Ke Aloha Aina, Volume IV, Number 27, 2 July 1898 — Page 5

KE ALOHA AINA

 

KE  ALOHA  AI@A,  POAONO   IULAI  2,  1898.              5

 

IKAIKA  KE  KUE  IA  O  KA

HOOHUIAINA MALOKO

O KE SENATE.

 

  Ma ka hoike a nupepa o Kapalakiko ae nei no ka ninau hoohui aina o Hawaii, penei no lai Mahope iho o ka hooholo ia ana o ka hookui aina ma ka Hale o na Makaainana ma ka la 15 nei, na waiho ia aku la ia maloko o ke Senate i ke kakahiaka o kekahi la ae, i hoouna ia mai ia olelo hooholo ma o ke kakauolelo la o ka Hale. Ma ke noi a Davis o Minesota, ua waiho ia mai la ia olelo hooholo i ke Senate a mailaila aku i ke Kuhina o na Aina E

  Ma ka la 17 ae, ua hoohala ia e ke Komite Senate o na Aina E he 15 wale no minute a hoea mai la i  ka hopena o ka loaa ana o Hawaii ia Amerika Huipuia, o na hoa o ke komite waiwai aia lakou ke hoomaopopo lea la aole e noonoo ia ana kaolelo hooholo o Hawaii ma keia kau olai, ka bila waiwai e noonoo la la Moko o ke Senate.

  I ke awakea i noho ai ka aha hooko o ke Senate a na hooholo ia no ka hoomaha a hiki i ka Poakahi, Iune 20, me ka hoopanee pu ia o ka ninau hoohui aina a hiki ia la, na Senate Jones o Arkansas i lawe mai i keia manao, a ua olelo ae hoi oia ua makemake ua pee kue i ka olelo hooholo hoohui aina, e hookaawaleia i manawa no lakou e hoomakaukau ai maluna o ka ninau hoohui aina o Hawaii, no ka haawi ana aku i kekahi paio hahana i ka poe kokua hoohui aina, aka, ua lohe ia mai nae, aohe he mau haiolelo ma ka aoao o na poe kokua.

  Ua kue o Mogana i kinohi, a na makemake hoi e lawe kokeia mai e noonoo i kekahi la ae, aka, aka, mahope mai nae, ua ae aku oiu E weheia ana ka noonoo ia ana o ka olelo hooholo ma ka Poakahi  e Senate White, a ukali la aku ana a Petiguru, a e haawi aku ana laua i na paio oolea ana no ke kue ana aku i ka hoohuiaina.

 

E  ONOU  IA  AE  ANA  KA  OLELO

HOOHOLO  HUI

 

  Ua hoike ia mai ia makou ka lohe, eia o Kuhina o ko na Aina E Kapa, ke onou pupuahulu nei i ka olelo hooholo hui, a ka Ahaolelo makaainana o Amerika i hooholo pupuahulu mai nei no ka hopohopo ia Sepania

  Ua hoike aku mkakou i ka lohe no ko ka Peresidena manao ma ua olelo hooholo la, ma ka Poaha nei, aka, na lawe ae o Kuhina Kupa i na koikoi o ka ouou heleuluulu ana ao i na olelo hooholo la i ka Ahaolelo.

  Ko makou manao iho. O ka olelo hooholo hui i hooholo ia mai nei e ko Amerika Aha makaainana, a ke Kuhina Kapa hoi e onou ae nei i kaia Ahaolelo, ua hiki ke olelo ae, aole loa i ike ke Kuhina a me ka Ahaolelo e onou ia aku nei i ke au nui a me ke au iki o ke ano e hoohuiia aku ai, ina e ae aku ana ka Ahaolelo o noho nei i keia hoohui ia ma ka olelo hooholo hui, eia ka mea maopopo ke olelo ae, he hoohui ia ma ke ano he Panalaau o Hawaii no Amerika, a o ka oi loa loa aku o ka laupwale, e kaa apa na Amerika e kau mai i ko kakou mau kanawai, aole na kakou iho, oiai, aole he kuikahi maoli nana e hoomaopopo mai i ka pono ma ko kakou aoao, a he hoohui makapo keia a ka Ahaolelo e ae aku ai.

