Ke Aloha Aina, Volume V, Number 23, 10 June 1899 — Page 3

KE ALOHA AINA

 

                        KE ALOHA AINA, POAONO, IUNE 10, 1899.                            8

 

IKAIKA KE KAUA

                                    MA MINDANAO.

 

KIPOKAIA E NA AMERIKA O

ZOAMBANGA.

 

Panikuia ke Awa ku Moku.

 

            O keia malalo iho nei na lono pili kaua ope loa a ka mokuahi Auseteralia i loaa mai Kapalakiko mamua o ona haalele ana aku ia laila, a makou e kuupau aku nei no ka pomaikai o ko makou mau makamaka heluhelu.

            Nu Ioka, Mei 31. He lono kuikawa kai loaa mai nei i na nupepa Journal a me Advertiser mai Ladana mai, e olelo ana:

            He lono kuikawa kai loaa mai nei mai Lebaun mai, e hoike ana no kekahi kaua hahana i malama ia ae mawaena o na Amerika me na Pilipina, ma ka mokupuni o Mindanao.

            O kahi ano nui o ke kulanakauhale o ka mokupuni, Zoambanga, ua kipokaia aku ia me ke puhi ia i ke ahi.

            Ua lawe pu mai ua lono la he hoike no ka ulu ana ae o ka haunaele ma Sulu.

            Ua panikuia ke awa e na Amerika.

            He mokuahi Beritania, ua hoole ia oia i ke komo ana iloko o ke awa me kona lawe hou ia aku e ka mokukaua Amerika Castine no waho o ka moana.

           

KA NUI O NA KOA O OTIS.

 

            Wasinetona, Mei 30. Ua telegarapa aku o Kuhina Alger i keia po ia Keneralal Otis no ka hoike koke ana mai i ka nui o kona ikaika e hoomahuahua hou aku ai mahope o ka hoea ana aku o na koa kumau a pau i hoouna ia aku la i na paemoku Pilipine no ke pani ana aku ma kahi o na koa kuikawa i pau ko lakou manawa.

 

PIOO KE KULANA O KA NOHO ANA.

 

            Manila, Mei 31. O na kanaka i hoea mai la mai na wahi e hoopuni ia ana ma San Isidro a me San Miguel, ua hoike mai lakou ua hoalii ae na manao hopohopo maluna o lakou mahope o ka unuhi ia ana aku o na koa Amerika mai ia mau wahi aku o ka mokupuni. O na kipi i huli hoi mai, eia lakou ke hookau la i na hoopai maluna o na kanaka i hoike aku i na Amerika i na manao hoaloha i ko lakou wa i lawe ae ai i ua teritori la. Ua olelo ae lakou aia na hoaloha o na Amerika ke pepehi mau ia la i kela a me keia la me ke puhi a me ka hao wale la o ko lakou mau waiwai. Oiai, he lehulehu wale na poe kokua i na kipi i noho pu iho me na Amerika, a na lakou hoi i hoike aku i na poe i haawi aku i na manao hoaloha i na Amreika.

            Ua olelo ae lakou he nui na hana ino a na koa kanaka mamua o ka lilo ana oia wahi ia Amerika, aka, ua hooi loa ia ae nae ke kulana ino i keia wa. Me ke kanalua ole he oiaio keia mau hoike, no ka mea, oia mau moolelo he oiaio loa.

           

KA MOKU LAWEKOA GRANT

 

            Ma ka hora 6 o ke ahiahi Poalua nei, i hoea mai ai ka moku lawekoa Grant he 7 la holo mai Kapalakiko mai. E lawe ana oia no Manila i ka Regimana Umikumamaono nona ka ikaika he 1,250 kanaka, 360 kanaka no na puali malalo o Manila, 75 kanaka no ka haukipila a me 40 kanaka no kanaka no ka puali haawi hoailona.

