Ke Aloha Aina, Volume II, Number 22, 30 May 1896 — Page 6

KE ALOHA AINA, POAONO, MEI 30, 1896

 

NUHOU KUWAHO.

-

            Ma ke ku ana mai nei o ka mokuahi China mai Kapalakiko mai, ma ka auwina la o ka Poalua nei, Mey 26, ua loaa mai na mea hou a hiki i ka la 20 o Mei, a oia ka makou e pahola aku nei no ka pomaikai o ko makou poe heluhelu.

KA PONI MOI O RUSIA.

-

NA HANA HOOHIWAHIWA NO KA PONI MOI, A PELA AKU.

            St. Peteroboro, Rusia, Mei 17. Ua haalele ka Moikane a me ka Moiwahine ia anei nei no ke kulanakauhale o Mosekao. Ua lawe pu no laua i ka laua kaikamahine opiopio, ke Grand Duchess Olga. O ko laua huakai i hele ai, aia no ia mawaena o na hoomalu ana a na puali civila a me na pualikoa i hoonani a ulumahiehieia. O ke alanui mai ka Halealii aku a hiki i kahi hookio o ke alanui kaahi, ua kukulu lainaia me na anaina kanaka he lehulehu wale i piha hauoli, ka poe hoi i piha i ka manao aloha e nonoi ana i ko ke Akua lokomaikai e lawe maalahi aku i na Moi no ko laua wahi e hiki aku ai.

            O ke Za (ka Moi o Rusia) ua oleloia ae, i kona wa e poni ia ai, ua makemake loa oia e hoopau i na ano hoopai pilikino a pau loa maloko o ka Emepaea o Rusia. Ua manaoio ia, he mau tausani o na poe i hoopaahaoia ma Siberia e pau ana i ke kala piha ia aku.

            O ka loihi o ka manawa no keia mau hana hoohiwahiwa o ke Za a me ke zarina, e hoomauia aku no ia a hiki i Iune 7, 1896, oia ka la e haalele ai na Moi ia Mosekao a hoi aku no St. Peteroboro.

            O ke kaaahi i homakaukauia ai no ka huakai Moi e komo ai i ke kulanakauhale kaulana kahiko o Rusia, oia kekahi o na kaaahi nani lua ole i hooholo ai maluna o ke alahao.

NA HOOHIWAHIWA O MOSEKAO.

            Mosekao, Rusia, Mei, 17. Iloko o elua la i hala ae nei, ua nui ka liuliu a ia no ka huakai a ka Moikane a me ka Moiwahine mai St. Petetoboro mai. Ua hoonohoia na pualikoa kiai ma na aoao o ke alanui kaa a komo loa iloko o Mosekao. O na uapo ua kiaiia e na koa; a ma na wahi a pau loa, e ikeia aku ana no na kauhale lole o na koa a me na mahele pualikoa kiai. Oiai no iloko o ka maluhia a me ka noho malie ana o ke au Nohoalii o ka Moi opiopio Nikolao 11, aole loa ia he mea e hoohemahema ai i na malama ana e like me na Alii mamua.

KE KALI ANA NO KA EMEPERA

            Mosekao, Rusia, Mei 19. Ua oi aku mamua o ka Haneri Tausani kanaka e kali mai ana no ka hoea aku o ka Moi iloko o elua hora, iloko o na hoohiwahiwa nani lua ole. O kahi hookio o ke kaa Moi, he nanaina nani lua ole ia a ka maka e ike aku ai, no ka olino hulali o na aahu koa a pau loa.

            O ka Moiwahine, ua kahiko ia oia i ka lole keokeo a he papale boneta kona. O ka Moikane hoi, ua kahikoia oia i ka aahu o ke kapena o ka pualikaua helewawae, me kekahi wahi kea hoohanohano ole, ka mea i ano e loa mai ka olino ulumahiehie launa ole o na pualikaua o kona aina hanau.

            He 300 ka nui o na poe kakau nupepa e noho ana amluna o kekahi wahi kiekie.

            Ua hoea mai nei ke Duke a me ke Duke wahine o Connaught i keia wa mai St. Peteroboro mai. Ua hoounaia mai ke Duke ma ke ano, he Luna Kiekie ma ka aoao o kona makuahine Victoria, no na hana Poni Moi ma Rusia.

            Ua hoopaneeia na hana hoikeike o na pualikoa imua o ke Za i keia po, no ke ano kawau o ke ea.

            Ua hoea mai nei ke Duke Nui a me ke Duke wahine o Hesee, ke Keikialii a me ke Kama`liiwahine Lousie o Batenburg, ke Duke nui o Baden, ka Hooilina Moi o Denemaka a me ke Keikialii Sudnam o Iapana i keia la no. A ua hookipa pumehana nui ia mai ma kahi hoolulu kaahi e ka ohana o ka Moi a me na pualikoa hoohanohano, i alakai ia mai e na puali puhi ohe.

