Ke Aloha Aina, Volume VI, Number 27, 7 July 1900 — Page 7

KE ALOHA AINA

 

KE ALOHA AINA, POAONO IULAI 7, 1900                               7

 

HE MOOLELO WALOHIA

:NO:

ALANADELA

 

Ka Wahine Hoopahaohao o ka Aahu Keokeo.

-A I OLE-

Ka Loea Hookani Pila Hapa o ke Kulu Aumoe.

            E hoolohe mai ia’u e kuu Walata, aole, aloe loa kaua e hookaawale, oiai, ua mainoino kou kino mahope o’u, aole loa au e haalele.  Ina ua hoea mai la ka hopena o ko kaua mau hoehaeha ia ana, a ma ka la apopo e l@o ai au i moi wahine no Italia, o kaua like no iloko oia mau kaunu ana.

            Nolaila, e waiho i kou mau manao kuihe e Walata.  A e oluolu anei oe e hoolauna mai i ke alakai o keia puali, no ka mea, ua makemake loa au e ike iaia.

            E like me ka makemake o Alanadela, pela ke koa opio i hooko aku ai, a iloko hoi o na sekona pokole wale no, aia o Lihano, ke alihikaua Italia ke ku la imua o kona haku wahine.

            A i ka halewai ana ae o na maka o Lihano me ko kona haku wahine , ua helelei iho la kona mau kulu waimaka me ke kukuli koke ana iho a puliki aku la i na lima palupalu o kona ahiwahine me ka muki ana iho a puana ae la.

            E na lani ua loaa ia’u kuu moihine, ka mea a’u i huli hoomanawanui ai me ko’u mau kanaka i ke ao a me ka po, a i ka hope loa ua hoopomaikai mai oe ia’u.

            A ma keia wahi i huli iho ai ua Lihano nei a pane aku la ia Alana dela i ka i ana aku.

            E kuu haku Alanadela, i keia la ua pau kou kapaia ana aku he hooilina alii no ke aupuni o Italia, aka, e kapaia oe he moiwahine ma keia hope aku no ke aupuni o Italia.  E maliu i na uwalo ana a kou kanaka nei e hoi ae kaua no kou aupuni, a e hui hou hoi me kou makaainana e kali mai la nou, mahope hoi o kou kaawale ana mai a lakou mai no kekahi mau makahiki loihi.  Nolaila e kuu moiwahine pane mai ano, e ae ana anei oe e hoi pu me a’u i ka manawa au i ike ai he pono?

            Maanei ikeia aku ai na waimaka o ua Alanadela nei e haloiloi ana ma kona mau lihilihi, a me ka leo kaumaha pane aku la oia.

            E kiai hope ole o kuu aupuni e pane mai i keia wa ano mamua hoi o ko’u hoike ana aku i ko’u manao e pane mai i ka’u ninau e waiho aku nei, oia hoi kela, owau wale no anei kau i makemake ai e hoi pu aku me oe a i ole anei o makou no anei a pau me ka’u aloha a me ko maua hoaloha?

            O oe hookahi wale no ka’u e iini nei e lawe aku, no ki mea, aia no he aloha nau ke kali mai la i ka home.

 

HE KAAO KAILI PUUWAI

-NO KA:-

UI MINEWA

-:A ME NA:-

Kaikunane Eiwa

 

I Hooliloia i mau Manu Nene Ahiu

a i ole na Keiki i Hoehaehaia

Kakauia no KE ALOHA AINA.

            A maluna o na ale hulala o ka moana i lele aku ai ua wahi pinao la e huli i kona ola maloko o na mala pua maluna o na aupuni like ole o ka honua nei, e like me ka ho pai i haawi ia aku nona.

            I ka nalo ana aku o ka popo iloko o kona kino pulelehua, ua huli ae la ua kilokilo nei a nana aku la i ka pinao ina paha aia no oia ke paa la i kona kulana, aka, ua hookupilikii ia mai nae kona puuwai i ka ike ana aku aole kana kauwa ma kona wahi e ku kiai ana i na hora mamua iho, aka aia ke lawe ia la oia e na kikiao makani puahiohio o ke kookoo mana a ke kupua Lolita.

