Ke Aloha Aina, Volume I, Number 11, 3 August 1895 — Page 4

KE ALOHA AINA

POAONO, AUG. 3 1895.

 

KE ALOHA AINA

Hoopukaia no ka

Pomaikai o ka Lehulehu, a he Nupepa na ka Lahui Oiwi.

 

F. NAWAHI, Lunahooponopono a me Puuku.

E. L. LIKE, Hope Puuku.

 

HONOLULU, AUGATE 3, 1895.

 

E HOOLANA I KA MANAO

       O ko makou kuleana keia o ka hoopiha aku o ko makou lahui, me na manao hoolana no na pono o Hawaii.

       He mea maopopo loa, eia ko ke Akua lima ke haha mai nei maluna o Hawaii nei iloko o keia mau la, a e hoike mai auanei Ola i Kona mana maluna o ka poe hoole i Kona mana.

       E hoolilo auanei ke Akua i na lako, a me na waiwai a pau loa a lakou i hao wale mai ai, mai ia hai mai, a kaili hou aku, a haawi aku i ka lima o ka poe a lakou i ike ole ai.

       E mau loa ana ko ke Akua oa ana, aka, e pau wale no ka poe pakaha i ka make me ko lakou waiwai.

       E hoonani kakou ia Iehova, a e hauoli hoi iloko o ka hune, ka nele, a me ka nawaliwali, no ka mea.  Oia ko kakou puuhonua, a me ko kakou palekana.

 

O ko ke Akua Makemake ke Hookoia.

       O ko makou manaoio, ua pololei maoli no ia mau hoaolelo, aole lao i hoololi ia ae ko makou manao mai kinohi mai o keia loli ana o na hana pili ia Hawaii nei.

       Ua manao o Heneri Opukahaia, e holo mahuka mai kona mau makua hanai aku, no ka make, e holo ma ka moku i ike paha i ka aina e, aka, ua hoolilo nae ke Akua i kona hele ana i Elele no Hawaii, e ko aku ai i ko Amerika poe e lawe mai i ka Lamaku o ke ola, no keia Paeaina poelele.

       Pela makou e manao nei, malia paha, e hoolilo auanei ke Akua i na mea e hana ia nei no ka pono o kekahi poe, i mea e hookoia ai ka pono no ko Hawaii nei a pau.  O ke au o ka manawa, oia ka mea nana e hoike piha mai  i ka puana a ka moe.

 

Ua Pa no i ka Leo.

       Ua ike iho makou ma ka nupepa The Time , o ke Kahunapule H. W. Peck kekahi e hooikaika nei e papa loa i ke kiki pu ana i ka la Sabati, aka, ke pane ia mai nei no nae iaia, no ka mea, oia no kekahi i paa i ka pu, (i na la Sabati o loko o Ianuari) alaila, ua lilo ke ao ana aku a na Kahunapule hookahuli aupuni, i mea pakike wale ia, no kona hana pu ana ia mea.

 

Haehae ka Manu, ke Ale nei ka Wai!!!

 

Ohuohu Halemano i ka Lau Lehua

 

KE HIKI MAI A HIKI HOU MAI.

 

       Ua manu'anu'a eale no lono e pahola ia ana e na aheahe lau makani iloko o keia kulanakauhale iloko o na la i hala iho la.  Oia mau lono, oia no na mea e pili ana i ke koi poho a na aupuni o waho mai, no na poino i loaa i ko lakou mau kupa makaainana mamuli o na hana a ke aupuni o Hawaii nei, iloko o Ianuari i hala aku la.

       Ua koi mai nei ke Aupuni o Amerika Huipuia, ma o kona Kuhina Olney la, e uku aku ke Aupuni Repubalika o Hawaii nei i $25,000 ia James Durrell, kekahi makaainana ona i hoopoino wale ia me ke kumu ole.  He koi keia e hiki ole ai ia Hawaii nei ke alo ae a hoole aku, a aole hoi e hiki ke uwalo aku e waihoia keia koi imua o kekahi aha uwao, no ka mea, ua oolea ke koi ana mai, aole e hiki ke hoole aku, aole hoi e hiki ke hana i kekahi mea e alo ae ai mai na ko'iko'i i kauohaia a e hooko aku.

