Ke Aloha Aina, Volume VII, Number 31, 3 August 1901 — Page 7
| This text was transcribed by: | Sheryl Daguio |
| This work is dedicated to: | Cancer survivors |
KE ALOHA AINA
POAONO, AUGATE 3, 1901.
MOOLELO HOONI PUUWAI
NO KE
KAKELA LANAFODA
KA
Ipuka o ke Kuewa me ka Aea.
KA
Pua Lilia Ahiu o Sanadela.
Mamuli o ka lokomaikai o ka mea unuhi o ka moolelo “Kuu Ipo o na Launa hele.” Eia makou ke hoopuka hou aku nei I kela Moolelo Hooni Puuwai hou a ke poe puni kaao e hoohialaai iho ai a law aka makemake.
MCKUNA I.
@ OE KA BIUTE I KA IKE A KA MAKA. NA HANA HOOULUMAHIEHIE A KE ALOHA.
Maluna ae o na mea a pau o keia ilihonua, a malalo iho hoi o kou mau paia uliuli e na lani, aole loa he mea hookah nana I kaili aku I ko`u mau hoohihi ana o ka makahehi, aka, o na helehelena ui a nani wale no o kela Pua Lilia Ahiu o Sanadela. Ae, e na lani, oia hookah wale iho no ka mea e maalo hulahula nei I kuu onohi, a e ka Pua Lilia Ahiu o Sanadela, o oe ka biute I ka ike a kuu maka, a o ka nani hoonaueue puuwai hoi nana e pauma awiwi nein a paona helu kiekie o ka hoohihi a me ka makemake iloko o ku`u naau, aka, e ke au kokoia o ka mnanawa, ahea la loaa ia`u ka minute mua loa o ka hanohano e launa kamailio pu ai me ia.
O keia mau olelo ae la, ua kamailio a hoopuka ia ae ia e Haku Nelemoneka, ka Eia Opio a Lanafuda Kakela, iaia e ku ana maloko o kona keena moe a kalele iho la maluna o na kaola o kona pahu ume ma kekahi o na kakahiaka o ka mahina Mei, 1640, keneturia umikumamahiku.
He kanaka opio wale no ua Haku Nelemoneka ala o umikumamaiwa makahiki a oi, a I hemo a puka pono mai hoi mailoko mai o ke kula nui o Okefoda, he mau mahina pokole wale no eha I hala ae, a i loaa hoi na mahalo a me na hoomaikai kiekie ana mai kana mau kumu mai no kona naauao a me ke Akamai.
Iaia e hoohala I kela mau mahina I hoike ia ae nei, e noho ana oia e molia a e Alana iaia iho e lilo I koa no ka makakila malalo o na a`o a me na pa kali ana o Monsiua Kalauda, kana kumu Farani a`o kakapahi, a ma ia kulana oia I halawai mua loa ai me ke aloha I ka ike a ka maka, a o ke himua loa hoi nana I wehe na pani puka huna pohihi e keia moolelo ua ko kaua mau hoohialaai ana e ka mea heluhelu.
Alaila, owai hoi kela Pua Lilia Ahiu o Sanadela? He mea paakiki a pohihihi ke hiki ana e loaa na mea oiaio e pili ana iaia, aka, koe wale iho no, ua @ikeia oia he wahine opio me na helehelena nani a me ka ui hoo@hie e ulumahiehie ai na kuko a me na hoohihi ana iloko o ka naau o na keikikane, a e noho ana mawaena o na oawaahiu o Sanadela iloko o kahi kauhale o Semafila@.
O Sanadela e olelo ia nei, he wahi @oawa nani ia e waiho ana mawaena o na aina apuupuu o Kene, a I kaulaoa hoi no na pua nani ma keia a me keia wahi o ua oawa ahiu ala, e hiki loa `ai ke kappa ia o ke Sarona elua o ka honua.
He ano ole no ike ku ana o ua wahi oawa la o Sanadela I ka maka o kamahele e kipa aku ana e ma kai kai I kona mau aoao mawaho ae o na pua e mahala ana me ko lakou mau ea aala o ka moani. Aka, aia nae iloko o ka poli o ua wahi oawa ala he ui a he nani nenehiwa n aka manao a na lehelehe o na keiki a kanaka e hosanna mau ai ma ka halelu ana – Ka Pua Lilia Aiu o Samadela.
