Ke Aloha Aina, Volume III, Number 18, 1 May 1897 — Page 7

KE ALOHA AINA

POAONO, ME@ @ 1897

 

Na Palapala

            Aole e ili maluna o makou ke koikoi ona @hewa ana no keia mau manao i hoopukaia malalo o keia poo, aka, e ili no ia maluna i na poe na lakou i kakau mai.

 

A MOMONA O “IESURUNA,” KE EHI MAI LA IA.

            Ae, ua momona oia, ua puipui kona kino, a ua ke-ha i ka momona o Hawaii, ke ai ku, ai hele nei oia i ka lokomaikai a ke Aliiwahine o Hawaii. a oiai oia i ike iho ai iaia iho, ua momona oia ma na ano a pau, “keehi mai la ia.”  Kuha mai la i ou mau maka aloha e huu lahui oiwi.

            A o ka panina mahope iho ona hana aloha a ke Aliiwahine o Hawaii nei iaia, ua pa@ai mai la oia i nei mau hua olelo o ka hoohaahaa loa ma kahi o ke aloha he “Ilikini.”

            Ka lahui hoi a’u i ike maka aku nei i ko lakou kulana haahaa loa, ku i ke ano hoowahawaha ke nana aku.

            @iai ko’u @ la e kaapuni ana ma kekahi mau wahi like ole o Amerika Huipuia.

            A no ke ia nei ike ana no hoi i ke ano a me ke kulana o ko ka lahui  Ilikini noho ana, pela oia i hoohalike aku ai ia oe e kuu lahui oiweime lakou.

            E ae mua mai ia’u e kuu lahui aloha e hoike mua aku au i ke kulana o ka noho ana o ka lahui Ilikini ma Amerika, a e kaupaona iho no auanei oe i ke ano o ko lakou kulana noho ana me oe e kuu io ponoi a penei na mea a ko’u maka i ike ai ma ko makou alahele i ka hikina mai ke kulanakauhale aku o Los Angeles, mahele aina ma ke alanui kaa ahi Satafee o Kaleponi.

            Ua hoea aku la makou i kekahi wahi kulanakauhale i kapaia Needle Town.  O ka Ilikini ka hapanui o kanaka o kela wahi.  Ua puni makou i na Ilikini kane a me na wahine, me ko lakou mau kahiko o na huluhulu manoanoa ulaula, a kalakoa e uhi ana maluna o ko lakou kino.  O keia wa a makou e makaikai uei ia lakou, he wa wela ia no ka la i oi aku mamua @ ko kakou la wela loa maanei.

            O kou peapeahi ana ia oe iho, he mea makehewa, oiai no ka makani e hele pu mai ana no me ka wela, aka, me keia kuiana wela ikiiki a makou e ike nei.

            He oluolu paha ia ia lakou.  Oiai ko lakou mau huluhulu manoanoa e uhi ana no maluna iho o ko lakou kino a e waiho wale ana no hoi ko lakou mau poo me ka papale ole.  O keia alahele no a makou e holo nei, e halawai mau aku ana no ka ike a ko makou mau maka me kekahi mau Halelua i eliia i ka honua.

            E ike aku no oe i ka hamama mai o ka pua i hanaia, o keia no hoi kekahi mau hale e noho ai na Ilikini.  He oiaio, ua hoike mai no ko lakou kulana i ko lakou ano pegana haalele loa.  A kohu ole loa hoi ke hoohalike ae me oe e kuu lahui oiwi, ka lahui hoi i peni aloha ia e ko ke Akua lokomaikai ina haawina puuwai oluolu a pau.

            A he lahui hoi i puka mai i ke ao me ko lakou kapukapu alii.  he Moi ko lakou, a he kumukanawai e hoomalu pono ana i ka lahui kanaka, a ke noho nei ka lahui Hawaii me ka oluolu i loko o na home i kahikeia e like me ko na aina malamalama.  Aole hei iloko o na poopoolua Iole, e like me na Ilikini.

