Ke Aloha Aina, Volume II, Number 8, 22 February 1896 — Page 3
| This text was transcribed by: | Francene H Aarona |
| This work is dedicated to: | To Kamehamehaʻs Mike Chun for his aloha & dedication to the Schools and the KS Alumni. < IMUA > |
KE ALOHA AINA
KE ALOHA AINA, POAONO, FEBERUARI 22, 1896. 4
@ @ KUHINA WAIWAI.
---
@ @ Ahaolelo o Ka Re-@ o 1896 Nei.
@ mai na makou a @ @ ua ka lehulehu i @ @ Kuhina @Waiwai @ pana ma @ @ nei, a @ @
mamua o ka @ @ , Puakolu nei,
@ @ aku no na @ @ ia Hoike; @ @ makou no @ @ mai kokoke @ @ koke ia, a @ @
aku ana ma-@ @ hoakaka ana @ @ mahele ano
@ Kuhina Wai-@ @ na aoao @ @ Hoike, penei @
@ @hua ana o @ @ wa mai i @ @ @halika, ua @ @ o ka mea @ @ hana @ @ kahi i hoo-@
@ Dala, @ @ na kumu i @ @ Dala Aie @ @elua, e like @ @ ana, ma na @ @ mahope @
@ pololei ka @ @ @ hoike aku ai @ @ no ka mahua-@ @ Aha Lahui i kela @ @elike o @ @
@ hookahi ! E @ @ $550 o ka @ @napoo @ @ Lahui, ia po @ @ puu dala @ @ Haneri me Kana-@ @ ana maluna o @
@ kona oni ana ae @ @ moe ae, aia hoi, @ @ kona mau poohiwi ! @ he Eke @ @ ke paa ana @ @ hauhoaia mai @
@ @ nei keia mau @ @ Kuhina Waiwai, ua @ nui ko ka lahui aie, @ mau makahiki elua. @ @elo kaanui mamua a @ @ no ka holomua o na @ Aupuni Repubalika, @ @ ia e pee, a ua nalo-@ @no, a o ka mea ku-@ maoli, oia no ko ke @
@Repubalika hooiaio ana @ a hoomahuahua aie @ @ kona Kuhina Wai-@
@ lawe mai nei makou @hoikeike a ke Ku-@ M. Damon, @ @ wahi mai o kana @ @ o 10 ame 11 ).
@ @akou nana pono ana @ @aoao 10, loaa iho la @ @eia ma i huahelu puu @ @hoolilo hoomaunauna @ @halikoa, a penei:
@ no ka Oihana Koa i @ @e $115,152.57.
Kokua no ka Oihana Koa ka 1895, he $118,131.14.
O ka huina dala i hooliloia no ka Oihana Koa o ke Aupuni Repubalika iloko o elua makahiki, ua hiki aku no ia i ke $233,283.71 ! !
Ua like ia me ke kau ana i auhau $2.33 pakahi maluna o ke poo o na kanaka, na wahine a me na keiki a pau loa o Hawaii nei.
I ka wa o ke Aupuni Moi, he $25,000 kai haawiia no ka Oihana Koa, i ka makahiki hookahi, aka, ua nui ke kue ia o ia haawina uuku loa.
I keia wa nae, he $118,131.14 ke hoolilo no ka Oihana Koa o lakou, ua nui na apono ana no ia hoolilo ana.
Ma ka aoao 11, ua loaa ia makou na mea i hoike ia penei:
PEPA HOOKAULIKE O NA HELU o 1895.
Dala ma ka Waihona i Dec 31, 1894. . . $291,545.30
NA LOAA.
Hale Dute mai. . $ 547,149 04
Loaa Kuloko. . . 1,192,916 15
_____________
Huina Loaa $ 2,031,610 49
_____________
NA HOOLILO.
Lilo Mau. . . . . . $ 1,549,021 56
Ukupanee Aie. . 251,620 60
Bona i oo i ukuia. . . . . 36,900 00
Lilo Kipi i Ian. 1895. . 97,782 56
Lilo Ma ʻ i Kolera 1895. 60,000 00
Lilo Ahaole Kuikawa 1895 13,789 47
____________
Huina Lilo $ 2,009,114 19
Dala i ka Waihona
i Dec 21 1895 24,496 30
____________
Huina $ 2,034,610 49
____________
O ka huina o kela $ 118,131.14 no ka Oihana Koa, aia no ia maloko o ke koloka, o na lilo mau he $ 1,549,021 56 a ina e hoolaweia ae ia huina, alaila, e ikeia ana he $ 1,430,890.42 no na lilo maa mau, mawaho ae o keia Oihana Koa, hoomahuahua aie dala.
---
KO KA A. D. 1894.
AIE LAHUI DEC. 31, 1894.
