Ke Aloha Aina, Volume II, Number 45, 7 November 1896 — Page 1

KE ALOHA AINA

 

          Buke    II                                                 HONOLULU, POAONO, NOVEMABA 7, 1896                                                   Helu 45

     ________________________________________

 

 

@  ALOHA  AINA

 

 

          @ hooopuka mau ia aku ana mai ka @ Poakahi a ka Poalima o na pule a pau o kela me keia mahu@.

          Uku Pepa, he ao keneta o ka @.  No ke kope hookahi, he 5 keneta.

          @ loaa no ka pepa mai ke Keena @ aku o KE ALOHA AINA, a ma@  aku a na Luna Lawe @ Pepa.

          @ ia no na Olelo Hoolaha, na @ Kanikau me @ Mele Inoa, me ke @  Dala kuike.  Aole nupepa ma ka @ pakahi e hoouna ia ke ole e @ hookaa mua ia ka uku pepa.

          @ hoouna pololei mai i na Nu@ Kumumanao, no Olelo Hoola @, na Kanikau a me na Mele @ inoa i ka Lunahooponopono o @ keia  Pepa.

          @  e hoopukaia a hoolahaia @ kekahi manao ma na koiamu o keia Pepa, malalo o kekahi moa @ kapakapa ke ole e hoike mai i ka Lunahooponopono i kona inoa @ pono.

 

@ Nupepa Puka Pule

 

KE  ALOHA  AINA

 

          @ Makahiki                                      $2.00

          @ Mahina                                           1.00

          @                                                          .50

          @ Mahina                                             .20

 

EMMA  A.  NAWAHI

Puuku o

KE ALOHA AINA

 

EDWARD L. LIKE

Hooponopono a Hope Puuku,

 

S. P. KANOA,

Hope Lunahooponopono

 

          @ kauoha Nupepa me na hookaa Dala, e hoouna pololei mai i ka Puuku ma Honolulu.

          @ Keena Hana:  Aia ma ke Keena Loio o Joseph Nawahi @ maluna o ka Hale Uinihapa o Mr. Damon, ma ke kihi o na Alanui Moi me Betela, ma Honolulu.

____________

 

@  AUMOKUKAUA O RUSIA.

________

 

          @ loaa ae he palapala hoike @ a mokukaua Rusia e hoo@ ana mai no ka moana Pa@ nei, no keia kau mahana penei no ia:

          @ hookahi mokukaua hao @ka, eono mokukaua holo @a o ka papa ekahi a me @o ka papa elua, elua mo@pido holomama, eono mo@ua liilii i komo ole i ka @ a me ehiku moku topido, @na hoi ka huina a pau he @alua kumamaha mau moku.  Adimarala Alexejeff ana @ka Alihikaua Nui o keia /// @aumokukaua.

______________

 

NA HOOKOHU LUNA AUPUNI.

________

 

          Ua lilo ae nei o E. G. Hikikoki i Lunakanawai Kaapuni no ka mokupuni holookoa o Hawaii, a o kona kulana Makai Nui no ia mokupuni, ua lilo ae nei ia Lorena Anaru o Maui, ko Maui Makai nui no hoi i keia wa, a o L. D. Balauina o Kauai, ke pani ma ka hakahaka o ko Maui noho Makai Nui ana, a o ko Kauai pani, aole i maopopo ka mea e hookohu ia aku ana, a me he mea la, e loaa aku ana no ko laila pani.

______________

 

NUHOU  KUWAHO.

________

 

          Ma ke ku ana mai o ka mokuahi Peru mai Kapalakiko mai i keia kakahiaka Poakahi, ua loaa mai ia makou na mea hou ano nui, a hiki i ka la 26 aku nei o Okatoba, ka la hoi a ka mokuahi i haalele aku ai ia Kapalakiko no Honolulu nei, o ka mea hou ano nui wale no ana i lawe mai ai, oia no na mea e pili ana i ke koho balota Peresidena o Amerika Huipuia, mawaena o Makinile o ka Aoao Repubalika, Bryan o ka Aoao Demokarata Lahui a me ka Populist, a me Palmer o ka Aoao Demokarata kuokoa, ua piha pu na nupepa i na olelo hoonuinui e keha ana i ka mea oi o ke ohohia ia o lakou.

 

KE KULANA KALAAINA O NA

AOAO PAONIONI ELUA.

 

          Kikako, Ill., Oct. 22.  Eia hou ke malamaia nei na hana koho no na luna i manaoia, ma kahi apana aina o Kuke, a i malamaia hoi ma Kikako nei, a i ike ia hoi ka huina nui hewahewa o 110,000 poe koho no Makinile wale no ka hapanui.

