Ke Aloha Aina, Volume VI, Number 33, 18 August 1900 — Page 4

KE ALOHA AINA

 

Poaono, Augate 18, 1900.

 

Ke Aloha Aina

Hookumuia no ka

Pomaikai o ka Lehulehu, a he Nupepa na ka Lahui Hawaii.

 

EDWARD L. LIKE

Lunahoo@onopono.

HOGAN E. KALUNA,

Luna Hoopuka

ALEX. NAWAHI,

Luna Hoohana.

EMMA A. NAWAHI

Pu@ku o KE ALOHA AINA.

 

HONOLULU.... AUG. 18, 1900.

 

HAUNAELE EWA I KA MOAE.

 

       Ma ka haawi paina ana a ka papa loio o ke kulanakauhale nei ma kela po Poalima aku nei, ma ka Hotele Hawaii, ua ulu ae la he mau manao maikai ole mawaena o na lunakanawai o ke aupuni a me kekahi loio nona ka inoa o McClanahan, a o ka hopena i ikeia, na ku ae la na lunakanawai i hoea aku, oia na Lunakanawai Humphreys a me Silliman a me Lunakanawai Kiekie Galbraith a haalele iho la i ka papaaina me na manao hoowahawaha.

       O ke kumu i ulu mai ai o keia uluaoa ana, oia no ke ku ana mai o McClanahan, a haawi mai la i na kahoahoa ana no na lunakanawai i ka wa o ka papa loio a me lunakanawai ekolu e noho ana iluna o ka papaaina me ka olelo ana ae: “O na lunakanawai hou o Hawaii ua kupono ole ia ma kekahi ano ma ka’u ike ana” a me he mea la, na keia mau olelo i hookomo i @na manao hilahila iloko o na lunakanawai, a ike ia aku la lakou e hawanawana ana, me ke ku like ana ae a haalele iho la i ka papaaina, a hoohaahaa ia aku la ka papaina a ka papa loio.

       Aole no nae o MaClanahan i hoopau ae i kana kamailio, aka, ua hoomau aku la no oia i kana mau olelo me ka i ae, aole i loaa aku ka naauao a me ka hoopono o na kanaka i kaahope aku i lawe ae i keia kulana, a h@ @iini kona e lawe ae na lunakauawai i keia alahele hanohano.

       A maanei i inu ae ai na mea a pau no ke ola o na lunakanawai i huli hoi aku la me na manao wala@ia no keia mau hana a kekahi hoa o ka papa loio i hana ai.

     Me keia wahi i hoike a maka ae ai ka papa loio aole he mau manao maikai i keia mawaena o lakou a me na lunakanawai, malia paha, ma o na hihia no ia a na loio i lawe aku ai e hoolohe ia mai e na lunakanawai, a pela i ulu mai ai kea mau manao k@@e ana.

 

E lawe i KE ALOHA AINA i ike i na mea hou.

 

AOAO KUOKOA, HOME RULA

 

NO KA MOKUPUNI O HAWAII.

 

Lokahi Kohala, a Hooho ua Puu Haelelua. –Kuokoa Home Rula ka Aoao.

 

Haalele na Elele ea Honolulu, ma ke Kinau o ka Poalua, Augate 7, 1900, hora 12 a.m., hanu ana ka ihu o ke Kinau no ka awa haulani o Mahukona, halawa i me na kamaaina, a kaa aku la na Elele malalo o ka na kamaaina pailaka ana.

 

Kau ma ke kaahi no Niulii ka pahu hopu, ma ke alahele halawai me ke Komite me Rev. J. Kaimana, kekahi o na komi@ hookipa,i ka hoea ana aku ma ka home o J. B. Kaohi, e ku mai ana na komite hookipa i noho lunahoomalu ia e S.H.K. Ne, a iloko o kona kahiko ilamuku o na kahua kaua kaulana o ka Aoao Kuokoa, Home Rula, me ka leo kahoahoa o ke kulana ilamuku, ua heluhelu mai la oia i na olelo hoolauna mua a na makaainana o Kohala i na Elele, penei:

I na alakai e ka lahui Aloha Aina me Kalaiaina, J. K. Kaulia, D Kalauokalani a me ka Elele kaulana R. W. Wilikoki.