            He oiaio, ke hoomana nei ka lahui Hawaii o Iehova ke Akua, a owai ho@ ke Akua o na Ilikini a me nei wahi kolea kauahua e hoomana nei; o Belila anei ke keiki a Satana?

            Kahaha!  Me mea kupanaha keia i ka nana ana.

            E ka lahui Hawaii oialo a pau, nau ke kaena hiki a ka Lani i hala aku la, “O Hawaii no ka o@,” o kou aina.

            He Edena ia, he Paredaiso no ka maluhia.  O kau ai, he poi @ouo kaohi puuia.  O kau i’a, he Opule lawaluia e halale ai ke kai, @ o kou i’a momona, he Inamona ia he i’a komikomi i ka welelau lima, a me na ono like ole o kela a me keia ano.  A pehea la e kohu pono ai an olelo a nei wahi kolea i okipoepoe ole ia ma kona mau ano a pau, e hailiili mai i ka lahui nana i hanai aku iaia i ka ai e maona ai kona pololi, a i ku ai hoi kana hele hookano maluna o ka lepo aloha o Hawaii nei.  Ea! E ka lahui i hoopea waleia.

            E o’u mau kupuna, kuu makuakane, a me kuu makuahine.  O’u mau kaikuaana, a me o’u mau pokli aloha, na kaikuahine iloko o ka pono o ka Haku.

            E ae mai i ka’u ulono ana aku ma na ipuka hale o ko oukou mau puuwai, e apo mai, a e kulee aku i ka’u mau kanaenae aloha ana i ko oukou oluolu.

            E halin ae ko kakou nana ana i ke Alii o na’lii, ka Haku o na Kahu, i ka Mea Hoano, ka Mea oiaio, o ka Mea Iaia ke ki o Davida.  O ka mea nana e wehe, aohe mea nana e pani mai, a pani hoi o Ia, aohe mea nana e wehe.  O Ia mau loa no i keia la, a i ka mau loa aku.  Amene.

            E haawi aku i ka kakou mau u ana maialo o na kapuai aloha o ko kakou Haku.

            Iaia wale no kakou a pau e waiho aku ai i ko kakou hailiilia, kuamuamuia hoino waleia ma na ano a pa@ a e ike no auanei kakou a pau, aia no me la a ke Akua e waele mai ai ina kikania oo@ mai ka ulu pu ana me ka lahui palaoa o Hawaii nei.

            He oiaio, he popo palaoa oe e ka lahui oiwi i ono loa ia e kona puu@ kou mau kualono uliuli, kou mau kahawai owe nehe malie.  Kou mau aekai olino lailai, a me na aheahe makani aloha o kou aina hanau.

            He mau mea ono ia i milohi@a iloko o kona puuwai makona, a ke noho nei oia malalo o kou malu me ka oluolu, a ua ono kou hua i kona puu ke moni.

            A me ia ike lea no o kona mau maka i na mea ono i panaiia aku imua o kona alo e ka lokomaikai o ia aliiwahine o Hawaii i hala e aku.  He mea ole nae ia ono i ka puuwai o ka mea i nakinakiia e ka makona o ka huahua hilahila ole.

            A oiai hoi oia i hoolaha aku ai ia oe ma kekahi o na nupepa o Amerika, he Ilikini oe, he i@laau kau ai, a he lahui p@gana hoi, aole anei hoi e hiki i ka maka o ka u peni ke hoolaha pu aku i ke akea, he kuewa makilo oi nei.  A e pono na makilo a pau e anaiia aku mai na papalina aku o Hawaii nei, @ keaha hoi?

            Ke kilokilo pu mai nei no hoi, aole ka e hala na makahiki he umi, e nele @ ana ka na koko Hawaii @@noi no lakou iha.

