Ke Aloha Aina, Volume V, Number 31, 5 August 1899 — Page 1

KE ALOHA AINA

UA MAU KE EA O KA AINA I KA PONO

HOOKUMUIA 1 MEI 20,  1895

HONOLULU, POAONO, AUGATE 5, 1899

BUKE V.

KANUPEPA A KE ALOHA AINA

 

E hoopuka mau ia aku ana mai ka Poakahi a ka Polima on na pule a pau o 

  kela a mo koia mahina.

 

Ka Uku Pepa, he 20 keneta o ka pule.  No ke kope hookahi he 5 keneta.

 

E loaa no ka pepa, maike Kaena aku o KE ALOHA AINA, a mai ka lima aku

 o na Luna Lawe Pepa.

 

E pai ia no na Olelo Hoolaha, na Kanikau a me na Mele Inoa, me ke Dala Kuike. Aole nupepa ma ka owili pakahi e hoouna ia ke ole a hookaa mua ia ka uku pepa

 

E hoouna pololei mai i na Nahou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

 

Aole loa e hoopuka ia a hoolaha ia kekahi manao mana kolamu o keia Pepa, malalo o kekahi inoa kapakapa ke ole e hooike mai i ka Launhooponopono i kona inoa ponoi.

 

                                     Ka Nupepa Puka Pule

 

                             KE  -  ALOHA  -  AINA

                      Hookahi makahiki.....................$2.00

                      Eono mahina............................$1.00

                      Ekolu mahina.............................$.50

                      Hookahi mahina.........................$.20

 

                                  EMMA A. NAWAHI

                                            Puukuo

                             KE  -  ALOHA  -  AINA

                             EWARD L. LIKE

                           Lunahooponopono  a Hope Puuku

                                       S.P. KANOA

                          Hope Lunahooponopono

O na kauoha Nupepa me na hookaa Dala, e hoona pololei mai o ka Puuku  ma Honolulu.

                                      Nuhou Kuwaho

 

                   HAALELE O ALGER I KONA NOHO KUHINA.

 

Wasinetona, Iulai 20. Ua ae aku la o Peresidena Makinile i keai la i ka haalele ana o Kuhina Alger i kona kulana, a e hooko ia ma ka la 1 o Augate.

 

                       HALAWAI ME NA ULIA POINO.

 

Ladana, Iulai 21.  Ua pahu ae ka moku topido Bullfinch ma Solent i keia la, oiai, oia e hoao ana i kona holo, he eiwa poe i make a me ahe i hoeha ia.  O keia kekahi o na ulia poino weliweli i ike ia maloko o ka ohana kaua moana o Beritania no iwakalua, makahiki.  Ua noeha kukonukonu loa ia lakou, me ka hoopiha ia o ka rumi eneginia me ka wai wela.  O ka Bullfinch oia kekahi o na moku topido hou loa i kukulu ia iho nei.

 

                            HE OIA MAU KA HAUNAELE MA SAMOA

 

Apia, Samoa, Iulai 12, hiki i Aukelana, Iulai 18.  Ua poha hou ae he kaua ma Sofata, ma ka apana o Suatele, ma ka la 4 o Iulai, a he hookahi alii o Malietoa i hoeha ia a he elua alii o Mataafa i make a me hookahi Suatele i make a he ekolu poe e ae i hoeha ia.

 

                             AOLE: MALANA I KANA HOOHIKI

 

Minneapolis, Iulai 18, E hoopuka ia ana e ka nupepa imes ma kaa la apopo kekahi launa kamailio i malama ia ma ka la 18 o Mei, ma San Isidro mawaena o Martin Tew o ka Minesota 13, ka unuhi olelo a Kenerala Wheaton a me Mekia Lorenzo L. Zialicita, ke alakai o na puali kaua kio a Aguinaldo.

 

Ua olelo ae o Mekia Zialicita aole na na luna aupuni Pilipine i kauoha e puhi ia Manila i ke ahi, a e luku i na Amerika, no ka hoike ana ia oiaio, he lehulehu wale o na aliikoa Pilipine maloko o Manila ia po a i hopu ia e na Amerika, a e hooili ana hoi i na ahewa ua na Amerika i hooulu mua i ke kaua, me ka olelo pu aku.

