Ke Aloha Aina, Volume III, Number 45, 6 November 1897 — Page 5

KE ALOHA AINA, POAONO, NOVEMABA 6, 1891.

 

laila, hoopau ia na  manao ene enemi, a hookomo iho i ke aloha  a nui iloko, i ko  ai na hana a  pau iloko o ka wa pokole.  O ka oukou hana hoi ia  ka ka lahui, a o ka na  Komite ohi  dala hoi, oia ka ohi mai  a waiho aku iloko o ka lima o ka  poe nona ia kuleana, a pela e holopono ai ka kakou mau hana

 

KA AIHUE MAKAU OLE

 

            Eia hou, ua hoea ae imua o ka  Halewai  i ka Poaha nei, kekahi hana aihue  koa,  a maka'u ole loa, i waiho ia ae iloko o ka  lima o  Makaikiu  D Kaapa, no ka huli  a noii  ana i ke alahele e hiki ai ke  hopuia ka mea nana i hana i kekahi aihue wiwo ole, me ka malama loa me ke akahele, me ka  makemake ole ia e hoolaha maloko o na nupepa mamua o  ka ha naia ana o ka hana.

            I ka wa mamua aku o Kapena Berger wa i hele ai me ka haalele ana iho i kona hale i noho ai, aole loa he mau manao nana i hoonioni ae  i kona mau noonoo maikai,  oiai hoi,  aole oia i manao  eia ka manao kolohe o  ka aihue ke hakilo mai nei, mahope o kona meheu.

            O ko  Kapena Berger hale noho, aia no ia  mamua mai o ke alo o ke kahua paikau, he elua hale ke kiekie,  a he mau alolua hoi kona mau lanai, i uhiia mai ka lanai me na peapea i pena omaomaoia.  Aia he ehiku poe e moe ana  iloko  o kela hale i kela po.

            I ke ahiahi ua hele holoholo aku keia poe keiki ma ke kaona, no ka  ai hau, inu kope, a pela aku, a ua  lawa hoi  lakou me  ke dala  no ka hele holoholo ana, a oiai hoi lakou ma ia ano,  aole  lakou i kipa aku ma  kekahi hale  inu  rama a hiki i ko lakou huli  hoi  ana no ko lakou  home  iho, o ka hora 10 pahaia o ka po.

            Oiai nae keia poe noho hale o ko Kapena Berger wahi  ma ke alahele holoholo, ua ike iho la lakou i kekahi mea  e  ukali ana mahope o lakou, a ua komo koke  no iloko  o  lakou k@ hoohuoi no kekahi mea  alualu loloa ana mahope o lakou, aka, aole nae i hoomaopopo  loa ia a hiki i ko lakou ala  ana ae ke kakahiaka, Poaha  nei,  aia hoi, ua paewa ka pilina me ka nihoniho o ko lakou mau aahu i kau ai, e mokaki ana  i ka papahele.

            I ka huli  ponoia ana aku ua lilo aku  mailoko  aku  o ka pakeke o John Sylva, he $1.75, a o ko  Berger hoi,  he watigula a me ke kaula,  ua p@eh@ pu ma ia  alahala  o  ka piko pau iole.

            Aole i loaa ke kolohe, a hiki i keia la, ua pee loa ia paha,  ua manaola he haole no ka mea nana i aihue.

            Ma ka  ponei,  ua lilo  aku mai ka ume waiho dala aku o ka halekuai o Iwakami he huina dala o $283, he  $25  ma ke gula, a o ke  koena iho ma ka mahelehele ana, ma ka pepa a me ke dala  keokeo, a he hookahi bila dala pepa o  $50, no ke au kahiko ia pepa, aole hoi o ke ano hou o keia wa.

