Ke Aloha Aina, Volume III, Number 41, 9 October 1897 — Page 7

KE ALOHA AINA

POAONO, OKATOBA 9 1897.

HE MOOLELO HOONANEA.

-NO-

ALANADELA.

Ka Wahine Hoopahaohao o ka Aahu Keokeo.

-A I OLE-

Ka Loea Hookani Hapa o ke Kuluaumoe.

 

            A nana lau laau o ua kumu oka la i huna iho iaia mai ka ikeia ana mai e ka poe e noho ana ma ka lanai.

            A i kona wa i kau pono aku ai iluna o kekahi lala laau e pili ana i ka lanai o ka hale, ua kiei koke aku la kona poo maluna o ka lau o na laau a ia wa halawai koke mai ai kona mau onohi maka me ka mea hookani pila.

            O kuu aloha no anei kela e hookani mai la i kela pila hapa, i puana ae ai ua Rodika nei.

            Anaanai ae la i kona mau maka me ka manao ana ola kona mea e ike pono aku ai i na helehelena o ka wahine hookani pila, aka, mamuli nae o ka aaki paa o ka pouli, nolaila, aole e hiki iaia ke koho pouo o Luisa no ia, e hookani nei i ka pila.

            A i ke kuu ana iho o ka leo honehone o ka pila hapa, ua lohe aku la oia i ka leo o Rodufa i ka hooho ana ae penei:

            He keu maoli kou akamai i ka hookani pila, he lua ole ma ka honua nei, aole anei oe e ae mai ana e himeni mai?

            A ike aku la oia i ke apo ana ae o kona lima ai au i ka a-i o Lusia, a iloko koke ua oia manawa, e like me ka hae o kekahi liona wahine i ka wa e hanainoia ai o kana keiki, pela no na maka o Rodika i hulili ae ai me ka piha inaina i kona wa i ike ai i ke apo ana ae o ka lima o /Rodufa ma ka a-i o ka mea hookani pila, aka, ua hoomaalili iki ia ae kona puuwai i ka haupu ana ae ua kuhihewa paha oia, me ke kali ana o kona lohe pono aku i ka leo o ka wahine e noho pu nei me Rodufa.

            Aole no hoi i liuliu kona hoolonolono ana, ua lohe koke aku la ola i ka leo o ua Lusia nei i ka pane ana mai Ma na ano a pau, ua ae au i kau noi.

            O Lusia no kela kaʻu mea i aloha hookahi ai, a no i keia po e lilo ana oe iaʻu, ina no au e make aua mahope o koʻu hakoko ana nou kaʻu mea i aloha ai, ua hiki no, wahi a Rodika i puana malie ae ai.

            I keia wa no, i pono mai ai ka leo o ka kaua Lusia, nana hoi i hoopilikia loa aku i ko Rodika noonoo ana, a mamuli o ka nahenahe loa o ka leo o ka kaua Luisa.  nolaila, ua haalele koke iho la oia i kana wahi e noho ana a iho aku ilalo no ka hoi ana aku e hui me ka wahine me ka uhi make eleele e kali ana nona.

            I kona wa i hiki aku ai i kahi a ka wahine e noho ana, ua ninau koke mai a oia ia Rodika penei:

            Pehea aku nei kau huakai e kuu hoahele, ua halawai anei oe me na ulia pomaikai?

            Ae, wahi a Rodika i pane mai ai, o kaʻu mea i huli aku nei ola io no ka mea nana e hookani la i ka pila, a nolaila, i hoi mai la au e hoike aku ia oe, i keia po no e aihue ia ai e aʻu keia wahine opio me ke kanalua ole, heaha la na haawina e loaa mai ana iaʻu.

            Aole he leo i pae mai, mai kona hoaheie mai, oiai, aia kona mau pepelao ke hoolohe la me ka hiaai nui i ka pae mai o ka leo nahenahe o ka kaua Lusia.

            No kekahi mau minute wale no keia noho ana iho a laua, ua hiki hou ole iho la iaia ke noho hou iho, oiai ka leo suita honehone o ke kaua Lusia e koi mai ana no iaia e hele hou aku ma kahi ana o ke kumulaau oka.

