Ke Aloha Aina, Volume VI, Number 13, 31 March 1900 — Page 4

KE ALOHA AINA, POCONO, MARAKI 31, 1900

______________________________________________________________________________

Ke Aloha Aina

Hookumuia no ka

Pomaikai o ka Lehulehu a he Nu pepa no ka Lahiu Hawaii.

______________________________________________

______________________________________________

EDWARD L. LIKE.

Lunahooponopono.

JOSEPH K. LIKE

Luna Hoohana.

HOGAN E. KALUNA.

Luna Hoopuka

EMMA A. NAWAHI

Puuku o KE ALOHA AINA.

_____________________________________________

HONOLULU………………MAR. 31, 1900

______________________________________________________________________________

   Ma na hoike e loaa mai nei mai Wasinetona mai ,ua aie nui ka lahui Hawaii i na Senatona Clark o Wyoming a me Petiguru o dakota Hema, ma o ko laua hoao pauaho ole ana e loaa i na Hawaii i aupuni maikai a  i ka Moiwahine e hookaawale ia i $250,000 no kona kulena i na aina leialii.  Aka, ua nui nae na kue ma kela aoao mai, a nolaila, ua hiki ole i ko laua manao ke hooko ia.

________

   Ua huai pau aku keia mau Senatoa i na hana kewa eleele loa a Amerika Huipuia i komo pu ai ma ka hookahuli ana i ke aupuni alii, maloko o ka Hale o na Senatoa, a hookaakaa ia ae la hoi na maka o kekahi mau hoa e noho pouli ana no na hewa a Maerika Hipuia i hana mai ai i keia lahui a me kona Moiwahine.  Aole no nae i maliu mai na poe manao kolohe, aka, aa kinai make iho la i ka manao o keia mau kanaka i waiho aku ai e noonoo ia mai.  Ina aole he mau kuia e unuhi aku no makouo i na paiao hahana ana maloko ooia Hale nona i hoahuwale ae i na iwi o Hua i ka la.

___________

   Ua hoea mai la ka mouahi Mariposa mai Kapalakiko mai, aole no aua mau lono ano nui e pilli ana i ka ninau o Hawaii nei, maloko o ka Hale o na Lunamakaainana.  A i ka wa e nolo ai o keia bila ma ia Hale, aole no ia e hoohana koke ia ana, aka, e laweia aku no ia imua o ka Peresidena no kona kakauinoa ana mai, a ua manao wale ia he k@nakolu a i ole he kanaono la mahope aku o kona hooholo ia ana e lilo ai oia he mea mana.

_______________

   Aole a makou mau olelo alakai o keia wa no na mea pili i ko kakou kulana o keia mua aku, aole no makou a hookikina aku ana i ka lahui e hele koke oukou e uku i na auhau o oukou i keia mahina i loaa ka mana ko@ balota o loko ae nei o November.  Aka, he mea maikai no nae i kela a me keia ka hele ana e @ i na wahi auahu i ole ai oe e hoopilikia ia ma ka uku kaulele hou ia ana iho i kahi mau pa keneta mamuli o ka hala ana o ka wa kupono.  Aohe no he hewa o ka hoopau aku la mau wahi pilikia.

_____________

AOLE no hoi makou e ao aku ana i keia wa a paakiki loa iho oukou a paa no ka wa mau loa, ina hoi he wahi hana hiki no kahi ia kakou e hana ma kela mua aku, elike me ka olelo, “o ka mea ika i ka hana pono a hana ole he hewa no ia nona.”  Eia wale no ka makou, e nana i ka hopena o na hana e hana ia mai la, a mahope aku olaila e akaka ai na mea a kakou e hana hou aku ai, ma o ke kuka pu ana me kekahi loea halaiaina o ke kulana keikie e noho pu nei iwaena o kakaou ka poe Alohoa Aina e ku like nei maluna o ke kahua hookahi, a makou hoi e hilinai nei e loa no he mau hoonaaaao makai ana mai a lakou mai, a me kekahi poe naauao e ae no iwaena iho o kakaou.  Ina paha mamuli oia kuka maikai ana, he mea pono ka lawe i ka hoohiki, he hoohiki no hoi a ina no ka ole, he hoole no noi ko laila.  O ka manao o ka hapanui o ka lahui oia ka makou e nana a hoike aku ma ke ano he wahaolelo no ka:poe Aloha Aina.”  He mea oiaio, aole i nele ka poe Aloha Aina i na poe kanaka kupono e noho nei iloko o Hawaii i keia la, i kupono no na hana i manao iama keia mua aku i na e hiki mai ana ia manawa.