 

       He wahi kanaka ilihune haahaa loa o Mr. Durrell, e noho kuai wai-momona a kuai ciga ana ma kela wahi kihi ma ka Ema Hale Pa, a ua hopuia oia ma ka la 9 o Ianuai, 1895, a ua hoopaaia ma ka Halepaahao o Kawa, a ua hookuu wale ia mai me ka hewa ole ma ka la 27 o Feberuari mahope mai, oia hoi, he ehiku ona pule i hoopaahao wale ia ai e ka mana o keia aupuni me ka loaa ole he hewa nona.  Ano, i keia la, ke kokoke aku nei keia aupuni e kulou imua o ka mana o ke koi poho a kela wahi kanaka i manao ole ia owai la oia, a nohea oia, a heaha hoi kona ano?

       He mana no ka mana, ke ku i kahi o ka pono; a he hoopepe wale ka mana ke ku iho i kahi o ka hewa, O ka hopena o keia hana e hiki mai ana, oia no ka hoea ana aku o ke Keena Waiwai maluna o ka oneki o kekahi mokukaua o ka oneki o kekahi mokukaua o Amerika, a imua o ke Kapena o ka mokukaua e wehe aku ai o Hawaii i kona papale, alaila, helu i na dala uku hoopai no na poino o kela kanaka haahaa, he $25,000.

 

Ke Koi Poho a Beritania Nui.

       Aohe i kuu iho aka nae, hoea hou mai nei no hoi neia lono e like me ka hoike a ka "Buletina," aia he koi poho o $345,000 ka nui, mai kekahi poe kupa Beritania mai i hoopaahaoia a hookuu ia me ka hewa ole, e like aku la no hoi me ko kela mamua ae la.  Manu'anu'a ua mea he koi ana mai maluna o keia aupuni o Hawaii, e uku aku no na hana hewa ana i hana ai i na kupa o Beritania.

 

Na Koi Poho hou a Amerika Huipuia.

       Eia hou aku a hoea mai he ahua nui okoa o na koi poho a ke Aupuni o Amerika, no na poino i loaa i kona mau makaainana, mamuli no o na hana o kela mau la pekole o Ianuari.  Ua like keia me ka nalu e hai mai ana kekahi mahope mai o kekahi a i ka wa e hui like ai na nalu a pau loa ua lilo ae la i nalu nui , a ia wa ua wili ia iho la ke kanaka hee nalu a nalowale loa ilalo:

      

       Ke komo keia, komo mai no na aupuni e ae e koi i keia aupuni e uku oia no na poino ana i hana ai maluna o ko lakou poe kupa.

       I keia wa e ninau ae ai kakou:  Auhea la ka mana o na hana i keia aupuni maluna o na poe kupa o ko na aina e, i hana hewa ole mai ia Hawaii nei?

       Ina he hana pono, a he hana pololei ka keia aupuni i hana ai, alaila, mahea ke kuleana a kela poe aupuni e koi mai ai ia Hawaii nei, e uku i na poho he $25,000, a he $345,000, he $1,000,000 paha?  Aohe kuleana e koi  mai ai.  Aole loa no.  Aka, no ka hewa o na hana, oia keia e koi ia mai la e uku oukou!  E like no me ka makou i hoike mua akua ai, a e like no hoi me ka olelo a ka Baibala:

       "O ka waiwai loaa hewa mai, aole ia he mea e pomaikai ai." -- "A pau kau anai ana, alaila, e anai ia mai oe."

 

Koi Poho Hou ia o Nicaragua

       No na hana ino i hana ia i na poe kupa Beritania, ma ka aina o ka poe Makika ma Bluefield, e na Luna Aupuni o Nicaragua, ke koi hou mai nei o Beritania, e uku hou oia he hookahi miliona dala a oi aku.  E hooko ia ana ia koi, no ka mea, ua hewa na hana a na poe Nicaragua.

