Ke Aloha Aina, Volume VIII, Number 13, 29 March 1902 — Page 6

KE ALOHA AINA

POANO MARKI 20, 1902.

8

Mai ka aoao 3 mai.

  O kakou iho no e ka lahui ilihune a nawaliwali ke ka hoomamao mai ia aoao kalaiaina o kakou a i ka aoao Demokalaka, ka aoao kalaiaina a kakou i ike ole i ka lakou mau hana ino maluna o kakou.  Me ka nana ole i ka Joe Kalana a me na nupepa kakoo aoao Repubalika kuhikuhi i na ino i hana ia i Amerika e ka aoao Demokalaka, aole hoi he ike iho i ke kaola nui i hana ia mai maluna o kakou ma Hawaii nei.

  Na ka mea hala ole o oukou e pehi mua i ka pohaku iaia, wahi a ka Haku.  Ua lawa ka’u hooheno ana maanei.  O ke aloha no ko na keiki hoonoho hua metala hua kepau o ka papa pa’i o KE ALOHA AINA.

J.H.K.K.

North Kohala , Mar. 20, 1902.

 

MOKUAHI KOREA NO KAPALAKIKO.

  Kapalakiko, Mar. 15.    Iloko o na la pokole wale no e loaa ana ia Kapalakiko ka hanohano o ka lilo ana i home no ka mokuahi nui loa i kapili ia ma Amerika Huipuia nei.

  O ka mokuahi Korea ua kapili ia no ka Hui Mokuahi Pakipika e hoea mai ana oia i anei mamua o ka manawa e haalele iho ai o ka Peru ia nei ma ka la 17 o Mei no Kina no ka lawe ana ae ma kahi o Peru.

  E hoao ia ana ka huakai holo moana mua loa a ka mokuahi Korea ma keia Poaha aku, a e haalele koke aku ana oia ka wa e ike ia ai koona holopono.

  O ka mokuahi nui hookahi ia ike ia ana ma keia awa, a ua manao ia e hoemi iho ana oia i ka manawa holo loa o ka moana Pakipika.

  O ka lilo o ke kapili ia ana o ke Korea a me kona hoahanau ka Siberia ua hiki aku no ia ma kahi he $2,000,000 pakahi.  O ka Siberia ua like loa no kona ano me ke Korea e hoea mai ana oia i anei i ke kau mahana.

  O ka holo i ae ia no keia mau mokuahi nunui he 20 nota i ka hora.  He 572 kapuai kona loihi, 63 kapuai laula a ua hiki ke lawe i 18,600 tona ukana.  O na keena ohua maluna ona ua hiki ke hoolawa ia no 1,450 ohua, a o ke ikaika hoonee o kona mau enekini he 18,000 lio huki.

  He 132 kapuai kona loihi aku i ka mokuahi Kina.  O ke kiekie o kona mau aoao he 40 kapuai, a o ke anapuni ma kona palekai ua aneane e piha ka hapaha mile.

  O Kapena Seabury, ka mea nana i hoolala ke kapili ia ana o keia moku, ke kapena mua loa nana e noho hookele aku ana i oia.

 

HE MOOLELO WALOHIA

-:NO NA:-

KEIKI O ABE

  I ka hala ana aku o ke kaunawahine malalo o kana huakai holo kaa oia koke no ka wa i komo aku ai ke kanaka kamaaina iloko o ka Abe i ukali ia e ke kamaiki opio, a imua o kekahi kauwa o ua home nei i nonoi aku ai ua kanaka ala e ae ia mai laua e alakaila aku no ke alo o ka Ela Dunarita.  E like me ke noi a ka malihini pela ke kauwa i hooko aku ai iloko o ka wa pokole aia ua mau malihini nei e ku ana imua o na Ela ala.

  Ua hoakaka pokole aku ke kana ka malihini i ke kumu o ka laua huakai.  Ua hoolohe  mai ka Ela me na maka hookokoe me na hiona o ka inaina, aka, aole nae oia i hoike a maka maoli mai.  Ua hoole mai oia i ka heluhelu ana i ka leta, aka, ia wa no nae me na minoaka e he kau ana maluna o ke kamaiki opio onou aku la oia i ka leta imua o Ela Dunarita me ka pane pu ana aku.  O e oluolu mai i ka’u noi, e heluhelu iho oe i ka leta a kuu mama aloha.

