Ke Aloha Aina, Volume III, Number 19, 8 May 1897 — Page 6

KE ALOHA AINA

 

6         KE  ALOHA  AINA,  POAONO,  MEI  8,    1897

 

Na Palapala

 

  Aole e ili maluna o makou ke koikoi o na @hewa ana no keia mau manao i hoopukaia malalo o keia poo, aka; e ili no ia maluna i na poe na lakou i kakau mai.

 

IMUA  E  HAWAII  LAHUI.

 

  He mea kahana no hoi a pilihua o ka manao i ka lohe mau i na olelo haa kei a piha hookano, a piha hoonaikola no hoi, a e lohe mau ana no hoi kou pepeiao, i ka hoopuka mau ma ko lakou mau lehelehe, e olelo ana: "Ua nalo, ua hala, ua pau, a ua makek anu, a ua make loa hoi ke Aupuni Moi o ko Hawaii Paeaina, aole loa e hoi ae ana ka Moi," a he nui wale aku o na olelo i ku i ke aloha ole.

  E ka Lahui Hawii aloha, ka poe hoi no lakou ke kuleana oiaio, a kuleana paa maluna o keia mau mokupuni, ma ke apo he mau makaainana kumu; a i hookahua ia hoi ke ano o ko kakou noho lahui ana, a me ko kakou kulana hookumu Aupuni ana malalo o ka noho Moi ana o ko kakou mau Ahi, i loaa hoi na kahua maikai a maemae hoi, i hoonohoia a hookumuia mamuli o na loina a me na rula o ke aunaauao a karistiano hoi

  Oiai hoi, ua noonoo a ua iliia, a ua hooholoia, ua hoouna ia hoi na Elele i na aina e, no ke kuka ana a me ka nonoi aua aku i na Mana Aupuni Nui o ke ao nei, e ae ia mai ko kakou mau Mokupuni a me ka lahui, e noho Kuokoa a hoomalu nona iho, malalo o na Kuikahi noho makamaka a hoaloha me ua mau Aupuni Nui nei.;

  Mamuli oia alahele maemae a naauao hoi ka hookumu ia ana o ko kakou wahi Moku Aupuni, i kapaia, "Ke Aupuni o ko Hawaii, Paeaina," malalo o ka hoomalu ana a ko kakou mau Moi, mai ia Kamehameaha III mai a hiki wale iho la i ka la 17 o Ianuari 1893, i hookahuli ia ai o ke Aupuni Kumu.

  Nolaila, o ke alahele o ke kukulu paa ia ana o ke Aupuni Moi o ko Hawaii Paeaina nei, ua maemae a mahalo nui ia kona moolelo e ko ke i o naauao, a piha malamalama karistiano.;

  Aka, heaha ka moolelo no ka hookumu ana i ke nupuni e ku n@i ma Hawaii nei i keia wa, i ike ia e na mea a pau me ka hoohewahewaole. A owai ka poe nona i hookumu i nei aupuni "Repubalika o Hawaii?"

  E kuu lahui aloha, eia iho no imua o ko kakou mau maka kahi maalo ai ua poe la, he poe hoaloha oiaio, ai pu i kahi umeke hookahi, i ka ipuka hookahi, a o ua poe la no ia e olelo haakei nei, a hoonaikola, "ua make loa, a make kanu loa ke Aupuni Moi, a pela aku."

  E kuu lahui; Aole ' Aole loa i make ke Aupuni Moi@ Aole loa i nalo !!! Aole loa hoi i make no ka wa pau ole!!!! Aka, eia oia ke eni ae nei, a ke pii ae nei na kukuna malamama olinolino o ka hauoli, me ka manaolana mau, he mea hoi e hoolama ana i ka manao, e i iho ana imua e Hawaii Lahui a hopu i ka pahu o ka lanakila, a i mea no kakou e hoomaepopo ai i ka oiaio, a oia hoi keia

  1 - Aole ka Moiwahine Liliuokalani o ke aupuni: Moi o ke Hawaii Paeaina a me Ko@a lan@ kau ka hei, i hakaka aku me ke aupuni o Amerika kokua lewa i kela la poina ole o Ianuari 17, 1893. Aka, ua loaa i ka Moiwahine ka naauao kiekie i ku maoli i ke ano Karistiano oiaio, ma ka ae ole ana aku e hakaka me na koa o ka mokukaua Bokekona.

