Ke Aloha Aina, Volume IV, Number 50, 10 December 1898 — Page 7

KE ALOHA AINA, POCONO DEKEMABA 10, 1893

---------------------------------------------------------------------------------------------------------------------

HE KAAO KAILI PUUWAI

----:NO KA:------

UI MINEWA

----:A ME NA:_----

Kaikunane Eiwa

_____

I Hooliloia i mau Manu Nene Ahiu a i ole na Keiki i Hoohaehaia

--------

Kakauia no KE ALOHA AINA

______

MOKUNA IV.

O MINEWA ILOKO O KA EHAEHA.

___________

   Ua lilo ka huihui oia po i maea ole ia Minewa, oiai kona mau lia ana a pau o ke ao koke ae a huli hoi aku oia no ka halealii no ka ike hope ana i kona mau kaikunane ana i manao kuihewa ai, aia no lakou ke hauoli la imua o ke alo o ko lakou papa.

   A i ka wa i o mai ai na kukuna malamalama o ka la maluna o na kuahiwi o kona aina aloha, oia koke no kona wa i ala ae ai, a kamoe aku a no kahi o na puaoa e oni haahao la iloko o ke aouli.

   Na ko lakou mau hiohiona nani i hoopiha mai i kona puuwai me ka hauoli, a loheia aku la hoi oia i ka hooho malie ana ae:

   Aohe wahi maikai e ae ma ka hame o ko’u mau makua i ini ai.

   A i ka ma i oili mai ai na kukuna malamalama o ka la, aia oia ma ka hi o elima wale no mile ke kaawale mai ke kulanakauhale mai.

   Aole no nae oia i hookuu aku i kona mau wawae e hoomaha, aka, aia oia ke nee la imua me ka hikiwawe nui.  A i ke koele ana mai o ka bele o ka Hora ewalu oia kakahiaka, oia no kona wa i komo aku ai iloko e ke kulanakauhale.

   I ka ike anamai o na kanaka, aole lakou i nana mai iaia, ike pu aku la hoi oioa i na wahi o ke aloalii, aka, aole nae lakou i kono mai iaia, a ua lilo keia mea i mea e hookaumaha ia ai o ka kaua Minewa, a he hookahi wale no kumu, mamuli ao ia o ka huna ana a ka aahu a me ka papale ooma o ka luahine o ka ululaau.

   I ke kani ana e o ka hora 9 o ua kakahiaka la, aia ka kaua Minewa mawaho o ka ipuka pa o ka pa alii kahi iku ai a oia no hoi kona wa i kikeke aku ai me ke kahea pu ana aku:

   E ke koa kiai puka, e wehe mai i ka pukapa o ka halealii.

   A ia manawa no i loheia aku ai he leo kakana i ka pae ana mai mailoko mai o ka pa i kai ana mai:

   Owai kela mawaho, a heaha kou makemake oka hoea ana mai la ia ue?

   He malihini, a ua makemake nui e ike i ka moi, nolaila, e wehe mai i ka ipuka, i hoea aku ai au imua ona.

   I ke kou ana iho o ka leo o ua Minewala, oia noka wa i nakeke mai ai o ka @aka o na pani puka, a iloko hoi o na sekona pokole wale no, ua hamama ae la ka puka, a ike aku la oia i ka halealii ana i holoholo ai i kona wa kamalii e ku mai ana no elike me kona wa i helele iho ai, a he mau wahi uuku wale no kai loli iki ae.

   I ka hamama ana ae o ka puka, oia no kona wa i komo aku ai no loko o ka pa alii, a hele pololei aku no na anuu alapii e hiki aku ai no luna o ka halealii aka mamua nae o kona hiki ana aku i kahi o ke anuu alapai, ua hala wai mai la oia me kekahi aliikoa kiai o kona makuane, a me ka leo huhu pane mei la oia.

