Ke Aloha Aina, Volume VII, Number 22, 1 June 1901 — Page 1

KE ALOHA AINA

UA MAU KE EA O KA AINA I KA PONO

HOOKUMUIA I MAI 20, 1895

BUKE VII.HONOLULU, POAONE, IUNE 1, 1901 H LU 22

 

LOAA HE MOALI O KE ANO KIPE

            Ma ka Poaha nei i loaa aku ai he moali o ke ano kipe i hana ia mai i kekahi haole nona ka inoa o Jacob Coerper e na hoa o ka Ahaolelo.  A ma ka auina la Poalua nei ua lawe ia aku la oia e niele e ka Aha Kiure Kiekie.  O keia Mr. Coerper ka mea a Kakina e noho loio ana, a oia hoi ke mea a Loio Kakina i hoole loa ai aole e hoike i ka inoa o ka mea ana e noho loio nei a hiki i kona ai ana mai, a ma ia kumu ua lawe ia aku o Kakina imua o ka Aha Hookolokolo Kaapuni, a ua hoopaiia mai no ka hoowahawaha aha no ka huna i ka inoa o keia haole.

            O ka lawelawe kipe a Coerper I hookonokono ia aku ai e hana e na hoa o ka Ahaolelo no ka mea pili no ia i ka hoomoe ana i alahao kaaahi ma Kona a me Kau.  Ua hana ae o Coerper he palapala hoike i hoohikiia e hoahuwale ana i na mea apau, e ahewa oleia ai o Kakina, a o keia malalo iho kekahi mau mea ano nui a makou i lawe mai ai mai loko mai o kaua hoike, penei:

            Ma ka noho ana iho nei o kela Ahuolelo i pa@, ua loaa iho la ia’u he wa e waiho aku ai i ka’u bila iloko e ke Senate e haawi ana ia Jacob Coerper a me kona mau hoa hui i ke kuleana no ka hoomoe ana i alahao mai Kona a Kau, ma ka mokupuni o Hawaii.  Ua hoo@olo ia keia bila maloko o ke Senate a ua hoouna ia mai i ka Hale o na Lunamakaainana.

            ahope koki iho o ka hoouna ia ana mai o keia bila i ka Hale o na Lunamakaainana ua hoea aku la au imua o eono a i ole o ehiku mau hoa o ka Hale no ka hoakaka ana aku i ke ano o keia bila.  O ka’@ mau launa kamailio ana me lahou pakahi ma ke ano kaawale no ia.  O kekahi o na Lunamakaainana a’u i huipu ai

 

(E nana ma ka@ 5,)

 

E KOLU LOIO I HOOPAI HOOPAAHAO IA.

 

Lawe ka Mana o ka Lunakanawai Noho i ke Puhi

Hao ka Mana o ke Kiaaina Kuikawa Hookuuia

 

Aohe manawa hahana i ike ai mawaena o ka poai Repubalika e like me keia mau la e ike ia nei e hanu ia nei o ka meheu kipe e ka Aha Kiare Kiekie a me ka Aha Hookolokolo Kaapuni.  Ma ka auina la o ka Poaono nei i kau mai a@ ke ahewa hoowahawaha aha maluna o na Loio Hakawela, Kini a me Ballou, me ka hookau ia o ka hoopai hoopaahao no kanakolu la e Lunakapawai Humepera.

O ka hihia a keia mau lolo e lawelawe ana oia no ka hihia hoike wahahee o Walter G. Smith, ka lunahooponopono a o ka nupepa Avalataisa, i ka Aha Kuire Kiekie no ka mea pili kipe.

Ma ka hora 10 o ia kakahiaka ua laweia mai la ka hihia o Walter G. Smith e ka Aha Kaapuni e hoolohe. a o na loio ae la maluna i hoike ia ae la ua hoea mai lakou no ka pale ana i ka mea i hoopii ia.  O ke kumu i loaa ai o keia hoopai i keia mau loio ma o ka imihala a me ka wahahee o kekahi palapala i hoohiki ia, i hana ia no ke kakoo ana aku i ke noi a Smith no ka lawe ia ana aku o kona hihia no kekahi aha okoa aku e hoolohe ia ai.

I ka wa i hoomaka ai o na hana no ka hooloke ia ana o ka hihia maloko o ka Aha Kaapuni ua ku ae la o Loio Kini a kamilio aku la.  E oluolu anei ka aha, ma o Lunakanawai Hakawela ame ka hui loio o Kini, Ballou a me McClan@han i hoea mai no ke pale ana i ka hihia, e ninau i ka aha ua makemake anei oia e hoolohe i keia hihia.

