Ke Aloha Aina, Volume IV, Number 16, 16 April 1898 — Page 6

KE ALOHA AINA

 

KA BUKE MOOLELO HAWAII

1 HAKULA E KA

Moiwahine Liliuokalani, ma Wasinetona.

 

Pai a hoopuka ia e Li a me Shepord o Bosetona, Amorika Huipula.

 

(@@@@@@@@@@@@@@@@)

MOKUNA I.

NA HOOMANAO O KO’U MAU LA OPIO

 

            Ma ka makahiki 1847 i haalele aku ai o Mas s i ke kula, a hoi aku la e noho pu me kona makuakane.  Ma ka 1848 mare iho la o Jane Loeau me Mr. Jasper.  Ua haalele pu iho la o Abigain Maheha i ke kula ia wa hookahi no ka hoi ana, aku e noho me ka hoah nau o kona makuahine, a i keia wa i pahola ae ai o ka ma’i puupuu ulalii, a o na poe i lilo aku i moepuu na keia ma’i luku, oia no o William Pitt Leleiohoku, a o ke kane mua hoi a Ruta (a i ka wa i hanau ai o kuu kaikunane ua lawe hanai ae o Ruta, a kapa iho la i ka inoia o kana kane i make maluna ona): o ka eko’u o na make o loko o na ohana alii oia no kuu wahi pokii nona ka inoa o Kaim@naauao i lawe hanai ia e Kamehameha III a me kana aliiwahine Kalama.

            O keia mau haawina ehaeha ua hookaumaba ia au i ko’u mau la opio, no ka mea, o ko’u mau hoa a ohana hoi, ua kanu like ia lakou i ka la hookabi, a maluna iho ka inoa hope i hookau ia ai o na mea e ae.  Ua kana like ia lakou a pau maloko o ka hale kupapau alii, maloko hoi o ha pa alii Iolani e ku nei, a i ka manawa i kukulu ia ai o ka hale kupapau hou mauka o Maemae, ua hoihoi hou ia aku la ko lakou kino make ilaila no ka wai@o pu ana me na makua.

            Mai ka 1848 i hoomaka mai ai ka emi liilii ana o ka ikaika o ke Kula Alii, a mahope mai o elua a i ole ekolu makahiki i pau loa ai, a ia wa i komo aku ai o ka ohana Cooke ma ka oihana kalepa a eia ke ku nei a hiki i keia wa.

            O Mr. Cooke a me Mr. S.N. Castle he mau misionari laua i hoouna ia mai e ka Papa Komisina Amerika no ka lawe aua mai i na misiona o ke ola.  Aka, i ko laua wa i kamaaina ai i ka noho ana o na mokupuni o Hawaii, o ka laua mauawa ia i haalele aku ai i ka laua misiona i hoouana ia mai ai e ka Papa, a kukulu ae la i hale o hana no laua ma ka inoa o Castle e Cooke.

            He hui waiwai loa keia, ua make na mea nana i kukulu, aka, eia no nae ia ke ku nei malalo o ka hooponopono ana a ka laua mau hanauna a me kekahi poe i komo ma ke ano hoahui. O na keiki hoi a Castle kekahi mea i kokua ikaika lea i ke aupuni hou o Hawaii mai ka 1893 a hiki i ka 1897.

`Mai ke kola aku a Mr. a me Mrs. Cooke, ua hoounaia aku la au i ke kula a Rev. Beckwith; he misionari Amerika no hoi oia.  He kula hele la keia, a ua oi aku ko’u makemake i keia kula mamua o ke kula noho pas.

 

MOLUNA II.

NA MEA A’U I IKE I KO’U MAU LA OPIO.

            He kaikamahine au i hooikaika i ke ao palapala, a o ka naauao i loaa mai ia’u, oia ka’u e hiipoi nei a hiki i ka pau aea o ko’u ola ana.  Ma keia ano ua like ole au me kou hoahanau Bernice Pauahi.  Oia kekahi o na kaikamahine a’u i ike ole ai mamea, o kona ui ia wa, ua hiki ole ia’u ke hoopoina aku i na hoomanao ana.  Elike me kekahi mea i ike i kekahi kui i paa aku ma ka buke o kona hoomauao ana.  Ua mare oia i ka umikumamawalu o kona mau makahiki.  Ua hoopalau oia me ke Keikialii Leta, he moopuna na Kamehameha Ka Nui, aka, i ka wa i noi aku ai o Charles R. Bishop i wahine nana, ua haawi mai oia i na minoaka ana, a mare iho la laua.  He mare i piha a e ka hauoli.  I ko laua wa i hoohui ia ae ai ma ka borita o ka mare, ua hoi aku la no ko laua home ma ke a waawa o Nuuanu, ma o mai o ka ilina kupapau o na Alii.  Ua hoi mai laua maloko o kekahi hale uuku e ku ana ia wa ma ke a’anui Alagea e kokoke ana i ka Hale Hui Malu Masonic mahope mai.