            O ka hapanui o na koa o keia regimana Umikumamaono, ua komo lakou iloko o na hoouka kaua hahana ana ma San Juan, a he 136 kanaka o keia regimana e waiho la maluna o ka lepo o Cuba, aka, ua iho hou ia nae he mau kanaka hou no ke pani ana ma kahi i hoohakahaka ia o ka regimana i ko lakou wa i huli hoi mai ai i Amerika Huipuia.

            O ka moku lawekoa Grant ka moku nui hookahi i komo mai la iloko nei o ke waw, a he mau kapuai oi iki hoi kona i ka Sherman, aka, o kona nanaina no nae a pau aole he wahi i paewaewa ae o ka Sherman. O ko Grant loihi he 455 kapuai, laula 49 kapuai, hohonu 48 kapuai, nona hoi ke kaumaha o 50,000 tona.

 

NA LEALEA HEIHEI O KAPIOLANI
PAKA.

 

            Eia na lio heihei ke ike mau ia nei e kakelekele ana maloko o Kapiolani Paka, no ua la nui elua e hookokoke  mai nei, oia hoi, ka Poa ono ae nei a me ka Poakahi aku. Ua manao ia, ma keia makahiki e hoemi ia iho ana ka manawa holo loa a kekahi mau lio e paa nei. Oiai, he nui na lio holo e ike ia nei i keia mau la, aka, aole nae i hoike maoli ia ko lakou a hiki ia mau la.

            E hoea ae ana ka hana aupuni ma ka heihei o ka Poaono a me Poa kahi, no ka hoonanea ana i na poe makaikai e hiki aku ana mawaho o laila.

 

            E nana ae i na hoololi o ka papa kuhikuhi o na lealea heihei o Kapiolani Paka e oili aku nei.

            E haawi ana ke kula o Kahehuna he ahamele nui ma ka po o ka la 22 o kela mahina, maloko o ka luakini o Kawaiahao, ma nae aole he mau kuia, E himeni pu ana he poe kaliiwahine Pake maloko oia ahamele

 

HE LONO LAUAHEA

 

UA MAKE O AGUINALDO KE
ALAKAI O NA KIPI.

 

Aia na Pilipine ke Hoakoakoa la

Mawaho o Manila--Hopu hou

ia he mau Amerika.

 

            Nu Ioka, Mei, 28, He loon telegarapa kai loaa mai nei, mai Manila mai, e olelo ana; Ua hoopuka ae na nupepa Sepania  maanei he hoike i hiki ole ke loaa pono ka oiaio, ua make o Aguinaldo. O ke kumu o kona make ana wahi a ka olelo o na nupepa, aole ia i maopopo loa, aka, ua hoopuka ae nae lakou malia paha ua lawe ae no oia i kona ola, a i ole, ua powa ia oia.

            Manila, Mei 28, 8 p.m. O ka hoea ana mai o ke kikina ua, ua hooikaika hou ae ia i na poe kipi ma na laina Amerika a pau; aia na kipi ke hoomau la i ka hoonioni ana i na Amerika ma ke ki ana a pau holo, i hooi ia ae hoi mamua o ka lawe pio ia ana o Malele. Ua hoohana mau aku lakou, e hiki ole ai i na pualikoa o Amerika Huipuia ke haalele aku i ko lako i mau auwaha me ke hoopio mau aku i na pa kaua ma ke taona.

            O na pualikoa o Kenerala Luna a me Kenerala Mascardo, i emi hope aku no Tarlac i ko lakou wa  i hopohopo ai o paa mawaena o na koa o Kenerala MacArthur a me Kenerala Lawton, ua hoi hou mai lakou no ko lakou mau auwaha kahiko e hoopuni ana ia San Fernando, a ke malama mau ia la he hakaka ana malaila i kela a me keia la.

            Ma kekahi aoao mai o ko makou mau laina e kiai nei ia Manila ma ka hema, a hiki loa aku i San Pedro Macati, aia he ekolu mau auwaha loloa no na Pilipine.

