Ke Aloha Aina, Volume III, Number 33, 14 August 1897 — Page 3

KE ALOHA AINA, POAONO, AUGATE 14, 1897

 

U-LI KA WAI, UA OHAKA OLOKO

 

Kukuni ke Ahi, Wela ka Hao.

 

KE KAKAUINOA @KE ALAHELE @HUN O KA POHIHIHI.

 

E ka Lahui Hawaii Ahonui

 

Mai Ae Aku e Kakau Inoa.

 

Ua nui a lehulehu na leo ninau o na makamaka ia makou, i ko makou wa i kipa aku ai ma na kauhale, a i hoea kino maoli mai hoi imua o ko makou alo, ma ka hale hana nei, a i kumu hoi e waopopo ai, mai hea mai la i hoea mai ai keia hana laulaha nei @iloko o ke kulanakauhale nei ma ka hoopaa ana i ka inoa o na kane, na wahine a me na keiki, no ke kakoo ana i na hana a ke aloha aina, a pela aku. Ua pono makou e hoakaka piha aku, mamuli o ko makou ike ana, a me ka lohe pu hoi, he lehulehu wale na poe e hele nei e kakau i na inoa maloko o na kauhale, ua hoike koke aku makou i na Presidena o na Hui Aloha Aina a me ke Kalaiaina, a me ka hikiwawe loa, ua kukala ae la laua i ka laua hoolaha papa mua loa, me ka mana pina, maloko o ko makou nupepa puka la o ka Poalima, Augate 6. Aka, aole no nae i emi iho ka holomoku ana o ke kakau inoa, ua oi loa ae, me ka olelo pu mai na ke Kakauolelo o ka Hui Kalaiaina a me kona Peresidena i kauoha ia lakou e hana pela, ka mea hoi a makou i hilinai ole ai, a hiki i ko makou ikemaka ana i ka inoa o ka Peresidena D. Kalauokalani, maloko o kekahi palapala kakau inoa, a iloko oia wa i pane mai ai ka mea kakau inoa, pehea ko oukou manao no keia mea? A o ka makou pane wale no, e kali makou a ninau pono ina paha he oiaio keia, a ua kakau inoa oia pela alaila he hana ia e hoouluku mai ai i na hana hookuee a me ka mokuahana, oiai hoi, eia no me makou ka hoolaha papa a ka Hui Aloha Aina ma o kona Peresidena James Kaulia la; a me ka Hui Kalaiaina ma o D. Kalauokalani la kona Peresidena a i hoohui ia hoi i hookahi. A ina ua hana laua, a i ole o kekahi paha o laua, alaila e ahewa ana makou ma na @ane a pau, me ke ano io maoli, ua apuhi ia ka lahui ma ka papa ana ma ke alo, a hana nae ma ke kua, kahi e omo ia aku ai ko kakou mau pono e na @enemi e kiai makaala mai nei, ke alu aku no ka uwea, kukuni ke ahi wela ka hao, o ko kakou papapau no ia he a-a ko ka hale. Makemake loa makou, i @wahi e ike ia ai ka pololei o keia mau hana, e pono i na Peresidena a elua o keia mau Ahahui, ke kahea i halawai makaainana nui ma ke Kuea o ka Paalii a i ole ma kekahi wahi a ae paha; ma kekahi manawa ma keia @mua aku, ke ku ole ia hana i ke kanawai, i wahi hoi e keakea ia ai ko kakou mau pono, ma ia hui ana, a i loaa ai hoi he mau hoakaka piha mai a laua mai, no ka kakou mea e hana ai, e koho ia i mau Komi te no ka hele ana e kakau inoa iwaena o ka lahui, elika me ka hana ia ana i ka wa o Komisina Balana, ke makemake ia e hana pela, a o lakou ka mana e hana pela, alole na kahi poe e ae. O ka makou manao keia, aole nae ma ke ano hoino aku i kekahi a me kekahi, aka, ma ke ao ana, me he mauka la i ke keiki.

 

NUHOU KUWAHO

 

Ma ke ku ana mai o ka mokuahi China, i loaa mai ai ia makou na lono hope loa, e pili ana i na mea hou o na aina e mai nei, a oia ka makou e pana aku la no ko makou mau makamaka heluhelu, i nuu iho ai ka puu makewai mea hou a hiki i ke kena ana:

 

E HOEA HOU MAI ANA KARISTO I KA HONUA NEI.

 

Nu Ioka, Aug. 5. Ua wa nana ae o Rev. S. Merritt, ke kanaka hoi i hoolauna mai iaia iho imua o na kanaka ma o kana mau hoola kupahaha ana, e hoea hou mai ana o Karisto i ka honua nei no ka manawa elua mamua o ka pau ana o keneturia. O kahi a Karisto e hoea mai ai ma ke kiekiena no ia o Nyack, a @malaiia e kukulu hou ia ai i Ierusalema hou, e like me ka olelo kauoha a Merritt.