   E kahi luahinie kuaaina e hele ana oe ihea, aole anei oe i ike o ka home keia o ka moi, kahi hoi i ae ole ia o na poe o ke kulana haahaa a kipa mai maloko o kona ma paia, nolaila, e hoohuli ae i kou mau kapuai wawae, a hoi hou aku i hope.

   Na keia leo kue o ke aliikoa kiai i ka hoomau ana aku o Minewa i kana huakai, i hookomo mai i na hawina iloko o ka kaua Minewa, a noonoo koke iho la hoi oia ikona wahi e hookuu ia mai ai no ka hele ana aku e halawai me kona makuakane.

   A no kekahi mau sekona wale no kona noho hamau ana iho, aia hoi, me ka leo olu waipahe, pane aku la oia i ke aliikoa me ka maaloa hui i ka i ana aku:

   E ke aliikoa maikao, he hana ano nui la’[u i iini loa ai, e huipa au me ko kakou moi, i hiki ole hoi ia’u ke hai waha aku ia oe, a nau e lawe aku a hoike aku iaia no ka mea, he mea huna loa ia, a oia hookahi wale no ka’u i akenui loa ai e halawai.

   Nolaila, mai  kue mai la ko’u hiki kino ana akuimua o ka moi a mai kue pu mai hoi no ka aahu weluwelu a’u e komo nei.

   I ka hooki ana ae o Minewa, oia no ka wa i ike ia aku ai ke poo o ua aliikoa nei i ke kulou ana iho no kekahi mau minute, a aea ae la ilona me ka paue pu ana mai:

   E ka luahine, e noho malie maanei, a e hele ae au e hui me ka mai a ina e ae mai ana oia, alaila, ua hamama ka ipuka nou, aka, ina oia a hoole mai ana, o kou wahi no kei huli hou aku na kapuai no waho o ka pa alii.

   I keia manawa no i haalele iho ai ke aliikoa iaia a bele aku la hoi e hui me kona haku, no ka ae ana mai a me ka ole i ka wahine ana i kuhihewa loa ai he luahine.

   A ha’a ae la he mau minute o ka nalowa’o ana aku o ke aliikoa, ala hoi, ua ikeia aku la oia e ihomai ana ma na anuu alapii o ka halealii me na helehelena hoihoi, a mamua o ke alo o ka luahine, ua loheia aku la kona leo i ka pae ana mai me ka la kona leo i ka pae ana mai me ka olu waipahe penei:

   E ka luahine malihini, ua oluolu i ka hanohano o ka moi ka ike ana ia oe i keia wa ano maloko o kona rumi hookipa, ma ka hora 10 o keia kakahiaka, oiai, aia oia ke paina la me kana aliiwahie iko laua paina kakakhiaka.

   Nolaila, e kali malie maanei a hiki i ka wa e hoea ae ai o ka manamana kuhikuni o ka uwati i ka hora 10.

   Ua hoohauoii ia ae la ka puuwai o Minewa no keia mau huaolelo i pae mei la mai ka waha mai o ke aliikoa, a nolaila, u noho iho la oia ma ka paepae pohaku o ka anuo alapii o lalo, no ke kali ana i ka noea mai oia manawa.

   Iloko o keia wa i lilo aku ai oia i ka hookaau olelo ana me ke aliikoa a hiki loa aku la i kona niele ana aka i na mea ae pili ana i kona mau kaikunane aloha me ka manao kuhihewa eia no la lakou o ka halealii i keia wa:

   E ke aliikea maikai, ua lohe au he mau keiki no ka keia moi, no lakou ka huina he eiwa a me hookahi kaikamahine, aole anei he mea oluolu nou e hoike mai, eia no anei lakou iloko nei o ka halealii?

______...______

KA MOKUAHI GARONNE.

