Ke Aloha Aina, Volume II, Number 51, 19 December 1896 — Page 3

KE ALOHA AINA

 

KE ALOHA AINA, POAONO, DEKEMABA 19, 1896.   3

 

@ NU UINA, NAKOLO KA PIHE, @UINA, NAKOLO KE AUHEE.

 

            Heaha nei uina e kani paa@aina nei? He ninau na ka @ kani alapine mai ka Lani loa @ai.

            Heaha hoi nei auhee e holo@oku nei? He auhee no ke @ hoee nui a hoea iho; aole i @ loa na la i koe.

            Kahaha! ka ululaau nui e @ ae la i ka moana, aole i he @laau, o ka manawa Adima@la ia nana e hoihoi mai ia Li@ololoku, o Welania i ke kii @ohi o Kamakaeha.

            A heaha hoi kela mea e kie@epa maila iluna o ke kia hope @ua manuwa Adimarala ala?

            K@hu! Aole ka hoi ou @ o ka Hae Kalaunu no @ Halealii.

            @ ae la na paio olelo ana mawaena o na wahi kua hanu@ kaa @hepa nui wale, e noke @ hoi au i ka aka a ma@ ka iwi aoao.

            I ka hookuku ana ae i ke ka@ nei paio leo ana a nei @ hepa, ke ku no hoi i ka @ a po-po-pono laua nei, @ moku no hoi kahi ia @ , a noho aimokuno hoi @ na Hono a Piilani, he @au aina kei Konohiki wale @e no a elua, no laua na inoa @ke ole, o Alenuihaha kahi, a o @ailolo no hoi kahi kai.

            Me ia aka no ia o'u la a puo@o wale ae la no i ka hoala a @o'u wahi hookapuhi, eia ka he @oeuhane. Pipi holo kaao.

HE KILO NA KA LAHUI.

 

KA AIHUA KOMO DAIMANA.

 

            Ma ke kakahiaka Poalua nei, i hoea ae ai o C. A. Brown ma ke Keena o ka Ilamuku, a waiho aku la i kana hoike no na mea e pii ana i ka nalowale ana o ke komo daimana o kana wahine, nona ka waiwai @ o $400, i aihue ia mailoko mai o ka ume waiho lole aahu.

            Aohe mea hiki ke hoomaopopo mawaho o keia, aka, o ke komo ua nalowale, a ua manao oia, ua aihue ia, malalo o kekahi kumu e hoohuoi ai.

            Mahope iho o na ninaninau ana a ka Ilamuku, ua hoopau la ka laua mau kukai olelo ana, ma ka hoomaopopoia ana he Kepani paahana no ua pi@o pau iole la. A hiki mai nae i keia la, aole no i loaa pono na meheu o ke kolohe.

 

            Ma ka hora 10 o ke kakahiaka o nehinei i niau aku ai ka Mikahala no kona mau awa o Maui me Hawaii.

            I keia auina e malama ae ai na hale kula Kamehameha he lealea no ka hoomanao ana i ka la hanau o Pauahi, a i ka po @na iho kekahi, a ua ae ia na poe a pau e hele aku malaila.

 

KUI-KUI HANAU PELE. HELE IUKA, HELI IKAI. HELE I KOU WAHI E PEE AI A NALO.

 

            O kela poomanao maluna ae, kekahi o na paani kaulana loa iwaena o na keiki hanau o ka aina, i na la i o Kikilo i aui aku la, e hui pu ana na keikikane me na kaikamahine ma nei paani pu ana, a he paani punahele loa ia no hoi iwaena o na keiki papa o kela me keia Kalana a Ahupuaa a puni ua mokupuni o Hawaii nui o Keawe, mai na keiki kaohi kukuna la o Kumukahi, a hoea loa aku i na keiki papa o Niihau i ka mole olu o Lehua i ka wai huna a ka Paoo, nolaila, aohe mea i nele kona ike ana i nei ano paani iwaena o ko kakou lahui. Peia hoi na mea e pili ana i na olelo hoonaaikola a ka lokoino, e i ana o ko lakou luakupapau aku la no ia e ka@ ia ai a nalo aku mai na hoomanao ana i ka lahui oiwi.

            He oiaio, aole pepeiao i nele kona ohe ana i nei hopuna olelo makona o ke aloha ole, mai ka hikina a ka la, a ka welona a la ka i Lehua, ka lohe i nei mamala olelo hoonaau@ lakou @ ana i ko lakou wahi e @ loa aku mai na papalina aku o Hawaii aloha.

