuhina Nui o Amerika Huipuia no ka noonoo ana o Peresidena Kalivilana. Aohe mea i maopopo ike ano a me ka manao o keia Kuikahi, a me he le, e hunakele ia ana mai ka lahui aku. Hookahi a inakou mea e hoomaopopo nei. a oia keia, he kuikahi keia e pani ana i kahi oke kuikahi mua iho nei, ma ano e lapaau ana i na wahi palanu a puho o ka bebe mua No ka mea, maloko o ka nupepa Hoku oke ahiahi nei, ua ike iho makou i kahi e olelo ana, ua hoononopono hou ia kekahi mau wahi popopo a maikai ole o ke kuikahi mua. He mea kahaha nui keia! He inoino io no ka kela kuikahi mua i kaena ia ae e na wahi laiaupa i ka hemolele a me ka maemae, • i lawe paukiai ia aku ai ena Komieina no ka hooholo ia e Pere«iiiena Hanaona a me ka Aha Senate? Ina paha i ko ka makemake o kela poe pakaha, ina paha ua holo keia kuikahi popopo e hoomaemae ia nei i keia manawa! Auwe! Ka make—e. E Hihopa Opukehelu ame au Iaisupa hipa eleeie—]>ehea keia? N'ani anei? Ka poholalo nui!