            A i keia manawa no me ka hookaulua ole iho lalau koke iho la o Ronio he opu makani e waiho ana iloko o kona poli a unuhi ae la.

            A mahope o kona nana pono ana iho i ua mea la ua pane iho la oia me ka leo walohia.

            E ka opu makani namahao o Deseka, kekahi hoi o ka’u mau ka uwa hoolohe i pulama nui ai, ano e hoohana aku ana au ia oe, oiai, ke ike aku nei au i ke kupilikii o ko kakou kulana.  Nolaila, e hoike mai ua hiki anei ia oe ke omo mai i na kikino makani puahiohio a hiki ko lakou pau ana iloko ou.

            A maanei i hooho ae ai he leo ku i ka weliweli mailoko ae o ka opu makani i k@ ana ae.

            E Ronio kuu haku wahine mai hopohopo no ka makani puahiohio o ke kookoo mana a ke kupua Lolita, no ka mea, he manaolana ko’u ua hiki no ia’u ke ulupa i kona ikaika i mea ole.

            He mea oiaio, mahope koke ihu o keia mau olelo i olli ae la mailoko ae o ka opu makani o Doseka, ua nalowale ino la oia iloko o ka @mo ana a ka maka, a i ike hou ia ana aku ka hana e lele ana ua opu ma kani la ma kahi a na kikiao makani puahiohio e wili ana me ka ikaika loa, a ike ia aku la ua opu makani nei e pehu awiwi ae ana me he o opu hue la.

            A i keia manawa no i hamama ae ai ka waha o ua wahi opu makani nei a ume aku la i na kikia o makani e pa ana me ka weliweli nui iloko o kona opu, a he mea, oiaio, iloko o ki manawa pokole, ua pau aku la na kikiao makani i ka alapuho ia, a i ko lakou wa i ike ai i ko lakou poino, ua huli ae ia lakou me ka manao ana e hoi hou aku ihope, aka, ua @ koke iho la nae ka waha o ua wahi eueu nei a lilo iho la lakou he pio na kahi opu makani.

            A na ka paa pio ana o keia mau kiai o ua Lolita nei, i hoowela ae i kona puuwai me ka inaina, a ia wa no me ka leo nui o kalakala kahea la oia.

            E na kamaa hila ole o Sibone, e hoolilo koke ae ia olua i mau popo ahi enaena a lele aku no loko o kela mokupuni, a nou hoi e kuu kookoo punahele e o aku i kou maluna o kela wahi opu makani a ka hookano nui wale.  A nou e kuu pahikaua aloha, e anai aku i na enemi a pau e halawai mai @ ma kou alahele.

            A i ka nooki ana iho o ua Lolita nei, he ne i nakolokolo ana e @ke me kekahi pukuniahi, ua lilo koke ae la na kino ao o Sibone i mau popo ahi enaena me ko laua mau lapalapa ahi e p@ko ana iloko o na aouli.

            A o na alelo manamana hoi o ka uwila ua oili aku la ia mailoko aku o ke kookoo a ka elemakule a uhai aku la mahope o ka opu makani e huli hoi la me kana mau pio no mua oke alo o kona haku wahine.

            Iloko o keia wa i lilo ae ai na kamaa kupua i mau popo ahi, ua komo aku la ua mau kamahele nei iloko o ua mau popo ahi la.  Aka aole nae laua i ike i ka wela o keia mau popo ahi, oiai, ua hamani ko lakou mana i ko lakou mau haku.

            A iloko hoi o ka im@ ana a ka maka, e like me ke kauoha a ko laua hiku i kuupau aku ai ua mau popo ahi la i ko laua mama lele, a he olapa ana me ka ikaika noho laua iluna o ka mokupuni o ko lakou mau enemi.

