Ke Aloha Aina, Volume VI, Number 23, 9 June 1900 — Page 8

KE ALOHA AINA

8                 KE ALOHA AINA, POAONO, IUNE 9, 1900.

 

HE KAAO KAILI PUUWAI

NO KA

UI MINEWA

A ME NA

Kaikuna Eiwa

I Hooliloia i mau Mamu Mene Ahiu a i ole na Keiki i Hoehaehaia

 

Kakauia no KE ALOHA AINA.

 

         Ae, e kuu hoaloha opio ua maopopo aku la ia’u kou manao hoi hope ole mai ka mua a hiki i ka hopena, a nolaila, e hoohoa aku kaua imua no ke ola a me ka make me ka hopo ole.

         A ia’ wa no i huli ae i ua Lolita nei a kahea iho la i na lio a laua e kau ana me ka pane ana iho me ka leo nui.

         E na kamaa hila ole o S@bone, a i ole kuu mau kauwa hoolohe, ano ua ike ia mai la kakou, no ka mea, eia au ke ike aku nei i ka pu-umi mai o ka wela hahana i kou mau pepeiao, a ua kauiuwela hoi ka le wa me ke ahi a ka laahine, a ua like ia mau hora o ke aumoe, me he awakea la, nolaila, e hoolilo ae ia olua i mau kino ao i ike ole mai ai kahi pinao ia kakou, a he mea oiaio, iloko o ka wa pokole, ua loli ae la ua mau lio nei, a pau ae la hoi ka lohe ia ana aku o ko laua mau kapuai e pohapoha ana iluna o ka ilikai.

         A ike ia aku la he elua mau ao eleele i ka punohuai a ae, ma kahi a na lio i nalowale aku ai, a pii malie ae ia no luna o na paia lewa, maluna o laua i ike ia aku ai ka kaua mau eueu e hiki kii mai ana, a ia wa no i wehe ae ai o Lolita i ke koloka ana e aahu ana, me ka pane ana ae hoi i lea mau huaolelo kaukau.

         E ke loloka kupanaha o E@ika, kuu hoahele o na la opio, ano , ua haea hou mai kaua i ka wa e pili hou ai, aole loa oe e kaawale hou ana mai kuu poli aku. E@ ka@ ke komo hou aku nei iloko o ia hahana o ka hoaaka kaua ana no ka pomaikai o ke kanaka opio, a nolaila, ina aia iloko ou na manao aloha no mana e huna iho ia ma@a malalo o kou mana.

         E hooko no au i koa makena ke e kuu Lolita no ka pono o ke kona ka opio, aole au e hoi hope, a ia wa no i uhi iho ai ka mana o ke kupu pouli, a nalo aku la ka kaua mau eueu iloko o ka mana o ua kuk@ka pouli nei, aku, aia no nae na ao ke lawe la ia laua me ka mama noi no kahi o ke kauha o ka hana.

         Maanei e waiho iki ae kaua i ke kamailio ana no Bationa a me kona hoaloha ai o e lawe ia nei o na ao hookalakupua a e nana aku hoi kaua i ka luahine kilokilo Ronio, e liuliu mai ia no ka halawai ana me na enemi a me kona haku e haulaui ia iluna o ka lio hulipala, e hooko ana i na iloi like ole a kona puuwai, no ka mea, ua um@ paa ka kaua Minewa malalo o ke kanaka a haku opio hoi o kaia mokupuni lewa i ke kai, e ka mana o ka omole laau a ke kilokilo wahine, e like me ka kaua i ike ae nei i na helu i kaa hope ae nei.

         I ka wa i hookou aku ai ke kilokilo i ka pinao no ka hakilo ana i na enemi e hoohalua nei i ke aupni o kona haku opio, e like me ka makemake o Ronio pela no oia i hooko ai, ua lele loa aku la oia @nna o na aouli, a malaila i lele kaapuni ae ai e halo ana hoi ma o maanei mailulia o na paia lewa a hoea loa aku i ka papaku o ka honua, aole nae he wahi mea e hookomoia ai na manao hoohuoi iloko o kona puuwai, a i ka wa ana e hoo@kaukau ana e hoike uku i kona haku wahine, aole he kupueu e manao nei e hoopoino i ko lakou mokupuni, aia hoi, ua hoohikileleia ae la oia i ka ike ana aku he mau lio eleele i ka oili ana mai kekahi mokupuni mamao loa, a ma una hoi o laua e noho ana he elua mau hololio, he kanaka aoo a me ke kanaka opio. Aole he alahele okoa ae a na lio i lawe ae ai, aka, no ka mokupuni pololei ka laua huakai a ka pinao e kiai nei, me ka mama lua ole.

