Ke Aloha Aina, Volume V, Number 24, 17 June 1899 — Page 1

KE ALOHA AINA

BUKE V.           HONOLULU, POAONO, IUNE 17, 1899.        HELU @4

 

KA NUPEPA A KE ALOHA AINA

       E hoopuka mau ia aku ana mai ka Poakahi a ka Polima o na pule a pau o kela a me keia mahina.

       Ka Uku Pepa, he 20 keneta o ka pule.  No ke kope hookahi he 5 keneta.

       E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

       E pai ia no na Olelo Hoolaha, na Kanikau a me na Mele Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia ka uku pepa.

       E hoouna pololei mai i na Nuhou na Kumamanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

       Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

Ka Nupepa Puka Pule

 

Ke - Aloha - Aina

 

                     Hookahi makahiki                         $2.00

                     Eono mahina                                         $1.00

                     Ekolu mahina                                     .50

                     Hookahi mahina                                 .20

 

EMMA A NAWAHI.

Puuku o

Ke - Aloha - Aina

EDWARD L. LIKE.

Lunahooponopono a Hope Puuku

S. P. KANOA.

Hope Lunahooponopono.

O na kauoha Nupepa me na hookaa Dala, e hoona pololei mai o ka Puuku ma Honolulu.

 

Nuhou Kuwaho.

 

KA MOKU LAWEKOA SHERIDAN.

 

       Kapalakiko, Mei 28.  O ka moku lawekoa Sheridan, e haalele iho ana ia nei o Manila, ma ka la 7 o Iune, e lawe aku ana oia he elua mau puali o ka regimana kumau Umikumamaha, ka bana, elua puali kaua lio Eha a me 1200 poe koa kou.  O ka regimana Umikumamaiwa kai manao ia e holo aku ana maluna o ka Sheridan, aka, aole nae lakou e hoea mai ana ianei i ka wa kupono.  He elua mau p@ o ka Umikumamaha i hoea ae la i Seattle mai Alaska mai, ma ko lakou ala hele no onei.  O kahi hoolulu a na puali kapa lio Eha, aia no ia ma Paresidio, mai ka haalele ana o kekahi mau puali oia regimana no Manila, ma kahi o aneane hookahi makahiki i hala ae nei.

 

MAKE O MEKIA DIGGLES.

       Manila, Mei 26.  O Mekia A. M. Diggles o ka regimana Umikumamakolu o Minesota, i hoeha ia ma ke ku ana o kona poo i ka poka i kona wa e hakilo ana i ke kulana o na enemi, Mei 8, ma kahi kokoke i San Miguel, a ie hoihoi ia mai i ka haukipila, ua make oia.

 

NUI KA WI MA RUSIA.

       Ladana, Mei 27.  Ua hoea mai nei ianei ua hoike e pili ana i ka wi nui ma Rusia, akahi no lakou a hoomaopopo i keia kulana poino a eia ke hoomaka mai nei ke komo ana o ke dala no ke kokua ana i ana poe poino.

       Ua manao ia ua hiki hope loa keia mau kokua ana. O keia kulana kupilikai, ua hookapu ia aku ia mai ka hookomo ia ana iloko o na nupepa Rusia.  I keia wa i hoike ia ae ai ka oiaio, na koikoi loa ka pahola ana a ka wi o ka aina. Ua olelo ae kekahi mau luna aupuni ma kahi o iwakalua miliona kanaka e noho la iloko o ka pololi.

       Aia ke Za, Moiwahine, ke aupuni Rusia a me ke Kea Ulaula a me kekahi mau hui kokua e ae ke lulu la ma kahi he miliona rubala, aka, ma kahi nae o L2,250,000 i koe e makemake ia la.

 

NEWARK NO APIA.

