Ke Aloha Aina, Volume IV, Number 35, 27 August 1898 — Page 8

KE ALOHA AINA, POAONO, AUGATE 27, 1898

 

HE MOOLELO WALOHIA

:NO KE:

Keikialii Alabati

Ke Kaeaea o Pelekane

A ME KA

Ui Madelina.

Ke Kukui Uwila o Ainapo

Hoohenoia no KE ALOHA AINA

      Me keia manao i ulu ae iloko o ka moi Uilama, ku ae la oia a hele aku la e hui hou me ke alii opio me ka manao hou i ulu ae iloko ona ke kumu o keia hele.

      I kona hoea ane aku, aia hoi ua puka koke mai la na alii opio iwaho, a huipu ae la me ka moi Uilama, a oia hoi ko laua wa i pane like mai ai ma ka ninau ana mai me ka manao hookahi:

      He aha la na mea hou ano nui o ka la mai kona haalele ana iho a hiki i ko lakou hui hou ana.

      O kaʻu mea hou wale uo e hoike aku ai ia olua, ua holopono na mea a pau a kakou i kukakuka iho nei, a no ko olua wa e mare ia ai, he hookahi pule mai keia wa aku.

      I ka wa i lohe like ai na alii opio i ko laua wa e hoohui ia ai, ua lilo ia he mea hauoli loa i ko laua manao, a he mea nui hoi ia i ko laua manao iloko oia wa.

      Huli ae la ka moi Uilama a hoi aku la no kona wahi i hele aku ai, no ke k@ahaua akea ana aku no ka wa e mare ia ai na alii opio.

      Elike me ka hikiwawe o ka nee ana o ke au o ka manawa, pela ka holo mama aua aku o ka lono ma kela a me keia wahi o ke aupuni, e kono aku ana i na makaainana a na makaainana a pau e hele mai.

      O na ele i hoounaia mao a maanei o ka aina, ua kuupau ak@ lakou i ka holo o na holoholona i haawi ia aku ia lakou.

      A elike hoi me ka anapu ana a ka nwila iloko o ka paia lani, pela ka hikiwawe o ka holo pnnl ana aku o keia kuahaua ma na kihi eha o ke aupuni o Pelekane, ka mea hoi i ike ole ia kona lua mai kinohi mai.

      He mau la liuliu ia no ke aupuni ka hoomakaukau ana no ka hoohiwahiwa ana, ma ka lawe ana mai i na makana, no ka haawi ana i ahaaina nui no ka hanohano o na alii opio

      Ua lilo keia mare ana i mea kamailio nui ia iloko o ka pohai o na makaainana, me ka nalu nui ana, nohea la ka wahine a ke keikialii e mare ai,

      Aka, ua hoomauawanui wale iho la no nae lakou, o ka hoea mai o ka la o ka mare, a o ka wa ia e ike ai kela a me keia i ua helehelena o ua kaikamahine la.

      O ka hookokoke mau ana o na ouli o ka manawa, oia ka mea e loha mau ia nei ma na lehelehe o kela me keia, me ka hiaai pu hoi e hoea mai ia la nui i loko o ka ulumahiehie puui ia.

      Oiai ka lehulehu o na makaainana e haiamu aei, aia hoi na alii a me ka Aha Kuhina o ka moi, ke komo pu la ma na hana no keia hoomakaukau mare.

      Oiai hoi na mea a pau e makaukau ana, eia hoi ke Keikialii Alahati a me kana wahine ke kaulona aku nei maluna o keia mau hoomakaukau ana a ka lahui e hoike ana i ko lakou ohohia piha nona.

      I ka wa i hoea mai ai keia liuliu hoomakaukau ana, oia no hoi ka wa i akoakoa piha ae maloko o ka Paalii, elike me ke kuahaua a ka moi Uilama.

      O na lako mea ai i hoolako ia e ka lahui, ua palena ole kon nui i hoahu ia ai e ka lokahi o na mea a pau.  Ua ku@ke ahuu o na mea i hoomakaukau ia, elike me kona makemake.

      I ka hiki pono ana ae i ka hora 10 o ke kakahiaka o ua la ala, aia hoi, ua lohe ia aku la ke kani alapine o ka leo o na pahu a na pualikoa e maki hele ana ma na alanui.

      A o loko hoi o ke kulanakauhale, ua halii paa ia ia me na kahakahana like ole o na hae e welo ana, e hoike mai ana hoi i ko lakou komo pu ana mai ma na hana nui oia la kamahao.