                                                                       Aloha oukou:--

 

O makou o na keiki papa o Kohala nei, ma o ko makou maa Komite la, ke kona ia aku nei ko oukou hanohano e kipa mai me ka puuwai hopo ola no ka home i hookaawale ia no oukou e na alakai kaulana o ka lahui Hawaii.

 

O makou iho no me ka ohohia.

                                                                   S.H.K. Ne,

                                                          S.D. Kanehailua,

                                                          Rev. J. Kaimana,

                                                      Komite Hookipa.

                                 Kohala, Hawaii, Aug. 8, 1900.

 

I ka hookuu ana iho o ka leo kono a na Komite, ua pani aku na Elele i ka pane ma o Jas. K. Kaulia, wahi ana:

 

He mea i kamakamaka ia iho maluna o na puuwai o ka lahui Hawaii, a i pae loa aku i na kukulu o Kahiki, he lahui puuwai hamama ka lahui Hawaii iloko o na keneturia he 19 i hala ae nei, ka holo pua-a ana oia mau olelo ma na aina e, a me ia ano no a hoea mai la i keia la, a o ko oukou mau leo poloai i na Elele e kipa aku, ke lawe ne na Elele ma ke mahiehie nui, e kipa ana ana me oukou, a malalo iho o ka oukou mau pulama ana na Elele a hiki i ko na Elele nee ana aku no mua, no ke alahele no ka pono o ka lahui;  Aloha oukou.

 

Mahope iho o ka pau ana o na olelo hoolauna, ua hookipa ia aku la na Elele me ka oho@ia @ui ia.

 

Ma ka alu ana iho o ka la, ua ikeia aku na keiki papa o ka makani Apaapaa e moe mai ana kaoo no kahi o na Elele, a mamuli o ke kuapue o na makaainana e lohe i ka leo o na Elele, oiai, na Elele e hoike aku ana aia ka manawa halawai ma ka auina la Poaha ae, ua koi mai la leo hooho e uwalo mai ana, “e hoomaha mai no hoi ia makou a koe aku no hoi ka nui no ka la apopo.”

 

Ua kahea ia mai o Elele J. K. Kaulia, a nana i ninini mua aku i na kiaha wai no ka ono wai i koi ia @ai, mahope aku ona ka Elele R. W. Wilikoki, iaia aku kekahi mau mea ano nui, a hookou ia na hana ola ahiahi.

 

Poaha ae auina la hora 5, ua weheia ka halawai nui, ma ka noho lunahoomalu ana o J. B. Kaohi, ua akoakoa mai na kane, na wahine, na keiki a me na elemakule i hele a @aumakaiole a kolopupu, no ka makee nui e @ohe i ka leo o na Elele, a alakai lahui, malaila pu ae me na alakai o ka aoao Repubalika, nona ka hui@a i koho ia mawaena o 300 a me 400.

 

Weheia na hana, ma o ka hoolauna ia ana o Elele D. Kalauokulani, a nana i kaa mua ka ulu o ke kahua maika, ke hele la a pau na Repubalika i ka haalele i ka noho.  I ka Elele R. W. Wilikoki mai, pau ka hokuli o ka poe kuli, a i ka Elele J.K Kaulia, koe mo@ ole o Kohala nei.  “Kill the snake.”

 

Ua hooholo ia ma ia halawai o R. W. Wilikoki ka Elele no ka Ahaolelo i Wasinetona, a o J. B. Kaohi @ Senate @o ka Apana o Kohala me keia Kau Ahaolelo ae, a o S. Kanehailua i Lunamakaainana.  Wela ka hao i ka Aoao Kuokoa, alu ka uwea i ka ao ao Repubalika.

 

Hemo ke kuka o na Repubalika a komo @ ke kuka Kuokoa.

 

Nele loa i ke Demokarata ola.