 

KAA KE EO I KO EMEPERA UILAMA MOKU.

 

Cowes, Aug. 4. I keia la, i malamaia ae ai he heihei moku lealea no ka Emepera Uilama o Geremania, ke Keikialii o Wale a me kekahi kanaka koikoi o Charles Day, a no lakou hoi ka inoa o na moku i komo iloko o keia heihei ana, oia o Meteor, Duke o Abruzzi Bona a me Charles Day Aurona. Ua kaa mua ke alakai o na moku ia Abruzzi Bona, a ia Meteor aku ka helu elua, a ia Aurona ka helu ekolu. I ke kaa ana aku iwaho, ua lilo aku la i kahi Bona ke alakai ana, a o ka Britannia o ke Keikialii Hooilina Moi o Wale, aole oia i komo ma keia hoomaka ana o ka heihei. I ka hiki ana i ka pahuku ua kaapuni mua ae la o Meteor a nona hoi ka manawa i ka hiki ana i ka pahu hopu he 1-10:30; Aurona 1-22:15; Bona 1-33:00. Nolaila, ua lilo ka pili o £100, i ka moku heihei o ka Emepera Uilama, koe wale no ka holo pu ana me ka Britannia o ke Keikialii o Wale, a malia paha o hoao mai no, i ike ia na a-i o laua.

 

MAKE I KA WELA A KA LA.

 

Kinakinati, Aug. 4. He eli ma poe i make i ka ikaika hoohana o na kukuna wela o ka la, a ua pii ae hoi ka ikaika o ka mea ana wela a hiki i ka 94 degree. Aohe nao ai i ka papaa, ka nui o ka wela e anai la ma kekahi mau kulanakauhale o Amerika, a ke hauoli nei ka lahui Hawaii i ka hoea ole mai oia mau ano maluna o kakou a pau i keia mau la.

 

HOOPUEHUIA NA AFERIKA KIPI

 

Cape Town, Aug. 1. He kaua hahana kai hoouka ia ma ka Poalima nei ma ka apana o Langeborg. He uuku loa ka poe i make o ka @Beritani. Ua hoopuehe ia aku na poe kipi mai ko lakou wahi hoomoana aku ma Gamsiep no Twaiskloof me ka pihoihoi nui. Ua pau i ka lilo mai i na pualikoa o Beritania na wahi e paa ia ana e na poe kipi, ma ka akau aku o Twaiskloof. A @mawaana o na poe i make o ka poe Beritania o Kakiana Hall a me Mercer. Ua make ke alii Lukajantjes ke alakai o na poe kipi me kekahi o kona mau ukali he lehulehu wale. A ua manaoia e haawi pio mai ana lakou ma keia mua koke iho.

 

HA ELUA TAUSANI I MAKE

 

Cairo, Aug. 1. Ua loaa mai nei i ke Keena Naauao o @Aigupita kekahi lono, ua ulu ae he hookahe koko weliweli ma ke poo o ka muliwai Nile, mawaena o ka lahui Devishes a me ka Jaalins. E alakai ia ana na poe Devishes e kekahi Kenerala o Khalifa, nana hoi i hoauhee aku i na Jaalins, he koi koi ka make ma na aoao elua, a ua olelo ia ae o ka huina nui o ka poe i make ma ka aoao Jaalins he 2000.

 

E HOLO MAI ANA IANEI.

 

NO KA NANA PONO ANA I KE KULANA O HAWAII.

 

Nu Ioka, Aug. 1. He lono mai ke kulanakauhale Atlantic mai, e @oielo ana, o Senetoa Matt Quay, e hana nei ma ke ano he agena no ke Komite e ko na Aina E, e hiki @kino aku ana oia i Hawaii, no ka nana pono ana i ke kulana o ka aina me kona pomaikai a pomaikai ole. E waiho mai ana oia i kana hoike iloko o ka Ahaolelo iloko o @Delemaba ae @nei. E haale iho ana o Senetoa Quay i ka la 21 o Augate, a mahope o kona hele hoomaha ana no ekolu pule, e hele pololei aku ana oia no Kapalakiko, a mailaila aku no Hawaii. E hoi koke mai ana oia a wa@iho aku i kana hoike o kana mau mea i ike ai i na Komite o na Aina E. E haalele pu iho ana o Senetoa Morgan ma ka la I o Sepatemaba, ma ke ano, he mea i hoouna ia e ke Komite o na Aina E. Maloko o Dekemaba oia e hoi mai ai.