      I ke kani ana ae o ka hora 11, ua hiki ole i na mea a pau ka ike pono aku i kahi a na alii opio e puka mai ai mailoko mai o ka halealii.

      Ua lilo no hoi keia i mea nui i ka lahui Pelekane, a o kekahi kumu nui hoi paha, oia ko lakou makemake maoli no e ike pono i na helehelena o ka wahine a ke Keikialii e mare aku ai, elike me na manao uluku iloko o lakou pakahi.

      I ke kuene pono ana ae o ka manawa i ka hora 12 ponoi o ke awakea, ua haawi koke mai la na batari pukuniahi i ko lakou mau leo wawalo e hoike mai ana, eia ka wa o na alii opio e mare ia ai.

      Oiai hoi na kupinai leo e hauwalaau ana, o ka wa no hoi ia i loheia aku ai ke puhi ia ana mai o ke mele lahui, e hoike mai ana, au hiki mai la ka wa e hookoia ai na hana a pau maluna o na alii opio.

      O keia ka wa i puka mai ai o na alii opio, a kaalo ae la mamua o ke alo o na makaainana, a oia hoi ka lakou i haawi mai ai i na leo hoolio o ka hauoli no laua.

      Ma ke alahele e hoea aku ai i ka halepule, kahi o laua e mare ia ai, ua hooulumahiehie ia na alauui a ua alii opio e hele aku ai.

      I ke kaalo ana ae o na alii opio mamua o na makaainaua, ua haawi mai la lakou i ke aloha no laua, iwaena o na leo ohohia he nui.

      I ka wa a na alii opio e komo aku nei iloko o ka halepule, oia ka wa a na mea a pau i ku ae ai iluna, no ka haawi ana mai i na hoohanohano ana no laua.

      Aia hoi na leo huro e hoopaiakuli ana ia loko elike no me ke ano mau o na alii mai ka po mai.

      I ka meha ana iho o na leo hooho hauoli o ka lehulehu, oia no ka wa i pahoa hou ae ai ke ano eehia maluna o ke anaina holookoa.

      Ua ike ia aku la ke kahunapule e ku mai ana ma kahi i hoomakaukau ia nona, a i hakalia wale no i ke ku pono ae o na paa mare imua o kona alo.

      A i ka makaukau ana, oia no hoi ka wa i ike ia aku ai na lima o ke kahunapule i ke ani peahi ana mai i ke anaina e kukuli iho ilalo, no ka haawi aku i na hoomaikai lani i ka Mea Mana Loa.

      I ka wa i pau ai o na hana hoomaikai, o ka wa no hoi ia i polena ia ae ai ua mau opio la iloko o ke kaula gula hemolele o ka mare, ka mea hiki ole ke mawehe ia ae e ko ke kanaka kuleana.

      I ka wa i pau ai o na hana mare maloko o ka halepule, oia no hoi ka wa a ke kaikamahine alii i wehe ae ai i ka uhimaka e uhi ana i kona mau maka.

      O keia no hoi ka wa a ka lehulehu i ikemaka aku ai i kona mau helehelena, oia no ka wa i hooi ia ae ai o na leo hooho hauoli mai ko lakou mau lehelehe mai.

      Ua hookipa ia aku la ke anaina nui o na makaainana malalo o na lawelawe noeau a ka Puuku nui o ke Aloalii, ua ai a lawa ka makemake.

      He hookahi mahina ka malamaia ana o na ahaaina no ka hanohano o na alii opio, a ua lilo hoi na hana maikai i pahola ia aku e na alii opio a me ka moi Uilama pu hoi, i mea e hooi loa aku ai i ko lakou manao aloha no lakou.

      I ka wa i piha ai o ka mahina hookahi o ka malama ia ana o ka ahaaina, o ka wa no hoi ia i hoike ia mai ai ka lohe imua o na makainana a pau, no ka hele kaapuni ana aku ma na wahi a pau o ke aupuni o Pelekane.

      Ua lilo keia lono hoohauoli manao i mea nui i na makaainana, a oiai hoi o ko laua kaahele ana e ik@pono i ke ano o ka noho ana o na makaainana.

      A oia mau hana hoi a na alii opio e makemake nei e hana, he h@n@a pi li kalaiaina ia no ka pono o ke aupuni Pelekane.

      Ua lilo keia manao o na alii opio i hoike ia ae ai i ke akea, i mea nui i ka manao o na alii.