 

LOAA PONO KE KOLOHE

 

Ma ka po la Sabati nei,  mamuli o ka makaala  o Kapena Bowers, o ka  oihana Makai, ua paa i ka hopui@ o P. De b@ro,  Joaquin  Lima,  a me M. Fernandez o ka Hui Kaa Waiu Honolulu, no ka hui a pa-ipa-i ana  i ka walu me ka wai maoli.   Ua haawiia keia hana e ka  Hui Nana Waiu o ka lehulehu a mamuli  hoi o ka lakou ana ana i ike ia  ai, ua emi mai ke ono mau  o ka waiu, a ua ike ia hoi o  ke kumu, oia no ka huipuia  ana me ka wai, i wahi e loaa ai i keia poe he mau kenikeni  mawaho ae o na mea i ana ia e ka  Hui Nana Waiu, a me ka poe  hoi nana ka waiu.

            He mea oiaio, eia keia hana ino a keia poe ua puka ae la i ke akea, a oiai hoi  ua loihi loa no  na la o keia poe i hana ai pela, me ka loaa ole, aka, mamuli o ke kiai mau  la a me ka makaala o na Luna Nui o kela Ahahui Nana Waiu, ua hoea mai la lakou i ka pahu hopu e @pono ia ai ka  lakou mau hana e ka lehulehu, oia hoi ka loaa pono ana o keia poe ekolu ia Kapena Bowers,  a me  kona mau kokua  e  lawelawe ana  i kekahi hana ino loa, e hoopoino ana i ka lehulehu.

            Aole  o  lakou nei wale no ka poe e hana nei i keia hana ino,  aia no  kekahi poe  e ae mawaho ae, oia no hoi na kaa waiu paha i komo ole iloko o kela wahi e  nana ia  nei na waiu i keia wa,  ua oi  aku ka pono e hoihoi ia ka lakou mau waiu a pau ilaila e  ana ia ai, mamua o ka  hookuu  laelaeia ana oia poe, e lawe hele i o a ianei, me ka hoopilikia pu i ka p@@@ o ka lehulehu, a oiai, ua akaka ae ia ka puka nui  o keia poe i hana ai  @o kekahi mau makahiki loihi.

            Ma ka aoao o ka lehulehu, e pono loa e kauia  kekahi hoopai koikoi maluna  o  keia poe, ma ka hoopaahao  ana ma  ka hana oolea, a i ole, ma kekahi hoopai d@la paha, i palua a pakolu aku ke kiekie  mamua o ka  hewa a lakou  i  hana ai.  Lapuwale maoli  no keia poe kolohe.

           

            Aole e malama hou ia ana ka heihei kaa hehi wawae ma ka Paka Cy@lomere ma na auina la Poaono, mamuli o ka makemake ole o na Luna Nui e hoopilikia  wale ana aku i na lealea e  ae e malamaia ana ia auina la.

 

WAIHO I KAEA KA IWI O KAMAHELE

 

            Ma ka hora 9 o ka po Poahahi nei, i lele  loa ae  ai ka hanu o kekahi wahine Geremania, nona ka  inoa  o Mrs. Annie L@di@ke, ma  kahi hoolu@u kaa  hapaumi ma ke Alanui Nuuanu, maluna hoi o  na mauu i pului ka ua.

            He 51 ka nui o  kona mau makahiki, a ua hoea  mai hoi oia ia nei i ka  1884,  me  kana kane.   Ma Kauai laua i  noho mua ai mamua o kona holo ana mai no Honolulu  nei.  He malama hale kana hana, a he kahi umiumi me ka ako  lauoho  ka hana a ke kane.   He  hookahi wale no a laua kaikamahine ua mare  i ke kane.

            Ua lawe koke ia  mai kona kino make i ka  Halewai,  a ua hoea ae o Kauka Emekona ma laila.

            Ua make keia  wahine iloko o kekahi eha nui.  Ua kahe mai ka hu'a o ka waha, a ua emi hoi ka mehana o ke kino,  aohe mau hiona o ka lima ikaika ia,  wahi a Kauka Emekona, a  ua  hoopohihih@ia kona ike.

            Ma ke ahiahi o ka po  i make ai, ua paina pu  oia  me kana hunona, Otto  Graef, ma  Alanui Alakea, kokoke i Alanui Kalepa.   A mahope o ka paina ana ua  hoi aku oia no kona  rumi ma ka White House.

