Ke Aloha Aina, Volume VI, Number 33, 18 August 1900 — Page 3

                                          KE ALOHA AINA
                                                            POAONO, AUGATE 18, 1900

                                                                        Nuhou Kuwaho.

                                                HOOLEWA IA KE DUKE O SAX—COBURG
                                                                        A ME GOTHA.
    Coburg, Aug. 4  Ua hoea mai la ka Emepera William maanei ma ka hora 11:30 a. m., no ke komo pu ana ma ka hoolewa o ke Duke o Saxe-Coburg a me Gotha.  Ua haawi ia mai na leo hauoli nona ma ua wahi a pau a ka puulu kanaka e kalu ana nona.
    I ka hoea ana mai o ka Emepera i ke Kakela, ua hoomaka koke ia ka hoonohonoho ana o ka huakai hoolewa.  O ka Emepera ma ka laina mua o ka huakai mawaena o ke Duke Charles Edward a me ka Hooilina Alii, ke Keikialii o Wale, mawaena o ke Duke Kiekie o Hess a me ka Moi Ferdinana o Roumanaia mahope aku o ka Emepera.  Mahope aku ka Duke o Connaught, ka Duke o York a me na Keikialii a me na Duke e ae, na luna o Geremania me na Moi e ae o na aina e, na pualikoa aina a me moana.  Ua komo aku ka huakai hoole wa iloko o ka luakini St. Moritz Church.  Ua uhi ia ka luakini me ka lole eleele me na lihilihi dala e kuuwelu ana.  O ka lei i hoouna ia e ka makuahine o ka Duke, ka Moiwahine Vitoria, ua kau ia ma ke poo o ka pahu me na huaolelo, “mai kona makuahine i hookaumaha ia.”  He lei lau oka me na huaolelo: “Mai kona mau kaikuahine ekolu mai.” ma kona mau kapuai wawae.
    Ma ka hora 10 o ka po i lawe ia aku ai ke kino make o ke Duke noloko o ka hale kupapau alii maloko o ka pa halepule me na Keikialii e ukali ana malalo o ka hoomalamalama ana a na lama ahi.

                                    HUI NA HANA HOOMAINOINO A NA RUSIA.
    O Kenerala Isakiwa Yasejiro, ka luna hooponopono o ka nupepa Mainichi Shimbun, ka mea kakau maluna o ke kahuna kaua, ua olelo ae oia, he nui na hana hoomainoino i hana ia e na koa Rusia, wahi ana, ua pepehi wale aku lakou i na poe e noho ana me ka maluhia, na kane a me na wahine, me ke kipu ana i na opio e puili ana maluna o ke kino make o ko lakou mau makua, me ka wawahi ana i na keena oihana me ka lawe ana i na waiwai a pepehi wale aku la i na ona.  Ua hoopiha ia ka muliwai Peiho me na kino make, maloko o lakou he heluna nui o na wahine a me na opio, a na nana aku na pake i na Rusia ma ke ano he mau akua ino.  Ua olelo hou ae o Ishakiwa, ua hookau aku ua Rusia he ekolu haneri kino make o na pake maluna o na wa@pa me ke puhi @ i ke uhi.

                                    HALAWAI NA KOA RUSIA ME NA PAKE
    St. Peteroboro, Aug. 4.  Ua hoouna mai la o Kenerala Grodek@ff i keia mau hoike malalo iho ho i ke keena kaua.
    Khabaovsk, Aug. 3.  He elua mau kolamu koa mai Blagovetchensk i hala aku la no kela aoao o ka muliwai Amur i ka hora 3 a. m.  Malalo o na Konela Scheverin a me Scherikimoff, a lele kaua aku la maluna o na pualikoa pake me ka lawe pio ana ae i ke @ o Sakh@lio, he hookahi pu kuniahi me kekahi heluna poka raifela kai lawe pio ia.
    Ua nui ka poino i loohia i ka mokuahi Silenga mai na poka pu raifela mai.
    He telegarapa kai loaa mai la i keia la, he hoike mai a Enekinia Offenburg, no ka la 1 o Augate, e olelo ana:
    Ma ke auhee ana mai mua mai o na agena, na limahana a me na kiai, ua lele kaua ia mai lakou e na pake ma ke alahele o Chingan.  He ekolu mau kiai a me hookahi limahana i make a me iwakalua limahana i mahuka aku no na mauna, a aole he hookahi o lakou i huli hoi mai.

