Ke Aloha Aina, Volume IV, Number 28, 9 July 1898 — Page 3

KE ALOHA AINA

POAONO, IULAI 9, 1898.

 

KOKOKE E PIO KA HOOHUIAINA

Nui na Senatoa e Kue la i ka Ninau o Hawaii.

E LELE KAUA AKU ANA IA SEPANIA.

Liuliu na Mokukaua o Amerika no ka Holo Aku Ilaila.

Maluna mai nei o ka mokuahia lawe koa Newport i loaa mai ai na lono hope loa ia makou, a no ka pomaikai o ko makou poe heluhelu ke hoopuka aku nei makou me ka awiwi nui ia mau mea hou me ka hakalia ole penei:

AOHE MANAOLANA NO KA HOLO O KA HOOHUIAINA.

Wasinetona, Iune 28. aole he mau aelike ana i hoea mai mawaena o na Senate hoohuiaina a me na Senate kue, a elike me ka Senate White i olelo ai, me he mea la, aole no ia e hoea mai ana. He umikumamalua a i ole unikumamalima Senate i hoike ae i ko lakou manao kamailio no keia kumuhana maloko o ke Senate, a oiai, aole he maopopo o ka wa e pau ai o keia mau haiolelo ana, nolaila, aole maopopo ka wa e hoomaha ai o ka hale, a koe wale no aia a hapai ia mai e kekahi aoao.

O ka nupepa Evening Star, ka wahaolelo o ka Hui Kopaa o Hawaii, eia oia ke hoooikaika nei elike me ka hiki iaia ma ke kokua ana ina poe hoohuiaina, a e alakai ana hoi ia lakou e noho iloko o keia kau, aka, no ka ikaika o ka wela o keia mau la i kue aku i keia mau manao.

Eia ke kamailio mua ia nei i kek akea maanei, e hoomaha e ana ka ahaolelo me ka hooholo ole ia o ka olelo hooholo hoohuiaina a Newland.

Wasinetona, Iune 27. ua hooohe aku ke Senate i keia la i na haiolelo mai ia Senate Clay o Georgia, Roach o Dakota Akau a me Caffery o Louisiana, he poe kue wale no ia i ka ninau hoohui aina o Hawaii.

E HOLO AKU ANA NA MOKUKAUA AMERIKA NO SEPANIA.

Wasinetona, Iune 27. Ua hoopuka ae ke Keena Kaua Moana he hoolaha ma ka hora 11:15 o keia kakahiaka i keia mau olelo malalo iho nei:

Ua hala aku o Komodoa Watson maluna o ka Newark no ka halawai ana me Adimarala Sampson, no ka lawe ana aku i kekahi mau aumokukaua me ka hakalia ole no na kapakai o Sepania.

Ua hoolaha pu ae ke Keena Kaua Moana i na moku e holo pu aku ana me Watson ma keia huakai, a oia keia malalo iho nei:

Ka moku lawehae Neward, na moku kaua hakaka Iowa a me Oregona, mokukaua holo mama Yosemite, Yankee a me Dixie a me na moku lawe nanahu Scandia, Aabrenda a me Alexander. Mai Santiago aku lakou a pau e holo ai no Sepania.

A eia iho malalo nei ka hoike a ka hoolaha no na hoololi ana i na mahele o na mokukaua. O na aumokukaua o ka Atelanika Akau malalo no ia o ke alakai ana a Adimarala Sampson, na mokukaua o ka mahele ekahi malalo o ke alakai ana a Komodoa J. A. Howell, mahele elua malalo o ka Komodoa W. S. Schley alakai ana. Kahi hoolulu ma Ki Komohana, malalo o ke alakai ana a Komodoa E. Remey.

KAUOHA IA O ADIMARALA CAMARA E KOMO AKU ILOKO O KE ALAWAI O SUEZ.

Madarida, Iune 27. He lono kai loaa mai nei i anei mai ia Adimarala Camara mai e hoike mai ana i kona hoea ana aku la i Port Said. Ua olelo mai oia o na makou malalo ona, ua holo ia e lakou he umi mile i ka hora. Ua olelo ia ae maanei i keia auina la ua kauoha ia aku la o Adimarala Camara e komo aku maloko o ke alawai o Suez me na mokukaua malolo ona.

Ladana, Iune 27. He lono kuikawa kai hoea mai nei mai Madarida mai e olelo ana: O Senor Aunon, ke Kuhina Kaua Moana, ua olelo ae oia e haalele iho ana na mokukaua Sepania ia Port Said no Pilipine i keia la. A ua manao oia, ua hiki ka ikaika o keia mau moku ke hoopio aku i ka aumokukaua o Diuwe. Ua olelo hou ia ae, ua manao ia ua hiki ia Manila ke paa nona iho a hiki i ka wa e hoea aku ai na mokukaua o Camara.