            He mea oiaiio paha ai, oiai ka mana o na hooponopon aupuni ana ma ko lakou lima, aole io no e nele ana ko lakou imi ana i na mea a pau e hooko kokeia ai ko lakou makemake, e like no me kakou e ike nei i keia wa, aka hoi, ina e aui ae ana ke au o ko kakou hooponopono aupuni ana ma ka poho o ko kakou lima ponoi, he oiaio, aneane hiki ole e hooloia kona makemake ino.

            A ke pule ae nei au, pela ke Akua e aloha mai ai i ka lahui Hawaii ponoi, a hiki, a kau, a mau loa aku na.  Amene.

                        Sam’l K. Kamakaia.

 

HANA KU I KA LOKOMAIKAI A ME KA MAHALOIA.

Mr. Lunahooponopono,

                        Me ka mahalo:-

            E oluolu mai oe i kahi kaawale o kau nupepa i ka’u wahi ukana maluna ae, oia, no hoi keia hana ku ka lokomaikai a me ka mahaloia.

            Ma ka Poalua, Aperila 20, 1897, hore 11:30 a.m., ua loaa he huina nui o na dala he kanaiwa ($90), ma ke alanui aupuni o Koolau oa ma Kaipapau, Oahu, ia Mr. Kuluwaimaka o Hauula, he makai kana oihana.

            Ua hoihoi mai la oia i keia puolo i loaa ia ma kuu halekuai e ku nei ma Laiewai, Koolauloa, ua ike oia he Pake ka ona nona ia mau dala, ma ka ike ana he mau lole Pake maloko o ke eke.

            Aka, iaia i hiki ai ma kuu halekuai e kamailio ana maua no na mau waiwai haule nei, ua hoea mai la ka ona nona ua eke nei, a ua ike mai la oia o kana eke no ia i haule aima ke alanui ua olelo mai la oia, nona ia eke dala, a me na lole maloko, o ka’u iai imi mai nei.  Ua ninau maua iaia i ka nui o na dala, na hoike mai kela he kanaiwa, ma ke dala keoeko wale no.  Mai Kaalaea Koolaupoko mai ua mau dala nei ana i lawe mai ai.

            Ua hoihoi aku la keia makai ia mau dala la i ka mea nona ponoi.  Nui ka mahalo o na Pake, a me a’u pu kekahi i keia makai hoopono o Koolau nei.  Na ke Akua e kokua mai ia oe no kou kokua aloha.

                        C. K. Akana.  Laiewai, koolauloa, Aperila, 22, 1897

 

LOAA HE 100 TINI OPIUMA.

            Ma ke ku ana mai o ka Auseteralia ma ke kakahiaka Poalua nei, ua lawe pu mai no oia he 100 tini opiuma maluna o kona oneki, oiai hoi na kiai o ka Hale Dute ua kukulu ia me ka makaala ma na wahi a pau, a pela iho la i hoea mai ai ka hopena no ka hopu ia ana o J. Barry, ke kuene helu elua o luna o ka Auserteralia, Mr. O’Brien, he hoa hui pu ma ia hana, a me Nieper, he kaiaiwa kaa ukana kana hana, o keia poe a ekolu, ua hului ia ae lakou i ka Halewai, ma na puolo lo@e lepo, i loaa ai ka opiuma.

            Aole no he maka’u iki o ka poe nana e lawelawe uei keia hana, no ka mea, ua lilo ke dala o keia hana i Akua lapu no keia poe, a ua hoolilo ni ia ka manawa o keia poe hoopae opiuma, ma ka hakilo ana e loaa ka wa kupono, a laila, manao ae ka helu o ka la, a ho iho ka noonoo a kahi hookahi.  He @ no keia ua kamaaina mai kahiko loa mai, a me ia hele no nae a hinuhi nu imua o ka lae, aole no i hooki @ hoopau ae hoi ka poe manao nei, he @ koa aku ke pomaikai ma keia hana

 

HE MOOLELO HOONANEA.

- NO:-

ALANADELA.