_____________

   O K auhau he mea hiki wale no ia ke hookaa ia i na wa a pau au e makaukau ai i na no he la mamua iho o ka wa e koho balota ai.  Aka, he wahi mea iku nae kahi no ka la-i.

____________

   E HOOMAOPOPOIA e na mea apau, i ka wa e holo loa mai ai o kela Bila Kanawai a ka Ahaolelo o Amerika e hana mai la, aole keia mau kanawai kakauha me kakou.  O ka la e pae ai oia mau kanwai i ka awa o Kou nei, o ka wa no ia e puhi lehu ia ai o keia mau kanawai kino make makai o Kahakulana.  O kona boki lehu no nae ke malama ia ana i mea hoomanao na lakou nei.

__________

   HEAHA ka pomaikai o ka poe ilihune haahaa o ka lahui i ka poe maauao kiekie loa i hele ko akamai a kokoke e pa i ka lani, i na i  komo ole ke aloha iloko o ko lakou mau puuwai o na hoa kanaka e nana ole ana i ko kakou pono ka poe ilihune:  aka, i ka poe waiwai puu dala nui wale no o ka aina nei lakou e nana ai, a me ko lakou mau ina pakeke ponoi iho.  Aohe olelo ana i na ia he poe e nana ana ma na aoao a pau.

   AOLE makou e olelo ana o na poe hupo, ka mea o pomaikai ai ka aina.  Aole hoi pela, aka ,ua akaka no o na poe hapa o kahi maauao ka hapanui e paakiki nei, a kahi  poe naauao i kapa mai ai ia kakou i ka poe haupo hooopaakiki hupo wale iho no, me he mea la he hana naauao loa ka ka poe naaupo i hana ai, oia ko lakou kali ana me ke akenui e ike pono i na hana a ka Ahaolelo Nui o Amerika e hana mai la, a puka pono mai ka olelo hooholo hope loa no keia hihia i laweia na ia aha e hana mai, alaila, akaka ka ka poe hupo mea e hana aku ai.  Aole o ka hao ana a ka aihue i kahi waiwai i ae pono ole ia aku, oia ka mea e aopono wale aku ai no i na hana a apu e hana ia mai ana eia mea, a o kana hooweliweli mai e hoouninui ai, a mea mai oukou e mea ae oukou, o ka kakaou ia e makau ai a haawi pio wale aku no na wahi pono e ae i koe iho me kakou mahope o kana hao ana.  Aole pela, aka, e waiho aku ia mea i mua o kahi Aha, a o ka olelo hooholo a ia Aha, oia ka mea nui, pela no keia.  Kali malie, mai pulale i ka ike  ka maka.

___________

AIA o Amerika Huipuia ke heao la e hoopau i ke kaua o Aferika Hema, aka, un hoole mai nae o Beritania i ka hoolohe ana mai i kana mau uwalo ana.  Oiai, ua nui kekoko o kona mau kanaka i hookaheia.  O ka makou e ike nei ua wikiwiki oia e kue i ka Beritania mau hana, aka, aole nae oia i ohiu mua ae i ka puia o kona mau maka no kana mau hana hookaumaha maluna oo Hawaii nei, a me na paemoku Pilipine.

__________

MAKE HOOHUOI IA.