 

Nuhou Kuwaho

NA BERITANIA MA AFERIKA HEMA.

            Ladana, Iune 27.  O ka puali o na Boa ua hoomaopopoia ua mahele ia lakou iloko o na mahele liilii ma ka hikina o ka muliwai Alani, a ua nui ka lakou mau hana hooeliweli i na koa Beritania.

            Pretoria, Iune 26.  Ua hoike mai la o Sir. Charler Warren o na hana kipi i malamaia ma ka akau o ka muliwai Alani, na pau loa ia.  O na puali Boa malalo o ke alakai ana a Kenerala Villers, na haawi pio mai la ia ma ka la 20 o Iune iho nei, he 200 kanaka, 280 lio, 18 kaa, 260 pu raifeia, a me 100,000 puni poka.  Ua hoike mai la o Baden-Powell he maluhia o Rustenburgs.

 

KO MANILA KULANA.

            Manila, Iune 23.  He Puali o 100 koa o ka regimana10 kai haalele iho malalo o ke alakai ana a Kapena Thomas Miller ia Cagayan ma ka la 12 o Iune no ka hakilo ana i ke kuiana o na enemi, a ma ke kakahiaka o ka la @, ua lele kaua ia mai la lakou e kokahi puali o na enemi i huna iho ia lakou iloko o na auwaha.  ua hoao aku na Ameria e hopu pio ia lakou, aka, ua halawai lakou me na kue ikaika ana a na Pilipine.  A ua hoei hope ia aku la na Amerika no Cagayan.  O ka poino o na Amerika he eiwa i make a me elua alii a me umi i hoeha ia.

            Ua hoea mai la na hoike ana i Manila no ka ulu ana ae la o ka haunaele ma ka mokupuni Samar, a ua hoo@na ia aku la he bataliona o ka regimana 29, a me hookahi batari pukaa no ke kahua o ka haunaele.

            E lawe nui i KE ALOHA AINA, i ike mau i na mea hou.

 

Kauka I. Katsuki

            Keena hana a me kahi noho, alanui Vinia, mawaena o ke alanui Nuuanu a me Muliwai.

            Na Hora Hana:  9 a ka 11 a. m. 7 aka 8 p. m.

 

NO HOOKAHI PULE WALE NO

He Kuai Hoemi Nui o na

Kamaa Miomio.

            Eia ka wa no ka makou kuai hoemi nui no na la @koa (Easter).  O na KAMAA ILI ULAULA o na Lede a me na Opio Kaikamahine.  E hoohuli ia ana ka waiwai e hoohuliia i ke alanui me na wawae e komo ana maloko o lakou.  Ina e lawe aku ana oukou mai ko makou mau lima aku, e lilo no la he m@a nui, ina he mea nui ke dala ia oe.

 

Na Kamaa Eleele o na Lede $5.00

mamua i keia Pule $1.50

Na Kamaa Ili Ulaula o na Lede

$5.00 mamua i keia Pule $2.50

            Mai ka@i a keia pule aku, a @ ehaeha hui i keia kuai make pono i keia pule @a ua loaa i kou mau hoalaunai kai@ pule.

MANUFACTURE SHOE CO.

ALANUI PAPU

 

UA LOAA MAI, HE HELUNA

O NA

Pena a me na Aila Pena,

Na Hulu Pena,

Na Kapuahi Aila,

Na Kapuahi Fisher,

(ua hoenilia ke kumukuai)

Na Palau na ano apau,

Na Lako Mahiai,

Ho, Oo, Kopala, Kipikua,

Na Bakeke o na like ole

Na Ipuhao, Ipu Ti,

Na Lako Aniani.

            E loaa mai ana he mau waiwai @oa maluna o ka mokuahi Auseteralia.  Nolaila, e kipa mai, a e wae no oukou iho, he emi loa ka makou mau kumukuai.

 

Hawaiian Hardware Co., Ld

(HUI LAKO HAO HAWAII, I KAUPALENAIA)

Alanui Papu, ma o ka Hanako o Spreckels.