  E like me keia leo noi a ka opio Osaka ua hiki ole i ka Ela ke pale ae, lalau mai la oia i ka leta a heluhelu iho la, a iloko oia manawa i ike ia aku ai na aa o kona poo e kakau ana me ka hiolo ana iho o kona mau kulu waimaka, me he la e hoike okoa mai ana no ua eha ko na puuwai no ka walohia o na olelo i kakau ia maloko o ua palapala la.  O mama aloha no kekahi i uwe, i puana aku ai o Osaka i ka wa i haule iho ai o kekahi kulu waimaka iluna o ka lima o ua opio ala.

  No keaha kou mama i hoouna mai ai ia oe imua o’u nei?  wahi a ka Ela i ninau mai ai.  No ka mea, ua olelo mai oia, me ka hauhau uwe pu ae o Osaka, o oe ko’u kupuna kane a ua ao mai oia ia’u e aloha a e pule maua nou i kela a me keia la. Na na Lani e haawi mai i no hoopo maikai ana nou e kuu kamaiki opio wahi a ka Ela me ka paipai ana iho ma ke poo.

  Ma keia wahi i komo mai ai ka Lede Dunarita iloko o ke keena, a o ke kumu o keia huli hoi awiwi mamuli no ia o ka loaa ana aku o kekahi hoike iaia mai @ahi o kana mau punahele i holo pupuahulu aku e hai no keia mau kukai olelo e ikeia nei maloko o ke keena.  I ka loaa ana aku o keia lohe iaia me ka mama nui i loaa i na lio kaa ua kamoe hou mai la kona ala me ka puahi nui no ka Abe, no ka mea, he hopohopo loa kona i na poe kipa aku o hoohulihuli ia ka manao o kana kane i kona mau waiwai a pau i hooilina aku ai maluna o laua.

  O na helehelena i uluhia ia e na haawina o ka piha inaina ka ua kaunawahine nei i hoike mai ai, a i ka ike ana aku o @a Ela Dunarita i na hiona pii kai o kona wahine e hili ole ai iaia ke hoomaalili aku i kona huhu. huli ae la oia a kuaoka aku la i ke kanaka malihini a me ke keiki opio no ka haalele ana iho i ua keena ala.  O ka moolelo o keia huakai ua hoopiha aku ia i ko Malevina puuwai me ka ehaeha, ua kali iho oia no kona kahea ia mai e hoea aku i ka Abe, aka, hale ae la nae hora oia la a uhi mai la ka po, aole loa he wahi kono i loaa mai iaia.

  Ma ke kakahiaka o kekahi la ae ua hoouna hou aku la oia i kana keiki e hele hou aku oia imua o ka Ela Dunarita a hoike aku i ko la kou pilikia, aole no i halawai mai ka huakai a ka opio me na pomaikai o ka huipu ana ma ka Ela, no ka mea, ua hoole ia mai la kona komo ana aku e kekahi kauwa lawelawe, a na kona leo okalakala i hoopiha aku i ka opio me ka makau nui, nana i kauoha koke iaia e haalele ko ke ino i ua home ala a huli hoi aku me ka awiwi no ka poli o kona mau makua me ka uwe ana.  Na keia nele hou ana o ka opio me na haawina pomaikai a me kona kipa ku pu ia ana mai, na ia mea i hoeha kuhohonu aka i ko Malevina naau a ike ia aku la kona mau waimaka e hiolo mai ana.

  Aole i hoomama kokeia na haawina o ke kaumaha a me ka luuluu e hekau ana maluna o Malevina a hiki wale i ka hohola ana mai o na eheu o ka po akahi no a akakuu mai kona mau ehaeha.  E hele au, i hooho ae ai ua ui ala me ke ku pu ana ae iluna.  A hoao aku e wawahi i na ipuka o kona puuwai uahoa.  O e hele au a kukuli haahaa aku imua o kuu makua a nonoi aku i kana mau huikala ana mai no ka hala a kana keiki i lawelawe ai.  E na lani e aloha mai ia’u.