 

KE KEIKIALII HENERE O ORLEANS A ME KENELA ALBERTONE

 

I kekahi la o keia mahina, e halawai ai ke Keikialii Henere o Orleans me Kenela Albertone, ma kekahi kula akea no ka hooko ana i na @koli koi a ko laua makemake ma kekahi wahi kikohukohu lili iloko o ko laua mau houpo pakahi, a o ka mea wale no e hoomanalo ia ai oia manao lili, oia ko laua lawe ana ae i ke kulana koa ma ka waha o ka laua mau pu panapana pakahi, a o ka mea o laua e lanakila ana ma keia hakaka lua ana, oia ka mea o laua i oi aku ke akamai @malana o ke kahua hookahe koko. He mau kanaka koikoi like no keia a elua, iloko o ke aupuni o Italia a me Farani, a o ko laua mau inoa pakahi, ua palahalaha aku ia a me ka laula o Europa, aole hoi malaila no, aka, ma Amerika no hoi kekahi, a na keia hana e hoike mai i ke kamahao o ko laua mau inoa ma keia mua aku. O ke Keikialii Henere, oia ka pua kiekie o ka lalani alii o ka ohana Alii Orleans o Farani a he keiki ponoi hoi na ka @hoahanan no ka Moi Humebeta o Italia. O keia Keikialii ua komo oia iloko o na pualikoa o ka poe @Abisinia@kal ana i komo mua ai ka lili no kona hoa paio. O Kenerala Albertone hoi, oia ke alakai nui o na pualikoa Italia, i hoopaa pio ia ai e ka Moi Negus Menelek o Abisinia, a i hookuu koke ia mai nei no hoi mai ka halepaahao mai a ua ulu mai hoi na manao kue iloko o ke Kenerala a me kona mau ukali, mamuli o na hana pukalua keia Henere, i auhee ai oia a me kona pualikoa, a paa ai i ka hopu ia e na pualikoa Abisinia. O ke Keikialii Henere, he elua ana mau kumu i @ae loa ai no ka hakaka oia hoi malalo o kana @mau@kumu @ae e paio a hiki i kona make a lana@ula ana paha. O ka mua, oia kona nana ole aku i ka @ae o kona hoa ma ke kulana, ina ia e hemahema a nele, aole ia he mea e hoi hou ai o kona mau manao uilani, @oia @nae ka lua, o ke Kauna o @Turina, he keiki hanauna ia na kona @hoahanau ka Moi Humebeta o Italia, aole hoi i loaa mai ka pane iaia no keia mea. O Albertone, e halawai aku ana laua, ma kekahi wahi iloko o Helevitia, a o ka laua mau mea kaua e hakaka aku ai, oia na pu panapana, a ke pakele ko laua mau ola mai keia hana weliweli a laua i hooholo ai, alaila, e lilo aku ana laua he mau hoaloha pilipaa loa ma keia mua aku, elike me ke ano mau o na kanaka naauao o ka honua nei, he wa okoa ka wa o ka inaina, a he wa okoa hoi ko ke aloha, a pela e upu ia ala; e lilo ana laua i mau hoaloha pilipaa loa ma keia mua aku.

 

NA AUMOKUKAUA TUREKE

 

Konatinopela, Aug. O na aumokukaua mahele elua o Tureke, no lakou ka huina he ehiku e alakai ia ana e Hari Pasha, i haalele aku ia Dardanelles ma ka la inehinei, ua hiki aku lakou ma Sigri, mokupuni Mitylene. Wahi a na lono maanei, o ka haalele ana o na mokukaua Tureke, he hopena awahia ke halawai ana mawaena ona a me na mokukaua o na aupuni e maloko o ke kai @Cretan, ua hoike ae hoi na Adimarala @like ole i ke kue ana aku i ka lele ana e na pualikoa ma ka mokupuni o Crete.

 

KE KENERALA RIUS RIVER

 

Ua paa mai nei i ka @hopuna o Kenerala Rius Rivera, kekahi o na keiki kaeaea hapa Sepania, a he pani hoi no Kenerala @Maceo i make. He kanaka koa loa keia me ka maka@u ole, a ua hilinai aku na poe Cuba iaia, ma ke ano, ola kekahi o ko lakou mau alakai i make. Ua lawe ae oia i ka @hana a paa ma kona lima, a alakai aku la@i kona mau hoa kanaka o ka aina hanau, no ka paio ana a hiki i ke kulu koko hope loa. Aka, ua hahai ia nae kana alakai ana e na @ulia pakalaki, e like me kona mua i pauaho mai la. Maloko o kekahi wahi hoouka kaua @liilii ana mawaena o Cuba a me na Sepania, i @loaa ai oia i ka uha poino, e hiki ole ai ke pakele mai kona mau enemi mai, nolaila, ua hopu pio ia oia, a aia oia iloko o ka halepaahao kahi i paa ai a hiki i keia la, a me he mea la, e kipu @ia aku ana paha oia ma keia mua aku.

 

Ua @hana mai nei he @kauoha i ka @nao @kukaua @Penguin no ka holo pololei @aoe aku i ka mokupuni o @Faoauga @makena @mai @nei o ka @mokauahi @Kioa. Ma ka @Puahana i @holo @aku @ai @oia no @ia wahi @me ka hoo@kauhua @ole @iho no ke @ana @mai i ka @puu @aloakoa i @hoaa ai @iaia @pai @keia o @ka @make @mawaho aka @nei.