Ka Wahine Hoopahaohao o ka Aahu Keokeo.

- a i ole –

Ka Loea Hookani Hapa o ke Kuluaumoe.

            E kuu malama moku maikai a hooko kauoha hoi me ka ewaewa ole, ua hoohauoli mai oe ia’u i keia manawa ano, a heaha auanei la ku’u makana e @anai koke aku ai ia oe? wahi a ke kapena me ka hoomaoe ana ae.

            Mai hookaumaha i kou noonoo e kuu kapena maikai no ia mea, aka, o ke aloha wale no ko’u makemake aole hoi o ka mohaiia mai, nolaila, e kuu kapena maikai e haalele iho i ka hookela ana o ka muku ma ka poho o kuu lima, e a iho aku hoi oe no lalo o ka lua ukana, no ka hui ana me ka ai hookani pila.

            Me na helehelena minoaka e pahola ana maluna o ke kapena, a me ka puuwai hoi i hoopihaia me ka hauoli, kunou mai la oia i kona malama moku, iho aku la oia no kahi a Lusia e waiho ana iloko o ka ehaeha.

            Hiki aku la ua kapena nei ma kala a Lusia e waiho ana, ia wa i naka haalele ae ai kona kino, a pii ae la ka lia maeele o ke anu iloko o kona mau aa koko, ma o ka ike ana aku i ka waih@ kahela mai o kana mea aloha, me ka a@ehe ana aku hoi e lele aku maluna ona, a hooko aku hoi i na manao like ele e lauwili ana iloko ona, aka, ua haupu ae la oia, aole ia he hana maikai nana e hana ai.  A nona phaha keia hooheno:

            E ni@i ka hele’na mai hoopa,

            Mai pulale i ka ike a ka maka.

            Kunana iho la oia me ka noonoo ana i kana mau olelo e ahele aku ai i ka puuwai o ka lede ana i aloha ai, a hala ae la he mau minute o kona noonoo ana, loheia aku la kona leo i ka ninau ana aku me ke ano puiwa, me he mea la, aole oia i maopopo mua.

            Owai keia @ moe nei iloko o ka lua uka@a?

            Aole nae he leo i puai ae mai ka waha mai o ka wahine opio, aka, ike aku la @@e oia i ka oni ana ae, me ka maalea nui kukeli iho la ua kapena nei ma ka aoao o Lusia, a puana lou ae la me ka leo ano kaumaha.

            E ka lede iloko o ka ehaeha e hoomama i kou mau kaumaha, oiai, mamuli o kekahi ulia laki, ua hiki mai la au maanei, a nolaila, ke hoopakele nei aua me ka manaolana no, aole au e nele ika uku ia mai e oe, e hoike pu mai hoi @wai ka puuwai eleele nana i hana i keia hana lokoino?

            Wehe ae la ua kapena nei i ka lole kapolena i hookomoia ai iloko o ka wa ha o Lusia, a wehe pu ae la hoi i na kaula e paa ana ma kona mau lima, me ka hookoe @o nie i na kaula o ka wawae.

            E ke lede maikai, heaha kau e makana mai ia’u ina au e hoopakele ana @ oe mai keia wahi ou i hoopaahao ia ai?

            Me na waimaka @ ka ehaeha o @iole @@awalo @na ma kona mea p@!palina a me ka loo hauhau @ o la mea i @i @ @ kaumai@ pane mai ia ua k@@ @ @@@.

            E ke kapena maikai, e like me kau noi e makana aku auo kou luhi o ke hoopakele ana ae ia’u aohe mea e ae a’u e haawi aku ai, aka, o kuu wahi eke dala wale no, e waiho la lioko o ku u paiki.

            Aole o’u makemake ia mea e ka le de maikai, aole au i nele i ke gula a me dala, a he hookahi wale no a’u mea i @iini ai e makanaia mai oia hoi ko kino mailuna a lalo, wahi a ke kapena me ka minoaka ana iho.