            Manila, Mei 28. Ua hana hoomainoino na poe kipi o Negros, maluna o kekahi poe o ka moku ana moana Recorder. O ka hana a ka mokuahi oia no ka hooponopono i ka uwea moana mawaena o Negos a me Cebu, me ka holo ana aku no kahi taona o Escalabt, mokupuni o Negros. Ua huki ae na kanaka malaila he hae maluhia a ia wa i holo aku ai he waapa no uka o ka aina, ke kapena o ka moku, malama moku, Kapena Telty o ka puali haawi hoailona, a me kekahi mau lu@a.

            Ua kali malie iho na kanaka a hiki i ko lakou pae ana iuka o ka aina, a oia no ka wa o na kanaka i ki mai ai, ua lele aku o Telly no loko o ke kai, a o ke kapena hoi, ua hoao iho la oia e holo aku maluna o ka waapa, o na luina hoi malaila he kakaikahi i loaa aku i na poe kipi, ua pepehi ia lakou a pau me ka mainoino.

            Manila, Mei 3, hora 11:05. O ke eneginia ekolu me kekahi alii koa a me ne luina mailuna mai o ka moku haukipila Relief, oiai, lakou e holo ana maluna o kekahi waapa mawaho ae o Paranaque ma ka la inehinei. ua hopuia iho la lakou e na poe kipi i holo mai ai mai uka mai o ka aina maluna o na waapa.

 

HOOMAHUAHUA O IAPANA
I KONA IKAIKA KAUA.

 

(Mai loa Iapana Times.)

 

            O na mokukaua i haawi ia na kauoha no ke kukuluia ana e na hui kapili moku like ole ma ka home nei, a mawaho aku, he 16 mau waapa topido o ka papa elua i manao ia e paa ana ma ka papa ekahi e paa ana ma ka 1901. Mawaho ae o lakou he mokukaua pale kila o ka papa ekahi, a e kapaia aku ana o Iwate, me hookahi mokukaua hakaka o ka papa ekahi, e kapaia aku ana oia o Mikasa, a ua manao ia laua e paa ana ma ka 1900 a me 1901. O ke kaumaha o ka Iwate he 9,900 tona, a o Mikasa he 19,000 tona. O ka holo i manaoia no keia mau moku he 20.43 nota i ka hora.

 

E HOOLOHE IA ANA KA HIHIA
KIPU O KA AUSETERALIA.

 

            Oiai, ua hoea mai la ka mokuahi Auseteralia i keia awa, e malama koke ia aku ana e ke aupuni ka hoolohe ia ana @o ka hihia kipu i hana ia maluna oia moku i kona wa i haelele iho ai i keia awa no Kapalakiko, mawaho o ka nuku o Mamala. Ke kipu weliweli hoi i make ai o Gillespie mai ka lima ponoi aku no o kona hoaloha Wade.

            Ua hoea mai la maluna o ka mokualii Auseteralia na hoike i ike pono i ka wa i malama la ai o keia hana, aka, o ka hoike nae i makemake loa ia e ke aupuni oia no o Sidane, ka mea a Wade i manao ai e ki me kana pu panapana, ua hiki hou mai la oia maluna o ua mokuahi la no Honolulu nei.

            E malama ia kua he aha ninaninau e ka aha koronero, ma ka Poaono ae nei, a mahope aku hoi oia manawa e hoopuka aku ai lakou i ka lakou olelo hooholo no ke kumu i make ai o Gillespie.

 

            Eia ke hoikeike ia nei ma kekahi puka auinui o ka halekuai laau o Hobron, kekahi mau kii o ka haunaele o Samoa a me na noi e paonioni nei no kona nohoalii.

 

HALAWAI UMIKUMAMALIMA
A KA
Hawaiian @ Jockey @ Club

(HUI HEIHEI LIO HAWAII)

IUNE 10 me 12, '99.

 

PAPA KUHIKUHI.