Bona Aie e ku nei. . . . $ 2,833,800 00
Nota Aie Keena Waiwai. . 65,000 00
Dala Aie Hale Leta. . . . . . 686,361 13
____________
Huina $ 3,585,161 13
Hoemi ke dala i ka Waihona. 11,130 97
____________
Koena Aie 1894 $ 3,577,030 16
____________
KO KA A. D. 1895.
AIE LAHUI I DEC 31, 1895.
Bona Aie. . . . . . $ 3,005,300 00
Nota Aie Keena Waiwai. . 58,000 00
Na Aie Dala Hale Leta. . . 747,762 49
____________
Huina $ 3,811,064 49
Hoolawe na dala
loaa Haawina Aie 64,729 46
_____________
Koena Aie Lahui o 1895 $ 3,764,325 00
______________
Ke ike nei kakou me ka maopopo loa, ina e hoolawe ia mai ka $ 3,574,030.16 mai loko mai o $ 3,764,335.03, alaila, ua koe no he $ 190,304.87, ka pii ana ana o ko kakou Aie Lahui, iloko o hookahi wale no makahiki mai 1894 a i 1895. Ua like keia, me $ 15,858 ka aie averike i kela a me keia mahina, ua like ia me $ 550 i kela a me keia la, ka pii ana o ke Aie Lahui.
Oiai e lele mau ana ke $ 550 i kela a me keia la, a i ka pau ana o ka makahiki, aia he puu nui launa ole mai o $ 190,304.87.
O na dala loaa mai no na Auhau Kuloko a me na loaa Hale Dute, ua pau loa aku ia i ke ale ia, e na hoolilo aohe mea i koe. A no ia mea, ua onouia ke Aupuni e kuai aku i na bona i loaa na dala e hiki ai e kokua i na hana a me na uku oihana, a pela aku.
Aole keia he helehelena maikai no ka Waihona Lahui; aka, he hiona omamalu o ka poeleele ke hele aku nei.
---
NA HOOLILO O KE KEENA LOIO KUHINA.
---
O keia kekahi o na puka liu e kahe mau nei ke dala o ka lehulehu, a i ko makou nana ana iho ma ka aoao 10 o ka hoike a ke Kuhina Waiwai, aole no i kana mai ua mea he nui o ke dala lilo, penei:
O na hoolilo no ka 1894, he hoi o ka 1895 aku nei, he 4 274,487.98 ! ! Oia hoi he $ 40,274.48 ka oi aku o na hoolilo o ka 1895 i ko ka makahiki 1894.
He mea keia na makou i hoomaopopo ai i na hoopaapaa kue, no na haawina dala kokua no keia Keena Oihana iloko o ke au o ke Aupuni Moi, a o ka Loio Kuhina W. O. Smith kekahi koe loa i ka hoomahuahua ae i keia haawina, aka, aia a kaapono iho la i ka oiwi ka haawi ana, alaila, ua kiola ka akau a me ka hema i ke dala a ka Lehulehu.
---
He ma ʻ i ano e keia i kau iho maluna o ka ohana o na poe hooikaika e kue i na haawina o keia ano mamua, a i keia wa, ua lilo pio lakou he moepuu na ka mea a lakou e hoole loa ai.
Ua hoihoi pono ia ae nei lakou i mea e hoahewa mai ai i ka lakou olelo mua i hoopuka ai, ka mea kupono hoi e hilahila ia, ina he noonoo uhane hoopono ko lakou.
O ka Puali Makai Kaulio, na lio, ka ai a na lio, na lako hooholo lio, he mau mea hoomahuahua nui keia, i na lilo, a ke manaoio nei makou, aia a hoea mai ka hoike a ka Loio Kuhina alaila, e ike ana ka lahui i ka nui o na hoolilo dala he nui wale.
Haunaele ma Mokuleia, Waialua,
---
Puhili ka Puali Makai o Waialua I na Pake.
Ma ka po Poakolu nei, Feberuari 19, ua komo aku la na makai o Waialua iloko o kekahi pilikia ano e. Ua hoikeia mai, ua hele aku, la ka Hope Makai Andrew Cox a me kekahi mau makai kumau, a kauwai hoi, nona ka huina he ewalu ka nui, i ka hale o kekahi wahine Hawaii nona ka inoa o Kakau. Ka mea nona kahi e pili koke aku ana i kahi mahiai raiki o Gaspar Silva. A e like me ka mea i manao wale ia, ua loaa aku ia lakou kekahi mau Pake e piliwaiwai ana, a ia wa ua hoopuni koke ia ae la ka hale. Ua ike iho la na Pake i ka hiki ana mai o na poe makai, nolaila, ua hoao aku la e hemo ma na puka ma ke kua o ka hale, a hoomaka aku la e holo i kahi o ka hale noho nui o na Pake o ka mahi raki. Ua alualu aku la he ekolu poe makai. Ua kahea aku la na Pake no ke kokua ana mai, a emoole ua puka mai la na Pake he nui wale, he kanaha paha a oi ka nui.