  2--Ua hoopiila keia hana hewa nui a lakou nei, a me ke Kuhina Kiwini o Amerika, aia imua o na maka o na miliona kanaka o ke Aupuni Repubalika Nui o Amerika Huipuia, ke aupuni hoi i ike ia ka hoepono a me ke kaulike. Nolaila, o ke kumu hoopii, ua maemae ua oiaio, ua pololei, ua koikoi a ua kaumaha loa e hiki ole ai ia Amerika ke alo ae, mai keia hewa nui a kona Kuhina i kokua hewa ai, a ua ae ia mai ka oiaio oia hoopii a ka Moiwahine Liliuokalani me Kona lahui pu, e ka Peresidena hoopono Kalivilana.

  3--Ua kekua ka lahui kanaka maoli i ko lakou pono i kaili ia i ka hoopii a ka Moiwahine, ma ke kakau inoa ana mai Hawaii nei a Kauai, i waiho ia aku ma ka lima o ke Komisina Blount, i hoouna ia mai ai i Hawaii nei i ka A. D. 1893. Ma ia hana ana pela, ua hooiia ae ka ikaika o ka Palapala Hoopii a ka Moiwahine, me Mona aupuni a me Kona mau makaainana Hawaii ponoi.

  4--Ma ka malama o Iune, A. D. 1894. ua hookumu hou ka Moiwahine Liliuokalani i ka hoopii i na aupuni pakahi o na aina e ma o ko lakou mau Kuhina la, e noho ana ma Hawaii nei, oia hoi ke aupuni o Beritania Nui Farani a me Geremania, a ua kakooia ua hoopii la a ka Moiwahine e na luna o ka Hui Aloha Aina o ke Paeaina mamua.

  5--I ka malama o Dekemapa, 1896, ua hele kino maoli aku la ka Moiwahine Liliuokalani i Amerika me Kana palapala hoopii hope loa ia Amerika, imua o ka Aha Senate, oia ka palapala hoopii e naka haalulu ai ua Repubalika Nui la ke ole oia e hana koke i kana hewa i hana ai. Nolaila, e ka lahui Hawaii, he mea keia na kakou e ike iho ai, aole i make ke Aupuni Moi, aka, aia oia ke oni la iluna o na hoa'loha ikaika, na lakou e hana mai i ka pono o Hawaii lahui, Hawaii Aupuni Moi, i hoopilikia wale ia.

  Nolaila mai hookeia no paha ka akou nei mau olelo hoonaikola, ina e ae aku ka Moiwahine Liliuokalani i ka hakaka ana me na koa Amerika a loaa ka lanakila i na koa Amerika maluna o ka Moiwahine me Kona  pualikoa, alaila, e hai aku nu he lanakila ana ia o na poe kipi, ma o ke aupuni Amerika la, a oia lanakila ana, ua hiki ia'u ke ae aku me ka hoohewahewa ole, "ua make ke Aupuni Moi o ko Hawaii Paeaina."

  Aka, aole loa pela ke ano oia lanakila, nolaila. Imua ! Imua e Hawaii lahui a lanakila !! No ka mea, aia ke hana kino wahine mai la ko kakou Moiwahine, no kou pono kumu i kailiia e alo ana i na poino he nui, a he mea ole nae ia laia, oiai ke aloha o Kona puuwai ia oe e Hawaii Lahui. no ka makee i Kona lahuikanaka Ana i aloha ai.