            E haalele hou ana au ia oe e kuu hoahele, wahi a Rodika i pane mai ai no ka mea, o ka leo honehone aʻu e lohe nei, ke iniiniki hala ole nei i kuu puuwai, a ke ike nei au i ka manene o na mea paahana o koʻu mau aahuki nolaila, e kuu hoaloha, e kali iaʻu maanei, a ke hoi koke ole mai au, e hoomanao iho oe ua poino au, a o ke alahele no keia huli hoi no kou home.

            Aole, aole loa au e ae aku i kou manao, no ka mea, mamuli o koʻu aloha ia oe, koʻu kumu i ukali inai ai mahope ou, nolaila, ma kau wahi no e hele ai, malaila pu no me aʻu e hele ai, ina no kou make, make pu no kaua, malia no hoi o hiki no iaʻu ke kokua ia oe.

            Me keia mau huaolelo, ku ae la ua wahine nei a ukali aku la mahope o Rodika, me ka manao koa a mo ka wiwo ole no ka hopena e halawai mai ana me laua.

            I ko laua kokoke loa ana aku malalo o kahi o ka hale e ku ana.  ua huli mai la o Rodika i hope a me ka leo malie, ninau mai la oia.

            E ae ana anei oe e komo pu me aʻu iloko o keia hale?

            He ae no au, wahi a ka wahine i panai aku ai, aka, he hookahi wale no mea nana i hookomo i ka hopohopo iloko oʻu oia hoi ko kaua ike ia mai e na poe o loko o ka hale.

            Mai hopohopo no ia mea e kuu hoahele ahonui, no ka mea, ua kamaaina au i na alahele huna o loko o keia hale, nolaila, e hahai mai mahope oʻu, a mai hopohopo no ia mea, wahi a Rodika i pane mai ai.

            Lalau aku la o Rodika ma ka paia e kokoke ana i ke kihi akau o ua hale la, ua ike aku la no hoi ka wahine i ko Rodika lalau ana iho iloko o kona pakeke a unuhi ae la i kekahi huihui ki, a hapapa aku la kona lima ma ka paia o ua hale la, nona hoi keia mau wahi lalani melo pokole.

            Hapapa hele ana ou mau lima

            I ka ui kaulana hookani pila.

            Aole hopo iho o Rodika

            Ka imiʻna a loaa i ke ehuehu.

           

            Aole no hoi liuliu, ua ike hou aka la no keia i ka hahao ana aku i kekahi ki iloko o ka puka ki e kau ana ma ka paia o ka hale, a iloko o na sekona pokole wale no, ua uina mai la o loko a hemo mai la ka puka, ani mai la ka lima o ua Rodika nei me ka peahi ana mai i kona hoahele e ukali aku mahope ona.

            Me na kapuai mamo, ua ukali koke aku ia oia mahope o Rodika, a iloko o ka manawa pokole, aia laua ke hapapa poeleele la ma na paʻa o ua rumi la.

            He rumi aha keia?  Wahi a ka wahine i ninau aku ai ia Rodika.

            O ka rumi keia e waihoia ai o na lako uhai holoholona, a eia hoi maloko o keia rumi e waiho nei na mea kaua no ko keu ana aku i na powa i ko lakou wa e hoao ai e pakaha i na waiwai o keia hale.

            Lalau aku la o Rodika ma kapaia i ke kukaepele a hoa ao la, a iloko no oia manawa i hoahuwaleia ae ai o loko o ua rumi la a halawai mai la hoi me ka ike o ko lana mau maka na lako uhai holoholona o kela a me keia ano, aole hoi o ia wale no, aka; e waiho pu ana na lako kaua o kela a me keia, e laa na pu raifela, pu panapana, na koi kaua a pela wale aku.

-------

Na Palapala

-------

            Aole e ili maluna o makou ke koikoi o na @hewa ana no keia mau manao i hoopukala malalo o keia poo, aka, e ili no ia maluna o na poe na lakou i kakau mai.

-------

ʻENAENA NA AHI O KILAUEA I HAWAII."  E MIHI I OLA HE KULI KA MAKE.

-------

I KE ALOHA AINA,

Aloha oe:-

            Ua lilo i mea nui e hoenaena ai i ka manao, kela mau huaolelo i puka ae nei ma ka nupepe a ka Ahahui Kalaiaina, oia hoi "Ka Ahailono o Hawali," penei ua olelo nei.

