Ke Aloha Aina, Volume IV, Number 28, 9 July 1898 — Page 1
| This text was transcribed by: | Pulama Goodhue |
| This work is dedicated to: | Mihakeaolana Kauikupaianaha Goodhue |
KE ALOHA AINA
[KIʻI]
HOOKUMUIA I MEI 20, 1895
BUKE IV. HONOLULU, POAONO, IULAI 9, 1893 HELU 28
------------------------------------------------------------------------------------------------------------
KA NUPEPA KE ALOHA AINA
--------
E hoopuka mau ia aku ana mai ka Poakahi a ka Poalima o na pule a pau o kela a me keia mahina.
Ka Uku Pepa, he 20 keneta o ka pule. No ke kope hookahi, he 5 keneta.
E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.
E pai ia no na Olelo Hoolaha, na Kanikau a me na Mele Inoa, me ke Dala kuike. Aole n upepa ma ka owili pakahi e hoouna ia ke ole e hookaa mua ia ka uku pepa.
E hoouna pololei mai i na Nuhou na Kumumanao, ma Olelo Hoolaha, na Kanikau a me na Mele Inoa i ka Lunahooponopono o keia Pepa.
Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.
Ka Nupepa Puka Pule
Ke - Aloha - Aina
Hookahi makahiki.................. $2.00
Eono mahina.......................... $1.00
Ekolu mahina......................... .50
Hookahi mahina.................... .20
EMMA A. NAWAHI.
Puuku o
Ke - Aloha - Aina
EDWARD L. LIKE.
Lunahooponopono a Hope Puuku
S. P. KANOA.
Hope Lunahooponopono.
O na kauoha Nupepa me na hookaa Dala, e hoona pololei mai i ka Puuku ma Honolulu.
---------------------------------------
NA MOKUKAUA MONADNOCK.
------------
Ma ka la Sabati nei i hoea mai ai ka mokukaua Monadnock i Honolulu nei i ukali ia e ka moku lawe nanahu Nero, he 11 la holo mai Kapalakiko mai, o kona hiohiona ua like no ia me ka n okukaua Montere.
A maluna o laua i loheia mai ai, he eha mau moku lawekoa i manaoia, ua haalele aku la lakou ia Kapalakiko ma ka la 27 o kela mahina aku nei me 4,500 koa maluna o lakou.
O ka inoa o keia mau moku lawekoa oia ke Kulanakauhale o Para, Indiana, Morgan City a me Valencia.
E hookaulua iho ana laua i anei no ka hooili nanahu ana, a mai anei aku no Manila.
------------------------------------------------------------------------------------------------------------
HE KUAHAUA NUI
--:NO KA:--
Hoohiwahiwa Alii.
----------
Ke kuahaua ia aku nei ka lahui aloha Aina a makee Alii, e hoike ae i ke aloha i ko kakou Moiwahine i noho ai me ka hoomanawanui iloko o na mea no ka na'i ana i pono no ka lahui, e akoakoa ae ma na waihi e kauoha ia aku nei.
E hoea mai ke alii ka Moiwahine ma ka mokuahi o ka la 20 o Iulai nei, a ke hoikeia aku nei ka lohe i na lala o na Ahahui Aloha Aina kane, wahine, Kalaiaina a me na poe makee alii e ae, e akoakoa ae ma ka uwapo o ka Ona Miliona, i ka wa e haawiia mai ai o ke oeoe hoailona no ka ikeia o ka moku.
Ke hoikeia aku nei ka lohe i na Keonimana no lakou na inoa malalo iho nei, e ku makaukau i na wa a pau ma ko lakou komite iho.
NA KOMITE HOOKIPA.
J K Kaunamano, E K Lulukalan@, Ecoch Johnson, James L Aholo, L W P Kaneahi, John M Kaneaau, A Kaleikau, D H Ke@aa, D L Keku, JW Kahahawai, John Poe J K Kahookano a me CB Maile.