                                                            HE KANAKA KAAHELE HONUA.
    Maluna o ka mokuahi Alameda i kipa mai la maanei a hala aku la no na panalaau o ka Hema o Carl Peterson, he kanaka opio kaahele honua.  Ua haalele aku oia i kona home ma Denemaka, ma ka mahina o Mei, 1899, mamuli o ke kono ae a kona noonoo e makaikai i ka nanai o keia honua.
    Ua kau mai oia maluna o kekahi moku lawe ohua o ka Atelanika ma ke ano he kanak puhi palaoa a hoea aiai la i Nu Ioka.
    He hemehema loa oia i ka ole @o enelanai, aka ma o kona eleu no nae ua loaa iaia ka hana puhi palaoa ma Nu Ioka a me kekahi mau wahi e ae o Masekuseta.  Ma keia mau wahi ua loaa @@ iaia ka olelo Enelanai a hiki i kona makaukau loa ana i kela wa.
    Ua haalele aku oia i ka hikina he mahina i hala ae nei me ka holo ana mai a noho iho la ma Kapalakiko, mahope o kekahi manawa o ke kali ana i ka moku e lawe ai iaia ma kana hu kai kaapuni honua ua loaa iho la ka Alameda, ua kau mai oia me ka han@ ana no kona alahele no ka hema, a malaila aku e holo ai no Aferika Hema a hiki hou hoi i ka home ma keia kau kupu’au aku.
     @puhi ohe ke ma@ ia ana ma ka Hotele Hawaii i kele po Poaha e @ aupuni. 