            Aole oia i kau maluna  o ke kaa hapaumi, aka,  ua ikeia oia e hele pu ana me kekahi haole e pii ana mauka.   Mahope iho ua iikela oia e E. Stiles a me Makinikoki, oiai, laua e kali ana i ke kaa,  a ma ka aoao no hoi o ua wahine la e noho ana he haole.

            Ua ikeia aku oia e hoike ana i kona kokoolua  i kona kulana pilikia, a la wa i haalele iho ai kona hoa iaia a iho mai la no ke kii ana i kaa, aka, aole nae oia i hoi hou aku  i kahi o ka wahine poi@o, a i kekahi makai kau@o i hoike aku oia i ka poino o kona hoa.

            I ka wa  o Mikinikoki  i ike ai i keia pilikia, ua hoi koke aku oia e hoike i kana wahine.  A o Loio Kamika hoi,ua lohe aia i ka leo uwe me ka nunulu ana o ua wahine  la  mai ka  lanai mai  o kona hale.  I ka wa o Makinikoki i hoi mai ai, ua kahea aku la oia ia Loio Kuhina Kamika, a ia wa i hele like mai ai laua no kahi a ka wahine e waiho ana iluna o ka lepo pulu, a iloko o ka manawa pokole oia i a@@@@ ae ai,  ua lele loa ae la kona hanu.

            Ua hookolo kokeia kona hoa i hele pu ai, a ma ka hora 11:30 o ia po no i paa ai oia i ka hopuia ma ke kihi o Alanui Papu a me Alanui Beritania, a eia oia ke paa nei ma ka Halewai no ka ninaninauia ana.

            Ma  ka Poalua  i kanuia al kono kino make.

 

KU KE KAHUA O KO KEANAE HUI ALOHA AINA

 

            Mamuli o ka hiaai a me ka makee nui o ko Keanae a  me na Koolau o Maui, i ka  hoala a na i Hui lala no  lakou,   a hoala ia na  hoolala  mua  ana iloko o ka  malama aku nei o Sepatemaba,  a  o ka  hoopaa ana ina  kua a me na pili e paa ai o ka hale o  ka Hui  Aloha Aina o na Koolau, a o ka hooko ana mai la ia,  ma ka la  29 aku nei o kela mahina.

            Ua kohoia na  Luna Nui  o ka  Hui,  a mahope  oia mau mea, ua waihoia aku ka hana e ka Peresidena  o ka  Hui Kuwaena o na Ahahui Aloha Aina e na kane o Hana, P. K. M@moa a me ka lunahoomalu o ke Kalaiaina, J.N. Kahilina.

            A ma ka leka i loaa mai ia makou,  aia ke  @eihei la  na Ahahui Aloha Aina o Hana, e kaa o lakou ka helu ekahi ma ka  hiki mua o ke komo ana mai i ka waihono o na Elele ma Honolulu nei.  He mea keia na kakou apau e hauoli ai, no ka mea, o ka hapai ana mai la oia apana i na hana e  hoomau ai i ka ikaika ma  na  kihi  a pau  o  kona  mau palena, he mea ia e hooi loa ia  aku ai  o kona ikaika, a ke  haawi  aku nei i ka mahalo  no ko lakou nana ole i na hana hoolauwili a kekahi poe.  Mahalo nui.

 

LUHI MAKEHEWA AOHE WAIWAI

 

            Ua hooneleia o Henry  Vida a me Charles Chillingworth me na  haawina laki  ma ka  laua huakai hopu opiuma ma ka hale o kekahi paele.

            Ma ka hora 2:30  o ka auinala Poaha nei, ua  hele aku la laua a pee iho la maloko o ka ilina kupapau o Kawaiahao no ka hopu ana i kekahi mea i manao wale ia he kanaka kuai opiuma.