 

            E hoomaka ana na heihei ma ka hora 2 p. m. o ka Poaono, ka la 10, a ma ka hora 10 a. m. o ka Poakahi, ka la 12.

 

Na Heihei o Iune 10, 1899

1.--HEIHEI KAA BAIKIKALA.

Hookahi Mile. Makana, medala a

                        E O. Hall & Son.

            2--KIAHA KAMEHAMEHA.

Hapalua Mile. $100 pakui. No na

                        lio liilii.

                                                3--KIAHA.

Elima-hapawalu Mile. No na Lio

            Hawaii. $150 i pakui ia.

            4.--KIAHA KALAKAUA.

Ekolu-hapalima Mile. $150 pakui.

            No na lio Hawaii.

                        5.--KIAHA ROSITA.

Hookahi Mile. Noa i na lio a pau

            Makana $200 me $50 pakui. ina

            e eo ka manawa holo o Angie A

            (1:45 1/2)

            6--EKE A KA POE KALEPA.@

Ekolu Minute. Elua manawa eo iloko

            o ekolu. Kaa Lio. Makana, $150,

7.--KIAHA OCC NIC S.S. CO.

Ekolu-hapaha Mile. No na Lio

            Hawaii. $150 i pakui ia.

8.--KIAHA HUI HEIHEI LIO.

Hapalua Mile. Lio Kaa. Na ona

            ke kalaiwa.

 

Na Heihei o Iune 12, 1899

1.--HEIHEI KAA BAIKIKALA.

Elua Mile. Makana. Medala a ka

                        Pacific Cycle & Mfg. Co.

            2.--UNION FEED CO.

Hapalua Mile. Noa i na lio a pau.

            Makana $150 pakui. Elua manawa e eo ai.

                        3.--KIAHA MANA.

Elima hapawalu Mile. Noa i na lio

            a pau. $150 pakui.

            4.--KIAHA A IRWIN.

Hookahi Mile, No na lio Hawaii

            $150 pakui. Elua manawa e eo ai.

5.--KIAHA A NA POE HOOPUKA HONOLULU.

Holo Kiau. Noa i na lio a pau, elua manawa e eo ai no loko o

            ekolu, kaa lio. $250 pakui.

            6.--KIAHA WAIKAPU.

Ekolu Hap@ha Mile. Noa i na lio

            a pau. $150 pakui.

7.--KIAHA KAPIOLANI PAKA.

Holo kiau. Manawa 2:24 elua eo

ana iloko o ekolu. Kaa Lio. @$150

pakui.

            8--KIAHA CRITERION.

Holo Kiau. Hapaha Mile, elua eo

            ana iloko o ekolu. Kaa Lio

            $150 pakui.

9.--KIAHA HUI HEIHEI LIO

Hookahi Mile. Na na Ona e kakaiwa.

 

            O na mea a pau e makemake ana e komo, e hui ae me ka kakauolelo mamua o ka hora 2 o ka Poakolu. Iune 7, 1899. O ka auhau no ke komo ana he umi pa keneta o ka aku makana, koe wale no a hoakaka ia ma kekahi ano.

            O na heihei a pau e holo ia a i ole a holo kiau ia no ia malalo o ua rula o ke @ for@ia Jockey Club a me ka National Trotting Association O na poe holoholio a me kaiaiwa, e hopa mai lakou iloko o ko lakou mae waihooluu.

            O ka uuku loa @ no ka komo a me 2 no ka hoomaka ana.

            O na lio a pau na manao ia e holo ana lakou, koa wale no i ua e uauhi ia ma ka hora 9 a. m. o ka la 9 o Iune, 1899.

            Uku Komo, 50 keneta.

            Na noho (kuikawa) 50 keneta a me $100

            Na Kaa (maloko o ke kahua heihei) $2.50 pakahi.

            Na Lipine, $500.

                        Ma ke kauoha a ke Komite.

                                                            J. S. WALKER.

            Kakauolelo Hawaiian Jockey

Club.                                                                           5ta.