 

KUAI HOEMI NUI O NA KINAMU, KALAKOA ME MAKALENA

E HOOMAKA ANA MA KA POAKAHI, AUG.1,1898

Na Kinamu Lilina e Kuai ia ana he 10, 12, 14, a me 16 i-a i ke 1.00

Na Makalena Laalaau hou Loa he 6, 7, 8, 10 a me 16 i-a i ke 1.00

Na Kalakoa Merimaka he 20 i-a i ke 1.00

Na Kalakoa Amerika he 25 i-a i ke 1.00.

Na Oganadi ua hoemi i ke 20 kenet o ka i-a.

A he heluna nui o na Waiwai e ae e kuai hoemi loa ia aku ana mamuli o ke ake ia ana e loaa o na wahi Laawale nona Waiwa Hou.  E hele koke mai oukou, no ka mea, he manawa pokole wale no keia kuai hoemi.

B.F. EHLERS & Co.

 

HOOPAI IA NA HAOLE HOOPAE OPIUMA

      Imua o Lunakanawai Perry, ma ka Poalima nei, i hookau ia mai ai ka hoopai maluna o Kapena Haake a me James Carter, na haole i hopuia ai no ka hoopae opiuma o luna o ka mokukuna Labrador, he 18 mahina a me $500.  O E.P. Dole ka loio ma ka aoao o ke aupuni, a o Clark a me Davidson ma ka aoao pale.  O ka uku hoopai keia i kau aku maluna o na lawehala.

 

MAUNAKEA A ME WEBER.

HE MAU LOIO A LUNA HOOIAIO.

Maloko o na Aha Hookolokolo a pau o Hawaii a me Amerika Huipuia.

He mau mea hoaie aku i na poe waiwai paa.

Keena Hana: Alanui Kalepa, makai iho o ka Hale Lea. tf.

 

KUAI AINA A KA LUNAHOOPONOPONO

      Elike me ke kauoha a ka Hon. A. Perry, Lunakanawai Ekahi o ka Aha Kaapuni, Apana Ekahi, i kakau ia ma ka la 13 o Iune, 1898.

      E kuai ia ana ma ka la 29 o September, 1898; ma keena kudala o J.F. Morgan, Alanui Moiwahine, ma Honolulu.

      Oia na Aina o Makanihalulu a me Kaunaloa ma Puna Hawaii. He mau Aina i kupono no ke kukulu hale, kanu kope a mahiai i na huaai.  A e hookoe ia ana ma keia kuai ana kekahi mau eka e pili ana me ke awa kumoku.  No na mea i koe e ninauia W.R. Kakela ma Honolulu a ia.

EMMA A. NAWAHI,

Lunahooponopono Waiwai.

Honolulu, Augate 11, 1898.

O keia ae la na hoololi hou no kahi e kuaiia ai o keia mau Apana Aina.

 

KA HALEKULA AʻO MELE

….A….

COOKE.

Ua hiki iaia ke aʻo i ka hookani Piano, ke aʻo ana i ka Leo, ka Himeni a me ke mele like ana.

E loaa no oia ma kahi o ka Halepohaku o Love, ma Alanui Papu.

 

F. ANTON SEVERIN.

      He Me Paikii akamai loa, ua hiki ia ia ke Hoonui i na Kii a me ka hana ana i na Waihooluu ma ka uku haahaa.  He hoahanau oia  no T.P. Severin i make, ua lawe ae la no i ka hana a kona hoahanau.

KEENA HANA: Alanui Nuuanu ma Waikiki o ke Alanui Pauahi

 

BOROKA,

$10,000     MA KA     $10,000

Waiwaipaa

      Ua makaukau e Hoaie aku ma ka Moraki i ka poe a pau, he mau Waiwaipaa hihia ole ko lakou.

      Ua makaukau e huli maloko o na Buke Aupuni, i na Aina pohihihi ma na ano a pau a me ka hooponopono ana i na Ana e paaia nei me ke kuleana ole.

      Ua makaukau e hana i na Palapala Kuai, na Palapala Hoolimalima, na Palapala Moraki a me na Palapala o kela a me keia ano i ku i ke kanawai.

      E ohi ia no na Aie o kela a me keia ano ke waiho ia mai.  E hookoia no na kauoha me ka oleu.

      Ke kono aku nei i na makamaka a pau e kipa mai ma ko maua Keena Hana, ma ka Hale ma Ewa o ka Hale pule o Kaumakapili.  Alanui Beritania.

JOHN PRENDERGAST, (Ka@amawaho.)

WILLIAM MOSSMAN, (Mokimana)

Honolulu, Mei 24, 1898    3m dl wk