            E ke kapena, ua lohe ae la au i ka’u makana e haawi aku ai ia oe no ka hoo pakele ana ae ia’u mai keia wahi o ke kupilikii, aka, e hoike aku no nae au ia oe me ka oiaio loa, aole e loaa ia oe kuu kino mailuna a lalo, aole hoi ma ke gula, aole ma ke dala, aka, a ka mea a nei puuwai i hoohihihi ai, a komo ke aloha iloko o’u nona, oia ka mea nana e papahi kuu kino mailuna a lalo, aole hoi naka mea a’u i aloha ole ai, wahi a ke leda me ka leo kuoo.

            I ka lohe ana o ke kapena i kela mau olelo a ka wahine opio, pii ae la kona inaina i awili pu i@@hoi me ka hilahila, a me ka hakalia ole loheia aku la kona leo uahoa i ka pane ana aku penei:

            E ka le@e opio, ua lohe ae la au i kou manao, a mamuli o kou hoole ana mai la i ka u noi, ke hoike aku nei au me ka oiaio aole he mea kino kanaka e ae nana e hoopakele ia oe mai keia wahi aku, koe wale no owau a nolaila, o keia ka’u nei hope loa ana ia oe, e ae mai oe e lilo i huapala na’u i ike hou ai hoi oe i ka pumehana o ka la, aka, i hooko oleia auanei kuu makemake maanei e oe noho ai, a hiki i kou haalele ana iho i keia @ honua.

            Aole au e ae aku ana i kau noi, oiai, ke hoike maopopo loa mai nei no oe, aohe mea e ae nana i hooili mai i keia mau haawina ehaeha o ka lokoino maluna o’u, aka, nau ponoi no ia a me ka kanaka au i kauoha ai e hooko i kou mau makemake o ka puuwai eleele, aole o kau mau olelo hoonuinui he mea ia no’u e hopohopo ai, a puni aku mahope ou, aole loa.

            Me ka hakalia ole, hopu hou kau la oia me ka menemene ole a hauoha iho la i na lima o ka ui Lusia me na maawe kaula malina, okomo hou aku la oia i ke kapolena iloko okona waha, a hoo paa ae la i ke kaula haoma kona opu.

            A i ka poe ana o na mea a pau, e like me mamua ku ae la ua kapena nei iluna, paa ae la kona mau lima ma kona puhaka a me ka leo aka henehene, pane mai la oia penei:

            Ke waiho aku nei au ia oe e moe malie maanei no kou noonoo pono ana i kau mea e pane mai ai e hiki hou mai ana no au ia nei ke ku aku kakou i ke kulanakauhale a@ o Ladana.  E ae mai i ka’u noi ano, a e hoopakele aku no au ia oe me ke kali ole.

            Leha mai la na maka o Lusia iloko o ka ehaeha maluna o ke kapena, a ike puia aku la kona mau lihilihi maka e hookulukulu iho ana i na omakawai o ke kaumaha, ae kaumaha @ no, ina paha o kou mea kakau kekahi malaila, ina ua h@koko oia me ke kapena puuwai @@oin@, @ ka pono o kela ui a ka aoao palupalu e waiho ana me kona @@ ilona o ka oneki lepo o ka moku

            A hala ae la he mau sekona o koe ana pone ana mai i ke kapena, oia aole e @ki iaia ke kamai@ mamuli @ p@ha o kona waha i k@ w@ @ iho la oia i kona mau lihilihi i kei@@ me na haawina o ke kaama@, a o k@ na @oo kapukau hoi lu@@@ ae @ @ me he mea la e @ @ @ @ @ aole oia e @ i ka manao o ke @ana@ ua@@@.

            Ike @ @ @ kanaka nei @ @ @ @ @ la oia i ka @ @, a i mea e na ai o kona huhu @ @ 2 @ @ @ ole a @ 2 o kona @ @ ke @ ai o ka wahine @.