            A e like me ka punahele o kela @ paani i ko kakou mau keiki papa oia wa: peia no hoi ka punahele o nei mau hopuna olelo iwaena o ka poe naau aloha ole o nei wa, a e like no me ka hui pu ana o na keikikane me na kaikamahine ma ia ano paani ia wa, pela no i hui pu ai na kane a me na wahine manao ino ma nei mau mamala olelo o ka lokoino i nei wa.

            Aka, e ka lahui oiwi hoomanawanui, Heaha kau e ike nei, a heaha hoi kau e lono nei? He ike moowini anei? A i ole, He lono kaumaha anei? Ua hele anei lakou i ko lakou wahi e pee ai a nalo mai ko oukou mau maka aku e ka lahui Hawaii? Aole! Aole loa!!

            A no ka mea, aole i ae mai ke Akua i ka lakou nei kui-kui hanau pele ana, oiai kakou ke ike moakaka nei ia lakou me ko lakou mau helehelena ohaoha, a ke lohe nei hoi kakou i ke kani kiki ko'uko'u o ka lakou mau hokeo kani kapalili, a o ko lakou mau leo hooniua puuwai, oia ka ka mea kakau e hooia aku nei, he laau hana aloha io no ia imua o na makaainana o kela aina malihini, a'u e hooiaio aku nei, aohe kahuna kui, a anaana, hoopiopio, apoleo, mahuna awa, e hiki ke anaana aku i na Opuu Rose a ka Lahui.

            A no ka mea, aia ka lakou pule "leo mele" imua o ka Mea Mana Loa, a wahi a ka lalani mua o ka lakou pule penei: "Na Mana Kahikolu kuu kokua, Kuu paku ia kuu alakai," A ma na lalani hope o ua pule ala penei, "E ole ke aloha o na Lani, Hala ae nei puu ino mahope."

            Ma kela mau hua pule ae la, ua maopopo loa me ka hoohewahewa ole, aohe Unihipili nana e hooko i ka makemake o kona kahu, ina no e noke ke kahu i ka inu awa a nakakaki ka ili, o na maka no o ke kahu ke ma ole, aohe no ia he mea e waiho ai ko lakou mau kino kupapau: Amerika, e like me ka lakou i olelo ai, o ko lakou wahi aku la no ia e kanu ia ai ko lakou mau kino, aohe hoi lakou e hoi ole mai ana i ka aina nei.

            Kahaha! Kupahaha ka olelo a kanaka malama i na akua Unihipili piha ka opu i ka awa. Ua hooko ia anei kela mau olelo aloha ole? Aole! Eia na Opuu Rose a ka lahui imua o kou alo, me ka lawe ole ia o ke ola @ kahi o lakou, a e hoi no auanei ka lakou mau hooiloilo maluna iho o ko lakou mau poo, aole e hu loa na la i koe, a ikemaka aku no kakou. "Nana ia aku paha la."

            A no ka mea, o ke aloha o ke Akua oiaio, hookahi wale iho no, o Iehova Ihiihi a Hoano mau loa ia, ko lakou puuhonua, a na Kona aloha no i hoihoi ola mai la i na Opuu Rose a ka Lahui imua o kou alo, a ke hoonani ae nei au i Kona lokomaikai palena ole. E hoomaikai ia ke Akua ma na Lani Kiekie Loa, he malu ma ka Honua, he aloha no i kanaka.

            I ka hoopau ana i keia, ke waiho aku nei na kou poohiwi e auamo aku e kuu ALOHA AINA imua o ko kaua lahui oiwi, me ka manaolana mau, e ae mai ana no oe i ka'u wahi opeope e hookipa aku ma kou poli pumehana.

Owau no me ke aloha,

KA OIWI HOOMANAWANUI.

Waikane, Hilo, Hawaii.

 

HE WAHI MOOLELO HOONANEA.

 

            I ke ku ana mai o ka mokuahi Australia i ka Poalima nei aia maluna o kona oneki, kekahi wahi ohua eemoku elemakule, a ma kona poli ka huina o $550 ma ke gula.

            Ua hele aku la oia e huli hale hoolimalima nona, a loaa aku la ma ke Alanui Hotele, me he mea la, ma Kapamoo ae nei paha.