_______

   Ma ka hora 5 o k3e ahiahi Poalua nei i hoea mai ai ka mokuahi Garonne, he 13 la holo me 20 hora ke huipuia me kona manawa i hookaulua ai ma Hilo.  Ua kipa ae oia ma Hilo, ma ke kakahiaka o ka Pocono nei, a ua pii aku kona mau ohua e makaikai i ka home hookalakupua o ka Madame Pele.  A ma ka hora 6 o ke ahiahi Poakahi nei i haalele aku ai ke Garonne a holo mai la no Honolulu nei.

   He kanahiku a oi ana poe malihini e lawe nei maluna ona, a he 16 oia poe i hoohihi i ka nani o keia mau Paemoku a e noho iho ana lakou maanei.

   Mawaena o keia ope hepoe kuonoono kekani, a e hoomaka aku ana lakou no ka hele makaikai ana i keia mokupuni ma keia la iho.

   Ua kapili ia keia moku e ka hui kapali moku Napier, ke 382 kapuai kona loihi, 42 kapuai la ila, a he 3,091 tona kaumaha ma ka hoonee hoi a kona mau mahu he 13 mile iko hora.  Ua hiki iaia ke lawe he 150 ohua o ka papa ekahi, 100 papa elua a me 600 ohua oneki.

____...____

   He pule ae nei i hala ua komo aihue ia aku la kahi hoolako o ke aupuni a lilo aku la he $10, i ke kolohe.  Nui no ka maka’u ole.

______________________________________________

PALAPALA HOOMAIKAI A KA AHA ELELE O O NA HAHAHUI KALAIAINA O KO HAWAII PAEAINA IA MRS. KUAIHELANI CAMPBELL.

_______

   A no ka mea,ua hoolahaia mai ma ka nupepa Ke Aloha Aina, o ka la 19 o ka malama o November, M. H. 1898 nui, le hoike oiaio no koe waiho ana au i kou kulana, “He Poe Alakai Keikie no na Ahahui Aloha Aina o na wahine a puni ka Paeaina.”

   A no ia hoike oiaio, ua pahoia aku la ka lono a puni ka Paeaina, a ua lilo he mea hoopuiwa, a hooakumaha i ka manao o ka lahui aloha aina oiaio mai Hawaii a Kauai.  A nolaila, ke hoike aku nei ma kela:

   1. HOOHOLOIA: o MAKOU, O KA Aha elele ona Ahahai Kalaiaina o ko Hawaii Paeaina i akoakoa ma Honolulu, Ohu, Kau o November, M.H. 1898.  Ke pahola aku nei imua ou, i ko makou mau manao aloha, me ka minamina nui, no kou waiho ana aku i ke kulana kiekie au i paa ai me ka mahalo nui ia iloko o ma makahiki i hala, ma ke ano, o oe kekahi o na Alakai Kiekie o ka Lahui Hawaii, maluna o ke kahua like a kakou i hakoko pu ai me na enemi, no ka pono o ko kaou aina aloha.  A ano la, ke waiho hakahaka mai la ia noho hanohanoa mehameha.  “Mehameha Puuloa, he hele na Kaahupahau.”

   2. HOOHOLOIA: Ke hoike aku nei makou, i ko makou mau mauao mahalo a hoomikai ia oe, no ka maikai a me ka maemae o kau malama ana i ke kulana Poo alakai no ka lahui, me ka mau no o ko kaou minamina a me ke aloha ia oe, oiai, aole hoi kakou i pae aku ma keia aoao o ke kaua hooili kau io ke aloha aina.

   3. HOOHOLOIA: “E haawiia kekahi kope o keia palapala ia Mrs. Kuaihelani Campbell, a e kohoia i Komite no ka lawe ana aku.”

   O makou iho no me ka haahaa, a me ke aloha oiaio.

   Na ka Aha Elele o ua Ahahui Kalaiaina o ko Hawaii Paeaina, ma o ke Komite la.

   Kakauinoaia e ke Komite.

EDWARD KEKOA, Luna Hoomalu, J. B. LELEIWI, H. KAUAIHILO, JAS. KEKEOUWELU, D. KALAUOKALANI;

Hoa Komite.

