Ke Aloha Aina, Volume II, Number 48, 28 November 1896 — Page 1

KE ALOHA AINA

E hoopuka mau ia aku ana mai ka Poakahi a ka Poalima o na pule a pau o kela me keia mahina.

Ka Uku Pepa, he 20 keneta oa ka pule.  No ke kope hookahi, he 5 keneta.

E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

E p@ ia no na Olelo Hoolaha, na Kanikau me na Mele Inoa, me ke Dala kuike.  Aole nupepa ma ka owili pakahi e hoounaia ke ole e hookaa mua ia ka uku pepa.

E hoouna pololei mai i na Nuhou, na Kumumanao, na Olelo Hoolaha, na Kanikau a me na Mele Inoa i ka Lunahooponopoo o keia Pepa.

Aole loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.

Ka Nupepa Puka Pule

KE ALOHA AINA

Hookahi Makahiki                  $2.00

Eono Mahina                           1.00

Ekolu mahina                             .50

Hookahi Mahina                        .20

EMMA A. NAWAHI

Puuku o

KE ALOHA AINA

EDWARD L. LIKE

Lunahooponopono a Hope Puuku

S. P. KANOA

Hope Lunahooponopono

O na kauoha Nupepa me na hookahi Dala, e hoouna pololei mai i ka Puuku ma Honolulu.

 

NUHOU KUWAHO

            Ma ke ku ana mai o ka mo@ahi Monowai i keia kakahiaka nui, i loaa mai ai na mea @ou ano nui hope loa o ke ao @ei, a e like me ke akenui o ko makou mau makamaka heluhelu e ike e lakou i na mea hou o @ aina mamao, oia keia e pa@ola ia aku nei:

ILI IA MOKUAHI PELEKANE

            Calcutta, Nov. 11.  O ka @mokuahi Pelekane, nona ka inoa o Strthclyde, mai keia @wa mai no Galveston, ua ili @ia iloko o ka muliwai.

AOLE I KOHO BALOTA O PERESIPENA KALIVILAN

            Wasinetona, D. C., Nov. 3.  Ma keia la, aole i hookomo o Peresidena i kana moho i makemake ai no ke kulana ana e p[aa nei, ma ke ano paha he mau hoaloha, no na moho a elua i holo mai nei no ia kulana nona, nolaila, ua noho hamau oia me ka aa ole e hookomo i hookahi balota no kekahi o laua.

            Aole hoi oia wale no kai nuha ma ua la nui la o ka aina, o kekahi o kona mau Kuhina, e laa o Olney, Carlisle a me Thurber.

            O keia poe a pau, o lakou no na koo a me na pou-hana o ka Repubalika o Amerika Huipuia i kapae ae i ko lakou hookomo ana aku i na hoino ia mai, mai na hoaloha mai.

 

KA AHA KUHINA O MCKINLEY

            Sana Lui, Nov, 11.  O W. H. H. Miller, he Loio Kuhina i pau, a eia hoi ma Sana Lui nei i keia wa, ua ninau ia aku oia, ina paha, ua kamakamailio pu oia me Peresidena Harisona i pau no na mea e pili ana i ka Aha Kuhina o Peresidena McKinley i koho ia iho la.  Ua hoike aw oia, ua hui pu io no oia me Harisona, a aohe ona manao, e komo aku oia ma ke ano he hoa no kona Aha Kuhina i ka wa e wae ia ai o na inoa no ia kulana.

            Nolaila, i keia la, aole i maopopo na hoa o kona Aha Kuhina nana e hookuene pono i ke kahu a o kona hale pili oihana i kona wa e komo aku ai iloko o ka Hale Keokeo, ka halealii hoi a Peresidena Kalivalana e noho mana la a hiki i keia la, a malia nae paha o makaukau na ulu nana e e kaa ke kahua, e hoike e ia ae ana ia mamua o kona komo ana aku e lawe i ka hoohiki oihana no ka pono o ka lahui nana oia i koho.

 

AIA O GENERALA WEYLER MA KE KAHUA KAUA.

            Havana, Nov. 9.  Eia o Kapena Kenerala Weyler, ke Sepania Alihikana nui ma ke Panalaau o Cuba, ua lawe ae la i ke kahua kaua a Antonio Maceo, ma ka apana aina o Pinardel Rio.  Ua loaa mai ka nuhou hauoli, mai ke alo ma o ke kahua kaua, aia na mahele koa o na poe Sepania, ua kokoke loa i kahi hoomoana o na kipi.

            Ua haalele iho o Kenerala Weyler ia Hawana nei i keia kakahiaka no Mariela, maluna o ka mokukaua Legazpy.  Ua hoomaopopo ia mai, mai Mariel mai e holo ana oia ma na palena hema mai na wahi kiekie mai o Artemisin, ma ka laina e moe aoao ana.

            Ua nui na olelo e hoike ana e pau ana na kipi i ka hoopuehu liilii ia ma na wahi a lakou i hoomoana ai.

            O ka Marquis de Ahumada ka me i koe iho ma ke Keena o ke Kapena Kenerala maanei me Konela Ramon Dominguez, kekahi o na alii kiekie o ka puali.

            Ua waiho ia mai he mau olelo hooholo e ke Komite o ka National Defense, e olelo ana, e hoopau ioa aku ke aupuni i ka lawelawe ana o keia poe me na mea kaua, me ka nana ole ia o ke kulana kalaiaina oia aoao kue.