  I olelo ae la makou i keia no ka wehewehe pono ana ae i na ano i ake ia ai o Hawaii e lawe e Amerika, nolaila, me nei ao kanaka mai ana kakou, aole o ka, waiho, a wela ke kua kahea ae. "Wela ka hao alu ka uwea," No ke kanaka ka niho, a o ka Iole ke wi ana ka waha. Ehoea mai ana ka ia a na noe ake hoohui e hoopuka ai i na olelo kuamuamu ma kahi o ke ala a me ka maikai i keia wa.

 

KA  OLIOLI  KUHIHEWA.

 

  Eia neia mau la iloko o na hoohiluhilu hae, na lipine umauma, na hoahaaina, a me na hana o kela a me keia ano, a kakou a pau e olelo ae ai, ua noho pono o Laka iluna o lakou nei, ma na liana hoohiluhilu e ku ai ka haawi o ka akau a me ka hema, a o kahi oi loa aku nae paha hoi, oia ko lakou nei palihi ana mai nei, na hooholoho ia ka hoohui aina i ka hale o na Lunamakainana o Amerika, a na ia kumu i hooi palua aku i ka ikaika o na manaolana o keia poe, e hooko ia ana ko lakou makemake ma na ano a pau, a oia hoi ka kakou e ike nei i keia mau ia, i ka hele a luluu na hale i na hae, hoomaha na hana aupuni aole e hana, a ua lilo maoli no i la kulaia aupuni, ke ano o ka malama ia ana o keia mau la.

  O na mea ai hoi i hoomakaukau ia ai, aole ia i like me ko na koa hiki mua ana mai, na lakou nei ponoi ua lilo mailoko ae o ko lakou mau pakeke ponoi, a pehea i keia mau hoomakaukauana uo ia mau ahaaina e lu ia mai nei, mai hea mai ke dala i loaa mai ai o na mea ai a me na poe hana hoolimalima ia? Aole anei mailoko mai o keia puu dala a makou i hoike mua aku ai i ka lahui, e n@i ia aku ana i ke aupuni a $10,000 no na lilo no keia mau hoohiwahiwa ana, a aia a hala aku keia mau mokuahi, alaila, hoike ia ae ia mea imua o ke akea.

  No malou iho ke hoike aku nei makou i ka manao io hana e nape nei iloko o ko makou puuwai, oia hoi, he olioli kuhihewa keia a lakou nei e hoonuanua nei i ka makani, a i ka wa e hoea mai ai na lono, aole i holo na olelo hooloho bila kanawai nei. e pili ana no ka hoohui aina, oia auanei ka wa e mimino hou ai na pua a e paia a helelei wale ai o na lau, elike me ka wa o ka hooilo, ke oneanea o luna o na lula laau, aohe wahi lau a me na pua nana e hoohoihoi mai i ka manao. Oia no ka makou e hoike aku la, e noke wale no keia poe ia kakou i ka pulapu, a o ko kakou noho no me ka naau hauoli, aole hoi me ka naau kaniuhu, elike me ka lakou nei e hana nei, he wa a hauoli ai a he wa e kaumaha ai. O ka makou keia i ike ai, aole mawaho ae.

 

KA  AHAOLELO  O  KA

REPUBARIKA  HAWAII.

 

  Eia no ka Ahaolelo o ka Repulika Hawaii ke noke mai nei no i ka hana i na kanawai no ka lahui, a ua piha hoi he haneri a oi na la hana mai ko lakou noho ana a hiki i keia la, na olelo ia, aole e oi aku ko lakou manawa e aoho ai i ke 90 la. Aka, o ka makou nae e ike nei, o ka Poaha iho la ka piha ana o ua la hana o ua poe ia  i ka 109, he oi ana aku hoi ia 19 la hana mamua o ka manawa i hooholo ia.

