Ke Aloha Aina, Volume VI, Number 33, 18 August 1900 — Page 5

KE ALOHA AINA

 

HOOUKA IA HE KAUA IKAIKA

 

MAWAENA O NA PAKE A ME NA KOA LAHUI.

 

Ua Hoauhee ia na Pake, Aka, Mahope Nae o ka Make Ana he 1200 o Kona Mau Enemi.

 

            Maluna o ka Alameda i loaa mai ai keia mau hoike malalo iho nei a no ka pomaikai o ko makou poe heluh lu ke unuhi aku nei makou me ka awiwi nui penei:

            Tientsin, (La Pale), Aug. 5. I keia kakahiaka ua lele kaua aku ua koa lahui no lakou ka heluna he 16,007 kanaka maluna o na Pake ma Peitsang, a hoauhee aku la i na enemi mailoko aku o na auwaha.  O na koa Amerika i komo aku ma keia hakaka ana, oia ka regimana Eiwa a me Umikumamakolu, ka batari a Riley a me a koa marina.  Aia no ke hoomau la ke kaua.

            Wasinetona, Aug, 6.  O keia mau hoike telegarapa malalo iho nei, o ka mua mai ke kapena mai o ka Iokotaona, a o ka elua mai ka hope Adimarala e hoomalu la i kahi hoolulu ma na wai o Asia.

            Chefu, Aug 6.  I ke Keena Kaua Moana Wasinetona.  Ua hoike mai la ka moku Beritania Fame, ua malamaia ke hakaha ma Peitsang ma ke kakahiaka La Pula nei, mai ka hora 3 a ka hora 10:30.

            O ka nui o na poino i make a hoeha ia o na koa lahui, he 1,200, a he hapanui o lakou he mau Rusia a me na lapana.  Ua auhee e aku na pake.  Taussig.

            Chefu, Aug. 6.  I ke Keena Kaua Moana Wasinetona.  O na hoike pili aupuni i hiki ke hilinai ia, ma kahi he 16,000 koa lahui i lele aku me ka ikaika maluna o na pake ma Peitsang, ma ke kakahiaka o ka la 6.  Remey.

            Mahope o kekahi hoouka kaua ikaika ana o ehiku hora a me ka poino ana he 1200 koa lahaui i make a hoeha ia, ua hoauhee ia aku la e lakou na Pake mai ko lakou kulana ikaika aku ma Peitsang, ma ka La Pule iho nei, he wahi taona ma kahi he 11 mile mail Tintsin aku, ma ke alanui e hoea aku ai i Pekina.  Ma ka hakilo ana a na kiai lahui, ua ike ia iho la e paa ia ana o Peitsang e na pualikoa pake, i eli iho i na auwaha me ka hana pukapuka ana no na pu ma na paia o na hale e ku ana malaila. He lepo pohopoho ke palo ana i na enemi ma ka akau.

            He @oe @ @ ana a na Iapana @ @ o ke ki hooma@  @ @  ke nana @ @  lakou poino.  Ua auhee aku na pake me ka lawe pu ana i ka lakou mau pukuniahi.

            Sanahi, Aug. 7.  Ua loaa mai la i ke kanikela Iapana maanei he hoike ma ke telegarapa, aia no na kanikela ma Pekina ke paa la i ko lakou kulana, aka, he manaolana nae ko lakou e hoomau hou aku ana na pake i ka lele kaua ana ma na manawa a pau.

            Ua pakui hou ia mai he iwakalua-kumamalima wale no poka a kela a me keia mea pakahi e paa la, me eono la e hiki ai ke lawa i ka ai.  Ua hoike pu ia mai ua make ke kakanolelo Iapana mamuli o na palapu i loohia iaia.

 

NA LIMAHANA PAELE NO HAWAII NEI

 

            Nu Olina, Aug. 6.  O J B Collins a me John Hind, na kanaka kanuko o Hawaii, ua hoea mai la laua i Nu Olina nei he elua la mamua aku nei no ka ohi ana i mau limahan negero no na mahiko o Hawaii.  Ua loaa i na keonimana he mau ohana negero ma Monroe i ae e hele aku ma keia huakai.  E kipa ana keia mau kanaka kanuko ma keia mau mokualua Hema.  He akahele loa laua ma ka wae ana i na paele, me ka ohi ana i na poe opio wale no a me na ohana mahuahua ole.  Aole laua e lawe ana i paele o na kulanakauhale, oiai, o na paeie e noho ana ma na kulanakauhale ua hoopiha ia lakou me na manao powa.  O ka uku hana o keia poe he $20 o ka mahina.

 

HOOKOKOKE NA PAKE I POTA ATA

 

            Chefu, Aug. 1.  He kanaha tausani pake i lawe ae Ia i na keiki e kokoke ana i Tashes Chau, Pota Ata, Ninchwang a me Moukden.  He 5000 Rusia wale no ma Moukden.  Aia ke hoea mai la na kokua i Pota Ata ma ke kai, a aole hoi he maluhia o ka lawe ana mai ma ke alahao.

 

MOE AKU LA IA HAIPULA

 

            Ma ka hora 6 a.m. o ka kakahiaka Poalima nei, Augate 3, 1900.  Ua kii mai la ka anela o ka make a lawe aku la i ka hanu ola hope loa o Mr. John Halawale Poloailehua ma kona wahinoho ma Koula Honolulu, Oahu i ke 66 o kona mau makahiki o keia ola ana a ua malama ia kona anaina haipule hope loa ma ka luakini o ka Alaula o ka Malamalama e ka makua Rev. J. Kekipi.  Nui ko makou, aloha iaia, aka, o ka manaolana o ka haipule aole ia e poho.