 

Kua kauwa no

                                      KALAHOK@@@LA.

                                      Kohala, Hawaii, Aug. 10, 1900.

 

Ma ka po Poalua nei i lawelawe ia ai na hana o ka hoolilo ana aku i ke Keikialii Kawananakoa i lala no ka hui malu Lodge Le Progress, ma ke degere ekolu mahope o ka pau ana o keia hana ano @ni iwaena o na hui malu na panee ia mai ia papaaina i luluu i na mea ai.

 

Ua hoike ae kekahi poe haole hana paipu i ko lakou hookae ma o @o lakou haalele ana i ka hana ana i kekahi hale mauka ae nei o ke kihi o alanui Moi a @@@ Robelo, no ka mea, he pake, kekahi e hana nei malaila, me ka hoopuka ae hoi i ko lakou ma@@o, aole lakou e hoi hou i ka hana a hiki i ka hoopau ia ana o keia pake.

 

HALAWAI ME KA ULIA POINO.

 

Ma ka anina la o kela Pualima aku nei, oiai ke kaaahi lawe ohua o ke ahiahi e hookokoke aku ana i Waiau, ua ike aku la ka wiliki i kekahi wahine Pake a hele ana ma ke aoao o ke alahao, me kekahi bebe e haawe ana ma kona kua, a me kekahi mau pakeke wai e mamaka ana ma kona poohiwi.  

 

Ua haawi aku ka wiliki i na hoailona no ka hookaawale ana ae o keia wahine Pake mai ke alahao aku ma ke oeoe a me ka hele, aka, aole nae he hoolohe ia mai.  Oiai, ke kaaah;i e holo ana me a ikaika, na hiki ole i ka wiliki ke hoopaa koke, oia no ka wa i hookui aku ai o ke kaaahi me na wahine la me ke kiola ia ana aku no loko o kekahi w@@ auwai ma ka aoao o ke alahao.  Ua hoopaa kokeia ka holo o ke kaa me ka holo ana mai o na poe o @@ua o ke kaaahi e nana i ka wahine Pake.  Ua ikeia aole ona wahi i poina, aka, o kaua bebe a haawe ana, ua na@a ke poo.  Ua make ne ka opio ma ia hope koke iho.  Aole i ili na ahewa ia ana mal@@@ e ka wiliki, aka, ua i@ no na koikoi o keia poino maluna o kena makuahine mamuli e kona hoohemahema.

 

MAKEMAKE E OKI

 

Imua o ka Aha Kaapuni i waiho aku ai o Mrs. Carrie Kaai @ kana noi no ka hookaawale ana ae iaia mai ka naho hou and iloko o ka @erita laahia o ka mare, maluna o ke kahua aole he malama o Ernest Kaai, kana kane mare iaia.

 

M@ ka hoike Mrs. Carrie Kaai, @ i ikeia hoi mamua o Miss Carrie Maiopili, ua mare ia laua @@ ka la 26 o Feberuari, 1900, e ka Rev. E. S. Timoteo, ua ho@le kaua kane i ka mare ana iaia, a mai ia wa mai a hiki i keia wa aole he malama aku o kana kane iaia. 

 

I ke laua wa a mare ia ana ua hoopuka ae o Ernest Kaai, e mare ana oia @ia o kona hooweliweli ia, aina @@ua e hoohui ia a@a aole no oia e noho pu ana me @@.  Ua hooko @@ no keia kanaka opio i kana ma@ olelo.  

 

Mai ka puhaka mai o Mrs. Kaai i oili mai ai he keiki e ola nei, mahope o ko laua mare ia ana, a no kona oia a me ia ka makuahine, i noi ai oia e malama hoomau ia ke la@a mau ola i $50 o ka mahina, no ka mea, he manaoio kuna, ua loaa i kaua @ano he puu dala o $100 i ka mahina, ma kaua hana a lawelawe nei.

 

 

I la Poakolu nei i puhi ia ai ka @aukipila bubenika makai Kakaako i ke ahi malalo o ia kauoha a ka Papa Ola.