He hana na ke Komite Hookipa ka akoakoa ana ae ma ke keena loio a J K Kaulia, i ka wa e kani ai ke oeoe hoailona ua ikeia ka moku i na k@ ao a i ka po paha, a mailaila aku no ka uwapo.
NA KOMITE MA KA HALE.
F S Keiki, G W Kualako, J Kekipi, Iosua, D Ai, J Kanui, C T Polika@a, D W Kamahikane, J Naukana, J Manuhii, P kaohi, Kumakahiapo a me Holoua.
He hana na ke komite ma ka hale e hiki ae i ka wa e kani ai o ke oeoe hoailona no ka ikeia o ka moku, ma Hale Alii Wahinekona Hale, a malaila ko lakou wahi o ka hana.
KOMITE LAHUI.
W H Kailimai, S W Kamahiai, W Kapela, E W Palau, W K Kaleihuia, Kawaiki, S H M@ekapu, Kukaulalii, Mose Palau, D Kaeo, O K Kapule, Kahele a me Paia.
He hana na ke Komite Lahui, i ka wa e ikeia ai ka moku ina i ke ao a po piha, e akoakoa ae ma ka uwapo o ka Ona Miliona, no ka hooponopono ana i ke k@lana huikau ole o ka lehulehu, a e malama ana hoi i kowa kupono no ke alahele, a na ia komite ka hoomalu ana i na hookeke ame na kulana hookeke o ka lehulehu.
KOMITE WAIWAI.
Ahahui Aloha Aina:--L W P Lanealii, S W Kamahiai a me E W Palau.
Ahahui Kal@@@a:--Ios@a Keau, K Kanui a me Kaohi.
He hana na keia Komite Waiwai ka noonoo ana a me ka imi i kahi e loaa mai ai na kokua e hiki ai ke ukuia na lilo no ka hoohiwahiwa.
KOMITE LUAU.
W Auld, W H Kealakai a me A@a Kaulia.
He hana na ke Komite Luau ka hooponopono ana i paaaina na ke Alii no kona la e hiki mai ai a me ka la ike Alii o ka lahui.
KA LA IKE ALII.
I ka la mamua iho o ka hoea ana mai o ke Alii, a ina hiki mai Oia i ka la 20, alaila, e haawiia ana ma ka la 21 ae i la ike alii no ka la nui, e hoomaka ana ma ka hora 9 o ke kakahiaka ma Wahinekona Halw, ke poloai ia aku nei ka lahui e komo ae ma ia aha ike alii, a ke kono pu ia aku nei ka hana lahui e haawi ae i na hoolaulea ana ma ia a@aina.
Maluna o kela a me keia luna hoomalu o kela a me keia Komite ka makaala ana i kana Komite me ka makaukaku mau.
JAMES K. KAULIA.
Peresidena Nui o na Ahahui Aloha Aina.
------------------
Ua hala aku na keiki o ka hana lahui no lalo o Waianae, no ka haawi ahamele ana malaila, i ka auina la Poaono nei.
Ma ke kakahiaka nui, o ka la Sabati nei, ua hanau mai la mai ka puhaka mai o Mrs. Leialoha K. 'Needham, he keikikane nui mohaha.
------------------------------------------------------------------------------------------------------------
HO, HUKIKI NA HOOHUIAINA
--------
Aole i Hoohui ia ka aina.
--------
Ma ke ku ana mai a ka mokukaua Montere i loaa mai ai na ono hope loa o ka Ninau o Hawaii, aole i hoea mai i kona hopena. Aia no Waita a me Petiguru ke noke la i ke kikoni i na loa o ke Senate, aole kohoia ka ninau a haalele aku la makou no ka hoi ana mai e pai.
Ho!!! Hukiki na hoohuiaina.
--------------------------
EIA I KE AWA O KOU.