            "He makemake anei KE ALOHA AINA e ike i ke kumakena hope loa ana o ka lahui Hawaii/"  Ea! ma keia mau olelo hoonaikola, ua piha ka puuwai o kela a me keia Aloha Aina Oiaio me ke ahi enaena wela, i ka mea nana kela olelo kauwa makawela.

            Nolaila, ma koʻu manao, a pela pu me keia poe a pau e lawe nei i kela nupepa, na ka Peresidena no paha keia mau olelo, a i ole na Bila Aila a nei?  A ma keia, ke ninau nei au i ka p-oe nana kela uupepa, penei:  Owai o oukou ka nana kela olelo, aole anei o ka Ahahui Kalaiaina?  A pehea la e ae ia ai e komo kela mau olelo ma ka Ahailono, ma ka pane pololei i keia mau ninau, e maaiili ai ka Enaena o keia Ahi.

            Ina aole, alaila, elike me ka nalowale loa ana o ka nupepa "Ka Leo o ka Lahui," mai keia honua aku, pela aku auanei ke Ahailono o Hawaii.

            Nolaila, e mihi i ola, he umi a oi makou poe lawe i kela Ahailono ma Puehuehu nei, a me he mea la, pela ana no a puni ka Paeaina no kela mau olelo.  E oiaio ana paha ka ka nupepa, oia hoi ka Ahailono.  He Ahaimaunu ea, pela io ana paha.  Ke kali nei au no ka haina o kela ninau.

            Me ke Aloha,

            PETER JOSEPH,

            Kekahi mea lawe Ahailono,

            Puehuehu, Kohala Akau, Hawaii,

            Sept. 27, 1897.

-------

            Ua waiho aku o Kale Aki he palapala noi i ka Aha Kiekie, no kona ae ia mai e lawelawe i na aha hookolokolo a pau o ka Paeaina.

            He eiwa poe i hoopai ia e Lunakanawai Wilikoki, no ka piii waiwai ma kekahi ano paani pahupahu ana, a ua hoouku ia aku lakou he $25 pakahi me $3 koina, ma ke kakahiaka o ka Poaina nei.

-------

KA HUAKAI A KA ELELE O MAUI MIKINA.

-------

            Mahope iho o ka pau ana o ka haiolelo ana a ka Elele, ua waiho koke ia mai la ka papa hoonohonoho hana no na mea e pili ana i kakauinoa a ua koho koke ia na komite no ka hoouna ana iloko o na apana mawaho aku o ka Aha Kuwaena o Hana, e noho ana ma Puuiki.

            Ua hooholo ia he eha komite ma na palena o Hana ma na pali Koolau oia hoi o G. P. Kauimakaole, Petero Ki, Mrs. Namakaoku Kahilina, Mrs. Rebeka, o lakou iho la na komite i wae ia no ka hoouna ana ma ia aoao.

            Ma ka aoao ma na Kona nei, oia hoi, mai Kipahulu, Kaupo, a hiki i Kahikinui, ua kohoia o P. K. Momoa ka Peresidena o ka Hui Kuwaena o na Kane ma Puuiki, Mrs. Keluia Kalani, a me Kekaa, a ma keia aoao, ua noi na na komite e hele pu ka Elele ma la aoao.

            Aia malaila ka makolukolu o ka poe kalaiaina a me ka poe hoi e noho ana malalo o ka Repubalika, ma ke ano, no kahi hana e paa ia ana ma ko lakou lima, a ua hooholo kokeia kela noi me ka hookaulua oleia.

            Ua lawa hou ia mai he olelo hooholo no ke kaa ana o ka malama ana i ka Elele ma na mea a pau a hiki i kona hoi ana, ua apono loa ia ka olelo hooholo me ka lokahi.

            Ma ke kakahiaka Poalima ae, ua nee aku ia ka huakai a ka Elele no Kipahulu i ukaliia e na Komite wahine, no ka home noho o ka Peresidena o na skane P. K. Momoa, a ua hookaulua iki malaila no ka paina kakahiaka.

            Aole i pau.

-------

KA MOKUKAUA AMERIKA WHEELING.

-------

            Ma ka hora 10 o ke kakahiaka la Sesbati nei, i hoea mai ai ka mokukaua lawe kauoha Wheeling, he 9 la holo mai Kapalakiko.  Me ka lawe pu ana mai he kanalima kanaka mawaho ae o kona poe kanaka, i laweia mai, mai kekahi mau mokukaua e ae A ua hiki aku hoi ka nui o kona poe kanaka i ka 129.