 

I ko makou wa ma Cavite, he heluna o makou i hoohauoli aku ia Kenerala Anderson ma Atheo Rizal.  Mamua keia o ka alo ana o Manila i na Amerika.  Ma keia wa, ua haiolelo mai o Anderson, me ka olelo mai, sole na Amerika i hele mai me ka manao e lawe hookahi kapu ai make ano teritori me ka noho paa ana, aka, no ka haawi ana aku noia i na Pilipine i ko lakou noho kuokoa ana.  Aka, aole nae i hooko ia keia olelo.

 

Paris, Iulai 18.  Ua launa kamailio aku ka mea kakau o ka Herald me Senor Agonciiho i keia la no ke kulana ma Pilipine, a na olelo ae o Agonciiho.

 

He ola mau ka manaolana o na Pilipine no ke kuokoa, a e hahaka ana hoi lakou no ia wea, ma ka mahou nana ana, aole e hiki i na Amerika ke paa i na wahi a lakou lawe ae ai.

 

A ma ka ninau ia ana aku i na e hoomau ana o Amerika i ka kaua, ua pane mai oia.

 

E hoomau ana no makou i ke kaua a hiki i ka wa e hooko ia ai hoi o ka olelo hoohiki a Admarala Druwe, oia hoi, ina e kokua ana makou i na Amerika no ke kue ana ia Sepania e loaa no ia makou ke kuokoa.  Aka, ua hoole ia ae nae keia hookiki i keia wa.

 

Ma keia e hoomaopopoia ai, aole e hiki ke loaa ka maluhia, a hiki i ka wa a a Amerika e hoihoi hou aku ai i ka pono koukoa o na Pilipine.

 

HOOUKALA HE KAUA MA NEGROS

 

Wasientona, Iulai 24.  Ua hoike akea ae ke Keena Kaua i keia la i ka lono te

legraph i loaa mai ma ka la inehinei mai ia Kenerala Otis mai, e hoike mai ana i na mea e pili ana i kekahi hakaka i ulele ia me kekahi puali powa ma ka mokupuni o Negros, penei.

 

O ka hakakai i malamaia no ke kue ana aku i na puali powa ma Negros, ua oi aku ka holopono mamua o ka mea i hoike ia mai, O Bryne, me kona mau kanaka he 70, ua lukoia e lakou he hapakolu o 400 poe i akoakoa alakai he Sepania.  Ua uhai aku o Lutanela Evans me kekahi puali o ka regimana Eono, he ekolu powa i make a me 1 hopu pio ia.  Ua hopua e lakou he lehulehu wale o na ihe, na lako ai me ke puhi ia he 100 halo i ke ahi.  He hookahi i make auwe 1 a hoehaia ma ko Bryne aoao.

 

NA LONO NO KA KANAKA E PAA IA LA E NA PILIPINE

 

Manila, Iulai 24.  Ua loaa mai ia Kenerala Otis he leta no ka la 2 iho nei o Iulai, i kakauinoa ia e Charles Blanford, a nie Fred Hedpe, he kokua eneginia a me ka malamamoku ekolu o ka moku haukipila Relief, i hopu pio la e na Pilipine, mawahoo o Parauque, ma ka la 30 o Mei. E olelo ana ua leta la he maikai ka malanisiaaua o na pio e na kipi, aka, ke hopohopo nei no ko lakou kulapa poine.  E noi mai ana ua leta la no ka uwao ana aku o Kenerala Otis no ko laua hookuu ia mai.

 

PIOO O RUSIA

 

Sanahai, Iulai 24.  O na hoike e pili ana no ke kuikahi mawaena o Iapana a me Kina, i hoole ia ka oiaio no kekahi manawa, ua hoomaopopoia e hanaia aku ana, ua lilo ia i mea e hoopihoihoi ia ai na poai o Rusia.

 

KE HAALELE LA I NA HANA

 

Nu Ioka, 25.  O na poe hana lole; lawelawe ukana, na keiki kalewa pepa a me na keiki lawe kauoha i haalele aku i ka hana, eia ia ke pii mahuahua mai nei i keia po.