Ua paa mai la na Makai, a i mea e pale aku ai no ke oia, ua hoomaka aku lakou e kipu. Ua ku ia ka wawae o kekahi pake i ka poka, a ua hiliia hoi kekahi pake ma kona poo me ka pauku laau: Ia wa, ua huli like mai la na pake me ka lokahi a paa iho la i na Makai me he poe paahao la.
Ua lohe ka Hope Makai i ke kani ana o ka pu, a holo aku la e ike i ke kumu, a ia wa, ua paa pu mai la oia i ka hopuia e na Pake.
Ua hele aku o Mr. Silva e ike, ina paha e hiki ke hookaawale mai i ka Hope Makai a me na Makai aka, ua ano manao ino loa mai la na Pake, a olelo mai la, aole loa lakou e hookuu ina Makai, ahiki mai ke Kauka Reid, ka mea i houna ia aku, ma Waialua kona wahi i noho ai.
Ua kalahea mai na pake, ina e hanaino hou mai na Makai, alaila, e lawe ana lakou i na ehaeha maluna o lakou iho.
Ma ka hora 12:30 a. m., Feb. 20, ua hiki mai la o Dr. Reid ilaila, a ua nana i na poino. Mahope iho o ia wa, akahi no a hookuuia mai ka Hope Makai Nui a me na Makai.
O na pu panapana a lakou, ua pau i ka lilo aku i na pake i ko lakou wa i hopuia ai.
E hopuia ana na pake nana i alu i na Makai me ke kumu ole a e hopuia ana hoi na Makai, no ka lakou lawelawe ana me na lako hoopoino ola.
Ua olelo ae ka Hope Makai, aole loa he kuleana o kekahi Makai e kipu ai. A i anei pau iho la ka mea i lohe ia no keia haunaele ma Mokuleia.
UA KAU AKU MA KE KINAU.
---
Me ka Kinau o ka Poalima nei i kau aku ai o Mrs. Emma A. Nawahi me kona pokii Mrs. Lizzie A. Like a me na keiki no ka Home Uakanilehua, no ka hoomahuahua ana ae i ka ikaika o ko Mrs. Nawahi ola kino mai na hoomailo ana o ka ma ʻ i o maluna ona, iloko o na mahina loihi i hala aku nei.
O ka KE ALOHA AINA pule e haawi mai ka Makua Lani ke ola oluolu no kana kauwa wahine, a hiki i ka loaa ana iaia o ka palekana loa, a e hui pu iloko o na puili aloha ana me na kini o kona aina hanau, ka aina Ualulehua o Hilo Hanakahi.
---
KA AUHAU PIHA PONO.
---
Ma ka aoao 3 o ka Hoike a ke Kuhina Waiwai i hoopuka ae nei, ua ikeia, ua oi aku ka auhau piha pono ia o na poe mea kuleana liilii e paa ana, mamua o ka poe e paa ana i na apana aina nunui a me na ahupuaa palahalaha.
Ua ike mua ia no keia kau kapakahi o na auhau ana a na poe Lunahelu i ka wa o ke Aupuni Moi, a ua koi ia e hooponopono hou ia ia mau hana kaulike ole.
Oiai o C. A. Brown e noho Luna Helu Auhau Nui ana no ka Mokupuni o Oahu nei, eia nae, ma ka Buke Helu Apana o Ewa, ua ikeia, ua auhau ia o Mr. Brown no kela Ahupuaa kekahi mea ilihune loa, he wahi apana aina kona he 3 a 4 eka ka nui, ua auhau ia he $ 20 a $ 30 no ia wahi i ka makahiki, he mea maikai ole keia, a he kaulike ole maoli no hoi.
He nui na tausani eka aina o kekahi poe Hui mahiai ko, aka, o ka helu auhau ia ana nae, ua emi loa iho malalo o ka hookahi hapaha maoli, o ka mea e auhau ia ana maluna o kekahi poe ilihune nona na apana aina kuleana liilii, ma na kuaaina, a ma na wahi kulanakauhale paha.
O ka hookaulike ana aku o ke Aupuni i na auhau ana, he mea ia e loaa ai ka pono a me ka pomaikai i ke aupuni a me ka mea aina nui no hoi.
Ma ia mea, ua pololei ka manao o ke Kuhina e koi ana no ka pono e lawelaweia na hoohana ana o ke kulana auhau me ka makaala pono loa, a mamuli o ka maa aku e pau ai na mea hemahema.
---
Ma ke ahiahi o keia Poakahi ae e hoikeike hou mai ai o Zamaloka i kana mau hana kupaianaha maloko o ka Y. M. C. A.
Ma kekahi o na leta a ko makou makamaka S. Kamakaia i hoike mai nei, aia lakou i Pittsburg Pennsylvania i keia wa, a ke puhi la lakou me na ohe hou, " Imua e na Pokii, a papahi i ka lei o ka hanohano. "