         A i ka hoomaopopo ana o na pinao nei, o na enemi keia a kona haku wahine i kanoha mai ae e kiai o ia kokoke no aa wa i opaipai ae ai kona eheu me ka ikaika, a hoopili pu aku la i ka hanu o na poe o lu na o ka mokupuni, a ia s@kona no me ka hookaulua ole iho poua mai la kona leo nui weliweli e like me ka hekili kani pamalo ka halulu, i ka hooho ana ae

         E Ronio e kua haku, he kupaa he mau kupua ko’u e ike nei, a eia laua ke nee mai noi me ka puahi nui no ko kakou aupuni mai kekahi mokupuni mamao mai. He mau kupua ikaika keia a’u e ike aku nei he kanaka aoo, a he kanaka opio, Nolaila, ano ka wa o ka hoomakaukau eia ka ino a hoea mai. E kuu haku wahine i noi ke aho, hooikaka ia i loaa ka lanakila, a pakele hoi kakou mai keia puu make ae.

         I ke hoiki ana iho o ka pinao i kana h@ko no na enemi, aia kona leo ke o hele la ma na ipuka hale a pau a hoea loa aku la i na ipuka o ka hal@alii a kapoa aku la ili ko o na paki pepeiao o ka luahine kilokilo.

         A ia wai lokeia aku ai ku leo kani uhi iho o na Ronio nei ma ka pua na malie ana ae me ka leo i piha me ke kaumaha.

         Aohe mea e ne nana i hana keia hana o uhai ia mai nei ke aupuni o kuu haku e ka poino, aka, na’u no ia mamuli o ko’u hoohihi ana i ka ui o ka wahine opio, a kaili lima nui mai la iaia mai ka ona mai nona ia waiwai, aka, o hoao no au ma na ano a pau e loaa ai ka lanakila ia mokou.

         A i keia manawa koke no me ka hookaulua ole hemo aku la oia no waho o ka hale alii, me ka ipu poki o kana ma’u mea mana e waiho ana, me ka iaha aku o kona mau inaka no kahi a ka pinao e lele haaheo ana iloko o na paia koiuiu o ka lewa, a maanei i kahea aku ai o Ronio i ka pinao me ka leo nui moakaka.

         Ua iehea kou leo e kuu kauwa hoolohe, a o ka’u wale no e kauoha aku nei e paa malie i kou kulana, a e kiai makaala aku i ke kulana o ka enemi e nee mai la no ka hui ana he alo a he alo me kakou, a o ko’u manawa keia o ka hana.

         I ka pau ana o kona leo kauoha ua l@lau iho la oia i na paa kamaa mana a wehe ae la mailoko ae o ka ipu poki me ka paa ana i ke pihi helu ekolu, a haawi ae la i keia mau leo kahoahoa maluna o ua paa ka maa nei.

         Ano, e ka paa kamaa o ke kupua Rolima, ke kupuna o kou haku nei, eia kakou ke hoohalaa ia nei e na enemi, a o ka’u e iini loa nei e haawi mei olua i ka uwila, ke ahi a me ka luai pele, no ka luku ana i na kupua komo hewa a pau, a e hoopakele ia nae na ola a pau o ko kakou mokupuni nei.

         A ma keia wa no i lohe ia aku ai kekahi leo i ka hooho ana ae o kou makemake wale no ka makou e hooko aku ai.

         I ka hoopau ana ae o keia leo oia ka wa i huki ae ai ke kilokilo i k pihi ekolu ana e paa ana, a he poha ana me ka ikaika, aia hoi, ua puoho ae la kekahi ahi nui weliweli, me ka anapu ikaika ana o ka uwila e hele holo  ana ma o maanei e huli ana hoi i kona mau enemi.

 

NA HEIHEI MAWAHO O KAPIOLANI PAKA.