  Ma ka noho ana o ka Hale o na Lunamakaainana i ka po Poaha nei, na hooholo lakou, e lilo keia la Poalima, i la hoomaha, hooluolu, a hele paha e makeikai i na koa e holo ana no Pilipine, i ka wa e pili mai ai o na moku halihali koa i na uwapo o kakou nei. O keia kekahi o pa hana a makou e olelo ae ai, ua hoohaahaa ia ka mana kau kanawai o ke aupuni Hawaii, mamuli o ke kipa wale ana mai no o keia poe e ai i na mea i hana ia e na lima o na wahine haole maanei, no ko lakou pono ia aole no ka pono o ka lehulehu.

  He mea keia na makou e kahaha nei, oia hoi, ina paha o na koa Hawaii ke lawe ia ana no Cuba. ma ke alahele e hoea akuai i ka Hale Ahaolelo o Amerika, ma ke kulanakauhale o Wasinetona, e hookuu wale ana anei lakou i ka noho ana e kaana i ka pono o kona lahui, no ka hoea ana aku o na koa Hawaii, no ka hakaka ana me ko lakou mau enemi? Na ka, mea noonoo maikai ia e kaana uona iho, a e like iho, aole loa ke aupuni o Amerika e hoomaunauna wale i kona mana kau kanawai, i mea paani na na pualikoa o kekahi aupuni e hoea aku ana imua o ko lakou alo. A oia hoi k .  makou e ian@  ie nei, ke hoolilu ia nei ka e@hia o ko kakou Hale Ahaolelo i mea hoohai haa ia malalo o na hana hoonuanua wale aku no i ko hui pomaikai. O na lono keia i hoea mai la iluna o ko makou pakaukau, a oia hoi ka makou e olelo ae nei iua he oiaio ia mau lono, aia makou ma ka aoao kue loa ia mau hana hoohaahao., i ike ole ia i ke aupuni Alii o Hawaii.

 

EIA  HOU  AKU  NO  A  HOEA

 

  Maluna o ka mokuahi Belgic i loaa nou mai ai na lono ma kona wa i haalele aku la ia Kapalakiko aia ua mokuahi lawekoa Ohio Indiana, Para City a me Morgan City e hooili ana i ka ukana o ua koa a me he la maloko o hookahi pule e haalele aku ai lakou ia Kapalakiko no Honolulu nei, ua manaoia i keia Poaono lakou e hoea mai ai lakou i anei.

 nei. He poe moku malihini wale no lakou a pua i ke kulanakaunei. A o na moku lawakoa o ka huakai eha ika pule elua o Iulai lakou i upkia e hoea mai ana i anei ke loaa ole nae he mau keakea.

  Nolaila e hoolaukanka hou ia ana no na huina alanui o ke kulanakauhale nei ma keia mua aku.

 

KE  KOENA  O  NA  MOKU

LAWEKOA.

 

  Ma ka hora 6:30 o ke ahiahi Poaha nei, i loaa mai ai ka lohe i ke kulanakauhale nei, ua ike la ke koena o na mokuahi la weko mawaho aku o Waimanalo, ua kani kapalulu koke ae ke oeoe hoailona pauahi no keia @ no i hoike ia mai, mai ka ka hale kiai mai o Laeahi.

  Me ka hakahe ole ua lehau ae la na uwapo me na poe makaikai o kela a me keia ano, a maluna o ka mokuahi Eleu i kau aku ai ka bana aupuni, no ka holo ana aka e hoohauoli i na kanaka aukai malihini i aa wa i kokoke mai ai na mokuahi lawekoa iwaho ae o Laeahi oia no ko Eleu wa i haa ele iho ai i ka uwapo a holo aku la e hui me na moku malihin , ua haawi aku ka bana aupuni i na me e, a ua pan i mai ne hoi lakou me ka lakou mau ohe.

