Ke Aloha Aina, Volume IV, Number 34, 20 August 1898 — Page 8

KE ALOHA AINA

POAONO, AUGATE 20, 1898.

 

HE MOOLELO WALOHIA NO KE Keikialii Alabati

 

Ke Kaeaea o Pelekane A ME KA Ui Madelina.

 

Ke Kukui Uwila o Ainapo

 

Hoohenoia no KE ALOHA AINA

            I ka wa i hooki ae ai o ke Keikialii Alefereda i kana kamailio ana, oia no k wa a ka moi Uilama i pane mai ai me keia mau olelo:

            Ke hauoli nui nei au mamuli o ko'u lohe pono ana i na moolelo e oili ana no keia wahine opio, a ke pahola aku nei hoi au me ne hoomaikai he nui maluna ana, ma o hana mau hana maikai la a piha i ka wiwo'ole, ka mea hoi a'u e olelo ae nei, ua aie ke aupuni a me ka lahui Pelekane no kana mau hana koa a ku i ka wiwo ole,

            He mea aiaio, wahi hou ana i pane aku ai, ua hoohauoli nui ia mai ko'u aloalii, ma o ka loaa ana o ka mea kupono nana e hoohiwahiwa hou mai i ho kakou nohoalii a me ke aupuni pu hoi, i kupono loa na'u e rula akuma keia mua.

            I ka wa i hooki iho ai o ka moi Uilama i kana kamailio ana, oia no kona wa i hoolauna koke ia aku ai me ka Ui nohoa o ke kapakila, i loli ae la hoi i wahine ui.

            He mea oiaio, he mau minute ia o ka hauoli e pahola ana mawaena o lakou pakahi, ka makua hoi o ka ohana,

            Mahope iho o ka  pau ana o na hooluana ana, ua waiho koke aku la ka moi Uilama i kona manao e apono ana i ko laua mare ia aku ma ia mua aku.

            O ka la aole ia i hoomaopopoia, ia, oiai, ua waiho mai no au na olua e koho, elike me ka mea i pono i ko olua manao.

            A ina hoi, ua haawi piha mai no oe ia mana ia mana iloko o ko'u lima, alaila, ano, ua makaukau loa au e haawi aku i ka manawa a'u i makemake ai e hoohui ia olua.

            O keie mau olelo a ka Moi Uilama, oia ka ke Keikialii Alefereda i pane mai ai me keia mau olelo:

            Us haawi aku au nau e hana na mea a pau e pili ana i ko maua hoohui ia ma ka berita o ka mare, o ka mea a kou lunaikehala e hooholo mai ana ia oe, o ka maua ia e hooko aku ai ma keia muaaku,

            Na keia mau olelo i hoeueu ae i na poohiwi o ka moi Uilama, a oia kana i pane koke mai ai, e mare koke ia oiua e pono ai.

            O ka la a me ka hora e hoohui ia ai olua, na'u ia e hana aku, elike me ka mea a'u i ike ai he pono.

            I ka wa i pau ae ai o keia mau kukai olelo ana, oia no ka wa i haalele koke aku ai o ka moi i ke keena a lakou e hui kuka pu nei, a huli hoi aku la no kahi ana i hele mai ai.

            Hoike koke aku la ola i kana mau mea hou ano nui i ike ai mawaho ae o na mea maa mau.

            A oiai hoi, o ka Ui Madelina, ua maopopo e mai la no iaiai na olelo a ko laua makuakane moi, iaia e kamailio mai ana.

            Aole ia i lilo i mea hoano e i kona noonoo, oiai hoi, ole he mea okoa kane e olelo mai ana, aka, o na mea no ia e pili ana i ka mare ana o kana keiki.

            O ke Keikialii Alabati hoi, ka mea i ike ole i keia mau mea, kaulona pono aku la kona mau maka maluna o kona makuakane moi me ke akenui e lohe pono, heaha la kana mea hou e hoike mai ai imua o lakou.

            A oia hoi ka ka moi Uilama i pane mai ai me keia mau olelo e hiki ole ai i kekahi ke hoohewahewa ino i kona wa e kamailio ana:

            Eia maloko nei o na paia o ko kakou haloalii, kekahi mea hoopahaohao i ka noonoo, a o ua mea la, he he mea na kakou a pau e kahaha ai, oia hoi ka loli ano e ana ae o ke kino o kekahi wahine i kane, a o ko kane hoi i wahine.

            E pono paha au e hoomaikeike mua aku, i kekahi mea hou ano e nana i hoopuiwa i ko'u noonoo, aole paha ia u wale no, me he mea la, ia kakou like no paha a pau ia mea he pahaohao, e hiki ole ai i kekahi mea ke olelo ae, aole ona hoano e ia o kona noonoo.

            Oia hoi, ua hoea ae nei ka moi opio a Keiki Alefereda, a hoike ae nei imua o'u a me ka Aha Kuhina, u amakemake oia e kuka koke au me ko'u Ahakuka no ka noonoo koke ana no kona kupono e mare i ka wahine.