            I keia wa e noho ana no au me Paki me Konia, ma ka hale e ku nei a i ike ia hoi ka Hotele Alinetona (Arlington Hotel) i kukulu ia e ia Alii i home nona.  I ka 1851 i paa ai ua hale la, a malaila no hoi i noho ai o Paki a hiki i kona make ana i ka 1855.  A ia wa i nee mai ai o ko’u hoahaoau me kana kane mare no ua hale la, a e noho ana no hoi au malaila.  Malaila i kaahope ae ai o ko’u maula kamahi, mahope hoi o ka hala o na la imi naauao, a ia wa i komo aku ai iloko o na anaina hooluana ana.

            O Bishop he kanaka oia i hiaai nui ia e na kanaka a he piha lokomaikai hoi.  O ka Moi Kamehameha IV, Alexander Liholiho, e hoea mau mai ana oia i ko makou mau ipuka hale me na hoaloha, a e hoohala ia ana ke ahiaahi ma na lealea hulahula, a ua pii mahuahua mai hoi ka nui o na hoaloha e akoakoa mai ana i ka wa i lobe ia ae ai, a i kekahi wa e hele aku ana makou ma ka hale o kekahi hoaloha, a malaila e hoohala ia ai o kekahi mau hora o ka po.

            I keia wa au i halawai ai me ke kanaka opio, i lilo ai i kane mare na’u, i komo ai ka imi iloko ona ne’u a pela hoi au iaia, oiai, ua halawai mau no au me ia i ko’u wa e hele ana i ke kula, a ua piki koke no hoi kana halekula i hele ai me ka ma hoi.  O Mr. a me Mrs Johnston he mau paa mare ao@, ua kukulu ae laua he lahekula hele la, i huipu o na keikikane a me na kaikemahine, ma kahi e pili pu ana me kahi o Mr. Cooke, a i hookaawale ia hoi e kekahi pa kiekie.  Ma keia pa e pii mai ai o na keikikane a makaikai mai la i na keiki o ka ohana Alii, a mawaena o kein poe keiki o John O. Dominis (Keoni Kamaki) kekahi.  O kona makuakane he kapena o a, i hoea mai, mai Lae Hao mai, a ua holoholo hoi ma Kina a me Kaleponi no ke kalepa ana.  O na makua o Kapena Dominis mai Ilalia mai ia, aka ua mare aku nae oia i keka hi wahine Amerika i hanau ma Bosetona, he wahine hoi no loko o kekahi ohana Enelani i hoea mua loa ma Amerika Huipuia.  O ka hale e ku nei i ike ia hoi o Wasinetona Hale, ua kapili ia e Kapena Dominie i hale no kona ohana.

            Ma ka la 13, 1855, i make ai o Paki, ko’u makuakane kahu hanai.  Mahope koke iho o keia, ua hoopalau iho la o Alexander Liholiho me Emma Rooke.  O kekapi poe i ike i ka mookuauhau Alii pololei i ka lohe ana aku i keia hoopalau ua hoea lakou imua o ke Alii, a noi aku la e hoololi ia kona manao.  “No keahu au e mare ole ai?” i ninau mai ai o Liholiho.  No ka mea, o kou kiekie aole he alii i like aku me kou kiekie ma ka hanau ana a me ka laina alii, aka, o ke kaikanmahine hanai a Paki.  Ua manao ke Alii, he hewa keia mau olelo a’o, a hoopau aku la i na poe kue mai kona alo aku.  O Emma, ua hoea mai oia mai kekahi hoahanau mai o Kalaniopuu, o Kalaniopuu he hoahanau hoi no Kamehameha Ka Nui.

            Ua malama ia ko laua mare ana ma ka la 19 o Iune, 1856.  O na ku aoao o ka wahine oia ke Kama’liiwahine Victoria, owau a me Mary Pitman, o na ku aoao hoi o ke kane oia no ke Keikialii Lota. (mahope mai o Kamehameha V.), Keikialii William a me kuu kaikunane David Kalakaua.  O kekahi mau la ahaaina nui ia ma Honolulu.  Maloko o ka luakini o Kawaiahao i malama ia ai o ko laua mare ia ana, a ua hoopiha ia ae ka luakini me na kanaka a mahope iho o laila, ua malama ia na paina, na ahaaina luau, na aha hulahula he lehulehu wale e hiki ole ai ke helu ia.  Ua komo pu ua lahui like ole e noho ana ma na mokupuni e hoohiwahiwa ia mau la, a hiki aku i na Pake, ua haawi ae lakou he aha hulahula no ka hanohano o na mea i mare ia.