            Ua lawe mai pu oia he kauoha no ka haalele koke ana iho o ka mokukaua Piladelepia ia Honolulu nei, ma ke kakahiaka Poalua ae, no Mea Ailana no ka hoemaemaeia ana.  I ka wa e hoea aku ai o ka Piladelepia i Mea Ailana, e hookau hou ia aku ana kekahi o kona poe kanaka no luna o ka Baletimoa, a oia no kona wa e haalele koke aku ai ia Mea Ailana.

            Ua lilo ae ka mokukaua Beninetona i moku lawe hae no Adimarala Mila, a hiki i ka wa e hoea mai ai o ke pani ma ko Piladelepia wahi, a eia ke kau nei ka hae o ka Adimarala maluna o ka Beninetona.

            A oiai, aole i lawa na keena o luna o ka mokukaua Beninetona no ka Adimarala a me kona mau ukali, e noho ana lakou luka nei o ka aina, a hiki i ka hoea ana mai o ka Balatimoa.  E noho pu iho ana ka mokukaua Wheeling me ka mokukaua Beninetona no ke kiai ana.

-------

            Ma ka Mauna Loa o ka Poalua nei i loaa mai ai kekahi lono, no ke ano haunaele o na Iapana aia Kona, a nolaila, ua hale aku la o Chester Doyle no ia wahi.

-------

HALAWAILAHUINUI

-NO KE-

KUEI KA HOOHUI AINA!

ME KE

Kuea o ka Pa Alii

MA, KEIA

PO POALIMA, OKATOBA 8

HORA 7 p. m.

-------

            Ma keia nei, ua kauohaia na poe kue i ka hoohui aina a pau e akoakoa ae ma ke Kuea o ka Pa Alii, Honolulu i ke ahiahi o ka Poalima, Oct. 8, 1897, ma ka hora 7, no ka hooholo ana i kekahi Memoriala (Palapala Hoopii) e kue ana i ka hookoia aku o ke kumuhana hana hoohui aina, a ma la hoi i manaoia ai e hoohui aku ia Hawaii nei ia Amerika Huipuia,

            Ke paholaia aku nei ke kono i na makaainana a pau.

            Ma ke kauoha a na Komite o ka Lehulehu,

            F. J. TESTA,

            J. K. KAHOOKANO,

            C. B. MAILE,

            S. K. KAMAKAIA,

            S. K. PUA.

-------

            O maua oa mea no laua na inoa malalo iho, no a ma ka aoao o na Ahahui Hawaii Aloha Aina a me Kalaiaina Hawaii, ma keia ke kokua a ke apono nei i ke kahea maluna ae, a ke kauolia aku nei hoi i na lala a pau oia mau ahahui i oleloia e hele ae.

            JAMES KEAUILUNA KAULIA,

            Peresidena Ahahui Hawaii Aloha Aina,

            DAVID KALAUOKALANI.

            Peresidena Ahahui Kalaiaina Hawaii.

-------

E HOLO AKU NO MOLOKAI.

-------

            Ma ka halawai a ka Papa Ola i malamaia ma ka Poakolu nei, ua laweia mai la e Peresidena W. O. Kamika, he manao no ka noonooia ana oia hoi, ua makemake o Senate Mogana e holo makaikai i ke kahua maʻi lepera mamua o kona hoi ana aku no Amerika Huipuia.

            Ua hooikaika o Peresidena Kamika e lawe kokeia oia i ka auina la Poalima a i ole i ka auina la Poaono aku, maluna o kekahi mokuahi, ahe hapa la hoi kona e hele makaikai ai i ke kahua maʻi, a hoi hou mai ka paakai i Honolulu nei.

-------

            Ma ka halawasi o ka hui heihei waapa Leilani i malamaia maloko o ka sHotele Hawaii, ma ka po o ka Poakolu nei, ua noonooia ke kukulu ana i hale waapa no lakou, a ua lulu ae na lala oia hui he $300.

            Oiai o Kaluhikai e hooponopono ana i ka heleuma o kekahi hoe ilalo o ka hohonu o ka moana, ua holo mai la kekahi mano ma kahi o Kaluhikai e hana ana, aka, ua uhau koke kekahi kanaka e noho ana iluna o ka waa pa me ka hoe a ia wa i aalowale aku ai ua mana la.