 

         Ma ka halawai ana a na lala o ka hui heihei lio Hawaii, ma kela Poalima aku nei, ua hooholo ae lakou no ka malama ana i na lealea heihei lio mawaho o Kapiolani Paka ma ka la 14 o Iune ae nei ina aole he mau kuia, he elua mau la i maopopo loa e malamaia ana na lealea heihei, oia ka la 9 a me 11 o Iune.

         E hoomaka ana na lealea heihei o ka Poaono, Iune 9, ma ka hora 2 o ka auina la. E malama ia ana he heihei kaa haikikala ia la a o ka makaea he kaa haikikikala.

         Heihei 1. Hapalua mile, noa i ua lio i komo maa ole i ka heihei, makana $100.

         Heihei 2. Hapalua mile, noa i na lio a pau, makaua $130.

         Heihei 3. Elima-Hapawalu mile, noa i na lio a pau, makana $200.

         Heihei 4. Lio kaa. 2 eo ana iloko o 3, makana $150.

         Heihei 5. Elima-Hapawalu mile, no na lio Hawaii, makana $150.

         heihei 6. Hookahi mile, noa i na lio a pau, makana $200.

LA ELUA.

 

         E hoomaka ana na lealea ma ka hora 10 o ke kakahiaka o ka la 11 o Iune. E mala,aia ana he heihei holo wawae hapalua mile, makama medala.

         Heihei 1. Hapalua mile, noa i na lio a pau, makana Kiaha Uniona me $150 pakua.

         Heihei 2. Lio kaa 2 eo iloko o 3, makana $150.

         Heihei 3, Elima-Hapawalu mile, makana $150.

         Heihei 4. Lio kaa, noa i na lio Hawaii, 2 eo ana iloko o 3, makana Kiaha Califoania Feed Co. me $150 pakui.

         Heihei 5. Hookahi mile, no na lio Hawaii, elua manawa e eo ai, makana Kiaha Irwin me $150 pakui.

         Heihei 6. Lio kaa. 2 eo iloko o 3, makana Kiaha Rainier me $200 pakui.

         Heihei 7. Ekolu-Hapaha mile, noa i na lio a pau, e loaa ka manawa o Venus 1:16, makana Kiaha Waikapu me $150 pakui.

         Heihei 8. Heihei Kuikawa.

         Heihei 9. No na lala o ka Hui Heihei Lio, makana $75.

         Heihei 10. Hookahi mile, no na lio a pau. E loaa i ka lio eo ka manawa o A@gie A. 1:45@, makana Kiaha Rosita me $200, a ha $50 ke haule keia manawa.

         Heihei 11. Hookahi me ka hapa mile, noa i na lio a pau makana Kiaha Criterion, me $250 pakui.

         Heihei 12. No na lio i komo ma na heihei i loaa ole he eo ia lakou, makana $150.

         O ka uku komo me ka loaa pu o ka noho $100.

 

HOALAHA PAPA.

 

         E ike ananei na kanaka a pau, owau o ka mea nona ka inoa malalo iho nei ke papa a hook@pu loa aku au i na kanaka a pau mai ke komo wale ana, oki wale ana a lawe wale ana paha i kalu mea e waiho ana a e ulu ana hoi maluna o ka aina e waiho la, ma Waikane, K@olaupoko Oahu, oia hoi kekahi mahela o ka aina o S. Kailua i @o mai ia Mrs. Elizabeth I. Kamakaia i keia wa o waiho la ma ka aoao makai o ka Halepule Hoo@. A @ papa @ ia aku @ei no hoi n@ kahi aina, a loi paha, e lawe la aka ana e kuai a i ole e h@ ha, a i oie e moraki paha e kahi mea imua o oukou ma ka inoa o S. Kailua o Wai@e, Kona po ia Oahu.

         S. K. KAMANAIA.

         HONOLULU, MEI 2, 1900.

 

KAUKA L. F. ALVAREZ.

KEENA ME KAHI NOHO HELE 16, ALANUI EMMA.

 

Na hora rana:                8 a ka 10 a. m.

                            3 a ka  6 p. m.

                            7 a ka         8 p. m.

Na La File:          8 a ka         10 a. m.

                            @ a ka  8 p. m.

         Telepona 611