Ke Aloha Aina, Volume IV, Number 37, 10 September 1898 — Page 8

KE ALOHA AINA

 

KE MOOLELO WALOHIA

 

: NO KE :

 

Keikialii Alabati

 

Ke Kaeaea o Pelekane

 

: A ME KA :

 

Ui Madelina.

 

Ke Kukui Uwala o Ainapo

 

Hookenoia no KE ALOHA AINA

 

            A o kona wa no hoi ie i komo loa aku ai iloko o ka naele o na lau laau e uhi ana maluna iho o ua ponaha uiulaau la.

 

            He oiaio, na ka uliuli lipolipo o na lau laau e kuuwela ana, a me ka nae aala o na aheahe kehau e pa ana, me ka malia loa.

 

            Na ka wela o ka la e pa kikiki ana maluna pono iho o na lau lau ana e hoomaha nei, na ia mea hookaulua iho i kona haalele ana ia loko oia ululaau.

 

            Nolaila, ua wehe ae la oia i kana mau wahi mea ai i hoomakaukau ai, a ho’a ae la i ke ahi no ka pulehu ana, elike me ke ano maa mau o ka poe hanai holoholona.

 

            A i ka mo’a ana o na mea a pau oia no kona wa i hoopiha iho ai kona waihona mea ai, a hiki a kona maona ana.

 

            Na kela mea i haawi mai i ke kulana maluhiluhi maluna ona, a haule aku la oia hiamoe.  me ka ike ole, aia he haawina pilikia e hekau mai ana maluna ona ia wa.

 

            Ma keia wahi e waiho aku ai kakou i ke ahi opio e moe ana iloko o kona maluhiluhi nui, a e huli aku hoi ko kakou nanaina maluna o ka huakai hele a na powa oloko o na ululaau o Irelani, ka poe hoi nole i loaa ia lakou ka noho ana aloha no kekahi mea, a ua lilo hoi ka inoa o ke Keikialii Alefereda, i mea uluhua i ko lakou manao.

 

            A ua lilo hoi kona inoa i mea weli ia ma na wahi a pau, a no ia kumu i koi i ko kekahi alii powa o na kuahiwi o Irelani, e hele e huli i kahi i noho ai o ke Keikialii Alefereda.

 

            Ua wae ae la oia i na kaiki ana i kapa mau ai na iho omokoko e na ululaau, ka poe aohe o lakou makuakane, a aohe hoi he makuahine.

 

            A na like hoi ko lakou mau maka me ko na tiga omokoko, e hanu ana i ka hohono koko, ma na wahi a pau a ko lakou mau kino e hele ai.

 

            A ua lilo hoi na ululaau i wahi weliweli nui loa ia e noa poe huakai.

 

            A me keia ano ae la i haalele aku ai lakou i ko lakou mau poopoo i noho ai, a kamoe mai la no na kuahiwi o Pelekane, kahi hoi a ke Keikiajii e noho ana me ka nanaea.

 

            He mau mahina loihi loa ko lakou hele ana iloko o na pilikia he nui, a he hapa hoi o lakou i pau aku i ka make, aka, o ko lakou moto e hele imua a hiki i ka inu ana i ka wai awaawa.

 

            A pela iho la i hoea aku ai lakou maloko o keia punohu ululaau a me Kaikialii e hiamoe naaupo nei a oiano hoi ka wa i hoomaha iho a@ no ka haawi ana i manawa hoomaha no lakou.

 

            O keia no hoi ka wai komo aku ai o kekahi poe iloko o ka hihipea o ua ululaau la, a me ka puiwa nui, ua ike iho la lakou i keia kanaka opio e moe ana.

 

            Me ke ano o na tiga punikoko, pela i kokolo malie aku ai kekahi o ua poe la, a kokoke loa ma kana wahi e moe ana me ka manao e ho pu malu iaia a paa.

 

            Oiai nae keia poe e kokolo malie aku nei ma kana wahi e moe ana, oia no kona wa i oni ae ai, na ka wela o na kukuna la e pa pono iho ana maluna ona, i hoala ae iaia.

 

            Aka, me ka hikilele nui oia i nana ae ai, eia ka ua puni oia i keia poe malihini loa imua o kona mau maka.

 

            A me ka hoopuka ole i hookahi huaolelo, oia no kona wa i ku ino ae ai iluna, me kona manao e puka aku mailoko aku o kahi ana e ike no@ he wahi pilikia ia nona.

 

            O keia no hoi ka wa i lele mai a@ na poe powa nei e hopu i ke kino o ke Keikialii me ka manao e lawe pio aku imua o ke alo o ko lakou haku, me ka maalahi.

 

            Aka, ua kuhihewa loa nae lakou, oiai, i ko lakou wa i hoao mai ai e hana pela, ua pau loa iho la ka hapanui o lakou i ka luku ia a koe kakaikahi.