            I ke kokoke ana aku i na hora o ke aumoe, mawaena o ka hora 9:30, ka wa hoi e makaukau ai no ka hoi aku a hiamoe, ua hiki ole iaia ke hiamoe, no ka mea, ua uluku mai la na manao iloko ona, a ua pono ole mai la hoi kona manao, mamuli o kona hoomanao pinepine, no na olelo hoinoiho i lawe ia aku e na haole lapuwale onei, a laha ma na aina e, he poe ino na kanaka maoli, a pela i uluahewa mai ai na manao olalau iloko o keia wahi paehewa, a hiki ole iaia ke hiamoe, oiai ka maka o keia huina dala e a a aku ana imua o o kona mau maka me he mea lapu ia.

            No laila, i wahi e loaa ai ka maha i keia wahi elemakule, oia no kona hele aku i ka Halewai e hoike ai i na mea e pili ana i kona hopohopo, o powa ia oia no kona malama i kana dala.

            Iaia i hiki aku ai i ka Halewai, ua hoike aku la oia imua o ke Kakauolelo, me keia mau olelo:

            "Aole hiki ia'u ke loaa ka wa kupono e hiamoe ai, oiai na helehelena hoomaka'uka'u o na kanaka maoli e imoimo mai ana imua o'u. Ua hiki ia'u ke ike aku ia lakou i na wa a pau, oiai au e mea iho ana e moe. E oluolu anei oe e malama aku i keia mau dala malalo o kau malama ana no'u?"

            O ke Kakauolelo o ka Halewai ia wa, he keiki Hawaii oia, ua lawe aku oia a malama, hookomo aku la iloko o ka pahu waiho dala o ke aupuni, i wahi e pakele ai i ka aihue ia. A hoi aku la ua wahi elelmakule paehewa nei no kona wahi i lapu ia ai. Lapuwale keia poe o ka hele ana mai i Hawaii nei, e lalama ai, heaha ka mea noho ole aku i Kaleponi, kahi o na wahi pepehi kanaka lehulehu a me na aihue kua i ka weliweli.

 

KA HUI KALAIAINA MA KAUPO MAUI, MA KA LA 6 O DEC. 1896.

 

            Ia oe e ka Ipukukui pio ole, ka wahaolelo nana e kakoo na kihi eha o ka Paeaina Hawaii, ka lamaku nana e hoomalamalama i na ouli kupanaha, ka nupepa KE ALOHA AINA:

Welina wale:

            E oluolu oe e hookomo iho ma kahi kaawale o kau nupepa, i ka moolelo o ka Hui Kalaiaina a me Aloha Aina ma Kaupo, a ua noiia mai hoi au e ka Hon. P. Kamai, Peresidena, a me na lala a pau o keia Hui, e hoouna aku me ka awiwi, i ka moolelo o keia Hui i ka nupepa KE ALOHA AINA, a nana hoi e uila ae, lohe na moku, a he hoike ana hoi i ka holo awiwi a me ka nee ana o ke au o ka manawa imua.

            Ma ka halawai ana o ka Hui Kalaiaina o na Puuomaiai, Kaupo, ma ka la 6 o Dec. 1896. Ua koho hou ia na Lala a pau o keia Hui, ma ke ano he elua inoa ma ka hana, oia ka Peresidena a me Hope Peresidena, Kakauolelo a me ka Hope, Puuku me kona Hope, Makai malama i ka maluhia i ka wa e noho ai ka hui me kona Hope a me kekahi mau lala e ae i kapaia, he poe Komite hoeueu i ka manao, e paipai ana; e ala! e ala! e hoopau i ka hiamoe.

            Eia na Lala a me na Luna o ka Hui Kalaiaina o Kaupo i koho hou ia malalo nei:

Hon. P. Kamai,                       Peresidena,

J. W. Naehu,   Hope   ",

W. A. Kala,                 Kakauolelo,

P. Kamoau,     "          "

K. Kawaikaulaa,                     Puuku,

D. Puahaunui, "          "

P. Hanaole,                  Makai,

B. Makalili,     "           "

            Na Komite hoeueu hoi, oia keia: J. K. Kaliko, Pilipo Nawai, George Kahinu, G. Makea, L. Koaiai, oia ae la na Lala i koho hou ia, aole no i pau ke koho hou ana, ua manao na lala o keia Hui e koho i mau Komite wahine kekahi i poe hoeueu, a ua hoopanee ia ka halawai a ma ka la 13 ae nei e noho hou ai keia hui, mahope iho o ka pau ana o ka pule, a ma ia la e kohoia aku ai he mau Komite wahine, a he mau lulu dala kekahi ma ia la, no ka hoopaa ana i ke kulana hanohano e pili ana i ka Hui Kalaiaina a me Aloha Aina o ka ua pili pa pohaku o Kaupo, a ma ia la no e sila ie ai na lala a pau, oia hoi:

(hoopaa ana).