Honolulu, Oahu, Nov. 30, 1898.

______..._______

   Ua nalowale he pine niho puaa me na hua kumu T. H. maluna o ua pine la, malalo o Sana Lui, ma ka po Pocono nei, a o ka mea i loaa ua pine ia e hoihoi mai i ke keena o KE ALOHA AINA, a i ole ia Mrs. Kalama.

   Ua olelo ia ae o ke kaikuono o Rio Janeiro ke kaikuono nani loa maloko o ka poepoe honua, nona ke akea e hiki ai i na moku ke ku he 50 mile.  Ua hiki hoi i na aumokukana a pau o ke ao nei ke hoolulu malaila me ke kuhaiki ole.

______________________________________________

HOOPUPULEIA E KA WAIONA.

_______

   Ua ikeia kekahi kaole koa, ma ka po Poaha nei, i uluhia ia e ka wai hoomalule kino o Mareka, e ku ana ma ke kihi o ke alanui Papu a me Hotole, ua kukala ae oia ma ia wahi aia he poe malaila e ohumu ana no ka lawe ana ae i kona ola, aka, e holomahuka aku ana oia ia lakou.

   I keia manawa no i holo aku ai no kekahi aoao o ke alanui, a mamua o ka hale aihau o Haka, e ku ana kekahi haole me kona baikikala ua hoohuia hakaka aku keia haole one iaia, mamua o kaloaa ana mai he pane ua kui koke aku la ua koa ona rama la i ka haole ma kona hehelena.

   I ke ku ana aku o keia haole i ka puupuu oia no ka wa i holo aku ai o ua koa la no loko o ka pa o ka Hotele Alinetona, aka, ma ke alanui Moi uae oia i paa ai i ka hopuia a laweia aku la no ka halewai.

______..._____

E HOEA MAI ANA.

______

   Ua ike iho makou maloko o ka Avalataisa o ka Poalua nei i kekahi mau mea e pili ana no ka hoea ana mai o kekahi mau kaa uwila no ka hui kaa hapaumi ma keia mua koke iho, a e hoao ia aku ana ko laua hoohana ia ana ma kekahi alanui o ke kulanakauhale nei, mamua hoi o ke kukulu ia ana aku o na kaa uwila o ka Hui Rapid Transit.

   He mau mahina i hala ae nei, ua noi aku ka Hui Kaa Hapaumi no ka hoololi ana ae i na kaa ohua i ka uwila , a o ka hopena oia kuka ana me ka Aha Kuhina aole i holopono e like me ka ka hui kaa i manao ai.

Ua lohe ia mai, ua hui aku ka Hui Kaa Hapaumi me ka Hale Uwila Hawaii no ke kuai ana i kekahi mekini  uwila no ka koao ana, aka, ua hoole i mai nae ka hana elike ana aku a ma kekahi ano e ae.  Nolaila, mamuli o keia hoohoka ia ana ua kauoha aku la ka Hui Kaa Kapaumi i mekini uwila uuku me elua kaa no ka koao mua ana.  Ua noho hamau o Luna Hui Paine no keia mea, aka, ua puka ae nae na hoike oiaio no ia mea.

_______...______

KA FEA MA SANA LUI.

______

Ua malamaia ae ka fea a me ka luau malalo o Sana Lui ae nei, mai ke awakea a hiki i ke ahiahi ana, a h e mau tausani poe i hiki ae malaila, ua malama ia na hana a pau me ka mmaluhia, a ua koho wale ia ua @i aku na mea i loaa ma keia fea, i ka mea i upu wale ia.  U hoikeike pu ia ae me na mea kahiko ma kekahi wahi i hookawale ia, a he lehulehu o na poe makaikai i hele aku e ike maka ia lakou.  He haawi nei makou i na lede a pau nana i hoala ae i keia hana nui no ka pono o ka heiau o ke Akua ina mahalo kiekie ana.