AOLE I HIKI AKU NA KOA I MANILA

Manila, Iune 25 (Ma Hongkong) Iune 27. A hiki i kela wa aole i hoea mai nei na moku lawekoa i hoounaia mai nei mai Kapalakiko mai, me na koa maluna o lakou no ka hoopuipui ana ia Diuwe, aole lakou i hoea mai, aole i e loli o ke kulana.

Aole i lele kaua hou aku @a poe kipi, ala na Sepania ke k@kulu la i na papu me ke kanu ana. I ka ohe no ke pani ana aku i na poe kipi mai ka nee ana mai imua. Aia na nupepa ke noi la i na kamaaina e komo pu mai e kokua i na Sepania.

HOOPOINO IA KA MOKU TOPIDO SEPA NIA TERROR.

Wasinetona, Iune 28. Ua hoolaha ae ke Keena Kaua i keia mau olelo malalo iho nei.

Ua hoike mai nei o Kapena Sigsbee, ma ka auina la o ka Poakolu nei, oiai oia mawaho aku o San Juan de Porto Rico, ua lele kaua ia mai la oia e kekeahi mau mokukaua Sepania elua. He ekolu manawa o ke Terror i halawai ai me na poka aku o St. Paul, a make iho la he hookahi aliimoku elua luina a he lehulehu wale hoi na poe i hoeha ia. Ua huli hoi hou aku ke Terror no kahi o na papu e kau ana no ka hooponopono hou ana. Mahope iho ua holo hou mai he mau mokukaua elua, aka, ua noho hou aku no nae malalo o ka malama ana a na papu.

HOEA HOU HE MOKUKAUA GEREMANIA I MANILA.

Hongkong, Iune 27. Ua haalele iho la ka mokukaua Princess Wilhelm ia Nagasaki ma ka la 15 nei, no Manila, o keia ka elima o na makukaua Geremania maloko o ke kaikuono o Manila. O ka moku lawe nanahu Geremania Wuotan e haalele iho ana oia ia Wuotan ma ka la apopo. O ka moku lawe nanahu Beritania Eddi e haalele iho ana oia i keia la.

Belina, Iune 27. O ka mokukana Geremania o ka papa elua Princess Wilhelm, ua hoea aku la oia i Manila, ma ka la 20 iho nei o Iunei.

E NEE AKU ANA IMUA NO KA HALAWAI ANA.

Ladana, Iune 27. O ka mea kakau o ka nupepa Daily Mail, ua telegarapa mai nei oia ma ka Poakahi nei, e olelo ana: O ke Kuhina Kaua Kenerala Correa ua manao ia e hoea mai ana ka puali Iapana mua, no ka hoopuipui ana ae i ka ikaika o Santiago ma ka la apopo. Ua hai pu ia mai he lohe aia na pualikoa o Guatanamo ke maki la no ka hakaka ana me na puali hope o Amerika malaila. Aia pu hoi na puali ka Hikina o Cuba ke nee la no ma ia alahele hookahi.

Ua manao ia o ka mokukaua o Cervera ke l@le kaua mua aku ana i na koa. Ua olelo ia ae o ka Kiaaina o Santiago, ua nui na lako kaua a me ka nanahu i loaa i ia. O Adimarala Camara, ua manao ia i keia wa, aia oia iloko o ke alawai o Suez me ke keal e@ ole ia, ma o kona hoouna ole ana mai i lono.

O ka lohe ia ana mai e holo aku ana @a mokukana Amerika i Sepania, aole i a i lilo i mea noonoo nui ia. O na makukaua i makaukau ua haawiia aku ke kau oha ia lakou no ka paa ana i ko lakou kulana me ka makaukau.

Ua hoopiha ia na kaikuono me na topido, a ua hana hou ia hoi na papu.

MAKE HOOKAHI A HOEHA IA EWALU.

Mawaho o Santiago, Iune 25. O ka mokukaua Texas ua kipoka aku oia, a hoohamau iho la i na batari o na aumokukaua a pau o Komodoa Schley i kipoka ai no elua manawa me ka ike oleia o ka hopena, Ua komo aku ka mokukaua Texas a aneane e pili i ka aina, a ia wa no oia i kipoka aku ai i na batari o Socapa me 135 poka pahu o 6 a me 12 iniha. O na pualikoa o Sepania i kipakuia mai ai mai Matamorasua auhee aku lakou mai Socapa aku.

Ua nui na poka i halawai me ke Texas mai na Sepania mai, a ua loaa iaia he wahi manuheu uuku a he hookahi poka a na Sepania i hoopoino aku, he hookahi i make a me ewalu i hoeha ia o ke Texas.

