Ke Aloha Aina, Volume IV, Number 37, 10 September 1898 — Page 1

KE ALOHA AINA

HOOKUMUIA I MEI 20, 1895

BUKE IV.      HONOLULU, PAONO, SEPATEMABA 10, 1898

 

KA NUPEPA KA ALOHA AINA

E hoopuka mau ia aku ana mai ka Poakahi a ka Polima o na pule a pau o kela a me keia mahina.

Ka Uku Pepa, he 20 keneta o ka pule.  No ke kope hookahi, he 5 keneta.

E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

E pai ia no na Olelo Hoolaha, na Kanikau a me na Mele Inoa, me ke Dala kuike, Aole nupepa ma ka owili pakahi e hoouna ia ke ole e hookaa mua ia ka uku pepa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

Ka Nupepa Puka Pule

 

Ke – Aloha – Aina

Hookahi makahiki       $2.00

Eono mahina   $1.00

Ekolu mahina  .50

Hookahi mahina          .20

 

EMMA A NAWAHI

Puukuo

Ke – Aloha – aina

EDWARD L. LIKE.

Lunahooponopono a Hope Puuku

S.P. KANOA.

Hope Lunahooponopono.

O na kauoha Nupepa me na hookaa Dala, e hoona pololei mai i ka Puuku ma Honolulu.

 

Nuhou Kuwaho.

Maluna mai nei o ka mokuahi lawekoa Scandia i loaa mai ai ia makou na mea hou makamaka loa o na aina mamao o no ka pomaikai o ko makou poe heluhelu ke hoopuka aku nei makou me ka awiwi nui penei:

NUI KA AIHUE O NA POE CUBA.

Santiago, Aug. 23. Ma ka wawahi ana o Kenerala Wheeler i kahi homoana o kona mau koa ma Caney ma ka Poalima nei, ua haaleleia aku na halelole a me na lako e ae maloko o ke keena hoahu a na koa me ke kiai pu ia.  Ma ia po no ua hoea mai la na poe Cuba a aihue aku la i na halelole, na lako e ae a me na lako aahu pilikino o na koa.  Aole he meheu i loaa o na poe aihue.

 

Ma ka Poaono nei, ua kauoha aku la o Kenerala Lawton i na poka a me na pu no ka lawe ana aku iloko o ke kulanakauhale, aka, ua lohi loa nae, a lilo aku la na mea a pau.  O na koa o Kenerala Kent, e hoomoana ana he ekolu milo mai o Santiago, ua lilo pu aku me ko lakou mau halelole, a ua hoi olohelohe pu mai ko lakou mau wawee no ke kulanakauhale mamuli o ka aihue pu ia ana aku.  Ua hoolako pono ia na poe Cuba me na halelole na lako kana a me na lako ai i aihueia mai na poe Amerika mai, a aia na Amerika ke kiai la i na poe Cuba me ka makaala nui.

 

HAKAKA NA SEPANIA ME NA KIPI.

 

Madarida, Aug. 24.  Ua loaa mai nei ne lono i ke aupuni mai ia Rios, ke kiaaina o na mokupuni Vizcaya, ke pani hoi o Kenerala Juadenes ma ka noho Kiaaina ma Pilipine, e olelo ana, ua hooiliia ae he kaua wuliweli loa mawaena o na poe kipi a me na Sepania me ka lukuia ana aku he 500 poe kipi.  O ka nui o na poino ma kona Sepania aoao aole i mahuahua loa.  E olelo hou ana ua lono la he mau aliikoa kekahi i hopuia a kipoka e na Sepania.

 

AOLE I HAAWIPIO NA MOKUPUNI O PILIPINE.