       Nu Ioka, Mei 31.  He lono kuikawa kai loaa mai nei i ka nupepa Herald mai Wasinetona mai e olelo ana:  Ma ka hoea ana aku o ka mokukaua Newark ma Valparaiso maloko o elua a i ole ekolu la, ua hoomakaukau ia he mau a'o ana e ke Keena Kaua Moana no ka hoouna ana aku ia Kapena Goodrich, ke allimoku nui, ana hoi e lawelawe aku ai i kona wa e hoea aku ai a Apia.

       Ua makemake hoi na luna aupuni no ka hoonoho ana i mokukaua ma na wai o Samoa mawaho ae o ka mokuahi kokua Badger a me ka mo'u nanahu Collier Brutus, oiai hoi, e hiki ke loaa aku na a'e ana ia Adimarala Kautz, a ua manaoia e holo mai ana oia i Kapalakiko maloko o na la pokole.

 

HOOUKA IA HE KAUA MAWAENA O NA SEPANIA ME NA KIPI.

       Wasinetona, Mei 28.  Ua hoopuka ae ke keena kaua i keia mau hoike malalo iho i loaa mai ia Kenerala Otis mai, ke alihikaua nui ma Manila:

       Manila, Mei 28.  He elua bataliona o ka regimana Iwakaluakumamakolu e malama la ia Jolo.

       "O na pualikoa Sepania, ua unuhi ia mai Zamboanga mai mahope o kekahi hoouka kaua hahana ana me na kipi.  He nui ka poino o na kipi. He nui ka poino o na kipi.  O ka nui o na kipi.  O ka nui o na poino o na Sepania he 9 i make a me iwakalua-kumamahiku i hoeha ia a mawaena oia poe o Kenerala Montero, i make mai na palapu i loaa iaia, a ua kanuia ma ka la inehinei.  O na pu raifela, na pu kuniahi a me na poka a na kipa i hoohana mai ai no na mokukaua no ia i hopu pio ia e lakou.  Ua malama ia ae he mau kukai olelo ana mawaena o Kenerala Rios i holo mai Manila aku e unuhi mai i na pualikoa Sepania, me na kipi.  Ua olelo aku na Pilipine aole lakou e kue aku ana i ka hoolele ia ana mai o na koa Amerika.  O na pualikoa Sepania i unuhi ia mai e noho nei maanei, e haalele iho ana lakou ma ka la apopo no Sepania.

 

       Mauka o Waikahalulu ae nei, ua hookuu mai la i keia ola ana o Mrs. Kuaea, ma ka po La Pule nei, Iune 11, i ka hora 7 p. m.  He 48 ka nui o kona mau makahiki.  Aloha no.

       Ua haawiio ia ae he ahamele maloko o Ka Heiau o na Paikini, ma ka po Poalima nei, a ua hoopihau ia ae o loko me na poe makaikai a na waiwai nui hewahewa e ahu mokaki aua.  A ma ke kakahiaka Poaono nei i hooliloia aku ai ua oiau waiwai la ma ke kumukua haahaa loa.

 

KE KUMU POINO O SEPANIA.

Ka Manaoio o kona Lahuikanaka

       Ua lohe mai au i kekahi moolelo kupaianaha mai Madarida mai, wahi a William E. Curtis, ina nae he oiaio ia mea, ke kumu hoi i hoea mai ia ke pio ana o na aumokukaua o Cervera, ka poino ana o ka ulu mokukaua Sepania ma Pilipine, ka lilo pio ana o Cuba, Porto Rico a me kekahi mau panalaau o Inia Hikina a me na popilikia e ae a ka lahuikanaka i auamo ai, me ka hooulu hou ia ae o na manao hilinai he pohaku makamae pakalaki ka opal, (opala), a penei hoi ua moolelo la:

       I ka wa o ka Moi Alfonso XII i kipaku ia ai i Parisa, ua launa iho ia oia me ke Kauna Wahine de Catiglone, ka wahine hoi i kaulana i ka ui ma Farani, me kona haawi aku i kona ae, ina e hoihoi hou ia mai kona nohoalii, e noho like no laua iloko o ia hauoli.  Ma ka 1875 mahope iho o ka hoopau ia ana o ka repubalika, ua kahea ia aku la oia no ka hoi ana mai iluna o ka nohoalii, aka, aole nae i liuliu mahope iho, ua halawai iho la oia me ka ui Mercedes Moatpensier, ka moopuna wahine a Louis Philippe, a ia wa i ualohia aku ai kona mau hoomanao aua no kana hoohiki ame na hiohiona nohea e ke kauna wahine o Farani, a mare koke iho la me ka hookaulua ole aku.  Aka aole nae i hoopoina ke kauna wahi ne iaia.  Nolaila, me ka manao inaina iloko o kona puuwai a me ka iini nui e uku panai no ka ino, ua lawe mai ia oia aiai kekahi kanaka kalena o na mea hooniahamana, he pohaku opala nani i ike oleia mamua, e haawi ana hoi oia i na uli a poino i ka mea e malama ana iaia.  Ua hookau iho oia i na pohaku daimaua maluna ona me ka ha una ana aku iaia make ano he makaua mare nana i ka wahine mare.

       Ua maopopo hoi i na mea a pau oa make o Mercedes mamua o ka hoea ana mai o ka hopena o na mua o ko laua noho hauoli ana, a ka wa i mahelehele ia ai o kona ma waiwai, ua lilo aku la ua opala la kona kupunawahine, aole no nae i liuliu mahope ino ua loaa iho la oia i ke samola poki, me ke ola ana no kekahi mau pule pokole wale no.  He hoahanau o ka Moiwahine Mercedes kai lawe ae i ua komo la, a ua halawai koke no hoi oia me kona hapena poino.

       No kekahi mau makahiki loihi ka waiho ana o ua komo hoopoino la iloko o kahi hoahu waiwai o ka hale o Montpensier, aka, ma ke kau hooilo o 1894 1895, ua houna aku la ke Duke o Montpensier iaia i ka moiwahine me ka hoike aku i kona ano me ke koi pu aku e hoopoino iaia.  A ma kahi o ka hoolehe ia ana aku o kona manao, ua lawe aku la ka Moiwahine Christina iaia no loko o ka halepule alii a me  kekahi kaula gula ua hookau aku ia oe maluna o ka a-i o ke kii wahine hemolele e ku ana maluna o ke kuaha.

       A hiki ia hora e hao anlu ana o ia me ka maluhia a me ka holomua aka, ia wa no nae i hoomaka mai ai e loli ke kulana, me ak ulu ana ae o na uluaoa ma kekahi mau a@ualaau.  Peha ae la ka haunaele ma Cuba a me na paemoku Pilipine, emi mai la ka hua o na mea ai, oili mai la na hana pakaha waiwai, me ka loaa aku o na poe ohumu kipi, a o na mea pa e hoopoino mai ana @ ke aupuni u@ nee awiwi mai ia.  O ka hoakaka, o keia, ua hoonaukiuki ia ka makuahine @lele no keia makana @maewa@ opala, a he mau @ o na kanaka ma Sepania, i hilina ma@uli oia kumu i hoea mai ai keia hoopai i ka lahui.

 

       Oiai, ka la 4 o Iulai e haula ana ma ka Poalua, nolaila, e hoopanee ia aku aua ka manawa holo o ka o na mokuahi Kinau a me Kalaudina a hiki i ka P@ ko'u aku, Ialai 5.

       Mamuli o ka lilo ana aku o ka hana aupuni i ke anaina ike a kuhina Damon, malalo o kona home, malalo ae nei o Moanalua, ma ka a@ la Poaono nei, uela i hooaole aku ai ka hana iwaho o Kapa@ Pake, ua ka hoonauea ana i na poe makaikai i hoea aka mawaha o laila la auina la.