            He hookipa hanohano hoi kai panaiia aku i ka Emir o Bokhara ma ke kulana malu, e ke Za ma ka Halealii Petrovsky. O na hoa e ae o ka Misiona Bokhala, ua ike pili oihana mai lakou ma ka Hall o ka Lehulehu.

            O ke Khan o Khiva, ua haawi ia no hoi he hookipa okoa iaia. Aohe he mau hookipa pili oihana ana i haawiia ia Adimarala Selfridge a me kona poe, aka, ua loaa lakou ia H.H.D. Pierce ke Kakauolelo o ke Keena Oihana o Amerika Huipuia a me Lutanela Haawikauoha R.P. Rogers.

            Piha-u na alanui o ke kulanakauhale i ka lehulehu o na poe makaikai no kekahi mau hora loihi loa mamua ae o ka ike ana aku i na poe Alii o na aina e mai e maalo ae ana loko o ke kulanakauhale.

            I ko lakou wa e hoea mai ai, ua hoike aku ke anaina i ko lakou mahalo me ka leo ole. O ka poe Rusia, aole lakou he poe i hoopaaia e hana i na hana walaau wale ke loaa ia lakou na manao hauoli. Ua kapaeia na hana hoohiwahiwa no ka nui o ka ua e haule ana ia wa.

 

UA MAKE KA ARCHDUKE CHARLES LOUIS.

-

OIA KA HOAHANAU O FRANCIS JOSEPH KA MOI O AUSTRIA.

            Vienna Austria, Mei 19. O ka Archduke Charles Louis, ka hoahanau ponoi o ka Emepera o Austria, ua make oia i keia kakahiaka.

            Ua loaa mai na palapala mai Budapest mai, e hoike ana no ka luuluu i pahola iho maluna o Hunegari, kahi a ka mea i make i noho maa mau ai, a ua ili pu aku hoi ia kaumaha maluna o na hana hoohiwahiwa i manaoia, no ka Mileniuma o Hunegari. O ka la 8 ae nei o Iune, oia ka la no ia hana hookahakaha, aka, ua hoopaneeia aku la, mamuli o ke kauoha pili aupuni.

            Ua hanauia o Charles Louis ma ka la 30 o Iulai 1833. O kana keiki elua, oia o Archduke Otto Franics Joseph, oia ana ka hooilina no ke Karaunu o Austria Hunegari.

 

PANAI ANA ME NA MOKUKAUA ANO HOU.

-

KE MANAO NEI O ENELANI E HOOKOMO MAI I MOKUKAUA ANO HOU LOA NO KA ATELANIKA AKAU.

            Halefax, N.S., Mei 19. O kekahi o na Aliimoku o kamokukaua Beritania Intripid, eia oia i anei nei, ua hoike ae oia o ka manao nui o ke Aupuni Imeperiala, oia ka panai ana mai ma kahi o na moku i keia wa i mau moku ano hou loa, e like me ke Tourmaline a me Buzzard, ma keia mahele moana, me na moku ano hou loa, a e hoomahuahua hou ae i ka ikaika ma ka nui o na moku, a me na lako aahu palekaua kila. Ua lauahea ia ae ma Portsmouth Enelani, o ka mokukaua Dreadnaught e lawe ana he 800 poe kanaka, e hoihoi ia aku i Halifax.

            E olelo ana kekahi nupepa puka ahiahi o Halifax, o na moku a pau loa a me na waapa kokua o na ano a pau loa, e hookokoke aku ana i ka moku kaua Sepania Nautilus, e ku nei maloko o keia awa mahope iho o ka poeleele ana, a i ole, e holoholo ae ana e hookokoke i kona wai e ku ana, ke papa loa ia aku nei.

            O keia mau papa ana, wahi a ka nupepa, he mea kupono loa no ia e hanaia, ma kahi, he nui wale o na poe Cuba e hele mai ana mai na mokupuni o Inia Komohana mai. E haalele ana ka Nautilus ia Halifax i keia la.

 

HOPOHOPOIA KE ALAWAI O NICARAGUA.

-

(Mai ka Pali Mall Gazette mai.)

            Ma ka hoolawehala liilii ana no na mea liilii, aole o kakou hewa ke hoopoina aku i na hana hookahuli aupuni he nui loa e oolopu mau ana ma Amerika waena. Aole kakou e nana aku ana i na hana makahiki i hanaia iloko oia mau Repubalika ma ia aoao o ke ao nei, aka, i ke alawai wale no o Nicaragua, nona ka ike i hoomauia o Mr. Calquhoun i hoikeike mai ai i ka London Chamber of Commerce.

            I ka wa e paa pono ai keia hana, e like me ia i manao ia mamua o ke komo ana ae iloko o ke keneturia iwakalua, alaila, e mohala loa aku ana ka hoopaa pono ana i ke kumuhana o ka hookaulike ana i ke ana kaupaona o ke ao nei, mawaena o ka Atelanika ame ka Pakipika.

            O ke ala like ana mai o Kaleponi, Australia, a me Iapana i keia manawa, he hoomakaukau ana no ia i alahele.