__________

   Me ke ahiahi Poaono nei, ua loaa aku ne kanaka Hawaii nona ka inoa o Naone, e waiho ana ua make ma kekahi rumi o ka hale hoolimalima o Aliona ma ke kihi o na alanui Moiwahine a me Puowaina.  Ma ka nana ana a ke kauka ua ike oia he ma’i kauhola kona kumu i make ai, aka, ma ka hoike nae a kekahi poe ua ulu he hoopaapaa mawaena o ka mea i make a me kekahi kauaka nona ka inoa o Kane, a ua makama ia he mau aumume ia ana amwaaena o laua, a mahope mai ua ike ia iho la ua make o Naone, ke huli ia nei o Kane e na makai, aole oia i loaa.  Ma o ke kulike ole o ka hoike a ke kauka me ka na poe e noho kokoke ana malaila , nolaila, ua manao ka oihana makai he mea kupono ka huli akahele ana i ke kumu o keia kanaka i make ai.

____________

   Ua h@la aku @a ka moku lawe koa Ma@ @ Manila.

______________________________________________

EIA HOU NO NEI HOU PAHI

____________

Ua malama hou ia ae la he hou pahi ma ka hora 8 o ke ahiahi La Puke nei, mawaena o kekahi mau kanak Auseturia no laua na inoa o John clark a me Albert.  Ua ona like laua ia la holookoa, a mahope o kekeahi aumeaume i malama ia ae e laua na nuuhi ae la o Albert he pahi a hou aku la ma ke poo o Clark.  Ua holo koke aku o Clark e hoike i ka makai, a iloo o ka wa pokole ua hoea aku la ke kaa amaki a lawe ilke mai la ia laua no ka halewai.  Ua hoopaa ia ka limakoko ma ka halewai a o ka mea i hoeha ia ua lawe ia aku no ka halemai.

_________...________

KA AHA KORONERO.

___________

   Mahope o ka oluolu loa ana ae nei o Isaac Cockett a me ka lakou hiehiele ana iaia, i haawi ae ai ka aha koronero i ka lakou olelo hooholo no ka mea e pili ana i ka make ana o Toyo Jackson, ma ke ahiahi Poakahi nei, oia hoi, ua make o Toyo Jackson mai ka lima mai o kekahi mea i maopopo ole.

   Ua manao ia no e kuhikuhi aku ana no o Cockett na ka paele Ester i hou nlike ia laua i ka pahi, aka, aole nae he hoike mawaho ae i ike ia Ester e paa ana i ka pahi, a i ka wa i haule aku ai o Ester a me Toyo no luna o ka lepo oia ka wa i ikeia aku ai o ka pahi e waiho pu ana ma kahi kokoke ia laua, a pela i haawi ai ka aha koronero i ka lakou olelo hooholo.

________..._______

KE KINO LEHU O HAIA.

____________

   Ma ka La Pale ino nei i hoolewa ia aku ai ke kiino lehu o Haia ka kanaka Hawaii i olelo ia ae e na kauka ua loaa i ka bubonika mai ka hale hana pahu aku o H. H. Williams, no ka ikina o Koula.  Ua ukali aku ma kana huakai hope ka ohana a me na hoaloha he nui wale, na ka Rev. Kapu i malama ae na hana haipule maluna ona.  Iloko o kekeahi wahi holowaa nanai uuku i hookomo ia ai kona lehu, a mamuli o kona mama loa, ua ki@ o@e ia aku ke kaa kupapau. O keia ka Hawaii i malama la ae ai keia hoolewa lehu mau loa ma keia mau paemoku.  Aloha no.

_______..._______

   Aia ke noonooo ia la ka bila haawina o #$3,000,000 e ke Senate mp ka hoomoe ana i uwea telegarapa mai Amerika mai a hiki i Honolulu nei.

   O ka Aorangi moku e haalele ana ia Vanekoura ma ka la 6 o Aperila, malia malaua onoa e loaa mai ia na lono e pili ana i ke koho ana a ka Hale no ka Bila o Hawaii.