Ke Aloha Aina, Volume VII, Number 31, 3 August 1901 — PAU O MOSES NAKUINA. [ARTICLE]

PAU O MOSES NAKUINA.

He mea kahaha no ka lehulehu ka lohe ana mai ua hoopau ia o Moses Nakuina, ke kokua o Mr Thrum o ke Keena Kakau Kope o ke Aupani no ka hemahema i ka hana i haawi ia aku ai nana e lawelawe. O ke Keena a Moses Nakuina lawelawe iho nei, na paaia ia eia no elima makahiki, aka, akahi no a ike o Thrum i kona hawawa a hoopau mai la iaia. Ua like ka hoopau ia ana mai la o keia keonimana mai kona kulana aupuni mai e like me Kale Wilikoki iho nei mamua koke aku nei. Ma ko makou manao maoli iho nei, aole keia hoopau i lawelawe maoli ia mamuli o kona hawawa a i ole hupo, aka, ma o na manao pilikino ia i ulu ae mawaena ona a me kona haku. O Moses Nakuina oia ke kane a Mrs. Ema Nakuina, ka makuahine ponoi hoi o Lunamakaainana Bekele, a me he mea la, no kana mau olelo ikaika paha maloko o ka Hale o na Lunamakaaina e pili ana no keia Thrum, i hooulu mai i keia mau manao lokoino iloko o Mr. Thrum.