            Ua haawi ae ka mana aupuni o Sepania he mau olelo kuahaua ma Havana, e pili ana i ko na kipi mau tausani koa lehulehu, mai na pualikoa mai o Gomez, e uhipaa i ka apana aina o Matanzas, oia hoi, e hooiaio ana o ke kulana e ku nei o Kenerala Weyler, e ku makaukau nei o 6,000 mai Pinar de Reo, e hoouna aku ia lakou e hoopau koke i keia mau uluaoa Kupikipikio ma Matanza, oiai e noho ana malaila.

            Oiai hoi kela mau wahi e  hoopuni paa ia ana e na Sepania, oia hoi ka wa e hoouka ia ana he kaua nui ma ke kulanakauhale o Guayamara, ua make he 260 a me ka poe i hoeha ia.

            He 370 poe Sepania i haawi pio aku ia Calxto Garcia, ka alihikaua nui o ka puali i hakaka iho la.

            Ua hoouna aku o Garcia i na lono o kekahua kaua ia Kenerala Casiellanos, ua hoololi ae lakou i ko lakou kulana mai ko na Sepania ae, a pela i loaa ai ia lakou na ulumahiehie o ka lanakila nui, mai ko lakou mau enemi mai, oiai ke kaua i hoouka ia iho ia.

 

HAMO IA KE TA.

            Victoria, (B. C.) NOV. 11.  O Kapena Delonchey, ua halawai oia me kekahi kanaka powa ma ke alanui Johnson, iwaenakonu o ka po, mahope iho o ka pau ana o ka hapala ia ana i ke ta, me ka hulumanu, ua hoomaka ia iho la oia e houhou me ka pahi, oiai hoi, ua puni kona kino me na hana hoomainoino a keia poe.

            Ua hoao no hoi keia poe powa e houhou i ke poo o ua Kapena la me ka pahi, aka, aole nae i hooko ia aku lakou makemake, mamuli o ka loaa ana he wa kupono nona e hoeha aku ai i kona enemi, a pela iho la oia i pakele ai mailoko mai o ka lima o kona mau enemi.

            Ua ulu mai iloko o makou ka hoomanao ana no Frank Godfrey, i hamo hulumanu ia ai mamua aku nei, a i imi ole ia e keia aupuni a hiki i keia la.  Awaawa no paha o Ahuna.

 

MAKEMAKE I 1,000,000 PAONA.

            Ladana, Nov. 11.  Ua loaa ae he lono telegarapa mai Johannesburg, e olelo ana, eia ke aupuni Repubalika o Transvaal, ke koi mai nei i ka huina o £1,000,000, e kue ana i ka Hui Pelekane Hoopaa o Aferika Hema, kekahi hoi o ka poe nana i hoala i kela haunaele kipi a Kauka Jameson a me kona mau hoa i hana ai ma ke Panalaau o Transvaal.

            Ma ka halawai ana o ka Hui Consolidated Field i keia la, ua hoike mai la John Hays, Hammond, he Amerika wiliki no kekahi maine, he mea hoi i komo pu iloko o na uluaoa ma Johannesburg, a i ahewa ia hoi no ka make a i hookau ia aku hoi keia hoopai koikoi loa maluna ona, ma ke ano, oia kekahi lala o ke Komite Hoomaemae, i lilo i Alakai no na hana anaaina no na hana i hooulu ia ai ka haunaele.

            Ua loaa hou iaia na hilinai ana, mai ka Hui mai, a ua haawi aku o Hammond i kona mau hoomaikai ana i ka Hui holookoa.  O ka halawai i malamaia ai, oia kekahi o na halawai nui a piha pono i akoakoa ae.

            Ma ka panina pau o na hana o ka halawai i malama ia ai, ua hoike ae la ua kanaka ana aina la o Aferika Hema penei:

            "O ka ike ana aku ia Aferika Hema, ma ke ano holomua, aole ia i hoea mai i ke ao malamalama, ano iho nei no, ua poho ko kakou manao, ma na kumukuai i hanaia maluna o na hooie dala ana a i kuai ia aku hoi no ka imi ana i ke ola ma ka lawelawe ana, aka, ma ka nana ana aku ma na hiohione i keia wa ua maikai.  Ua nui hoi na dala gula i hookomoia mai.

            "O ka hoike a Peresidena Krueger, e hookaa ia mai kana mau koi no kona mau pono e ka Hui, aohe oiaio, koe wale no na keehina o ka hoonee ana aku imua."

            O keia  £1,000,000, ua like paha ia me $5,000,000 maoli, a ke hookoia nei ke koi a kela Peresidena o kela wahi Panalaau, he ahua nui maopopo ma oli kela, e hookoia ai kekahi mau lilo o ka aina, a hala ae hoi kekahi mau uiku auhau ana ana a na makaainana mai ka mea maa mau mai.

 

E HULI HOI ANA AE NO AMERIKA

            Ladana, Nov. 11.  Ua kida aku o Walter M. Castle ma ke Keena o ka Emabasedoa o Amerika Huipuia i keia la, e huli hoi aku ana oia no Kapalakiko, i ukali ia hoi e kana wahine, maluna o ka mokuahi Sana Louis, mahope o ka pau ana o ko laua hoohihia wale ia ana ma ka aiha malihini.

 

HE HEIHEI MOANA

            Ma ke ku ana aku nei a ka mokuahi Empress o Iapana, i Vitoria, ua hoike aku la oia i kekahi lono no kona heihei ana me ke Coptic mai Kina mai a hiki i Yokohama.

            Ua haalele like laua ia Kina i ka manawa hookahi, a holo mai la no Iokohama, ua hoea aku ka Empress o iapana i Iokohaa i ka hora 11 o ke kakahiaka o kekahi la ae, a o ke Coptic hoi i ka hora 3 o ia a@na la, nolaila, ua lilo ka eo i ka Emepress o Iapana.