       O keia no kahi aupuni i uku mau iho nei he $75,000 ia Beritania, no ka mea i hana ia e lakou maluna o kekahi Kanikela Beritania, oia o Hatch.

       Ua hookoia ke koi me ka mana o na moku kaua, a ua lele na pualikoa, a hoopaa i na hale aupuni, a hiki i ka wa i apono ia mai ai na hoopaa ana e uku ike koi poho.

 

Ua Haawi Pio o Samaria.

       No ko Samaria ike pono ana iho, ua ahuwale na kakunapule ana e hoopilimeaai nei, nolaila, ua mumule loa oia, aole pane mai maluna o ke kahua ana i kukulu ai.  Ua hele ae nei oia e kokua i kekahi poe okoa, i pili ole i kana kumuhana mua.  No keia mea, a no kona pee me kona hilahila o ikeia kona ano, ma o kona inoa ponoi iho, nolaila, e haalele aku ana makou iaia, e noho oia iloko o kona hoopilimeaai:

 

Kela Hihia Koi Poho a Durrell.

HE $25,000 A HAWAII E UKU AI

Ua Lehua mua Kela Hihia ia Kalivilana

       Ua koi ia mai nei ke @ Repubalika o Hawaii, mai@ apaa pa iho i ka hooko'ana aku, e ukuia aku ka poino o kona makaainana i hoope'a wale ia me ka hewa ole.  Ke unuhi @ nei makou i ka palapala i ke Kuhina Amerika Willis i waiho mai ai ia Kuhina F. M. H@ o ko na Aina E, a penei a @ lapala la:

       Keena Oihana o Amerika Huipuia.  Honolulu, July 21, 1895

       Hon. F. M. Hatch, Kuhina o ko na Aina E.

       Welina -- Ua loaa ia'u a hanohano o ka waiho pu ana iku me keia, he kope o ka palapala hoohikiia (affidavit) a James Durrell, malaila e ikeia @ hanauia o Durrell ma ka Mokuaina o Lusiana, i ka makahiki 1858, a ua noho ma Amerika Huipuia, a hiki i Sepatemaba, 1894.  Ia wa holo m@ oia i keia kulanakauhale a noho hana nona iho ma ke ano @ kuke no ka Hotele Arlington.  Ma ka la 8 o Novemaba, 1894, ua kuai mai oia i ka hoolimalima a me ka manao paulele a ka halekuai ciga, wai momona a me kahua kuai o na hua a ua pii mahuahua ae ke ano oihana holomua.  A ma ka la 9 o Ianuari i hala aku, oiai e npho malie ana oia ma @ halekuai, ua hopuia iho la oia me ka hoike ole ia mai o kekahi ka hoike ole ia mai o kekahi kumu e kue ana iaia, a hoe paa ia ma ka halepaahao me ka ai ana e like me na paahae maoli, a hiki i ka la 27 o Feberuari mahope mai, he manawa ia o ehiku pule okoa, alaila, hookuu wale ia me ka hookolokolo ole ia, kumu hoopii ole, hoakeka ole, a manawa kupono ole e pale ai noho iho.  A mai kona wa i hookuu ia ai, aole loa hoike la mai iaia ke kumu @ kona hopu ia aha.

       Ua hoike ae oia, aole loa e ma ka olelo, aole hoi ma kahana apa, i hookuu aku i kea pono kupa, o ka hoomaluia ma e kona aupuni.  Aole hoi @ hana, aole hoi i kamailio i kekahi mea e kue ana i ku Aupuni o Hawaii ame kona makanawai, ma ona ponoi iho ma o kana kauoha paha.   A@ hoi oia i hoike i kona ma@ kue i keia Aupuni, a i ole @ kekahi ano e ae, e kokua @ ohoihoi, e hoolako a e keake kon mau enemi, ina paha @ ke kaua ana, a hui malu @ aole i loaa iaia he mau @ malalo o na kanawai e mau @ e hiki ai iaia e hoike koke @ i ko oukou Aupuni.