 

O na poe teia lole o ka, Aoao Hikina, ua pii mahuahua aku ko lakou heluna a hiki i ka 3000.  Kokoke e piha ka 8000 i hemo mai ma ka auina la, a he nui na halawai makaainana i malamaia i keia po.

 

He 3000 kanaka i manaoia e haalele ana i ka hana i keia pule ma Burukelina.

 

He 1000 poe lawe ukana ma kapa Penesilevenia maloko o Jersey City, i hooholo e haalele i ka hana, ma ke awakea o ka la apopo no ka hoopii hou ia ae o ko lakou uku mai ka 15 keneta a hiki i ka 20 keneta o ka hora, A e hoomahuahua aku ana keia i ka huina o na poe lawelawe ukena i haalele a hiki i ka 2500.

 

KE LIULIU KAUA LA.

 

Parisa, Iulai 25.  Ua olelo ae ka nupepa Politique Coloniale, aia o Busia a me Iapaua ke hoolako la ia laua iho me na lako kaua ni kekahi hakaka i manaoia me Cores.

 

Eia ke hoikeike ia nei ma ka hale paikii o Williams, na kii o ke kahua ma'i lepera o Kalaupapa a me Kalawao.

 

Ua hoes ae la ka moku lawekoa Morgana City i Kapalakiko me 495 koa ma'i mai Manila mai a he ekolu i make ma ka moana.

 

Ma ka hookuku kiuipopo i malama ia ma ka Posono nei, mawaena o Kamehameha a me Hoku no ka inoa moho e keia makahiki, ua lilo ka eo i ka inoa hope, a ua nui na hoopaapaa i ikeia mawaena o na aoao elua.

 

KANALUA IA KONA MALAMA IA ANA

 

Eia ke hauwawa wale ia mai nei, me he la, aole e malamaia ana he ia kulaia aupuni ka la 12 o Augate e hookokoke mai, ka la hoi i wele mua loa ai o ka hae Amerika maluna o ka hale aupuni, oiai, ke kaua lua ia nei ka mana o ka Peresideus a i ole o ka Aha Hooko no ke kakala ana ae ia la i la kulaia aupuni.  A ke manao wale ia mai nei, me ha mea la, e hoo aka ia aku ana he hoolaha no ke noi ana i ka iehulehu e ike aku ia la ma ke ano he la kulaia, me ke kauoha pu ana i na koena aopuni a pau'e paniku ma ia la.

 

UA PIO LOA KE PELE

 

Ma na lono a ka mokuahi Kinau i lawe mai nei ma ka wanaao Sabati nei, ua pio ka pele oa ka po Sabati, Iulai 23, a i ole ma ka wanaao Poakahi, Iulai 24.  O na poe i ike i ke ahi maile ahiahi Sabati, ua hoopuiwa ia ae lakou i ke ala ana ae ma kekahi la na pio ka pele.  Ma ka Poakahi, ua hoonaueue ia ae ka mokupuni e ke olai, no kekahi maa manawa, aka, aole no nae he mae manawa, aka, aole no nae he mae poino i ikeia.

 

O kekahi poe i huli hoi mai nei maluna o ke Kinau, i hoea aku i Humoola, na hoike mai lakou, ua pio ke kahe ana o ka pele, aka, ke mau la no nae ka wela o ke aa pele.

 

NO KA MAKAIKAI ANA I KA HOTELE WAIALUA

 

E haalele iho ana ma ka hora 9 o ke kakahiaka o ka Poalima ae nei, Augate 5, ka huakai makaikai a na poe kakau nupepa e ke kulanakauhale nei i ka Hotele hou o Waialua, a i manao ia ma keia Poaono iho, Augate 6, e hookuu akea ia ai oia i hale hookipa uo ua malihini, a mailaila e holo loa aku ai ka lakou huakai makaikai no Kahuku, maluna o aa kaa o ka huikaaahi o Dilinahama, a oa kono ia mai ke makou mea kakau nupepa no ka komo pa ana aku me keia huakai.