--------
I ke aumoe o ka po Poaha nei, i huli hoi mai ai ka moku kolo Eleu mai Makena mai, me kan@ ukana e kaukolo ana mahope ona, oia hoi ka mokukuna Labrador, o ka oihana hoopae opiuma i@@@ ai ma Makena, he mau pule i hala ae nei. O ka mokuna Labrador, kona kapena a me kona mau kanaka apau, eia lakou iloko o ka poho@ ma o ke aupuni kahi i paa ai, a hiki i ka wa e maopopo ae ai o ko lakou hihia.
Ua halele iho o Eleu ia Honolulu nei i ke aumoe o ka po Poalua nei, a hoea aku la i Makena, Maui i ka hora 11 a.m. o ka Poakolu. O na hooponopono ana o na mea a pau e pili ana no ka hoolana i kahi mokukuna, malalo no ia o na hooponopono ana a Alex Lyle, a mawaena o na hora 2 a me 3 o ka auina la i pau ai na hooponopono ana a me ke kamana, a oia no hoi ka wa i nee mai ai o na hana no ka hoihoi ol@lo ana mai iaia i Honolulu nei.
Ua hoomaopopoia no hoi, ua li@ inoino loa ma kekahi wahi o ka Labrador. He manawa pokole mahope iho o kona hoolana ia ana, ua kolo ia mai oia no Honolulu nei, a haalele ia ae ma ka lepo pohopoho e kokoke la i ka hale waapa o ka Moi.
He maikai no na mea a pau, a ina e pau ana i ka hooponopono ia, me he mea la, e lilo aku ana no ia ma ke kumukuai i kupono no ka poe mea dala. He 17 hora ka manawa a ka mokuahi kolo Eleu i hoihoi mai ai i kana ukana i kii ai.
------------------------------------------------------------------------------------------------------------
UA MAKE KA BILA OPIUMA.
--------
O kona uahi ka makou i hookolo aku ai a hiki i ka wa i loaa aku ai ia makou, ke kumu o kahi o ka uahi a oia hoi ka makou i ike ai e puapuai mai ana mailoko mai o ka Hale o na Lunamakaaika@a ma ka Poakolu nei, a i ka imi io ia ana aku a loaa, eia ka ua hoomoei, aku la oia iluna o ke pakaukau, no ka wa i maopopo ole kona hopena.
Ma o ka hoike la a ka hapanui o ke komite, ua hoomoeia aku oia ma ka uluna, aku, o ke kahua nae paha i ku ai keia bila ma ka nihinihi o ka luakupapau, oʻa no ka pono o na poe e @@@@a malu i keia waiwai pepehi kanaka, a oiai hoi, i ka wa, e hooholo ia ai e laikini i ka opiuma, ua nele na poe e hoopae nei i keia mau waiwai pomaikai, a nolaila, i mea e hookoia ko lakou mau manao, o ka hoopaapa i ka hoolilo ana ae i keia bila i kanawai, i aha ai? I loaa mau ai no hoi ka pomaikai ia lakou, aole hoi i ka wa ho@@ o ke aupuni.
-----------------------------
PAU KO RICHARDS NOHO ANA
I KUMU NUI NO KAMEHAMEHA.
--------
I keia hoomaha ana iho la o ke kula keikika e o Kamehameha i pau ai ko Richards noho ana i kumu nui no ia kula, e like no hoi me kana i hoike mua ai i kona manao waiho, he mau mahina i hala.
O U. Thompsen kai koho ia aku la ma keia wahi i hoohakahakaia, aka, ua nui no nae ka minamina o na haumana i ka @akou kumu mua i waiho mai la. Ua manaoia e noho iho ana no oia i Oahu nei, me ke komo ana aku ma kekahi oihana okoa, ua makana ia aku oia e kana mau @aumana he @olokoa me kekahi mau lako kamana.
-------------------------------
[KIʻI] Eia ma ke Keena o ka nupepa KE ALOHA AINA e loaa ai he pine gula haule no ka wahine, o ka mea nona keia pine, e kii koke mai me ka uku hoolaha a me ka luhi o ka malama ana.