 

Nu Ioka, Aug. 21.  He lono telegarapa kai loaa mai nei i ka nupepa World mai ke kaikuono mai o Manila, e olelo ana:  O kahi wale no i haawipio ia o Manila i na Amerika oia ke kulanakauhale a me na apana e hoopuni ana.  A ua olelo ae o Kiaaina Kenerala Jaudenes, aole i loaa mai iaia he kauoha pili aupuni no ka haawi pio ana i kekahi mau wahi e ae o na mokupuni.

 

Ina aole i loaa koke mai nei ke kuikahi no ka maluhia, ina ua hoonee mua akua la oia i ka hakaka ana ma Pilipine, aka, aole nae he mau mea e hana ia ana a hiki i ka wa e pau ai o ka ninau kuikahi i ka hooponopono ia.

 

KA NUI O NA POINO O NA AOAO ELUA.

 

He lono kai loaa mai nei mai Manila mai, no ka la 18 o Augate, e hoike ana, o ka nui o na poino ma ka aoao o na Amerika ma ka lawepio ana i ke kulanakauhale o Manila ma ko Amerika aoao he 46 i make a ma kahi o 100 i hoehaia.  O ka poino hoi ma ko na Sepania aoao he 200 i make a he 400 i hoeha ia.

 

E HOOMAU ANA NO KA SEPANIA I KA HAKAKA ANA.

 

Madarida, Aug. 23.  Eia ke ulu mau nei na manao inaina iloko o ka poai o na Kuhina mamuli o ka hoopau ole o na poe Cuba i ko lakou mau manao no ka hoopau ana ae i ka hakaka mahope iho o ka hana ia ana o ke kuikahi a me ke kauoha ia ana no ka haalele loa ana i ke kaua.  I keia la ua olelo ae kekahi kanaka kalaiaina I na e hoomau ia ana keia hana e hoomau aku ana no na Sepania i ka paio ana me na kipi a hiki i ka wa a Amerika Huipuia e malama mai ai i na waiwai o na Sepania.

 

HOEA HE MAU MOKU LAWEKOA I MANILA.

 

Manila, Aug. 24.  O na moku lawekoa Rio Janeiro a me Pennseylvania, ua hoea mai la ia i keia la i anei, o ka moku mua e lawe ana oia he elua bataliona o na koa o Dakota Hema, he mau koa no ka puali Uta a me ka puali haawi hoailona, a o ka moku elua na koa Montana a me 300 koa o Kaleponi.

 

E HOOPAU IA AKU ANA NA KOA KUIKAWA.

 

Wasinetona, Aug. 23.  Ua manaoia o ke kauoha no ka hoopau ana i ka huina koa kuikawa o 100,000 e hoopuka ia ana ia ma ka la apopo.

 

MAKE HOOKAHI AMERIKA A HE EHA I HOEHA IA.

 

Manila, Aug. 26.  Ma ka Poakolu nei, he kopala a me elua kaa o ka puali pukuniahi o Uta i hoouna ia aku malalo o kekahi kauoha.  A oiai lakou e hele ana ma ke alanui ua ki ae la kekahi o na koa i kana pu panapana ma ke ano lealea, aka, ua hoopuiwa loa ia aku nae na kanaka e noho koke ana ma ia wahi, a hoomaka mai la lakou e ki maluna o na koa, ua hoouna koke ia aku kekahi pualikoa no ka hoopau ana ae i ka hakaka, aka, aole nae i hoopau ka hakaka a hiki i ka make ana o hookahi koa Amerika a me eha i hoeha ia, ma ka aoao o kanaka he eha i make a he lehulehu wale i hoeha ia.

 

E HCOUNAIA AKU ANA NO DIUWE.

 

Nu Ioka, Aug. 25.  He lono kuikawa kai loaa mai nei i ka nupepa Sun mai Wasinetona mai e olelo ana:  E hoomahuahua ia aku ana ka ikaika o na mokukaua o Diuwe ma Nanila.  He ekolu a i ole he eha o na mokukaua ikaika loa o ka puulu moku o ka Atelanika Akau e hoounaia aku ana ma keia mua koke iho.