 

            Ua hoopai ia o W. Kaneakua a me Geo. Harbottle no ka aihue @mahu maluna o ka mokuahi Kinau he eono mahina hoopaahao.

 

HE HANA KIPU WELIWELI

 

MALALO O KAHI HOOLULU KAAAHI MA KUWILI

 

            Ua malama hou ia ae la he pepehi kanaka ma ka hora 8:45 o ke kakahiaka La Pule nei, malalo o kahi hooulu kaaahi ma Kuwili ae nei, e Samuel Barney maluna o John Lorbeer, he mau limahana no ka hui kaaahi.  Ua make ka mea i ku i ka poka maloko o ka haukipila ma ka hora 12:10 o ke awakea oia la no.

            O Samuel Barney, ka limakoko eia oia ke paa nei ma ka halewai, no ke kali ana i ka olelo hooholo a ka aha koionero.  O ka pu panapana a Barney i ki ai aia ia iloko o ka mana o ka oihana makai.

            Ma ka hoike a na poe i ike pono i ka lawelawe ia ana o kela hana weliweli, ua olelo ae lakou, e hoouna ana aku i ke kaaahi o ka hora 9:15 ma ke kakahiaka,  La Pule nei.  He nui na limahana o ka hui kaaahi e kali ana malaila no ke kau ana aku a holo hoomaha aku no Makua ia la, a o Barney kekahi iwaena o kela poe.  Ua ulu ae he hoopaapaa mawaena o Barney a me ke Pukiki paoahi nona ka inoa o Cabral o ke kaaahi mailalo mai o Waialua ia kakahiaka, a ua haawi aku keia haole i kekahi mau olelo hooweliweli iaia.  Ua hoike koke mai o Cabral i keia mea ia Lorbeer, a imi aku la o Lorbeer ia Barney, a o ka pane i loaa mai ia Lorbeer, aole ona kuleana ia mea.

            I ka wa o ke kaa i hooholo ia aku ai maluna o ke alahao, ua ike ia aku la o Barney e ku aua iwaena o ke alahao.  I ka ike ana o Lorbeer, ua holo aku la oia a hookaawale aku la ia Barney mailuna aku o ke alahao a hoi hou mai la no kahi o ke kaaahi, aka, mamua nae o ka hiki ana mai i kahi o ke kaaahi e kali ana, ua huli hope aku la oia no kahi a Barney e ku ana, i manaoia no kekahi mau olelo kupono ole no ia i hoopuka ia mai nona.

            Maanei i ike ia aku ai o Barney i ka unuhi ana ae he pu panapana mailoko ae o ka po@ a @mai la ia Lorbeer, ua malama koke ia he mau aumeume ana mawaena o laua, me ka paa ana o Barney malalo a ia wa i poha hou ae ai ka leo o ka pu a Barney a p@ ana a ike ia aku la o Lorbeer i ka @ehee ana iho.  Ua hoea ko ke mai na poe e ae ma kahi o ke kipu i lawelawe ia ai a haawi iho la i na kokua ana i ka mea i ku i ka poka, me ka paa pu ana i ka limakoko.

            Ua hoea aku o Kauka Kupe ma kahi o Lorbeer e waiho ana a haawi iho la i na kokua me ka lawe pu ia ana no ka haukipila, a o Barney hoi na lawe ia aku la no ka halewai.

            Ua hoao ia na hana e maha ai ka mea poino, aka, ma ka hora 12:10 o ia awakea no i lele loa ae ai kona hanu.

            He elua mau wahi o Lorbeer i ku ai i ka poka a ka lokoino.  He hookahi ma kona puu paa, a he hookahi ma kona opu me ka haki ana, he elua iwi o kona mau iwi aoao,

            Mahope koke iho o kona make ana, ua lawe ia aku kona kino no ka hale hana kupapau o Williams a malaila e waiho ia ai a hiki i ka loaa ana mai he hoike mai kona ohana e nono mai la ma Pomona, Kaleponi.

 

HOOUNA O POTUGALA I NA KOA I KINA.

 

            Aole i ae aku o Potugala e hoopoino wale ia kona mau pono ma Kina e na pake.  Nolaila, ua hoouna ia aku la he elua mau mokukaua holomama a me kekahi mau mokukaua Iiilii no Macao, mai Lisebona aku, a e hoouna pu ia aku ana he mau pualikoa no ke kiai ana i ka panalaau Pukiki.

            O Macao kahi kahiko loa a na Europa i noho ai ma Kina.  He wahi kaona ia e kokoke ana i Canton a me HongKong, ma na kapakai hema o Kina.  He puuhonua keia i hanaia no na Europa e mahuka mai ai mai na pake mai, a ua hoolako pono ia me @ mea kaua, a me he mea la, he nui ua misionari i haalele aku i kolakou mau kahua o ka hana nokeia kulanakauhale i keia wa.

 

NA MEA HOU O PAUWELA.

 

            Ma ka noho ana a ka Halawai Kuikawa a ka Ahahui Paeaina o ka Hoomana Karistiano Naauao ma Pauwela i ka la 9 o Augate nei, na koho pono ia na inoa malalo iho nei i mau Kahunapule kaahele hai euanelio no Maui nei.

            C.K. Pa me kana wahine, D. Kalakaua me kana wahine, P. kahoe me kana wahine, J.H. hana, Wm. Piohia a me Paulo N. Hu@.

                        Sam. K. Kamakaia,

                        Pauwela, Maui, Aug 10, 1900.

 

            Ua hoohui ia ae ma ka @erita o ka m@ o Mr. Kualaau me Miss Kainahi e ka Rev. E. S. Ti@.  Mahope o ka m@ ia @ ua hoi aku na mea m@ no Maunalua, a malaila i malama @ ai he pa@ nui no laua, ma Poa@ nei, E h@hai ia elua ma na pomaikai he nui.