            Nolaila, ke kauoha ia nei oukou a pau, na lala o ka Hui Kalaiaina a me Aloha Aina o Kaupo nei, e akoakoa ae oukou ma ka la 13 o keia mahina ma Puuomaiai, Kaupo, a ma na manawa e ae paha e hai ia e ka Hui, no ka halawai ana, no ka noonoo ana i na mea ano nui i na nae he aloha aina oiaio, a loaa ana no me ka moakaka, na kalainaauao ana mai na Luna Nui aku o ka Hui ma Kaupo.

Me ka mahalo.

WM. A. KALA.

Kakauolelo.

 

Nuu Kaupo, Dekemaba 6, 1896.

 

            [He makemake makou e ike aku e kukulu pononia ke kahua o na Hui elua a e koho pono ia hoi na Luna Nui o kela a me keia Hui (Kalaiaina a me Aloha Aina), a aole hoi e hoohuikau malalo o na Luna Nui o kekahi Hui, he hana hemahema ia i ike ia, aka, e hookaokoa, a mahele pono ia kela Hui keia Hui me ko laua mau Luna Nui, i ole e malama ke kanaka hookahi i na Haku elua. Mai hoao e hehi i ka Hui Lahui, oia hoi ka Hui Aloha Aina, ka Hui ho kahi nana e paa nei i ke ola o Hawaii, a hiki auanei i kona ala hou ana mai ka make mai, ka Hui hookahi i ike ia ka mana a me ka ikaika a puni ka Paeaina holookoa, ka mea hoi nana e kaohi nei ke kukuna o ka la.]

(L H)

 

UA HOOPAIIA.

 

            Ma ke kakahiaka Poalua nei i hoolohe ia ai ka hihia hoopae opiuma o A. L. Morris, imua o ka Lunakanawai De La Vergne, o ka halekuai mea ai a ka lio, Washington Feed Company.

            Mahope o ka hoolohe pono ana o ka lunakanawai i kona hihia, ua haawi mai la oia i kana olelo hooholo e hoahewa ana i ka mea i hoopii ia, a ua kau aku la hoi i ka mea i hana hewa i ka hoopai o $500 a me elima mahina hana paahao.

            Ua lohe ia mai ua hoohalahala aku la oia imua o ke kau kiure, a ua hoohemoia mai hoi malalo o ka bela ia ana.

 

MAKE ULIA.

 

            Ma ke ku ana mai a ka mokuai Belgic mai Kina a me Iapana mai, ua lawe mai la oia i ke kino make o kekahi o kona mau luina i halaw i hoi me kona make i kona wa e lawelawe ana i kana hana, oiai, ka mokuahi e holo mai ana no keia awa.

            O ke kumu o kona make ana oia no kona pa ana i kekahi waapa i hooponopono hou ia e hukiia ana no kona wahi e kau ai ma ke poo a make koke iho la no oia; e hoihoi ia ana kona kino make no kona home.

 

            Ma ke Kinau o ke kakahiaka Poaono aku nei i huli hoi aku ai no ka ua Paupili o Lahiana kahi iki Ulu o Lele, William White.

            Ma Kamoiliili, Dec. 16, ua make ke kaikamahine o 7 makahiki a ko makou makamaka o keia oihana, Mr. Mikasoba. Aloha oia.

            Ke hoikeia aku nei ka lohe i na poe lawe pepa a pau e noho aie nei maloko o na pule ekolu a Sam Kaanaana i lawe iho nei ma kahi o Dole, e haawi pololei ae lakou ma kona lima.

            Ma ka o ka po Poaono nei, ua hoopiha ia ka Halekuai o W. W. Dimond me na kanaka, no ka hoolohe ana i na leo mele a ne keiki o ka Bana Lahui Hawaii.

            Ma ka la 5 a i ole ma ka la 6 paha o Ianuari e ku mai ana he mokuahi hou no ka Hui o Poka Ma. E haalele ana oia ia Kapalakiko ma ka la 25 a 26 paha o keia mahina, a e hooholoia aku ana oia ma na awa o Hamakua.