 

            Na keia poe uuku, e puhi ae me ka lakou mau o-le e hoike aku ana i ko lakou haku, ua halawai lakou me ka pilikia.

 

            Na keia mea i hoouna awiwi mai i na poe omokoko e noho pa ana me na alii powa nei, me ka hikiwawe loa.

 

            A oia no hoi ka wa i komo kino aku ai ke alii opio iloko o ma paio weliweli loa, ana i halawai mua ole ai i kona mau la opio.

 

            A i ke sekona hope loa, ua haki pu ae la kona pahikaua, a ku olehe loke iho la oia e alo ana i na maka pahi a kona mau enemi e kaulona pololei mai ana imua o kona maka.

 

            A mamuli hoi o ke aiuka e hoopuni nei iaia, ua paa iho la oia i ka hopu ia, a paa ae la hoi kona mau lima i ka haohoa ia i ke kaula.

 

            A mamuli o ,keia ano i kaualako ia aku ai eia no ke alo o ke alii powa, a me na olelo ku i ka makona i pane mai ai ua alii la:

 

            E hookau aku maluna o ke aua o kela lio e ku mai la, a e hoihoi aku iaia no ko kakou home kuahiwi no ka hopena o kona mau la.

 

            O keia mau olelo ae ia i hoopuka ia mai la e ke alii powa, oia ka kona mau koa i hooko koke aku ei me ka hakalia ole.

 

            A iloko o ka wa pokole wale no, ua makaukau ae ia ka huakai hele a ua alii powa nei, maloko o ua ululaau a pau o kahi e pili koke ana i ko ke Keikialii wahi.

 

            A he mea oiaio hoi, ua hoea io aku la ua poo nei ma kahi kokoke loa i ka hale o na alii opio i noho ai aka, ua hiki ole ia lakou ke lele kaua aku, oiai, e noho ana kela poe me ka makaukau nui.

 

            A no keia kumu i emi hope hou aku ai ua poe powa nei ma kahi he elima mile ka mamo mai kahi aku o ke alii opio, a hoolilo iho la lakou ia wahi i kahua hoomoana no lakou i hiki ai i keia poe ke hakilo i ke kulana o ka poe a pau e noho ana ma ia wahi.

 

            I ka loaa ana ia lakou he kahua kupono e hiki pono ai ke hana lakou elike me ko lakou makemake, a oia no hoi ka wa o ua poe nei i e@ mai ai malalo o ka honua, i wahi no lakou e pee ai, ke hoea mai ka wa o ka pilikia.

 

            O ke Keikialii pio hoi, eia oia ke hoihoi ia nei no na kuahiwi uliuli o Irelani, ka home nohopaa hoi o ke alii powa.

 

            O keia huakai hele e hoihoi ia nei ke Keikialii, eia oia me kona mau maka i palulu ia a me na lima i hauhoa ia a paa, a me na kaula hoi i hoopaa ia mamua a mahope, pela iho la kona ano e hoihoi ia nei iloko o ka ehaeha nui, no ka hopena i maopopo ole.

 

            Hala hope ae la na ululaau, kaalo ae la na muliwai me ko lakou mau wai e kahe ana, a i ke ahiahi o ka ia hope o ka ehiku mahina o keia huakai hele, ua hoea io aku la lakou i kahi o ua alii powa nei, me ka malama loa ia o kona oia.

 

            A elike hoi me ke kauoha a ke alii powa, e hoopaa ia oia i ka 16 o na hale o lalo loa o ka halepaahao., a nona hoi ka hohonu o 975 kapuai, e hiki ole ai i kekahi mea ola kino uhane ke pakele mai ka make mai, ke hala he mau hora o kona noho ana ma ia wahi.

 

            Me ka malie hoa hoi oia i hookuu ia iho ai mailuna iho o ka ho nana oio i halihali mai, ,a hoihoi ia aku la oia no kahi i kauoha ia ai malaila oia e paa ai a hiki i ka hoi ana mai o ko lakou haku.

 

            I kona komo ana aku iloko o ka rumi paahao, kahi hoi ana e noho mehameha aku ai ma keia.

 

            Ua hanai ia oia me ekolu papaa berena, a me elua poki wai i kela a me keia la, a pela iko la i mau ai ka ikaika iloko o kona kino.

 

            Aka, o ke akehui wale no iloko o ke Keikialii, eia la oia ihea e hoopaa ia nei, eia no anei oia i ha pae mauna o kona aina hanau kahi i hoooaa ia ai.

 

            A me keia mau manao e loku ana iloko ona, hu mai la kona aloha no kana wahine, kona hoa kakee hoi o na puu make i kaahope aku, a me ia ano i kono ae i kona mau waimaka no ke aloha i ka wahine, na makua a me ka lehulehu a pau.

 

LOLI KA MANAWA HOLO O KE KINAU.