            O ke alawai, me na komo pu ia o na hooholomua ana o Kina, Siberia Hikina, a me ke Kai-Hema, na lakou e hoolawa pono mai i ka hana.

            O ka pomaikai oi nui loa, wahi a Mr. Colquhoun, oia no o Amerika-Amerika, oia hoi, e kapae i na alanui hao aina puni ole.

            O ke alawai oia ka mea emi loa no ka lawe ukana ana mawaena o ke kapakai Pakipika a me New England, e like na pono e loaa ana me ka hope, ka makete o ka Pakipika, Australesia a me ka Hikina loa.

            Me ke kanalua ole e kakooia ana oia me ka paonioni ikaika loa i ko lakou kalepa ana, a hiki i Australia, a e hiki aku ana no i Hongkong, a e loaa ana na pomaikai.

            O ke ano hoopono o ka Mr. Colquhoun pepa, oia ke kumu i hoopaa ai makou i ko makou kulana ma ka Pakipika mamua o ka lohi loa ana.

 

KA POE MATABELE KIPI.

-

            He nui ka pihoihoi i keia wa me na manao ulumahiehie, i oi aku i ka wa i hala aku, no a mea hou e pili ana i ka poe Matabele ma Aferika Hema.

            Eia he puali o 600 poe koa keokeo o hoolulu nei i hoopuni ia e na poe i aneane e pa iwa kalua ka nui i ko lakou.

            He hoouka ikaika loa ana ma ka muliwai Umguza, no na mile he 3 a 4 a 5 paha ma ka aoao akau hikina o ke kulanakauhale e hoopuniia ana e na poe Matabele he aneane 4000. Ma ka Poakahi nei Aperila 10, a ma ia mau la mi no hoi keia mau hooluku ana.

            O kapena Napier me na poe koa he 200 ka nui, ua hele aku e halawai me ka poe kipi, a ua hoounaia na poe ki hakahaka. Ua hoohanaia na pu Maxim, aka, aole nae he mea i loaa ua pau e lakou i ke auhee aku, me 40 a 50 o lakou i pau i ka lukuia a make. @ kukulu ae lakou he ahua haku e pale mai ai, aka, u@@ ia me ai kukuluia i mea loa!

            Ua komo pu aku o Duncan a me Mr. Selous ka Poakolu me Kapena N@@@ ma ka hooukakaua elua a@@ na poe enemi, ka poe i ho@@@ ehuia aku iloko o ekolu @@@ hora o ka hakaka ana.

            Ua kukulu ae na poe @@@ i ko laku mau laina koa @@@ aoao akau o ka muliwai @@@ mau mile ka loihi. He e@@ ekolu paha mau makai B@@@ nia koa i make a o Lu@@@ Hook ka me ai hoeha nu@@ @@@ he mea laki wale no ka p@@@ @@@ ana o ke ola o kekahi poe.

            Ua make aku ka lio o @@@ Selous, oiai e au aku ana @@@ kela aoao o ka muliwai, @@@ ua paele mai nae kona ol@@ @@@.

            I ka la 25 o Aperila, ua @@@ iliia he ekolu o na ka@@ @@@ kahi kokoke i Umguza e @@@ haneri poe kanaka, ua @@@ pu iloko o laila kekahi po@@ kamaaina aloha me na pu M@@@ a me hookahi pu Ho@@ @@@ @mekini.

            O keia mau hoonoho@@@ ana a pau loa malalo no @@@ Kapena Makapolena, e @@@ aku ana ia 3 tausani o na @@@ Matabele.

            Ua hoomau ia ka h@@@ @@@ ana no kekahi mauhora, a @@@ i ka wa i auhee aku ai na @@@ @@mi me na poe he nui wale i @@@ i ka make i na pu mikini.

            He puali hoi o na poe @@@ o ka Lae; a me na poe i @@@ ka nui o na poe kamaaina @@@ alakaiia e Taylor a me B@@ @@@ me na poe kiu @@@@ @@@ ka Kapena Dawson puali @@@ mahaloia no ko lakou koa @@@ ka hakaka ana. O na poe @@@ lani i make ma keia hakaka @@@ o H.G. Whitehouse, B. Pars@@@, C. Gordon a me E. Apple@@@ o ka me ahope e make ana @@@ no kona mau palapu a @@@ mea e ae i make mua aku @@@ Mr. Roland V@@ables Lo@@@ ua eha loa ia oia.

            He kaua hou aku no @@@ @hi a na poe Matabele i ha@@@ ai a poino loa, ma ka Po@@@ Aperila 27. He hoomaka @@@ ae no hoi o ka @@@@ 600 kanaka malalo o K@@@ P@@@ na me na lako @@@ @@@ kaua mai M@@@ @@@ @@naoia ana @@@ @@@ Mangwe, k@@@ @@@ ke alanui T@@@ @@@ hema o B@@@ @@@. Mei iho nei @@@ @@@ ke alanui e @@@ @@@.

 

            Mai hoopoina @@@ @@@ Heiau o na P@@@ @@@ @ila wal eno e @@@ @@@ ke kumukuai.