          O keia heluna nui i loaa mai, mai loko mai ino ia o ka papa inoa o ka poe kupono i ke koho balota, i hilinai nui mahope o ka moho Repubalika, i hilinai me ka paulele nui, e loaa ana i ko lakou aoao ka lanakila kamahao i ka wa e hoea mai ai o ka la e uniki ai lakou maluna o ke kahua akea oke koho balota i ka la 3 ae nei.

          Ua heluhelu akea ia mai ka leta a Konela William R. Morisona, ka Lunahoomalu o ka Ahakuka Kuwaena o na Komisina, e pili ana no ka ke Kiaaina Altgeld huakai hoohulihuli i na kanaka; ua manaoio ia, aia he mau tausani o na poe koho, i makaukau no Makinile iloko o ka mokuaina o Ilinoi, a ma ke koho aku a ka poe ike kilo i na ouli o ka manawa, aole e emi malalo o 150,000 poe koho ma ia mokuaina no Makinile.

          Ua loaa ae no hoi he leta mai a Samuel C. Pressley ae o Basetona, e hoike ana, aia na pualikoa o na mokuaina huiia ua lokahi ko lakou manao mahope o Makinile.

 

KE PILI NEI KEKAHI POE MAHOPE

O MIKINILE.

 

          Sana Paulo, Oct. 22.  Ua hoike ae ka Papapai Pioneer Press, eia o Michael Doran, he mea malama banako, a he mea hoopukapuka aina ma keia kulanakauhale, a ua ike ia ma na wahi a pau o Amerika Huipuia, he alakai no ka aoao Demokarata lahui, ma ke ano Komite i hilinai nui ia ma Minesota no 20 makahiki, ua makaukau oia e pili o $100,000 mahope o Makinile, ka mea e lilo ana i Peresidena, a o Clough, Repubalika ka mea e lilo ana i moho Kiaaina no Minesota, aole nae i maopopo ka mea i aa aku e lawe i keia huina nui hewahewa a keia keiki lalawai o Minesota.

 

KA  HUAKAI  KAAHELE  A  BRYAN.

 

          Sandusky, Ohio, Oct.21.  O ka huakai kaahele a Bryan, mawaena aku o ka mokuaina o Ohio, ua halawai oia me ka maluhiluhi nui, oiai hoi o McConville e kali mai ana o kona hoea aku.  Me ka po Poakahi ua hoomaka ia ka hana a hiki i ka hora 2 o ka wanaao, a ma ka hora 7 ae o ke kakahiaka, ua piha hou mai la i ka poe makemake e hoolohe i kana haiolelo.

          O ke kaaahi, ua lohi loa he elua hora a hiki aku la ma Sandusdy iloko o ka makaukau au e haiolelo no ka pono o kona aoao e hooikaika nei.  Ua haiolelo oia ma Tiffin a i ka pau ana, ua hoike mai la kona mau helehelena i ka maluhiluhi nui.

_______________

 

(E nana ma ka aoao 3.)

______________

 

KA LA HANAU O KA EMEPERA O IAPANA.

__________

 

          O keia la, Pealua, Novemaba 3, ka la hanau o ka Emepera o Iapana, he la nui ia iwaena oia poe e noho pu ana me kakou nei.  He hoike ana mai hoi e keia lahui i ke lakou makee a me ka makahehi maoli o ko lakou mau manae mahope o ko lakou Emepera aloha.

          I ke ahiahi Poakahi nei, ua hoohiluhilu ae na Iapana a pau e noho ana ma Honolulu nei, me na lau niu, ka ohai, a pela aku, pela pu ao hoi maloko o na halekuai nui a liilii, a ke nana aku, ua hele a uluwehiwehi i ka nana ana.

          Ua haawi ae no hoi ke Kanikela he ike akea ana no na Luna Aupuni no ko na Ama e a me ko loko nei pu, no ka haawi ana i manawa no lakou e kukai pu ai no ka noho hoaloha ana.  I keia la no hoi i hoike mai ai na pahu nae o na Luna Aupuni o a Aina e, e hoike mai ana i ko lakou hauoli pu me ka mea nona ka la hanau.

          Ua haawi ae ke Kanikela a me ka wahine i manawa, no ko laua mau hoa makaainana e ike ai mai ka hora 9 o keia kakahiaka a kani ka hora 12.  O na Luna Aupuni hoi o na lahui e, ua hoomaka ko lakou ike ana mai ka hora 2 a hiki i ka hora 5.  Ua maikai na hoolauna ia ana mai, a oia hoi ka makou e hoomanao mau nei, i na la hanau o ko kakou mau Alii Aimoku, he ku a ka hiehie a me ka wainohia ka malama ia ana oia la, elike no hoi me ka ka Iapana e malama nei.