            Mahope o na kukakuka loihi ana o na hoa oloko o ka Ahakuka, ua hooholo koke iho la lakou, e apono ana i ke noi e mare ia oia i ka wahine, elike me kana noi i waiho ae ai imua o'u.

            Aka nae, i ko'u hoea ana nei ma kahi o ua alii opio la, aia hoi, ua hoano e ia ae la ko'u noonoo, i ko'u ike ana aku i kekahi wahine opio ua nani o kona mau helehelena, e noho ana ma ka aoao o ka mea a'u i lawe aku ai @ ka manao o ko'u Ahakuka.

            Ua hoolauna ia mai au e ke alii opio, a ua hoike pu ia mai hoi ia'u kona moolelo kupanaha, ka lua ole o ke koa a me kk wiwo ole.

            Oia hoi, o ua mea la a'u i ike aku nei, aole ia he mea malihini ia'u a ia kakou no a pau, aka, aka, ua kamaaina, ua ai pu, noho pu, hele pu ma na wahi a pau.

            Ma kana mau hana, kona noho ana a me kana mau lawelawe ana, he kane maopopo oia ma na ano a pau, au e komo ole iho ai ka manao hoohuoi he wahine oia.

            Aka, e hoike aku au ia oukou a pau, mamuli o ko'u ikemaka ana a aku nei he wahine oia, aole hoi he kane, elike me ka kakou i ike mua ai.

            A i kumu hoi no'u e ikemaka ai i na mea a pau i hanaia ai, ua laweia mai la na mea a pau e hoopau ia ai ko'u pohihihi a hoike ia mai la imua o ko'u maka, na mea no hoi a'u i ikemaka ai, ua hana maoli ia e kela wahine ui, ma ke ano e hoonalonalo ana i kona ano wahine.

            Na keia mau mea i hookomo mai iloko o ko'u noonoo amikai ana, ka mahalo aha aku no keia mau hana kupanaha a keia kaikamahine opio, i hookomoia kona puuwai me ke koa a wiwo ole.

            Ina paha he wahine okoa; aole i ulu ka noonoo iloko ona e haawi i kona kino wahine no ka imi ana i wahi e hookoia ai kona makemake aka, aole nae pela ko keia opio wahine manao.

            He kupanaha kona hookauwa ana na ke aloha, malalo o ke alahele ku i ka haaheo a me ka hanohano nui, ka mea hoi a'u e, olelo nei, he lua ole kona naauao i ke kiina e pili ai ka'u manu.

            I ko'u nana ana i kona mau helehelena, he mea e ka ui a me ka puai ohelohelo mai o ka nani, me ha mea la:

            O maikai Waipio,

            I ke alolua na pali.

            I ka hooki ana iho o ka moi Uilama i kana mau kamailio ana, oia no ka wa i ku koke ue ai o ke alii opio Alabati a pane aku ia me keia mau olelo:

            O kakou a pau, ua poe i kuleana i ke alii opio, ke ike nei kakou, eia i keia ke noonoo ia nei ke kupono o ko ke Keikialii opio kupono no ka mare ana aku i ka wahine, ka mea hoi e pono ai ka noho ohana ana.

            Hookahi no mea nui i koe, oia hoi heaha la ke kulana o ka wahine i loaa i ke Keikialii, he alii hanau paha no ka aina, a i ole he makaainana paha.

            Aka, e hoike ae au i ko'u manao, oia hoi, e waiho aku ana no au na alii opio no e koho i kana moa i makemake ai, iha ia he mea e pono ai o ka nohoalii.

            O keia mau olelo e kamailio ia nei, aole lakou i hoike pau ae i ko lakou maa manao kokua, no ka mea aia no iloko he mau manao kanalua pu hoi.

            A nolaila, ua uumi malie iho la no hoi lakou pela a hiki i ka wa e hui kino hou aku ai me ke alii opio, a ia wa e ninaninau hou aku ai no keia mea, a pili ana i ke kulana a me kona ano ma na mea a pau.

            Oiai no nae lakou e noho ana, ua ulu hou ae la ka manao iloko o ka moi Uilama, a hele hou aku e hui me ke alii opio no ka manawa ana i makemake ai e mare laua.

_____

HE WAHI MOOLELO KAHIKO.

 

            O Puukiki ke kahua kaua, aia keia wahi mawaena o ke aa o Papaleokamaewa, e pili ana me Manuka, a me ka pali o Mamalu, i Kahuku, Hawaii.  he kana keia me Ihalau, kekahi alii o Hilo, i ka wa o ka moi o Hilo, Keawemauhili, Mamua iho o ka hoomakaukau kaua ana o na aoao elua.

            Ua holo aku la o Kamehameha ma Kailua, Kona Akau, a pae na waa kaua ma Milolii, Honomalino, Kapua, a hele aku la mauka a moe ma kahi i kapaia o Poho Kinikini.  He mau punawai kinikini malaila iiuna o ke a-a, oia ka mea i k pa ia ai o Poho Kinikini,

            Moe o Kamehameha a ao ia po kukulu iho la ia he wahi heiau nana a paa, a kapa iho la i ka inoa o Kalamanamana, mahope iho o ka paa ana ana o ka heiau i ka po hookahi.  Ua hiki mai la ke kaua o Hilo iluna o ka aina maikai o Kahuku a me Kiao.  Hoomoana mai la ke kaua o Hilo i ka pahoehoe o Puunanaia a me Kahuenaha ma ka Hema o Puukiki, o ka Kamehameha hoi ma ka Akau o Puukiki.