                                                                        KO BRYAN MANAO NO NA
                                                                                    PILIPINE.
    Indianapolis , Ind. Aug. 8  O William Jennings Bryan o Nebrasaka a me Adlai E. Stevenson o Ilinoi, ua hoike ia aku ko kaua koho ia ana no na keena Peresidena a me Hope Peresidena mahope koke iho o ka hora 2:30 o keia auina la.  He mau tausani kanaka i makaikai ae i na hana.  O Senatoa James K. Jones, ka Lunahoomalu o ke Komite Lahui Demokarata ua hoolauna ia mai oia e Meia Taggart ma ke ano i lunahoomalu no ia halawai, o Senatoa Jones mahope o ke kahi haiolelo pokole na hoolauna mai la oia ia Lunamakaainana James Richardson o Tenesi.  Ua apo ia mai o Lunamakaainana Richardson me na leo huro ikaika i kona wa i ku ae ai a hoike ami la ia Mr. Bryan i na ma oiaio, oia hoi, ua koho ia oia i Peresidena e ka Aha Elele o na Demokarata ma Kansas City.
    I ka wa o Bryan i ku ae ai no ka panai ana, ua ike maopopo ia kona ohohia ia, i ike ole ia kona ina ma keia kulanakauhale.  I ka maluhia ana o ke anaina na hoomaka aku la oia i kana haiolelo.  Ua panee ia mai na leo hui o maluna ona i kela a me keia manawa ana e hoomaha iho ai. Wahi ana.
    E Mr. Lunahoomalu a me na lala o keia komite, ma kekahi la o kinohi, a me ke ohohia nui e apo aku no au i ka ouko koho ana i panee mai ai ia’u, a ia wa auanei au e noonoo ai i na ninau like ole a ka Aoao Demokarata.  Aole paha he mea hewa ao’u ka hoike ana ae i kekahi mau mea kakaikahi i keia wa i ke ano nui o ka paio mamua o kakou, a ma lana hoi o ka ninau i hoopuka ia ae he mea ano nui maloko o keia hakoko ana aku.  Mahope o kekahi mau kamilio ua hoohuli ae la oia i kana haiolelo maluna o ka ninau o Pilipine, a penei kekahi o kana mau olelo.
    O ka ninau o Pilipine he mea hiki wale no ia ke hoakaka ia me ka maalahi.  Ua hookahuaia maloko o ke kumuhana a ke Demokarata me ka hookomo pu ia na mai o na manao io o ka lahui Amerika.  Ina aue koho ia ana e kahea ana au i ahaole o no ka noho ana mai mahope koke iho o ko’u komo ana aku iloko o ko’u kulana lawelawe oihana me ka hooko koke aku i ka manao o o ka lahui---akahi, i aupuni paa no na paemoku o Pilipine, e like me ka kukou o kukulu nei i keia wa i aupuni paa no Cuba@eina, e haawi i ke kuokoa i na Pilipine, elike me lakou i haawi aku ai  i @ Cuba; ekolu, e haawi na malamalama @ Pilipine mai na kea kea wale a ko waho mai, oiai, lakou e hana ana no lakou iho, elike me kakou e malama nei i na Repubalike Waena a me Amerika Hema a me Cuba, elike me ke ao a Monroe.  O ka malama ana a Europa ua hoea mai na hopena kailiku ia ana o na mahele e ka mea no nana e kiai ana ia lakou.  O ka malama ana a Amerika na haawi aku ia i ka lahui ana e kiai ana i ko kakou ikaika me ka hoolilo ole aku ia lakou i mau pio na ko kakou manao alunu.  No ekolu hapa keneturia ua lilo ka olelo ao a Monroe i palekaua no na Repubalika e pili koke mai nei, a aole hoi lakou i lawe mai i na haawe dala maluna o kakou.  Mahope o ka haawi ana mai o na Pilipine i na kokua ana ia kakou ma ke kaua ana me Sepania, aole he hana pono na kakou ka hoihoi ana aku ia lakou i ko lakou haku mua, a he mea hiki ole hoi ia kakou ka haalele ana aku ia lakou i pio na na lahui Europa, a oiai, aole o kakou makemake e lawe mai ia lakou i mahel no kakou, a i ole e paa ia lakou ma ke ana kupa, e noonoo kakou i keia mau mea elua, oia hoi, e haawi aku i ke kuokoa a me ke kiai ana ia lakou mai ka hoopoino ia ana mai e ko waho.

                                                                       HOOKUU IA O KOLEKA.
    Mamuli o ka pololei ole o kakahi mau mea maloko o ka hoopii, ua hoopau wale mai la o Lunakanawai Humphrey i ka bilia o Kolekai i hoopii ia ai no ka lawelawe kahuna maluna o kekahi wahine nona ka inoa o Haliaka.
    Ua hoopai ia keia hihia maloko o ka Aha Apana e ka Lanikauawai Wilikoki no $100.  Aka na waiho aku o@ ola i kaua hikia imua o ka Aha Kaapuui a loaa iho la iaia ka lanakila kamaunu.
Ua olelo ia e lawe hou mai ana ka loio o ka aoao hoopii he kumu hoopii hou no ka noonoo ia ana e ka aha.
   

                                                            HOOWELIWELI IA KE OLA O
                                                                          NA KUHINA.
    Sinahai, Aug. 2.  Ua hoopuka pili aupuni ae ke Kiaaina Lia Kou Yu Nanking a me Sheng a Senghai a pepehi ia ana na Kahiu e ke aupuni o Kina, ina e maki aku ana na koa lahui me Pekiua.

    E lawe i KE ALOHA AINA i ike i na mea hou.

    Ke keaka kou mai nei ka hale keaka Orpheum i keia mau po.

    He 129,000,000 ka hai o ka lahui R@ma ka hele hope ia ana mai nei.  O keia @ koke @ i ka @ Pake.