 

HOOWELIWELI O BERITANIA IA KINA

Ladana, Aug. 27.  O ka mea kakau o ke Daily Mail ma Peking, ua hoike mai nei oia, o ke kulana malaila aia iloko o ke pihoihoi.  O na launa ana mawaena o Tsung Li Yamen a me Sir Claude Macpnold, ke Kuhina Beritania, ua kokoke loa mai ia i kahi o ka hookahe koko.

 

No ke kokua ana ia Sir Macdouald, aia na mokukaua Beritania ke nee la no Wei Hai Wei, a me Han, kow, a o na moku liilii hoi malalo ho o 5000 tona, aia lakou ke hoopuipui la i ka muliwai Yang Tse, o ka manao o keia hoomahuahua ana, no ke kue aku no ia ia Kina, a ua oleloia ae o na launa ana me Rusia he oluolu loa.

 

E MAHELEHELEIA AKU ANA O SAMOA.

 

Wasinerona, Aug. 25.  Ua hoike ia ae, e ulu mai ana he mau mokuahana mawaena o Geremania a me Amerika Huipuia no ka mea e pili ana i na mokupuni o Samoa.  O ka hoolala ana a Peresidena Makinile no ke kukulu ana i mau papu kaua ikaika ma Pago Pago, aole ia i kulike me ko Geremania makemake.

 

O ka manao o ka nupepa Marihe Polische Carrespondez e mahelehele ia na mokupuni, e lawe o Enelani ia Savaie, Geremaaia ia Upolu, Amerika ia Tutuila, o keia manao no ke aupuni o Geremania, no ka huli pono ana i ka manao o Amerika Huipuia a me Beritauia Nui.

 

O keia mahelehele ana e haawi ana i ka mokupuni maikai loa ia Geremania, a i oa mekupuni ino laa ia Enelani.  Aka, a hiki mai la nae i keia wa aohe mea i noonooia e Amerika no ka mahele i na mokupuni.

NA BERITANIA MA AIGUPITA.

 

Wady Hamed. Aug. 26.  O  @na koa Beritania a me Aigupita, ua hoomaka aku lakou i ka noe aua imua ma ka la inehinei iloko o na kolamu elima.  E alakai ia ana e na Jaalin a me ka lakou bana.  Ua loheia mai aia na na pualikoa Devernishes ke ku makaukau la no ka lele kaua ana mai maluna o lakou.

 

HE EONO MAU KINO I MAKE I KA UWILA.

 

Kopenahagen, Aug. 23.  Ua pahola ae kekahi ino weliweli ma Jutland i keia la.  A he nui na hale i hookui ia e ka uwila, he eono ka nui o na poe i make i ka uwila, a he kanakolu kumamaiwa hale mahiai a me umikumamakolu hale i pau i ke ahi.

 

KE KIAAINA HOU O PILIPINE.

 

Madarida, Aug. 23.  O Kenerala Pios, ke Kiaaina o Las Visayas mamua, e kauoha ia aku ana oia e Sepania i Kiaaina Kenerala no Pilipine, koe nae ke kaikuono a me ke kulanakauhale o Manila, ua haule aku ia iloko o na lima o Amerika, elike me ke kuikahi i hana ia.

 

KA MOKU LAWEKOA SCANDIA

 

Ma ke kakahiaka nui Poaono i komo mai ai ka mokuahi lawekoa Scandia he 6 la holo a oi mai Kapalakiko mai ma kona alahele e holo ana no Manila.  He 497 ka nui o na koa ana e lawe aku ana no Manila, a he 295 hoi ana koa o haalele iho ana i anei o ke koena o na koa Nu Ioka i haalele ia aku ma Kapalakiko, a aia hoi maluna o ka moku he $1,000,000 no na koa o Kenerela Merritt ma Manila.  E holo pu aku ana me ka mokuahi Arizona.