  Nolaila, o na olelo a ka poe hoopuukahua, a hoo@aikola, e hoi aku no ia mau olelo maluha iho o ko lakou mau poo, aia no hei he wae @ai no ia mau olelo maluna iho o lakou. A no ka mea, o ka au o ka manawa ka mea nana e lawe mai a waiho iho imua o ko kakou mau maka, i na hana o kela a me keia ano. o kela a me keia aupuni, kela a me keia lahuikanaka e noho kaawale ana maluna o ka ili o ka honua.

  He nui na mea i hana la, aka, he uuku nae na mea i hookoia ma ke kahua o ka hoepono a me ka pololei. Ua nui na lono no ko kakou kulana i pahola ia aku mawaho o na aekai o Hawaii, a ke hoihoi mai nei ke au o ka manawa i ka pane ana no la mau lona ua kokoke mai, ke oinolino o ka la maluna o kou mau kuahiwi aloha e Hawaii lahui, e Hawaii Aina, eia aku ma ka hikina o ka la a oili pulelo mai, me ke daimana e hulali ai, a e anapanapa ai kou mau kualono, he la hauoli ie nou e Hawaii ike, e Hawaii nui, e keha iho ai, iloko o na la loihi o ko kakou hoomanawanui ana.

  A o ua la ala e hiki mai ana, he la ia no ua poe la e moe mai ai ma kou mau wawae, me na waimaka a ka hookamani. Ku hele pela oe e Satana, mai hoao mai oe ia Hawaii, i kou aina i waiwai ai. Imua a lanakila.

                      J. E. A. KAIEWE.

  Holualoa, Aperila 29, 1897.

 

MR. LUNAHOOPONOPONO;

                        Aloha oe:

  Eia hou no wau ke hoea aku nei imua ou ma keia leta, no ka pono a me ka pomaikai o na ohana o ka poe nona na inoa malalo iho nei, e noho ana ma na wahi like ole o na pae moku o Hawaii.

  I ka hora a p. m. o ka Poakahi, Aperil 26 iho nei, ua nana ia iho la na ma'i i hoomaluia ma Kalihi nei, e na Kauka o ka Papa Ola, a penei na mea i hanaia a me ko lakou mau inoa pakahi

HOOKUU  LOA  IA.

  Kuha'u (k), no Honolulu nei.

HOOKUUIA  NO  KA  AI  LAAU.

  Mrs. D. Kaopua, Mrs. J. Wahinalo, a me Nika (k), no Honolulu lakou; Willie Holokahiki no Waiehu, Maui.

HOOHOLOIA  NO  MOLOKAI.

  Kaililohe (k), Kamaka (w), Solomona (k), Ioane John (k), Iuda Akamu (k) Kaanaana (k), Lilly Aberaham (wA), a me Lucy Kelewai (w) no Kauai mai lakou. Makanoe (k), J. Kaalamakani (k), Makulu (k), Kealoha Aukai (k), Aluna Keliihuli a me Hananah Aea (w), no Honolulu nei lakou. Keoki (k) a me Willie Kalua (k) no Pukoo, Malokai. Pupuka (k) a me Huakini Kaaihue no Waiehu me Lahaina, Maui. Jno. rose no Hilo, Hawaii. Akamu Jr. no Kaneohe, Oahu mai.

  O ke aloha no kou a me na keik oniu hua metala ko'u welina

                   Owau iho no,

             TOMMY K. NAKANAELA.

  Pa Hoomalu o Kalihi, Mei 3, 1897.

 

NA  ANOAI  O  KA  LEI  LEHUA.

 

MR. LUNAHOOPONOPONO,

                                  Aloha oe:

  Ma ka hora a o ka auina la Poaha iho nei, Aperila 29, ua haawi ae o B. H. Brown, he papaaina no kana kamalei i mare iho la i makua nona. Ma keia papaaina, ua lawa pono i na mea ai Hawaii, he 300 a @i na poe i hiki ae malaila. o na poe koikoi, wale no o keia @aon@, Mr. J. G. Baker, C. Mooheau, Makai Nui o Hawaii me@e kena lio@ Luna Helu Nui me kona Hope, ka Luna Leta Nui na Loio na malihini o na Aina E. Lunakanawai Apana a me na Lede a keia poe hanohano.