______________

 

HE HAKAKA MA KE ALAWAI O NUUANU.

_________

 

          Ma ka auina la Poakahi nei, oiai, o Ben Kaluna, he limahana e hana ana ma ke alawai o Nuuanu, e hao ana i ka lepo me ke kopala, aia hoi, ua paki aku la ka lepo a haukae aku la o Tom Mearns, he hoa paahana no.

          Ua ulu ae na papa leo hahana mawaena o laua, a o ka hopena ua lawelawe lima maoli laua, ua kulai aku o Kaionaia Mearns a paa aku la iaia iloko o ka wai, a i ka ike ana o ka Lunanui i keia uluaoa, ua hele mai la oia a hoopau ae la i kela uluaoa.

          A i keia wa i hookuuia ae ai o Tom Mearns, ua hele pololei aku la oia no kahi a kana kopala e waiho aua, a i ka loaa ana, ua huli hoi hou mai la oia, a uhau iho la ia Kaluna me ke kopala.

          Ua waiho oni ole aku eia iluna o ka lepo, no kekahi manawa, a ua manae ia ua paha kona iwi poe.  Ua hoea ae o Kauka Wood ma kahi o ka mea poino, ua humuhumuia kahi i eha a ua hoihoi loa ia aku oia no kona home, a o Mearns hoi ua laweia aku oia no ka halewai.

______________

 

HE HOALOHALOHA I KA WAHINE

KANEMAKE ME NA KEIKI MAKUA OLE.

________

 

Ia Mrs. Emma Aima Nawahi;

 

          Pilihua wale:

          No ka holopuni ana o ka lono kaumaha, luuluu, a pilihua o ka Lahui mai Hawaii a Kauai, ua hala ma kela aoao o ka muliwai eleele o ka make kau kane i aloha nui ia, a ua hoonele ia mai oe a me na keiki i ka makua ole a me ka lahui mai o a o, i ka Pou-hana o ke koo ikaika o ka Hale Aupuni o Liliuokalani i wawahiia e na lima o ke aloha ole, a ma kona alakai wiwo ole i keia lahui, e kupaa a hiki i ke kanaka hope loa, he mea eiaio, ua  eo i kau kane i aloha nui ia ka hanohano o ka inoa aala ma keia ao a puni ke ao holookoa ua iho aku kona kino ilalo o ka luakupapau me kela moko i pai ia ma kona puuwai, "aloha aina, aloha alii, aloha lahui a aloha i ke Akua."

          E mama; Ke nonoi ae nei ka'u leo pule, e hoomama ia na kaumaha, luuluu, ia oe a me na keiki pu, a na Kona aloha e kiai ia oe me na keiki.  "Oia ka pakaua e holo ai a maluhia ihola."

 

John Kaiwi

Honomaele, Oct. 28, 1896.

______________

 

KA HOALOHALOHA A KA HUI

ALOHA AINA O KEANAE

KOOLAU, MAUI.

________

 

          Mamuli o ka lawe ana aku o ka Haku i ka hanu hope loa o ka mea i aloha nui ia, ka Hon. Joseph Kahooluhi Nawahiokalaniopuu ma ka hora 2:35 p.m. o ka la 14 o Sept, 1896 ma Kapalakiko.

          Nolaila; ua ili iho maluna o makou na lala o ka Hui Aloha Aina o Keanae ke kaumaha a me ka luuluu, a ua hoonele pu ia hoi i ka makua ole maluna o ka lepo aloha o Hawaii, a nolaila;

          HOOHOLOIA: -- Ke komo pu aku nei makou iloko o ke kumakena pu me ka wahine kanemake a me na keiki i hoonele ia i ka makua ole.  A ke poloai ae nei ka leo o ka makou pule i ke "Alii o na lii," e hoomama ae i ke kaumaha a me na keiki makua ole hoi.

          Walohia wale; -- O makou no na lala o ka Hui Aloha Aina o Keanae ma o ko makou mau Komite la,

 

                                                                                                                   ( S. K. Makaena,

                                                                                                                   ( E. K. Wahamana,

                                                                                      Komite:                ( C. Kaanaana,

                                                                                                                   ( J. Kawahamana,

                                                                                                                   ( J. Kulaokaneohe.         

 

 

 

____________