  He po keia a kekahi ino nui e pahola ana, e haule makawalu ana na kulu pakaua me ke koikoi, o na kikiao makani huihui e pa ana la kou me ka ikaika, a o na alelo ma namana o ka uwila i ukaliia mai e na leo papaaina o ka hekili e hoomalamalama ana i na pae opua oia na haawina o ka ino i lawe mai ai no ia po.  Aka, oia mau haawina weliweli o ua po ala e ikeia nei aole loa ia hiki ke hookuemi i na kapuai o Malevina mai ka hele ana aku i ka Abe, kahi hookahi wale no ana i manaolana ai mailaila mai e loaa ai na kokua ana no lakou.

  Aole oia i ae i ko Fitilana ukali ana aku iaia, aka, malalo o na kiai a me na pulama ana a ke kamaaina i haalele iho ai ua ui aia i kana mau mea aloha a kuoe hookahi aku la me kona hoaloha iloko o ka po uli ma ke alanui e hiki aku ai i ka Abe.

  Aole o Malevina i hookaulua iho ma ka puka i ka hoea ana aku i ka home a kona mau la opio i noho ai a kamaaina, aka, ua komo aku l@ oia no loko a ka holo, malaila @ hui a i halawai aku ai oia me ka kaunawahine Dunarita a o ka @ kue o ka ae ole e nee hou aku imua oia ka ua hakuwahine nei i haawina mai ai ia Malevina.

  Wahi hou a ua haku wahine nei malalo o ke kauoha a ke Ela ua hookapu ia na kanaka a pau aole e lawe ia aku i ona ia.  E ae ma@ ia’u e kipa aku e ike iaia no ka wa pokole, me ka puili ana ae o Malevina i kona mau lima e naka ana i @anu, ma o kou aloha a me kou @komaikai ke nonoi haahaa aku noi ou ia ae ae ia mai ka’u noi.

  E hookaawale aku i keia wahine hehena mailoko aku o ka Abe, wa@ a ke Kaunawahine Dunarita i haawi ae ai i ke kauoha i kana mau kauwa me ka hoomau ana, e wiki a mai hoapa iho, a o ka mea e hoole he oie ana i keia e halawai no oia me popilikia.  No ka mea, o ka maluhia a me ka ihiihi o ka oukou haku ua hiki ole ia ke hoonioni ia aku.

  E like me ke kauoha i poha aku mai na lehelehe o ka Ela wahine e kipaku ana ia Malevina mai @ ipuka ponoi aku o ka home o kona makua, pela koke no ua kauoha ala i hooko ia aku ai me ke poewaewa ole, a iloko o na minute pokole a@ ua ui ala me kona hoaloha iloko @ ka pouli, ke alo hoomanawanui a @ i ka ua a me ka makani, ma ko laua alahela huli hoi no kahi a kana mau mea aloha e kali mai la nona.

  Ua olelo ia o ka ino o ua po ala@ he weliweli no ia e hiki ole ai i kahi mea ke kipaku aku i ka ilio a kona enemi, a ina pela ka oiaio alaik@ he makuahine kolea lokoino maoli keia i nele me na haawina aloha kanaka.

  O ke kaumaha a me ka luuluu ua papalua iho kona koikoi maluna @ Malevina  i keia manawa, aole @ leo i hoopuka ia mawaena o @ mau kamahele alo anu nei a hiki wale i ko laua hoea ana i kauhale.  A i ko Malevina ike ana aku i kana Fitizilana e kali mai ana nona m@ ka puka ua holo aku la oia me na waimaka e hioio ana a apo ae la @ ka ai o kana aloha, a ma ia wa p@, no hoi i hehee iho oia a maule aku la

(Aole i pau)

 

LALA HOU NO KA PAPA OLA.

  Ma ke kakahiaka Poakahi nei i hoike ae ai o Kiaaina Dole i kona manao imua o ka Aha Kuka o ke Aupuni no ka hookohu ana aku ia Paulo Isenabaga i hoa no ka Papa Ola ma ka noho o Uilama Olo i hoohakahaka ia.  He kanaka o Paulo Isenabaga i ike a i kamaaina nui i ko keia kulanakauhale, a he moho uo ka aoao Demokalaka ma keia kau koho balota aku nei.