  O kahi mea hou i ike ia ma kela papaaina, he a hapakolu ili puakea wale no, a he i hapakolu ili ulaula, o ma keiki wale no o Hawaii, aole olelo ana no lakou, he kanaka ili ulaula lakou ma ka ai ana i na mea ai Hawaii, o na malihini mai, ua ai lakou me ka hoomanawanui i na mea ai, oiai, aole i kupono ne lakou na malihini ia mea ai, aka, ua hookohukohu wale iho no ka ai ana, hene iki ka aka a kahi mau Hawaii ili puakea oia auna like o lakou, ma ke ano o ka ai ana, miki ana i ka poi, papalu-lua, aole o ka mikioi mai, aka, ua lilo nae ia i mau mea ole.;

  Ua olelo ae kekahi lede malihini, ua oi loa kona laki, i kona ike ana i ke ano o na papaaina a me na mea ai o keia lahui, up mahalo nui oia i ka noiau o ka hana ana o na pakaukau, i hana ponoi ia e na lima ona lede Hawaii, a me ka hoonohonoho ana o na mea ai Hawaii, he mahalo nui ia i ka mea hale i ka ae ana aku iaia e komo pu mai ma keia papaaina i hoomanao ia no na mea mare. E uhai ia laua e na pono a me na pomaikai o neia ola ana, he mea hanohano a maikai ka mare no na poe o nei ano, o ka oihana mua ia a ke Akua i kanu ai ma ke Kihapai o Edena

  Ke hoi aku la na mea mare no ke Kapitala Alii o ka Ua Kukalahale, aole uo nae e poina ana i ka Ua Kan@lehua me ka makani Puulena halihali ala o ke taona, me ka lei lehua o Mokaulele, a ua kaikamahine ala e kahiko iho ai ia mau wehi o ke alo o ka makua e hoolaupai ana i ko laua noho home ana Mahalo i na keiki i noho pono malalo o ka malu o na makua, elike me keia kaikamahine, a loaa ae la ka makua o neia mau la e nee aku la.

  Ke pil mau nei na hale laau nui o Hilo nei, ke hele loa ae la ka Hotele o Hilo nei i ka paa, ke hoakea ia nei na alanui, he nahi na hoolala ana o na alanui a me na hale nui he oluolu na nanaina o ke taona, hookahi no wahi mea i ino ai, o ke ku ana o ka hale kaa o Wilson iwaena konu o keia toona me kona ea ino kupono ole, aka, ma na mea e ae.

  O ke alanui o Pahoa, Puna, mai Hilo aku nei, he hookahi mile me ka hapa koe, alaila, hiki pono na kaa ilaila, e ialo aku ana ia wahi i tona, mamuli o na poe Mahi Kope. holopono ko laila mau keiki kanu kope, he nui na pomaikai o ko laila mau kini, e pau aku ana ke kii ana o na huakai Kekake i na wahi ukana, na ke kaa na hana o neia mua aku, ka lawe ana mai i na huaai, na waiwai e ae eia mau uka waokele, he pomaikai nui keia no ia mau wahi.

  O na Iapana ka hapanui o na kanaka oia mau ululaau, ka home i hoolau kanaka ia e na manu Iloko o na makahiki loihi i hala ae nei, a i keia wa, he mau kakela nani ia e ku ala, no na p@e e imi aoa i ko lakou mau pomaikai ma Hawaii nei. Ke hu nei ke gula ma ia mau wahi o ka aina.

                                          HILO BAY,

   =>  Ke hoike ia aku nei ka lohe imua o na makamaka a me na hoaloha a pau o ka Ahahui Hooulu a Hool@ Lahui, ua hoopaneeia ka Ahaaina Luau, i manaoia e haawila ana ma ka Peaono, Mei la 3, a ka la 5 o Iune o h@ mai ana. Ke haawiia aku nei ka hoomaikai ana i na healoha a me na makamaka a pau i hoouna e mai i ka iakou mau kokua no keia hana maikai.