            I ka hora 5 i loaa mai ai ia lana he hoailona, a ia wa i holo aku  ai laua  ma  kekahi  hale e ku nei ma Honuaka,  a loaa  aku la kekahi paele nona  ka inoa o Toma me umi tini i manao wale ia he opiuma, a e ku ana hoi kekahi pake ma  kahi kokoke i ua paele la, me ka manao e kuai aku ia ua mau tini la.

            Ua lawe kokeia mai laua no ka Halewai me na tini  opiuma, a i ka  wa  i  wehe ia ae ai malaila, ua loaa aku la he mau tini wale no i piha  me ka  poi.  A ua kookuuia mai la na lawehala

 

            Maluna mai nei o ka mokuahi Kina i hoea mai ai o Porofesa W. W. Campbell me kana wahine, a me Miss Beans ma ko lakou alahele e holo ana no Ioia e pai ai i ke kil@  o ka pouli ana o ka la e ikeia ana mala@a, ma ka la @@ o Ianuari o keia makahiki ae, a maluna no ona i hoomau aku  ai ka lakou huakai no ke komohana.

 

HE HOOPUNIPUNI NUI

 

            Ua ike iho makou i kekahi mau olelo hoopunipuni i hoopukaia  ma ka nupepa Avalataisa o ke  kakahiaka Poaha nei e olelo  ana.  E holo aku  ana he eha poe hula mai Kauai mai no Hilo, no ka piha ana o ka makahiki o ka make ana o Mr. J. Nawahi.  Aohe  I  maopopo a i ike hoi ko  makou makuahine Puuku  o  keia pepa, I   keia poe hula e olelo ia  mai nei,  a ina paha ua maopopo ua  nupepa, alaila nana no ia poe hula, aole na hai aku.

            Nolaila, o na olelo a ka nupepa Avalataisa e pili ana no keia poe, he hoopunipuni ia a me ka wahahee.

 

AOHE MEA O LOKO O KA MAHINA

 

            Aole he wai, aole he ea, a i ole mea ulu, aole  nohoi he hiona o kekahi mea hanu ola i ike ia maloko o ka mahina e kekahi ohenana nui i  kukuluia mai nei.  He elua kanaka akeakamai nana  i nana mai nei i  ka mahina me ka  ohenana nui a Yerkes,   Mamua   aku   nei ua loaa  ina poe  akeakamai o Parisa, he mau mea i like me ka muliwai, a me na  mea ulu maloko o ka mahina.

            Ma ka nana ana  mai nei nae a E. E. Banard ame  F. L. O. Wadsworth  me  ka  ohenana nui  Yerkes, ua hooholo like laua, aole he mau mea ano nui i ka ho@ua e lohe ai i loaa aku ia laua.

            @O ka mahina he nanaina nani kona i ikeia maloko  o k ka ohenana Yerkes, wahi  a  Mr. Banard i ka  po nei.  Ua hiki i ka mea hookahi  ke ike he lehulehu wale  o na mea i ike ole ia mamua,  e  like  me na luapele liilii,  a me na  mawae, aka, aole nae he maoli o ke ea a i ole o na mea ulu i ike  ia.  Me he mea la, o na laina i loaa aku ai i ka  mea  paikii o kahi kilo o  "Meudon Observatory,"  he mau mawae, aole hoi e hiki ia'u ke hoike i ka lakou mea i hoohalike ai, o ka mea  i  ikeia maanei, aole ia i kulike me kana poe akeakamai  o Parisa i ike ai.

 

I KA LEHULEHU

 

            Ke noiia aku nei ka oluolu o ka poe aole i paa ko lakou mau inoa ma na pepa a na Komite Kakauinoa e hele ae no e hoopaa i ko  lakou mau inoa ma ke Keena o ka  Peresidena Nu Jas. K. Kaulia, maluna ae o ka hale  pohaku, e ku nei ma ke kihi aku  o na  alanui Nuuanu me Moiwahine  i na la a pau, koe ke Sabati.

ENOCH JOHNSON.

            Kakauolelo Nui o ka Ahahui Aloha Aina.