Ninau ka aha, heaha ka makemake i waiho ia mai ai keia ninau?

No ka mea, wahi a Kini, ina @ manao ana keia aha e hoolohe i keia hihia, alaila, e waiho aku ana au he nui kue, aka, aole nae e waiho ia aku ana ina ua manao ke aha aole e hoolohe i keia hihia.

Pane ka aha.  He mea hiki ole i ka aha ke olelo aku i keia wa e hoolohe a i ole hoolohe ole ana i keia hihia.  Ina nae e hiki ole ana i keia aha ke hoolohe i keia hihia, alaila, e waiho ia aku ana no ia i ka Aha Hookolokolo a Gia.  Ua hiki no ia oe ke waiho mai i ke noi au i manao ai he kupono, ina he kupono e hoolohe ia aku, a ina he kupono ola e hooko ia aku no ia pela.

A ma ia wa no i hoomaka mai ai o Kini e heluhelu i kekahi palapala i hoohiki ia i hana ia e W. G. Smith e hoike ana.  He mau hoaloha maikai o W. G. Smith me Lunakanawai Humepera a hiki i ka 1900.  Ua niu ae la he mau manao kue mawaena o ka poai Repubalika a ua huli aku o Humepera me ia poe.  Ma ka mahina o Aperila a i ole o Mei, 1900, ua hoike aku ka lunakanawai i oleloia ia W. G. Smith he kue oia i na hana a ka Avalataisa, a ua manao oia e kukulu i nupepa, a ua makamake oia i ka mea i hoopii ia i lunahooponopono no ua nupepa la.  Ua nui ua manawa a ka lunakanawai i hoea aku ai imua @ me ka waiho aku hoi i kana mau hoolala ana imua o ka mea i hoopii ia.

Aka, i ka wa no nae a ka lunakanwai e hoao nei i ka mea i hoopii ia i lunahooponopono no kana nupepa ua hoomau aku la ka mea i hoopii ia i ke kue ana i na kumu hana a ka lunakanawai ma ka Avalataisa.

(E nana ma ka @ @,)

 

NA HOIKE A KA ELELE BEKELE

 

Ma ka moku@hi Kopatika i hoea mai la i anei mai Kapalakiko mai, ma ke ahiahi Poakahi nei, i loaa mai ai keia mau hoike mai ka Elele Bekele mai, no ka la 21 o Mei, e hoike mai ana e haalete aku ana oia ia Kapalakiko ma ka ia 30 o kela mahina ma kona alahele huli hoi no ka home nei.  Ua waiho aku la oia i kana mau palapala elua i lawe aku nei ia Peresidena Makinile, oia hoi, ka palapala kono ia Peresidena Makinile e holo mai i Hawaii nei a me ka olelo hooholo kipaku ia Kiaaina Dole, a o keia malalo iho nei kana palapala i ka Hale o na Lunamakaainana:

Hon. J. A. Akina, Lunahoomalu o ka Hale o na Lunamakainana.

            Aloha oe:--O kou komite kuikawa i hoouna mai ai ma ke anoelele no ka waiho ana aku i ka olelo hooholo a ka Hale e haawi aku ana i ke aloha o Hawaii i ka Peresidena ma kana huakai no ke Komohana me ke kono pu ana iaia e holo mai i ua paemoku, ke hoike aku nei, @ mea ua waiho ia aku imua ona.

            A pela pu hoi me na palapala a me na pepa e ae i haawi ia mai ia’u.

Ua lawa,

F.W. BEKELE

Elele mai ka Hale mai.

Occidental Hotel, S. F. Kaleponi, Mei 21, 1901

 

            Ua loaa mai la na hoike na halawai aku ka B. W. Wilikoki, F. W. Bekele a me Sam. Paka me ka Peresidena ma ka la 18 iho nei, a ma ka la 21 o Mei, ua @ hou aku la o Bekele me Makinile.  Ua huli hoi loa aku la ka Elele Wilikoki no Wasinetona ma ka ia 20 iho nei.

            E alawa ae e na makamaka i ka ho@loha a ke Komisine Poho Ahi e puka aku nei.

            Ma ka Mariposa e hoea @ ai ka Elele Bekele i na @ o Hawaii nei ma keia Poaha aku.