  Ma ka hora 9:30 i hoea mai ai lakou i ka nuku o Mamala, ua hoopuiwa ia ae na poe o ka uwapo i ka wa i hoolele ia mai ai o ka malamalama o ka uwila iuka nei o ka aina mailuna mai o ke Senetoa, a ua kuhih@wa loa hoi kekahi poe o ka mokukaua Montere o a aka i ka huli pono ia ana aku, o ke Sonetoa no ka.

  O ka mokuahi Zealandia oia kai komo loa mai ia po no, a o kekahi mau mokuahi iho, aole laua i komo mai a hiki i keia kakal iaka Poalima Ua hooleleia mai ua koa i keia kakahiaka no, a hoolaukai aka hou ae la i na huina alanui. Ua hala aku kekahi poe no na hale auau o ka Matala a me la Healani.

  O ka nui o na koa a keia mau moku i Lawe mai la ke huiia mai na alii, na koa a me na kanaka hana o luna o na moku he 4,500. O ka nui o na koa maluna o na moku pakahi, penei no ia: China 1,202, Senetoa 1,032, Colon 600, Zealandia 800.

  I ke kakahiaka o ka l@ apopo i manaoia ai e haalele iho ai lakou ia nei no Manila, no ka hakaka ana me na Sepania.

 

WAIHO  I  KA  AINA  MALIHINI

NA  IWIO  KAMAHELE.

 

  Ua haalele mai la i keia ola ana o H. C. Fiske, kekahi o na koa i hoea mai nei maluna o ka mokuahi lawekoa Senatoa ma ke alahe'e no Manila aka, aole nae i hooko ia kona makemake, a make iho la oia ma ka hora 3 o ka wanaao Sabati nei ma keia aina malihini, maloko o ka haukipila o ka Hui Kea Ulaula.

  Ma ia auina ia no i manele ia aku ai kona kino make, mauka o ka ilina o Alaemae. He 22 wale no ka nui o kona mau makahiki, a noloko oia o na pualikoa o ka Regimana o Ne berasaka, a e hele ana oia i ke kaua no ka hanokano o kona aina, aka, aole nae oia i hiki aku i Manila ua make iho la oia iwaena o kekahi mau helehelena malihini e poai puni ani i kona moe. Aole he hookaha ohana o kona malaila i ka wa i lele ae ai o kona aho hope. Maloko o na palapala i loaa aku maloko o kona poli, e hoike ana he kanaka opio oia no kekahi ohana kuonoonu o Neberaseka.

  Ua make no ma ka moana mamua o ka hoea ana mai o ke Senatoa ianei, he kakiana no loko no oia Regimana, a ua kanu ia kona kino ma ka moana.

 

IKE  IA  KA  MOKUKAUA

MONTERE.

 

  Ma ka hora 2:30 oka Poalima nei i kani mai ai ke oeoe hoailona paua hi no elima manawa e hoike mai ana. oa ikeia ka mokukaua Mont@re mawaho aku o Waimanalo me ka mokuahi halihali nanahu e ukia ana ma kona aoao oia hoi ka Brutus.

  O ka mokukaya M@ntere he moku kaua heahea loa oia, a he mau kapuai wale no hoi ke kiekie o kona oneki maluna ae o ka ili kai, a o kona kulana i kukulu ia ai he moku kiai kehakai, a ia auina la no i komo mai ai laua iloko nei o ke awa@

 

  Ua olelo ia ae, na hoea mai nei kekahi mau tiui opiuma i ke kulanakauhale nei, maluna mai nei o na mokuahi lawekoa, a me ha mea la, o kiai makaala aku ana ua makai awa i keia mau moku lawekoa e hoea hoi mai ai i anei.

  Ua malamaia ae na hana hoike hapaha o na kula sabati maloko o na luakini Kawaiahao a me Kaumakapili, ua hoopihala ae o loko oia mau ekalesia i na haumana kula sabati a me na poe makaikai, a ua malamaia na hana me ka hiaai nui ia.