            Hoomoe iho la ke kaua o na aoao elua o ko Hilo a me kona poe, moe iho la o Kamehameha ia po malalo o kekahi kipapali ana po haku, me ka na wahi puaa hanai moe poli o Haaopuaa, a ua kaulana ka inoa oia heiau, a me ia wahi ana pohaku o Haaopuaa, a me Kalamamana i ka moe ana o Kamehameha me ka puaa, a hiki i ke ao ana.

            Ua aia miua ae la ka puaa a ku ae la iluna, a eku aku la kona ihu malalo o ke poo o Kamehameha e moe ana, Puoho ino ae la o Kamehameha me ke pale oolea ana aku i kana puaa punahele, e kepa ae ana ka puaa i ka pepeiao o Kamehameha, a noonoo o Kamehameha he hana ka kana puaa.

            Aia ae la oia iluna a paipai iho la i ke kua me ka ninau pu iho o Kamehameha.  Pehea kaua i keia la?  hu ae la ka puaa.  Ninau hou o Kamehameha, e hee ana ke kaua o Hilo ia kaua?  Hu koke ae la oia ku ae la ka hulu o kona iwi kuamoo me ka onioni pu o kona kino.

(Aole i pau)

_____

            Ua hoomau ia aku la no ka hookohu Peresidena o Dole no ka wa, ma ka hookohu ana aku a Kuhina Sewall.

_____

KUAI AINA A KA LUNAHOOPONOPONO.

 

            Elike me ke kauoha a ka Hon. A. Perry, Lunakanawai Ekahi o ka Aha Kaapuni, Apana Ekahi, i kakau ia ma ka la 13 o Iune, 1898,

            E kuai ia ana ma ka la 29 o September, 1898; ma keena kudala o J.F.Morgan, Alanui Moiwahine, ma Honolulu.

            Oia na Aina o Makanikalulu a me Kaunaloa ma Puna Hawaii, He mau Aina i kupono no ke kukulu hale, kanu kope a mahiai i na huaai.  A e hookoe ia ana ma keia kuai ana kekahi mau eka e pili ana me ke awa kumoku.  No na mea i koe e ninauia W.R.Kakela ma Honolulu a ia.

EMMA A. NAWAHI, Lunahooponopono Waiwai.

Honolulu, Augate 11, 1898.

            O keia ae la na hoololi hou no kahi e kuana ai o keia mau Apana Aina.

_____

BOROKA, $10,000 MA KA $10,000 Waiwaipaa.

 

            Ua makaukau e Hoaie aku ma ka Moraki i ka poe a pau, he mau Wai waipaa hihia ole ko lakou.

            Ua makaukau e huli maloko o na Buke Aupuni, i na Aina pohihihi ma na ano a pau a me ka hooponopono ana i na Aina e paaia nei me ke kuleana ole.

            Ua makaukau e hana i na Palapala Kuai, na Palapala Hoolimalima, na Palapala Moraki a me na Palapala o kela a me keia ano i ku i ke kanawai.

            E ohi ia no na Ale o kela a me keia ano ke waiho ia mai.  E hookoia na kauoha me ka eleu.

            Ke kono aku nei i na makamaka a pau e kipa mai ma ko maua Keena Hana, ma ka Hale ma Ewa o ka Hale pule o Kaumakapili.  Alanui Beritania. JOHN PRENDERGAST, (Kapamawaho.)  WILLIAM MOSSMAN, ( Mokimana)

Honolulu, Mei 4, 1898.  3m dl wk

_____

W.C. AKANA. Kalauki

 

            He Loea Maheleolelo mawaena o ka Lahui Hawaii a me na keiki o ka Aina Pua.  He makaukau oia ma ka hana ana i na Palapala Hoolimalima, na Palapala Kuai ame na hana a pau e pili ana na Waiawai Paa a me na Waiwai Lewa.  He waipahe ma ke kuka ana.

            Keena Hana.  Ma Kanaana, kihi o na Alanui Moi a me Alakea.

feb21-1yr.

_____

HE KUAI HOOPAU NUI LOA.

Lihilihi, Libine a me na Lole Aahu. MA KAHI O L.B. KERR

No Hookahi Pule Wale No.

            Na Lole Huluhulu Farani, mamua 50 keneta, i keia wa 25 keneta o ka i-a.

            Na Oganadi Farani Ano Hou 5 keneta o ka i-a.

            Na kalakoa Naiusooks, 5 keneta o ka i-a.

            Na Lole Keokeo o kela a me keia ano, he 5 keneta o ka i-a.

 

O Keia mau Waiwai he Emi

            Nolaila, e komo mai, a e kuai no oukou iho.

L.B. KERR, Honolulu Alanui Moiwahine, Honolulu

_____