            E huli hoi mai ana ka Moi mai Moanalua mai me kekahi poe ukali nui maluna o na lie, no lakou ka nui maluna aku o elua haneri o na kane anie na wahine.  A mawaena o a poe o Kenerala J.O. Dominis, he kanaka opio oia ia wa e ukali ana oia ma ko’u aoao, a ia wa i komo mai i o kekahi lio mawaeaa o maua, i i @ wa i puiwa ae ai o na lio a haole aku la oia ilalo a haki ae la kona wawae.  Ua kau hou ae la no oia iluna o kona lio a hoihoi aku la ia’u no ko’u home, malaila i lele iho ai oia ilalo a hookuu iho la ia’u mailuna aku o ka lio.  I kona hoi ana no kona home, mamua o kona hoea ana aku ilaila, ua pehu ae la kona wawae i haki, a ua hiki ole iaia ke lele mailuna aku o kona lio me ke kokoa ole ia, a no kekahi manawa loihi i waiho ai oia maloko o kona hale a hiki i ka hookui ana o na iwi o kona wawae.

            Ma ka mahina o Novemaba oia makahiki no ua ukali aku au ia Koma ko’u makuahine no Hawaii, kahi hoi ana i he’e ai no ka imi ana i kona oia kino.  Ua kipa aku maua ma Kona, Kaei a me Kealakekua, kahi hoi i make ai o Kapena Kuke (Captain Cook).  O ke Kama’niwahine Likelike ko’u haohanai ponoi malaila oia kahi i hanai ia ai, he wahi hoi i kaawale aku mai ka huikau aku o ke kulanakauh@e a mai na anaina hoolauna ana o ke alii, a he wahi maluhia hoi ia wahi.  Mahope o kekahi mau mahina a’u i hoohaia ai ma Hawaii, ua helo mai la maua no Lahaina, a malaila i ioaa mai ai ia’u he leta, e hoike mai ana ua hoopalau oia me Kama’liiwahine Victoria, a e noi mai ana hoi ia’u e hoi aku i Honolulu.  Nolaila, me elima wahine ukali, mailoko mai hoi lakou o na ohana alii kiekie, ua holo mai la au no ke kulanakauhale aka, i ko’u hoea ana mai, ua ike iho ia au ua pau wale ka hoopalau, no ka mea, ua hala aku ke Kama’liiwahine Victoria no Waialua, aole hoi he wahi mea i lohe ia nona no elua pule, nolaila, ua hoomakaukau hou ae la au no ka hoi hou ana i Maui, aka mamuli okekahi palapala kono i loaa mai ia’u no ka noho ana iho ma kekahi aha hulahula e haawi ia ana e ke Keikialii Lota, nolaila, ua hoopan e iho ia au i la’u huakai.  Ma ka ana hulahula ua hoea mai la o Vitoria me kona ukali, a ua olelo ia ae ua hoopalau oia me ke Keikialii Wiliama.  Ua malama ia ae ka aha hulahula me ka houoli a hiki i ke kokoke ana o ka ia e puka.

 

“E MAHAEANA ANEI KAKOU?”

            Oia ka ninau a D. Kalauokalani, ma ka Ahailono o Aperila 8 iho nei.  No ka mea, ua pane pakike aku ka ka Puuku o ka Waihoua o na Elele i ka Luna Hoomalu o ke Komite, oia hoi o Kealakai no kana ninau, ina paha he koena dala kekahi o ke @la o’na Elele e paa ia ana ma ka lima o ka Puuku, a ina e loaa aku ana kekahi o ua mau dala aia, no ka lilo o na Elele e hele ai e kaapuni i na mokupuni.

            Ninau aku au:  Heaha ka hana: na Elele e hele ai?

            Pane mai ia na Komite, o ka ka’i aku i ka lahui i ka lakou hana i hele aku nei i Amerika.

            I na pela, aohe mea i koe i ka ike ia e ka lahui, oiai, ua hoolaha ia ma na nupepa na mea a pau i hana ia.  Aole au i manao he mea pono e lu @@ @@ ia ke dala a ka lahui ma keie huakai hele.

            Eia hou aku no paha ua hana a ka lahui e kupono ai e hoolilo a eia mau daia.  Aole no hoi au i olelo e hoonele ia D. Kalauokalani, a e haawi ia J.K. Kaulia i kekahi o ke’a mau daia a’u e pas nei, e ka’u i olelo ai, aole e pono e uku ia ko laua inau lilo o keia hele ana maileko ae o na dais @  k@ lahui i lulu ai no ke oia o na Elele, oiai lakou ma Wasinetona.