 

            e HOOLOLIIA AKU ANA KA MANAWA HOLO O KE Kinau ma keia Poalua aku, Sept. 13.  E haalele iho ana oia ia Honolulu nei i ka hora 10 o na kakahiaka Poalua a pau me ke kipa ana aku ma kona mau aua maa mau o Maui a me Hawaii, a e hiki loa aku ana i Hilo me ka po Poakolu.  E noho ana ke Kinau malaila a hiki i ka po Poalima, a oia kona wa e huli hoi hou mai ai me ke kipa pu ana ma kona mau awa e hoea loa mai i Honolulu nei i na kakahiaka Sabati.

 

OLELO HOOLAHA.

 

            Ke papa ia aku nei na ano lahui a pau mahope o ka napoo ana o ka la, aole e hele a komo wale maluna o ka mahi raiki o Lok Sing Wai & Co., ma Waialae, apana o Kona, mokuouni o Oahu, ke ole e lawe pu me na ipukukui, no ka mea, ua nui loa ko makou poino i ka pau o na mea hooulu i ka aihueia.  Ina e kue ana i keia hoolaha me ke kue i ko makou pono e hoopii no makou ma ke kanawai o ka aina, a ina e hoolohe ole ke kahea ia aku a holo, e kiia no i ka pu no ka aihue.  A ma keia e mau no ka mana o keia hoolaha e like me ka nui o ka manawa o ka Hui.

 

                                    Lok Sing Wai & Co.

            Waialae, Sept. 5, 1898.

 

HOOLAHA HOOPAU HOOKOHU HOPE.

 

            Ina kanaka a pau e ike ana i keia, owau o Hooipo (w), no Klaupapa, mokupuni o Molokai.  Ma keia ke hoike aku nei au ma ke akea, ke hoopau loa aku nei au i ko J. U. Uahinui noho hope ana no’u e hooponopono i ko’u mau Waiwai Paa a Waiwai Lewa e waiho ana ma ka mokupuni o Molokai, a o ka Palapala Hookohu hope a J.U. Uahinui i hanaia ma ka la 15 o Sept. 1897, ke hoopau loa aku nei anu i ka mana oia palapala.

 

                                                                        HOOIPO [w].

            Kalaupapa, Molokai, 25, 1898.

                                    sept. 3—1 m

 

HOOLAHA PAPA ANA.

 

            Ke koikeia aku nei ka lohe i na poe a pau, e noho ano ma ka lele o Auwaiolimu, e waiho nei ma Kakaako, he aina leialii hoi i lilo mai ia’u ma ka hoolimalima no 15 makahiki mai ka Moiwahine Kanemake mai Kapiolani.  Ua kapu loa ka hele ana a malama i na holoholona maluna o ua aina la, o ka poe he mau holoholona ka lakou e malama nei, e hookaawale koke aku iloko o 15 la mai keia wa aku, a ina aole pela, e hana no au elike me ke kuhikuhi a ke kanawai.  E hoolohe e na makamaka i keia, o poino auanei.

                                                            D. KAHANU.

            Kakaako, Augate 29, 1898.

 

BOROKA,

$10,000               MA KA                  $10,000

Waiwaipa a

 

            Ua makaukau e Hoaie aku ma ka Moraki i ka poe a pau, he mau Wai waipaa hihia ole ko lakou.

 

            Ua makaukau e huli maloko o na Buke Aupuni, i na Aina pohihihi ma na ano a pau a me ka hooponopono ana i na Aina e paaia nei me ke kuleana ole.

 

            Ua makaukau e hana i na Palapala Kuai, na Palapala Hoolimalima, na Palapala Moraki a me na Palapala o kela a me keia ano i ku i ke kanawai.

           

            E ohi ia no na Aie o kela a me keia ano ke waiho ia mai.  E hookoia no na kauoha me ka eleu.

 

            Ke kon@ ku nei i na makamaka a nau e kipa mai ma ko maua Keena Hana, ma ka Hale ma Ewa o ka Hale pule o Kaumakapili, Alanui Beritania. 

 

John Prendergast, (Kapamawaho.)

William Mossman, (Mokimana)

Honolulu, Mei 14, 1898.               Sm dl wk

 

KUAI HOEMI NUI O NA KINAMU, KALAKOA ME MAKALENA

 

            Na Kinamu Lilina e Kuai ia ana he 10, 12, 14 a me 16 1-a i ke 1.00

            Na Makalena Laalaau hou Loa he 6, 7, 8, 10 a me 16 1-a i ke 1.00

            Na Kalakoa Merimaka he 20 i-a i ke 1.00

            Na Kalakoa Amerika he 25 i-a i ke 1.00

            Na Oganadi ua hoemi i ia ke 20 keneta o ka i-a

 

Eia makou ke kuai hoemi loa nei i na Waiwai a pau me ka nana ole ae i ka nui o na poho.  Nolaila, a hele mai a e ike no oukou iho.

 

                                    B. F. EHLERS & Co.