                 Mc @a haahia

                           F@GINIA REIS,

                Kakuolelo o ka A. H  H. L.

  Honolulu Me@ @, 1897.

 

MOOLELO  O  KA  AHAHUI  KULA

SABATI  O KA  MOKUPUNI

O  OAHU.

 

  Halawai ka Ahahui Kula Sabati o ka Mokupuni o Oahu ma ka hora 6:30 p.m., o ka Poakolu, Aperila 7, 1897, ma ka Luakini o Waianae.

  Mr. E. P. Aikue, Lunahoomalu mua ma ka noho.

  Hoomaka na hana me ka himeni a me ka pule a D. L. Noone.

  Hoomaopopo ia na Lala o ka Aha:

  Kihapai,         Kahukula,           Elele.  

Kawaiahao,   D. L. Naone Hope,  J. Aiau

Kaumakapili       . . . . .                 . . . . .

Kalihi,            D. Kunukau       J.S. Keawe,

Moanalua,                 "                       "

Ewa,                    . . . . .           S. Hookano,

Waianae,           S. Mapu,           S. K. Hui,

Makua,                 . . . . .         J. Halemanu,

Waialua,      S.H. Kalamakee,  W.S. Wood

Hauula,         D.K. Kaapu,          S. Kiliona

Waikane,         J. Davis Hope,          Noa,

Kaneohe,         A. Kaulia,         R. Kamanu

  D. L. Naone, Kahukula Sabati Nui o na Kona, E. P. Aikue, Kahukuia Sabati Nui o na Koola.

  Ma ke noi a S. H. Kalamakee, ua hoomau ia no o E. P. Aikue i Lunahoomalu, a o S. K. Mahoe i Kakauolelo no keia Aha.

  Koho ka Lunahoomalu ia D. L. Naone, Asa Kauha a me S. H. Kalamakee i Komite Imi Kumuhana

  Ma ke noi a S. Hookano, ua lilo na hoa kupono e ae i mau hoa kuka no keia Aha.

HOOIKE  A  KE  KOMITE  IMI  KUMUHANA.

  1--Hapaha hora haipule

  2--Hoike a na Kahukuia Sabati Apana.

  3--Hoike a na Elele.

  4--Hoike a na Kahukula Sabati Nu

  5--Koho ana i na Kahukula Sabati Nui.

  6--Na hana Hoike Kula Sabati o ka Poaha, Aperila 8, 1897. 

  7--Hoike Hui o na Kula Sabati i Iune, 1897.

  8--Na hana hoeueu i na Kula Sabati

  9--Na lulu dala no ka ' Hoahana

  10--No @a hookohu o na Elele a me na Kahukula Sabati Apana i ka Ahahui Nui.

  11--Kahi a me ka manawa e halawai hou ai keia Ahahui.

  Ma ke noi a J. M. Ezera, ua apono ia ka hoike a ke Komite Imi Kumuhana

  Hapai ia ka noonoo ana i na Kumuhana pakahi.

  1. Hapaha hora haipule, hooholoia.

  2. Hoike a na Kahukula Sabati Apana, na D. L. Naone i ko Kawa@ha@, aponoia me ha hooponopono Aole hoike papa helu o Kaumakapili Na D. Kunukau i ko Kalihi me Moanalua aponoia me na hooponopono Aole hoike papa helu o Ewa. Na S. Mapu i ko waianae, aponoia me na hooponopono. Na ke Kakauolelo i ko Makua. Na D. K. Kaapu a ko Hauula, aponoia keia mau hoike ekolu maluna me. Aole hoke apa helu o Waikane Na A@ Kaulia i ko Kaneohe, a@oia

  Ma ke moi a K. S. D@oiro, ua waiho ia na hoike papa helu i heluhelu ola ia i ke Komite a ke a Aha i ka Ahah@i Nui.

             Aole i pau.