            He pono na ko laua mau Ahahui e lulu i dala no keia mau lilo o laua e hele ai.  No ka mea, na lakou no i hooholo ia manao e hele kaapuni na Elele.  Aole no hoi au i manao, he kuleana ko ka Hui Kala’aina i ninau mai ai, ina he dala ma ka lima o ka Puuku o na Elele, oiai, aole loa hookahi keneta a ka Hui Kalaiaina i haawi mai ma ka lima o ka Puukii o na Elele, mai kona wa i koho ia ai e na Ahahui Aloha Aina a me Kalaiaina a hiki i keia la.  Mamua o ka helo ana o na Elele, ua hoihoi mai na Komite o ka Hui Aloha Aina o na kane, i na dala ma ka lima o ka Puuku, a o ka Hui Kalaiaina, aole i hoihoi mai hookahi keneta.  He makani wale no kai hai ia mai a me ka olelo pu mai, e hoihoi ia mai ana ma ka lima o ka Puuku.  Aka, aole loa i hana ia peia.

            Me he a aole i hilinai ka Hui Kaiaiaina i ka lakou inea i koho ai.  “E mahae ana anei kakou?”  Ua numi wale no makou i ma hana hoohaahaa a ka Hui Kalaiaina i ka Hiu Aloha Aina o na Wahine, a hala aku la na Elele no Amerika, hapai ae ia na wahine aloha aina he paina luau lulu dala no ke ola o na Elele, a mai loko oia mau dala ua hoike mai o D. Kalauokalani ua loaa aku iaia ka huina o na dala he $475.00, a hiki i kona hoi ana mai.  A ua hai pu mai hoi lakou no ko lakou huli hoi mai aka mahope koke no o kela hai ana mai, ua hiki hou mai la no na lono mai a lakou mai no aole e hoi mai ana e noho ana e kali no ke koena o na hana, ia ua hemahema i ke kala ole ke kumu e hiki ai ke noho, noonoo ka Hui Aloha Aina o na wahine o ka mea wale no e loaa kuke ai ke dala, oia ke noi aku i ka lahui e lulu mai, a ma ka lokomaikai o ka Luna Hoomalu o na Komite Mrs. E.A. Nawahi, ua haawi mai oia i kana nu pepa Ke Aloha Aina i leta na ka lahui e ua apo lokahi mai ia ka lahui ma ka lulu ana a oi ae mamua o ka mea i noi ia aka ai.  Aka o ka Hui Kaleiaina, a D. Kalauokalani e noho Peresidena nei, ua hoopuna mai lakou i kahi manao ano nui ma ka leta pakike, mahope iho o ka hele ana aku o na Komit o ke Aloha Aina o na Wahine e nei aku i ko lakou omolu e kokua pu mai i ka lulu ana no ke oia o na Elele.

            O ka lakou i pane mai ai,  “ua noho ko lakou Ahahai, ua noonoo a ua hoole loa, aole e haawi mai i hookahi o na dala i noi ia aku ia lakou, oia hoi he $100. (O, oiai, ke lulu mau nei no lakou no na Elele.”  O ke Al @@ Aina o na kane kai haawi mai a oi ae mamua o ka mea i noi ia aku ia lakou $100, o ka lakou nae i lulu mai $157.15.

            He waiho aku nei au na ka lahui e nana a e hooma@popo i na mea i hana ia.  I na ke lulu mau nei ka Hui Ka’aiaina na ke oia o na Elele ma W sinetona.

            Ua hoolaha mai auanei na Elele i ka loaa ana aku o na dala mai ka Hui Kalaiaina aku, a ehia la a ma kowai inoa la ka hoouna ia ana.

            Ina ua hooana ia i e’a mau dala na ka mea hookahi wale no, alaila, ua oi loa ka mea i loaa iaia mamua o ka kekahi poe, oiai ua hoouna @e Aloha Aina i ke dala ua lakou a pau me ka nana oie ae i na hana maewaewe a ke Kalaiaiua.

            Aka, ke ninau mai nei.  “E mah@e ana anei kakou.”  a ina e mahae nawai la i hoomahae; na oukou no ia e ka lahui e nana mai.  Ke paa oei ka Hui Aloha Aina a na wahine i ke dala a ka lahui a hiki i ko ka lahui wa e kauoha mai ai e hana ia kela dala, oiai, ua hoakaka ka Lu@a Hoomalu o ke Komite Mrs. E.A. Nawani no kela mau dala, io na dala i hoouna ia ai i Amerika, ina oaha he mau aie ko na Elele m@lail@, e uku ia ana paha ia mau aie, ouai loke ae e kela mau dala, oiai, ua loaa pono aku no ua mau dala @la ma ka lima o ka Moiwahine, paia mai kaua pane.

Owau no me ka oiaio,

Ka oukou kauwa hoolohe,

MISS LUCY K. PEABODY.