O ka la ekahi o Mei, ka kaulana loa hoi o ka hoomanao ia oia ka ia a ka makuahine honua e papahi aku ai me kana mau lei pua nani o kela a me keia ano maluna o ka wahine ui a nani I hookaawale ia e lilo oia I moiwahine nani no ia la.
Ma ua la hoohiwahiwa pua nei o Mei, I halawai mua loa ae ai na maka o ka Eia Opio o ke Kakela Lanafoda me na helehelena ui o ka Pua Lilia, no ka mea, o ua Pua Lilia Ahiu nei ka moiwahine I hookaawale ia ai, a I kela minute no, ua loaa koke iho ia na Eia Opio nei me ka ma`i aloha ma ka puuwai. Me ka pau ole o na hana hoohiwahiwa ua huli hoi koke aku ua Eia Opio nei no ke kakela me keia ukana nui e hakoko ala iloko o kona puuwai.
No ka manawa elua o ka loaa ana iaia o ka hanohano o ka halawai hou ana a ike I na helehelena nani o ka Pua Lilia o Sanadela, ua hoomaikai ae ia I ka lokomaikai o na lani I ka haawi ana mai iaiai I kela minute pokole o ka moeuhane mua ole ia e halawai hou ana laua he alo a he alo maluna o na kualapa pali e nana aku ai iloko o Sanadela.
E kau ana ua Pua Lilia Ahiu nei o Sanadela maluna o kekahi lio eleele nani, a o kona mau owili lauoho uliuli hoi e luhe iho ana ia ma kona mau poohiwi a maewa loa aku ma ke aoao, a he aahu hololio hoi ko ua ui ala a ka Eia Opio e ike ala me kona mau maka.
Ua hemo ae ka papale o ka Ela Opio, a haawi I na kunou aloha mahaoi ana, ia minute mua loa o ka hoolauna ana iaia iho me kekahi wahine malihini, me ka hopohopo nui malia aole e ike a e nana ia mai ana kana haawi aloha ana aku, aka, aole nae mela, ua kunou mai ka lede
Hololio me ka hiehie nui, alaila, hoohuli ae la oia I kona lio a holo aku la ilalo o Sanadela, me he la, he honua palahalaha ia ana I kuu pau ku ai I ka holo, a haa`ele ih@o la i ka Haku Opio o Lana @fuda Ka kela e nana mai ana mahope o na me ke pahaohao nui, a o ka makamua loa hoi e na lede hololio puahiohio a me ka pupule ana I ike ai.
He lua ole kona hiehie a me ka haaheo ma ka kau lio ana, a o ka lede mua loa hoi a`u I ike ae ua hiki ia ia ke kakele I ka lio a hooholo me ka mama nui no lalo o kekuhi oawa elike me Sanadela nei, wahi a ua Haku aia I namunamu iho ai iaia, a hoohuli ae la I kona lio a hoomau I kona alahele imua, a ma ke aluna ahiahi, ua hiki aku la oia no kona home kakele.
Alaila, ma keia kakahiaka a ua Haku opio nei I kamaiho a hoopuka ae ai I kela mau olelo e kanaenae ana I ka Pua Lilia Ahiu o Sanadela oia ka biute a me ka nani a kona mau maka`i ike ai, a mole ai ka hoohihi a me ka make iloko ona no ua ui nei, aka, o ka mea pilikia loa pehea ia oia e hana aku ai e lilo mai ai ua Pua Lilia Ahiu nei o Sanadela nana. Ua maopopo iaiai o kona makuakane ka Haku Welemoneke Lanafoda, he kanaka hookano oia a me ka piha haakei, a he puuwai haaheo hoi o ka ma-ua, a he kanaka manao paakiki hoi a me ka huhu ke kue ia kana mau kauoha.
Imua o kekahi lede malihini a lede hanohano o ka aina, aole loa e ikeia ana ua Haku aoo ala e wehe ana I kooa papale a haawi aku I na kunou aloha ana, koe wale no ka moi e noho ana ma ka nohoalii, a ma ia ano, ua hiki ke ike a hoomaopopo ia he kanaka hoaloha ole keia no kekahi mea poina e hoona aku ana ma ona la e loaa ai he mau kokua a hoopakele ia ana mai.
O keia mau haawina a ua Haku Opio nei I ike ai maluna o kona makuakane ua komo e mai la ka hopohopo iloko ona ina oia e hoike aku ana I ka mea huna a kona puuwai, alaila, aole no auanei e nele ka loaa mai o na haina me na pane okalakala mai ua makuakane piha naakei nei ona, a oiai, o keia ui Pua Lilia, he lede wale iho no ia I piha me na haawina o ka ui a me ka inoa o ke kulana kiekie. O kona hoao ana aku e hoike I keia mau mea imua o kona makuakane, alaila, o ka hopena a ua keiki nei I ike mua ai aia he kukala kaua o ka hakaka a me ke kue ke maiamaia ana mawaena o laua.