HOOMAHUAHUA O BERITANIA I KONA MAU MOKU MA MANILA.

Wasinetona, Iune 23. Ua hoopuka ae na nupepa puka ahiahi he lona i loaa mai nei e hoike ana he ekolu mokukaua o Beritania Nui ma Manila i keia wa, a e hoopuipui hou ia aku ana lakou me elua mau mokukana mai na wai mai o Aisa.

O ke kumu o ka hoouna ia ana o keia mau moku, mamuli no ia o ka manaoia ana e komo aku a@a o Geremania e keakea. Aka, o na aliimoku nae aole lakou i hoike mai ua hooleleia na koa Geremania iuka o ka aina. O keia hoikeia ua hilinaiia na na Sepania no ia no ka hookomo koke ana aku ia Amerika Huipuia a me Geremania iloko o ka HE 600 POKA E LELE AI I KA MINUTE.  Kapalakiko, Iune 26. Ma ka la inehinei i hoikeike ae ai o Howard C@rr, i kekahi pu ano hou loa i huli ia e ka naauao o kona puniu, ma ke k@ikuono o Shell Mound.  Ua hiki i ke kanaka hookahi e noho ana maluna o kekahi kumulaau ke ki he 600 poka i ka minute, a he 10 poka iloko o ke sekona. A mawae na o na mea pepehi i ke ola o ke kanaka i huliia, me he mea la, o keia ka oi loa ae o ka weliweli.

O ke kaumaha o keia pu ano hou he 20 1-2 paona, o ka ikaika lele oi @ kon@ n@ka he elua mile, a ua like ka nunui o na poka o keia pu me na poka o ka pu raifela.

KOMO O ALFONSO I KA HOAHANAU.

M@darida, Iune 23. Ua komo ka Moi Alfonso Sepania i ka hoahanau @ a k@la inehinei a ua malama ia he au ina haipule imua o ka ohaa ili, na @oe kulaha kiekie, ka Aha Kuhina a me na poe hanohano e ae.

HALIWAI KEKA@I MAU KOA ME KA ULIA POINO.

T@pelo, Miss. Iune 26. He ulia poino kai ikeia ina keia wahi i ka hora 4.30 o keia @uina la, maloko oia ulia poino, ua make iho la ho eha mau koa, mai Wyoming mai, a @e lehulehu hoi na poe i hoehala.

O kahi o keia ulia poino i halawai ma ke alahao no ia o Kansas City Memphir a me Arlingham. O ke kaaahi mua e ku ana oia no ka hoopiha wai ana, a o ka wa no ia o ke kaaahi elua i huli ae ai ma ke kikee a hookui mai la me ke kaa mua @. Ua pahuia aku ke kaaahi mua no 300 iwilei ihope.

LEHULEHU NA OLA I POINO I KE OLAI.

Roma, Iune 29. He elua hooueue olai ikaika i ikeia i keia kakahiaka ma Rieta, o ka hoonaune ikaika loa nae ma ka hora 9 no aneane 10 sekona ka hoonaueue ana. He nui na hale i hoohioloia ma Castel Franco, ua hoehaia e ka olai he lehulehu wale o na kanaka a me hookahi keiki i make. Ua ikeia keia olai ma na wahi a pau ahiki loa aku ma Aquita, ke kapitala oia mokuaiua, he 18 mile mai anei aku. Ma Santa Rufina he elima i make, a he lehulehu wale na oia i hoeha@a. Ma Capovello he lehulehu wale na poe i make a h@ehaia.

NUI NA POE I HOOLA IA MA KA PULE WALE NO.

Okalana, Iune 26. O Kanka F. W. Frances, ka mea nana i hoola ia Mrs. Carrie Judd Montogomery, ua wehe ae nei oia he halawai maanei i keia po maloko o kekahi hale lole ma ke Alanui Umikumamaha a me Broadway, he ikaika kana kamailio ana, a hoon@uao kiekie ia hoi oia.

Mahope iho o ka haioleo ana, ua kono mai na poe kuli a me na poe makapo e hele aku imua ona a nana e hoola mai, ua hoola io ia kekahi poe. He kanaka nona ka inoa o W. Taylor, ua hoea aku oia imua o ka mea hoola ma ke kokua ana a kekahi mau laau, aka, mahope nae o ka pule ikaika ana a Francis, ua haale'e mai kono ma'i i ia me ka lelele ana me o a maanei, me ke kokua ole o na laau ana i lawe pu mai ai.

 

E malama hou ia ana he mau lealea he @ei ma ka Paka Cycolmere i keia po Poaono.

Hele a amaamau mau mai ke ku a na moku koa, laukauaka na alanui, a laki no hoi ka poe limahana Kepani oloko o ka Pa@lii.