Nolaila, I ka haawi a hoopuka ana o ua Eia Opio nei I kaua olelo hooholo, ua lawe mai la oia I kela mau ninau nui elua a kaupaono me kona noonoo, a I ka hope loa, ua lanakila ae la ke aloha hoohihi o ka ipo mal@ena o ua Eia nei, a o ka welia me ka hopohopo makau no kona luaui@, heaha iho la la ia mea iaia.
Wahi a ua Haku Opio nei iaia iho aole anei I kokok@mai ua la e piha ai ko`u mau maka iki I wai iwakalua, alaila, no ke aha e loaa ole ai ia`u na hauoli ana no hookah wale iho no `Ia. Iwakalua o`u makahiki I noho paahao ai malalo o ka malu o ko`u @kua, a I ka la pa kau aku o ka piha ana o ko`u iwakalua makahiki, alaila, e hoolilo no wau ia la no`u e hauoli ai.
Me keia mau olelo a ua Haku Opio nei, ua huli hele aku la oia no kama kumuao kakapahi, a I kona loaa ana aku, o ka olelo mua loa o ka hoolauna a ua Haku Opio nei I kamaiho aku ai: E kuu hoaloha, mawaena ou a me a`u aia he mea hune ka`u I makemake ai e hoike aku imua ou, a e lilo hoi oe I hoike no`u ma ia mea.
E hoike mai e kuu keiki, a e loaa no na kokua ana a pau ia oe mai ia`u aku, ua ike no oe e kuu Haku, aole loa kekahi mea au I makemake ai ia`u e hana I nele kona hooko ole ia wahi a ke kumu.
Alaila, ua pono, aia a hoea mai ua manawa ala, alaila, hoike hou aku au ia oe, a ke hilinai nei au me ka paulele, aole loa e lohe ia keia mau mea a kaua e kamailio nei a hiki mai ke aupuni o ka Paredaiso.
O keia ae @la na mea I ka mailio ia mawena o ke kumu a me ka haumana, a he mau hora pokole mahope iho o ka laua kamailio ana, aia ua Haku Opio nei ua ike ia aku la e kau ana maluna o kokahi lio hulupala nani a holo aku la me ka hiehie nui a nalowale iloko o na ululaau e hoopuni ana I ka paka o ke Kakela Lanafoda, a ma na hora li`ula o ke ahiahi, ua huli hoi mai la oia, a me na haawina I m@a mau iwaena o ka makua a me ke keiki, pela no e ike mau ia `ai ua Haku Opio ala a me kona mau makua.
O ka lede a Haku Wahine Lanafoda, he puuwai o ke make a me ka mamina keiki oiaio kona, a ma nana mai la ia maluna o kana keiki hookah wale iho no me ka make, a o ka hooilina hoi o Lanafoda ke hala ae na la o ke ola ana o kona makuakane. Aole no I kulike loa na ano a me na haawina I loaa I ua Haku Wahine ala elike me kana aliikane, aka, he haaheo a he haakei no nae kona naau me ka hoowahawaha no na nema olelo e hoike ia aku ana iaia e pili ana I kana keiki a he wahine huhu a lili inoino hoi oia no ka poe e hoino aku ana I ka inoa maemae o kana keiki, a me ia ano ua makuahine makee keiki ala a moe wale aku ia no oia I ka make, me ka moeuhane a paupu mua ole o ua Haku Wahine aia, aia he mau minute kaumaha a ehaeha loa kekahi e hoea mai ana a haehae ae I kona naau iloko o ka luuluu a me ka mokumokuahua, no ka mea, o ka pula kaumaka ana I make nui ai me ke aloha minamina, oa haalele mai la ia I na paia aloha o ka home, a o ka noho ana aloha mawaena o ka makua a me ke keiki, ua kaawale ae ia ia iloko o ka nonaha a me ka mokuahana e hoonele ia ai na keiki ala i ke kuleana hooilina no Lanafoda Kakela. Alaila, ua hiki mai anei I ke hopena o na mea I hoike mua ia no kekukela kaua hakaka kue@ mawaena o ka makua a me ke keiki.
Ae, ua hiki mai a e nana aku I ka hoike a ka moolelo.